တရုတ်နိုင်ငံ သမ္မတ ရှီကျင့်ဖိန်နှင့် ရုရှားနိုင်ငံ သမ္မတ ပူတင် ဗွီဒီယိုဖြင့် တွေ့ဆုံဆွေးနွေး

ပေကျင်း၊ ဒီဇင်ဘာ ၁၆ ရက်(ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်သည် ရုရှားနိုင်ငံ သမ္မတ ပူတင်နှင့် ဒီဇင်ဘာ ၁၅ ရက် ညနေပိုင်းက ပေကျင်းမြို့မှ ဗွီဒီယိုလင့်ခ်ဖြင့် တွေ့ဆုံဆွေးနွေးခဲ့သည်။

ထိုသို့ တွေ့ဆုံဆွေးနွေးရာ၌ သမ္မတရှီက ယခုနှစ် နှစ်ကုန်ပိုင်း အခါသမယတွင် ယခုနှစ်အတွင်း အဆွေတော်နှင့် ဒုတိယအကြိမ် ဗွီဒီယိုလင့်ခ်ဖြင့် တွေ့ဆုံဆွေးနွေးရသည့်အတွက် အထူးဝမ်းသာကြောင်း၊ ၎င်းမှာ ၂၀၁၃ ခုနှစ်မှစတင်ပြီး မိမိတို့၏ ၃၇ ကြိမ်မြောက် တွေ့ဆုံဆွေးနွေးခြင်း ဖြစ်ကြောင်း ဆိုသည်။

တရုတ်-ရုရှား ဆက်ဆံရေးသည် “၂၁ ရာစု နိုင်ငံချင်း ညှိနှိုင်းပူးပေါင်းဆောင်ရွက်သည့် စံနမူနာ”ဖြစ်သည်ဟု သမ္မတပူတင်က နေရာနယ်ပယ်အမြောက်အမြားတွင် ချီးကျူးထုတ်ဖော်ပြောကြားခဲ့သလို တရုတ်နိုင်ငံ၏ မိမိနိုင်ငံအမျိုးသားအကျိုးစီးပွား ကာကွယ်ထိန်းသိမ်းခြင်းကို အခိုင်အမာထောက်ခံကြောင်း၊ တရုတ်-ရုရှားဆက်ဆံရေး သွေးခွဲမှုများအား ဆန့်ကျင်ကြောင်း ပြောကြားခဲ့ရာ ထို့အပေါ် အထူးတန်ဖိုးထားပါကြောင်း၊ မိမိအနေဖြင့် အဆွေတော်နှင့်အတူ ယခုနှစ်၏နှစ်ဖက်ဆက်ဆံရေး ဖွံ့ဖြိုးတိုးတက်မှုရလဒ်သစ်များကို ပြန်လည်အနှစ်ချုပ်သုံးသပ်၍ ကဏ္ဍအသီးသီး ပူးပေါင်းဆောင်ရွက်မှုအတွက် စီမံချက်သစ်များရေးဆွဲကာ နှစ်နိုင်ငံဆက်ဆံရေး ရေရှည် အရည်အသွေးမြင့် ဖွံ့ဖြိုးတိုးတက်အောင် တွန်အားပေးဆောင်ရွက်လိုကြောင်း သမ္မတရှီကျင့်ဖိန်က ပြောကြားခဲ့သည်။

လက်ရှိ ကမ္ဘာတွင် နှစ်တစ်ရာ အပြောင်းအလဲနှင့် ရာစုနှစ်ကပ်ရောဂါ ရောယှက် ရိုက်ခတ်မှုများ ရှိနေရာ ကမ္ဘာကြီးသည် လှုပ်ခတ်မှုရှိသည့်အပြောင်းအလဲကာလသို့ ရောက်ရှိနေကြောင်း သမ္မတရှီက အလေးထားပြောကြားခဲ့သည်။
တရုတ်-ရုရှား ဆက်ဆံရေးသည် လှိုင်းဒဏ်လေဒဏ် အမျိုးမျိုး၏စမ်းသပ်မှုကို ဖြတ်သန်းခဲ့ပြီးနောက် ရှင်သန်မှုအားသစ်များကို ပြသခဲ့ပါကြောင်း ၊ မိမိအနေနှင့် အဆွေတော်သမ္မတနှင့်အတူ အရေးကြီးကဏ္ဍ ဆွေးနွေးညှိနှိုင်းဆောင်ရွက်မှုများထားရှိကာ နှစ်နိုင်ငံဆက်ဆံရေးအတွက် အတူ ပဲ့ကိုင်ရှေ့ဆောင်သွားမည် ဖြစ်ကြောင်း၊ “တရုတ်-ရုရှား အိမ်နီးချင်းကောင်း ချစ်ကြည်ရေး ပူးပေါင်းဆောင်ရွက်မှု စာချုပ်” သက်တမ်းတိုးရန် နှစ်ဖက်အတူ တရားဝင်ကြေညာခြင်းသည် ခေတ်အခါ၏အနက်အဓိပ္ပါယ်သစ်ကို ဖြည့်ဆည်းခြင်းဖြစ်ရာ အပြန်အလှန်အလေးထားသည့် အဓိကအကျိုးစီးပွားကဏ္ဍများတွင် အပြန်အလှန်ခိုင်မာသည့်ထောက်ခံမှု၊ မိမိနိုင်ငံအသီးသီး၏ဂုဏ်သိက္ခာနှင့် နှစ်နိုင်ငံ ဘုံအကျိုးစီးပွားကို ကာကွယ်စောင့်ရှောက်ခြင်း ဖြစ်ကြောင်း ဆိုသည်။

သမ္မတရှီက တရုတ်-ရုရှား ဘက်စုံ လက်တွေ့ပူးပေါင်းဆောင်ရွက်မှုများတွင် ကြီးမားသည့် နိုင်ငံရေးအားသာချက်နှင့်အခွင့်အလမ်းအားသာချက်များကို ပြသနိုင်ခဲ့ကြောင်း၊ နှစ်ဖက် ကုန်သွယ်ရေးသည် ပြီးခဲ့သည့် သုံးလပတ်ကာလ သုံးခုတွင် ပထမဆုံးအကြိမ်အဖြစ် အမေရိကန်ဒေါ်လာ ဘီလီယံ ၁၀၀ ကျော်ရှိခဲ့ရာ တစ်နှစ်ပတ်လုံးအတွက် စံချိန်သစ်တင် မြင့်တက်လာမည်ဟု ခန့်မှန်းရကြောင်း ပြောကြားခဲ့သည်။

တရုတ်-ရုရှား သိပ္ပံနည်းပညာ ဆန်းသစ်တီထွင်မှုနှစ် အောင်မြင်စွာ ကျင်းပခဲ့ရာ မဟာဗျူဟာစီမံကိန်းများကို အဆင်ပြေချောမွေ့စွာ အကောင်အထည်ဖော်ဆောင်ရွက်လျက်ရှိသလို “ရပ်ဝန်းနှင့်ပိုးလမ်းမ”အတူတည်ဆောက်ရေး(BRI)နှင့် ယူရေးရှန်းစီးပွားရေးအစုအဖွဲ့(EAEU)ချိတ်ဆက်မှုများ အဆင်ချောမွေ့စွာ ရှေ့တိုးဆောင်ရွက် လျက်ရှိပါကြောင်း၊ နှစ်နိုင်ငံသည် နိုင်ငံကြီး၏တာဝန်ဝတ္တရားများကို တက်ကြွစွာ ထမ်းဆောင်ခဲ့သလို နိုင်ငံတကာအသိုက်အဝန်း စည်းလုံးညီညွတ်စွာဖြင့် ကပ်ရောဂါတိုက်ဖျက်ရေး၊ ဒီမိုကရေစီနှင့်လူ့အခွင့်အရေး၏ မှန်ကန်သည့်အနက်အဓိပ္ပါယ်ဖွင့်ဆိုပြီး စစ်မှန်သည့် ဘက်ပေါင်းစုံဝါဒကို အကောင်အထည်ဖော်ဆောင်ရွက်မှု၊ နိုင်ငံတကာတရားမျှတမှု၏ ထောက်တိုင်အား ကာကွယ်ထိန်းသိမ်းခဲ့ကြောင်း ပြောကြားခဲ့သည်။

လာမည့်နှစ်၌ တရုတ်ကွန်မြူနစ်ပါတီက ၂၀ ကြိမ်မြောက် တရုတ်ကွန်မြူနစ်ပါတီ အမျိုးသားညီလာခံ ကျင်းပမည်ဖြစ်သလို ရုရှားနိုင်ငံသည် “၂၀၃၀ ပြည့်နှစ်မတိုင်မီ နိုင်ငံဖွံ့ဖြိုးရေးရည်မှန်းချက်”ကို အကောင်အထည်ဖော်မည့် အရေးကြီးကာလဖြစ်ကြောင်း၊ နှစ်ဖက်အနေဖြင့် အပြန်အလှန်တံခါးဖွင့် အခွင့်အလမ်းမျှဝေမှုအား ခိုင်မာစွာဆောင်ရွက်သွားသင့်ရာ ကမ္ဘာ့ဖွံ့ဖြိုးတိုးတက်ရေးအစီအစဉ်အား တွန်းအားပေး၍ နိုင်ငံတကာဆက်ဆံရေး ပုံစံသစ်တည်ဆောက်ရေး၊ လူသားမျိုးနွယ်အေးအတူပူအမျှအသိုက်အဝန်းတည်ဆောက်ရေးအတွက် အကျိုးဆောင်သွားသင့်ပါကြောင်း သမ္မတရှီကျင့်ဖိန်က ပြောကြားခဲ့သည်။

သမ္မတရှီက နောက်တစ်လကျော်ကြာလျှင် အဆွေတော်အနေဖြင့် တရုတ်နိုင်ငံသို့လာရောက်၍ ပေကျင်းဆောင်းရာသီအိုလံပစ် ဖွင့်ပွဲအခမ်းအနားကို တက်ရောက်ပြီး တရုတ်နိုင်ငံအပေါ်အားပေးထောက်ခံမှုအား လက်တွေ့ပြသမည်ဖြစ်ကြောင်း၊ ပေကျင်းသည် နွေရာသီ အိုလံပစ်အားကစားပွဲနှင့် ဆောင်းရာသီအိုလံပစ် အားကစားပါဲ ကျင်းပခဲ့သည် ကမ္ဘာ့ပထမဆုံးမြို့ဖြစ်လာမည် ဖြစ်ကြောင်း ဆိုသည်။
လက်ရှိ မိမိတို့အနေဖြင့် “ရိုးရှင်း၊ လုံခြုံ၊ အနှစ်သာရပြည့်ဝရေး” မူများအရ ကြိုတင်စီမံများကို အားသွန်ဆောင်ရွက်လျက်ရှိရာ ကဏ္ဍအသီးသီး လုပ်ငန်းများ အခြေခံအားဖြင့် အသင့်ဖြစ်နေပြီဖြစ်ပါကြောင်း၊ အိုလံပစ်အားကစား အပြန်အလှန်လည်ပတ်ရေးနှင့် လာမည့် ၂ နှစ်တာကာလတွင် နှစ်နိုင်ငံအကြား တရုတ်-ရုရှား အားကစားကဏ္ဍ ဖလှယ်ရေးနှစ်ကို ကျင်းပသွားမည်ဖြစ်ကြောင်း ၊ ထိုအခွင့်အလမ်းများမှတစ်ဆင့် အားကစားဖလှယ်ရေးအား နှစ်နိုင်ငံပြည်သူများ အပြန်အလှန်နားလည်မှု၊ ချစ်ကြည်ရေးပေါင်းကူးတံတားချိတ်ဆက်မှုကို တိုးမြှင့်အောင် ဆောင်ရွက်သွားကြရမည်ဖြစ်ကြောင်း ပြောကြားခဲ့သည်။

သမ္မတရှီကျင့်ဖိန်က အဆွေတော်၏ တရုတ်နိုင်ငံကိုလာရောက်မှုသည် ၂ နှစ်နီးပါးကြာကာလတွင် မိမိတို့၏ ပထမဆုံးအကြိမ် လူချင်းတွေ့ ဆွေးနွေးမှုဖြစ်လာမည် ဖြစ်ရာ ထိုအခါ အဆွေတော်နှင့်အတူ နှစ်ဖက်ဆက်ဆံရေး၊ နိုင်ငံတကာနှင့်ဒေသဆိုင်ရာ အရေးကြီးကိစ္စရပ်များအပေါ် ထဲထဲဝင်ဝင်ဆွေးနွေးဖလှယ်သွားဖို့ မျှော်လင့်ပြီး အရေးကြီးသဘောတူညီချက်အသစ်များ ပို၍ရရှိမည်ဟု ယုံကြည်ကြောင်း ပြောကြားခဲ့သည်။

မိမိအနေဖြင့် မိမိတို့”ဆောင်းရာသီအိုလံပစ် ချိန်းဆိုမှု”ကို အထူးမျှော်လင့်ပြီး အဆွေတော်နှင့် လက်ချင်းချိတ်ဆက်၍ “အနာဂတ်သို့ မျက်နှာမူ”ကာ ကပ်ရောဂါအလွန်ကာလ တရုတ်-ရုရှားဆက်ဆံရေး ကဏ္ဍသစ်ကို အတူဖွင့်လှစ်သွားလိုကြောင်း သမ္မတရှီက ဆိုသည်။

မကြာသေးမီက တရုတ်ကွန်မြူနစ်ပါတီ၏ ၁၉ ကြိမ်မြောက် ပါတီအမျိုးသားညီလာခံ ဆဋ္ဌမအကြိမ် မျက်နှာစုံညီအစည်းအဝေး အောင်မြင်စွာကျင်းပခဲ့ပြီး အစည်းအဝေးတွင် သမိုင်းဝင် ဆုံးဖြတ်ချက်သစ်အား ထုတ်ပြန်ခဲ့ရာ တရုတ်ကွန်မြူနစ်ပါတီ နှစ် ၁၀၀ ကြိုးပမ်းမှု ကြီးမားသည့်ရလဒ်နှင့် သမိုင်းအတွေ့အကြုံများကို ဘက်စုံအနှစ်ချုပ် သုံးသပ်မှုများပြုခဲ့ကြောင်း သမ္မတရှီကျင့်ဖိန်က ထုတ်ဖော်ပြောကြားခဲ့သည်။

မိမိမကြာခဏပြောခဲ့သလိုပင် မိမိတို့၏ ရည်မှန်းချက်သည် အလွန်ကြီးမားသလို အလွန်ရိုးရှင်းပါကြောင်း၊ ၎င်းမှာ တစ်နိုင်ငံလုံးပြည်သူတိုင်း နေထိုင်မှုဘဝကောင်းမွန်စေရန်သည် အရင်းခံ ဖြစ်ပြီး ပြည်သူ့ဗဟိုပြုခြင်းသည် မိမိတို့၏ နိုင်ငံရေးရာစီမံအုပ်ချုပ်မှုအတွေးအမြင်၏ရေသောက်မြစ်ဖြစ်ကြောင်း ဆိုသည်။

တရုတ်-ရုရှား နှစ်နိုင်ငံစလုံးသည် ကမ္ဘာတွင် ဩဇာရှိသည့် နိုင်ငံကြီးများဖြစ်သလို မိမိနိုင်ငံနှင့်ကိုက်ညီသော ဖွံ့ဖြိုးရေးလမ်းစဉ်များကိုလည်း ရှာဖွေတွေ့ရှိခဲ့ပါကြောင်း၊ တရုတ်နိုင်ငံအနေဖြင့် ရုရှား၏ နိုင်ငံရေရှည်တည်တံ့သည့်ငြိမ်းချမ်းရေးအား ကာကွယ်ထိန်းသိမ်းရန် ကြိုပမ်းမှုကို အစဉ်မပြတ် ခိုင်မာစွာ ထောက်ခံသွားမည်ဖြစ်ကြောင်း ၊ မိမိအနေဖြင့် အဆွေတော်နှင့်အတူ နိုင်ငံရေးရာစီမံအုပ်ချုပ်မှုအတွေ့အကြုံများကို အမြဲ နက်နဲစွာ ဆွေးနွေးဖလှယ်သွားလိုပြီး နှစ်နိုင်ငံဆက်ဆံရေး စဉ်ဆက်မပြတ် အဆင့်မြင့်ဖွံ့ဖြိုးတိုးတက်ရေးကို အတူရှေ့ဆောင်ကာ နှစ်နိုင်ငံ အမျိုးသားပြန်လည်ဖွံ့ဖြိုးတိုးတက်ရေးအား ဦးဆောင် အကောင်အထည်ဖော် ဆောင်ရွက်သွားလိုကြောင်း ပြောကြားခဲ့သည်။

လက်ရှိ နိုင်ငံတကာမျက်နှာစာတွင် အင်အားစုအချို့က “ဒီမိုကရေစီ”၊ “လူအခွင့်အရေး”ကို ဘန်းပြ၍ တရုတ်-ရုရှား နှစ်နိုင်ငံပြည်တွင်းရေးကို စွက်ဖက်ကာ နိုင်ငံတကာဥပဒေနှင့် အများအသိအမှတ်ပြုထားသည့် နိုင်ငံတကာဆက်ဆံရေးမူအား ကြမ်းကြုတ်စွာ နင်းချေဖျက်ဆီးမှု ရှိကြောင်း၊ တရုတ်-ရုရှား နှစ်ဖက် ပူးတွဲလှုပ်ရှားမှုများ ပိုမိုများပြားစွာ ဆောင်ရွက်ပြီး နှစ်ဖက် လုံခြုံရေးအကျိုးစီးပွားကို ထိရောက်စွာ ပို၍ကာကွယ်ထိန်းသိမ်းရမည်ဖြစ်ကြောင်း သမ္မတရှီက ထောက်ပြ ပြောကြားခဲ့သည်။

နိုင်ငံတကာရေးရာတွင် နှစ်ဖက်ညှိနှိုင်းပူးပေါင်းဆောင်ရွက်မှုတွေကို မြှင့်တင်၍ ကမ္ဘာလုံးဆိုင်ရာအစီအမံများ၏ စကားသံကို ပိုမိုပေါ်လွင်အောင် ထုတ်ဖော်ရမည်ဖြစ်ကြောင်း၊ ကပ်ရောဂါတိုက်ဖျက်ရေး၊ ဥတုရာသီပြောင်းလဲမှုစသည့် ကမ္ဘာလုံးဆိုင်ရာ ကိစ္စရပ်များတွင် လက်တွေ့ကျဆောင်ရွက်နိုင်သည့် နည်းလမ်းများ ပြသရမည်ဖြစ်ပြီး နိုင်ငံတကာနှင့်ဒေသရေးရာ ဂရုပြုဖွယ်ကိစ္စရပ်များကို ဖြေရှင်းရာတွင် နိုင်ငံတကာတရားမျှတမှုကို ခိုင်မာစွာ ကာကွယ်ထိန်းသိမ်းရမည်ဖြစ်သလို “ဘက်ပေါင်းစုံဝါဒ”နှင့်”စည်းမျဉ်းစည်းကမ်း”အရေခြုံသည့် ဗိုလ်ကျစိုးမိုးမှုနှင့် စစ်အေးခေတ်အတွေးအခေါ်ကို ပြတ်သားစွာ ဆန့်ကျင်သွားကြရမည်ဖြစ်ကြောင်း ဆိုသည်။

သမ္မတရှီက ပြီးခဲ့သည်နှစ်မှစ၍ ကပ်ရောဂါတိုက်ဖျက်ရေးပူးပေါင်းဆောင်ရွက်မှုများကို တရုတ်-ရုရှား နှစ်နိုင်ငံအတူ ဆောင်ရွက်ခဲ့ကြရာ အပြန်အလှန်ဖေးမကူညီသည့် နှစ်ဖက်ဆက်ဆံရေးအနက်ကို ဖွင့်လှစ်ပေးနိုင်ခဲ့သလို နိုင်ငံတကာအသိုက်အဝန်း စည်းလုံးညီညွတ်စွာ ကပ်ရောဂါတိုက်ဖျက်ရေးအတွက် တွန်းအားနှင့် လူသားမျိုးနွယ် ကျန်းမာရေး ကံကြမ္မာတူအကျိုးတူအသိုက်အဝန်း တည်ဆောက်ဖို့ရာ အပြုသဘော အကျိုးဆောင်မှုများ ရှိကြောင်း ပြောကြားခဲ့သည်။

ကပ်ရောဂါ နယ်စပ်ဖြတ်ကျော် ကူးစက်မှုကို တင်းကျပ်စွာ ကာကွယ်တားဆီးသည့်အခြေအနေတွင် နှစ်ဖက် စိတ်တူကိုယ်တူဖြင့် ပိတ်ဆို့မှုနေရာများ၌ ပိုမိုချောမွေ့စွာ သွားလာနိုင်ရေး လက်တွေ့နည်းလမ်းကို ရှာဖွေအကောင်အထည်ဖော် ဆောင်ရွက်သွားကြရမည်ဖြစ်ကြောင်း ၊ မိမိတို့အနေဖြင့် ရုရှားနိုင်ငံနှင့်အတူ ဗိုင်းရပ်စ်စစ်ဆေးခြင်း၊ ကာကွယ်ဆေးနှင့်ဆေးဝါး သုတေသနပြုထုတ်လုပ်ခြင်း ကဏ္ဍများ၏ ပူပေါင်းချိတ်ဆက်မှုများကို အားဖြည့်ဆောင်ရွက်သွားလိုကြောင်း သမ္မတရှီက ပြောကြားခဲ့သည်။

အခြေအနေသစ်တွင် ပူးပေါင်းဆောင်ရွက်မှု ကိတ်မုန့်ကို ပိုမိုကြီးမားလာအောင် ဖွံ့ဖြိုးရေးအခွင့်အလမ်းများကို နှစ်ဖက်အတူ မျှဝေသွားရမည်ဖြစ်ကြောင်း သမ္မတရှီကျင့်ဖိန်က ဆိုသည်။ တရုတ်-ရုရှား စွမ်းအင်ပူးပေါင်းဆောင်ရွက်မှု အခြေခံသည် ခိုင်မာပြီး ကိုက်ညီမှု အမြောက်အမြားရှိရာ နှစ်ဖက်အကြား သမားရိုးကျစွမ်းအင် ပူးပေါင်းဆောင်ရွက်မှု စသည်တို့ကို ခိုင်မာအောင် ဆောင်ရွက်ရမည်ဖြစ်သလို စွမ်းအင်သစ် ပူးပေါင်းဆောင်ရွက်မှု တိုးပွားလာသည့် ပမာဏကို ဖြည့်ဆည်းပေးရမည်ဖြစ်ကြောင်း ၊ နျူကလီးယားစွမ်းအင်ကဏ္ဍ အလုံးစုံပူးပေါင်းဆောင်ရွက်မှုကို တွန်းအားပေး၍ ပြန်လည်ပြည့်ဖြိုးမြဲစွမ်းအင်သို့ ချဲ့ထွင်ခြင်း စသည့် ပူးပေါင်းဆောင်ရွက်ရေး ဦးတည်ချက်သစ်များကို ဆွေးနွေးညှိနှိုင်းကြရမည် ဖြစ်ကြောင်း ပြောကြားခဲ့သည်။

သမ္မတရှီကျင့်ဖိန်က မိမိအနေဖြင့် ယခုနှစ် စက်တင်ဘာလ ၇၆ ကြိမ်မြောက် ကုလသမဂ္ဂအထွေထွေညီလာခံတွင် ကမ္ဘာလုံးဆိုင်ရာ ဖွံ့ဖြိုးတိုးတက်ရေးအဆိုပြုချက်ကို အဆိုပြုခဲ့ကြောင်း ဆိုသည်။ ၎င်းအဆိုပြုချက်သည် တရုတ်နိုင်ငံက အထူးသဖြင့် ဈေးကွက် ထွန်းသစ်စ နိုင်ငံများနှင့် ဖွံ့ဖြိုးဆဲနိုင်ငံများ၏ဈေးကွက်စိန်ခေါ်မှုကို ဂရုပြုသည့် ကုလသမဂ္ဂ ၂၀၃၀ပြည့်နှစ် ရေရှည်ဖွံ့ဖြိုးတိုးတက်ရေးအစီအစဉ်ကို အားထားဆောင်ရွက်မည့် ကမ္ဘာ့ပြည်သူ့ထုတ်ကုန်ပစ္စည်း နောက်ထပ်တစ်ခုပင်ဖြစ်ပါကြာင်း ၊ ကမ္ဘာလုံးဆိုင်ရာ စီမံခန့်ခွဲမှုကို ပြည့်စုံကောင်းမွန်အောင်၊ ကမ္ဘာ့ဖွံ့ဖြိုးတိုးတက်ရေးလုပ်ငန်းတွန်းအားဖြစ်အောင် တရုတ်နိုင်ငံက ရုရှားနှင့်အတူ အားဖြည့်ပူးပေါင်းဆောင်ရွက်သွားလိုပါကြောင်း ပြောကြားခဲ့သည်။

ဒေသရေးရာ ပူးပေါင်းဆောင်ရွက်မှုများနှင့်စပ်လျဉ်း၍ သမ္မတရှီကျင့်ဖိန်က ရှန်ဟိုင်းပူးပေါင်းဆောင်ရွက်မှုအဖွဲ့(SCO)တည်ထောင်သည့် နှစ်ပေါင်း ၂၀ ကာလတွင် တရုတ်-ရုရှားနှစ်နိုင်ငံသည် အစဉ်အမြဲ အဆင့်မြင့်မဟာဗျူဟာ ညှိနှိုင်းဆောင်ရွက်မှုများ ထိန်းသိမ်းထားရှိပြီး အခြားအဖွဲ့ဝင်နိုင်ငံများနှင့်အတူ “ရှန်ဟိုင်းစိတ်ဓါတ်”ကို ခိုင်မာစွာ လိုက်နာဆောင်လျက်ရှိရာ စည်းလုံးညီညွတ်မှုဦ အပြန်အလှန်ယုံကြည်မှုများ မပြတ်တိုးပွားလာသလို ကဏ္ဍစုံပူးပေါင်းဆောင်ရွက်မှုများ နက်နဲလာကြောင်း ထောက်ပြပြောကြားခဲ့သည်။

နှစ်ဖက်အနေဖြင့် SCO အဖွဲ့ဝင်နိုင်ငံများ တည်ငြိမ်စွာ ပြည်တွင်းအရေးကြီးနိုင်ငံရေးလုပ်ငန်းစဉ်များကို တိုးတက်အောင် ဆောင်ရွက်ရန် ထောက်ခံအားပေးရမည်ဖြစ်ပြီး ဒေသတွင်းနိုင်ငံများ၏ပြည်တွင်းရေးကို ပြင်ပအင်အားစု မည်သည့်အကြောင်းပြချက်နှင့်မျှ ဝင်ရောက်စွက်ဖက်ခွင့် ပြုရမည် မဟုတ်ကြောင်း ၊ SCO အဖွဲ့၏ ဖွံ့ဖြိုးရေး ဦးတည်ချက်ကို ခိုင်ခိုင်မာမာ ဆုပ်ကိုင်ကာ စည်းလုံးညီညွတ်စွာ ပူးပေါင်းဆောင်ရွက်ခြင်း၊ ဘေးအန္တရာယ်များကို အတူရင်ဆိုင်ခြင်း၊ တံခါးဖွင့်ပေါင်းစည်းသွားလာခြင်း၊ အပြန်အလှန် သင်ယူလေ့လာခြင်း၊ တရားမျှတ သမာတမတ်ကျသည့် လမ်းစဉ်ကို လျှောက်လှမ်းရမည် ဖြစ်ကြောင်း၊ တရုတ်နိုင်ငံသည် ရုရှားနှင့်အတူ အဖွဲ့လိုက်လုံခြုံရေးသဘောတူညီချက်အဖွဲ့ဝင်နိုင်ငံများနှင့်တကွ ပူးပေါင်းဆောင်ရွက်မှုအမျိုးမျိုးကို လိုအပ်သလိုဆောင်ရွက်ကာ ဒေသတွင်း လုံခြုံရေးနှင့်တည်ငြိမ်အေးချမ်းရေးကို ကာကွယ် ထိန်းသိမ်းသွားလိုကြောင်း ပြောကြားခဲ့သည်။

BRICနိုင်ငံများ ပူးပေါင်းဆောင်ရွက်မှုနှင့်စပ်လျဉ်း၍ သမ္မတရှီက တရုတ်နိုင်ငံသည် လာမည့်နှစ်တွင် BRIC အဖွဲ့ဝင်နိုင်ငံများ၏ ဥက္ကဋ္ဌတာဝန်ကို ယူရမည်ဖြစ်ရာ ၁၄ ကြိမ်မြောက် ခေါင်းဆောင်များ တွေ့ဆုံဆွေးနွေးပွဲစသည့်လှုပ်ရှားမှုများကို ကြီးမှူးကျင်းပသွားမည်ဖြစ်ကြောင်း ဆိုသည်။ မိမိတို့အနေဖြင့် ရုရှားနိုင်ငံနှင့်အတူ အဆင့်မြင့် မဟာဗျူဟာ ညှိနှိုင်းဆောင်ရွက်မှုများ ထားရှိကာ BRICနိုင်ငံ ကဏ္ဍအသီးသီးပူးပေါင်းဆောင်ရွက်မှုများ နက်ရှိုင်းအောင် ဘက်စုံ ဆောင်ရွက်သွားလိုကြောင်း၊ စစ်မှန်သည့် ဘက်ပေါင်းစုံဝါဒ အကောင်အထည်ဖော်ဆောင်ရန် အဆိုပြုသွားမည်ဖြစ်သလို ဘက်ပေါင်းစုံ ကုန်သွယ်ရေးစနစ်ကို အားပေးထောက်ခံပြီး တံခါးဖွင့်ကမ္ဘာ့စီးပွားရေးကို တည်ဆောက်သွားမည်ဖြစ်ကြောင်း ၊ BRIC လက်တွေ့ပူးပေါင်းဆောင်ရွက်ကို အမိအရ ဆုပ်ကိုင်ကာ ပြည်သူ့ကျန်းမာရေးကဏ္ဍ ပူးပေါင်းဆောင်ရွက်မှုများကို ထဲထဲဝင်ဝင်ဆောင်ရွက်သွားမည်ဖြစ်ကြောင်း “BRIC+”ပုံစံကို တိုးချဲ့၍ ပူးပေါင်းဆောင်ရွက်မှု အကျိုးရလဒ် အတိုင်းအတာကို တိုးချဲ့သွားမည်ဖြစ်ကြောင်း ၊ တရုတ်-ရုရှား နှစ်နိုင်ငံအတူ ကြိုးပမ်းမှုတွင် လာမည့်နှစ် BRICပူးပေါင်းဆောင်ရွက်ခြင်းသည် အပြုသဘောရလဒ်ကောင်းများကို မလွဲမသွေရနိုင်မည်ဟု ယုံကြည်ကြောင်း ပြောကြားခဲ့သည်။

ကုလသမဂ္ဂလုံခြုံရေးကောင်စီ ပူးပေါင်းဆောင်ရွက်မှုနှင့်စပ်လျဉ်း၍ သမ္မတ ရှီကျင့်ဖိန်က လက်ရှိအခြေအနေတွင် လုံခြုံရေးကောင်စီအမြဲတမ်းအဖွဲ့တင် နိုင်ငံ (၅)နိုင်ငံသည် ကပ်ရောဂါတိုက်ဖျက်ရေးပူးပေါင်းဆောင်ရွက်မှုကို ထဲထဲဝင်ဝင်ဆောင်ရွက်ရန်၊ နိုင်ငံတကာ ငြိမ်းချမ်းရေးနှင့်လုံခြုံရေးကို ထိန်းသိမ်းရန်၊ စီးပွားရေးပြန်လည်ရှင်သန်မှုကို မြှင့်တင်ရာတွင် ညှိနှိုင်းဆောင်ရွက်မှုများအား တိုးမြှင့်ရန်၊ နိုင်ငံတကာအသိုက်အဝန်း အများမျှော်လင့်နေမှုအား အပြုသဘောဆောင် တုန့်ပြန်ပေးရန် လိုအပ်ပါကြောင်း ၊ တရုတ်နိုင်ငံသည် ရုရှားနိုင်ငံနှင့်အတူ နီးကပ်သည့် ညှိနှိုင်းဆွေးနွေးမှုများ ထားရှိလိုကြောင်း ပြောကြားခဲ့သည်။

ထို့အပြင် နှစ်နိုင်ငံ ခေါင်းဆောင်များက လက်ရှိ နိုင်ငံကြီးဆက်ဆံရေးနှင့်ဒီမိုကရေစီအရေးကိစ္စများအပေါ် အမြင်သဘောထားခြင်း ဖလှယ်ခဲ့ကြကြောင်း သိရသည်။

သမ္မတ ရှီကျင့်ဖိန်က ဒီမိုကရေစီသည် လူသားတစ်ရပ်လုံး၏ ကောင်းမွန်သည့်လိုလားရာနှင့်ဘုံစံတန်ဖိုးဖြစ်သလို နိုင်ငံအသီးသီးပြည်သူများ၏ အခွင့်အရေးလည်းဖြစ်ကြောင်း အလေးထားပြောကြားခဲ့သည်။ နိုင်ငံတစ်နိုင်ငံတွင် ဒီမိုကရေစီရှိမရှိ၊ ဒီမိုကရေစီကို မည်သို့ ပိုမိုကောင်းမွန်စွာ ဖော်ဆောင်ရန်မှာ ၎င်းနိုင်ငံ၏ပြည်သူများကသာ အဆုံးအဖြတ်ပေးနိုင်ကြောင်း၊ နိုင်ငံတကာရေးရာ၌ နိုင်ငံအသီးသီးက အတူဆွေးနွေးတိုင်ပင် ဆောင်ရွက်သင့်ရာ နိုင်ငံတကာဆက်ဆံရေး ဒီမိုကရေစီအသွင်ပြောင်းရန်၊ စစ်မှန်သည့် ဘက်ပေါင်းစုံဝါဒ အကောင်အထည်ဖော်ရန်သည် အများ၏ဆန္ဒနှင့်လားရာ ဖြစ်ကြောင်း ၊ တရုတ်နိုင်ငံသည် ရုရှားနိုင်ငံနှင့်အတူ ညှိနှိုင်းဆွေးနွေးဆောင်ရွက်မှုများ မြှင့်တင်ကာ နိုင်ငံတကာအသိုက်အဝန်းတွင် မှန်ကန်သည့် ဒီမိုကရေစီအမြင် ထားရှိဖို့ ရှေ့ဆောင် လျှောက်လှမ်းပြီး နိုင်ငံအသီးသီး၏ မှန်ကန်သည့် ဒီမိုကရေစီအခွင့်အရေးကို ကာကွယ်သွားလိုကြောင်း ပြောကြားခဲ့သည်။

ရုရှား သမ္မတ ပူတင်က လက်ရှိ ရုရှား-တရုတ် ဆက်ဆံရေးသည် ယခင်ကမရှိခဲ့ဖူးသည့် သမိုင်းဝင် အကောင်းဆုံးအချိန်အခါသို့ ရောက်ရှိနေခြင်းဖြစ်ကြောင်း ဆိုသည်။ နှစ်နိုင်ငံအကြား မဟာဗျူဟာ အပြန်အလှန်ယုံကြည်မှု မြင့်မားကြောင်းကို ထင်ဟပ်ပြသနေရာ အပြန်အလှန် ပြည်တွင်းရေးအား မစွက်ဖက်ခြင်း၊ အပြန်အလှန်အကျိုးစီးပွားအား နှစ်ဖက်လေးစားမှုပေါ်အခြေခံ၍ ဘုံအကျိုးဖြစ်ထွန်းအောင် ဖော်ဆောင်သည့် စံနမူနာ တည်ဆောက်နိုင်ခဲ့ရာ ၂၁ ရာစု နိုင်ငံတကာ ဆက်ဆံရေး၏ စံပြနမူနာဟုပင် ခေါ်ဆိုနိုင်ကြောင်း ပြောကြားခဲ့သည်။

ယခုနှစ်သည် “ရုရှား-တရုတ် အိမ်နီးချင်းကောင်း ချစ်ကြည်ရေး ပူးပေါင်းဆောင်ရွက်မှု စာချုပ်”ချုပ်ဆိုခဲ့သည် နှစ် ၂၀ ပြည့်ကာလဖြစ်ပြီး ယင်းစာချုပ်အား ထပ်မံသက်တမ်းတိုးကြောင်း နှစ်နိုင်ငံ တရားဝင်ကြေညာခဲ့ကြောင်း၊ ကိုဗစ်ကပ်ရောဂါ ရိုက်ခတ်မှုကို နှစ်ဖက်အတူ ကျော်လွှားကာ နီးကပ်သည့်အသွားအလာထားရှိ၍ ကုန်သွယ်စီးပွား၊ စွမ်းအင်း၊ သိပ္ပံနည်းပညာစသည့် ကဏ္ဍအသီးသီး လက်တွေ့ပူးပေါင်းဆောင်ရွက်များ တည်ငြိမ်စွာတိုးတက်လာအောင် တက်ကြွစွာ တွန်းအားပေး ဆောင်ရွက်ခဲ့သလို နိုင်ငံတကာနှင့်ဒေသရေးရာကိစ္စရပ်များတွင် ညှိနှိုင်းဆွေးနွေးမှုများ ပြုလုပ်ခဲ့ကြောင်း ဆိုသည်။

ရုရှား-တရုတ် မဟာဗျူဟာ ညှိနှိုင်းဆောင်ရွက်မှုသည် နိုင်ငံတကာအထူးဂရုပြုသည့်ကိစ္စရပ်များကို ထိရောက်စွာ ဖြေရှင်းနိုင်ခြင်း၊ နိုင်ငံတကာငြိမ်းရေးကို ထိန်းသိမ်းခြင်း၏ အရေးကြီးအပြုသဘောဆောင်သည့် အကြောင်းအရင်းတစ်ခု ဖြစ်သလို နိုင်ငံတကာဥပဒေကိုအခြေခံသည် နိုင်ငံတကာအခင်းအကျင်းကို ခိုင်မာအောင် ဆောင်ရွက်ရာတွင် အရေးကြီးသည့် အခန်းကဏ္ဍမှပါဝင်ကြောင်း ပြောကြားခဲ့သည်။

မိမိအနေဖြင့် တရုတ်နိုင်ငံသို့ သွားရောက်၍ ပေကျင်းဆောင်းရာသီအိုလံပစ် ဖွင့်ပွဲအခမ်းအနားကို တက်ရောက်ဖို့ မျှော်လင့်ပါကြောင်း၊ ရုရှားနိုင်ငံသည် အားကစားကို နိုင်ငံရေးအသွင်ပြောင်းသည့် ကြံစည်မှုများကို ဆန့်ကျင်ကန့်ကွက်ကြောင်း သမ္မတ ပူတင်က ပြောကြားခဲ့သည်။

တရုတ်နိုင်ငံသို့ ရောက်ရှိသည့်အခါတွင် အဆွေတော်နှင့်အတူ ဂရုပြုသည့်အရေးကြီးကိစ္စရပ်များအပေါ် အမြင်သဘောထားချင်း နက်ရှိုင်းစွာ ဖလှယ်သွားပြီး ရုရှား-တရုတ် ဆက်ဆံရေး ရေရှည်အဆင့်မြင့် ဖွံ့ဖြိုးတိုးတက်ရန် တွန်းအားပေး ဆောင်ရွက်သွားလိုကြောင်း၊ ကုန်သွယ်စီးပွား၊ ရေနံ၊ ဘဏ္ဍာရေး၊ လေကြောင်းအာကာသ စသည့်ကဏ္ဍများနှင့် မဟာဗျူဟာမြောက် စီမံကိန်းကြီးများ၏ ပူးပေါင်းဆောင်ရွက်မှုကို တရုတ်နိုင်ငံနှင့်အတူ ဆက်လက်အားဖြည့်ဆောင်ရွက်သွားကာ ယူရေးရှန်းစီးပွားရေးအစုအဖွဲ့(EAEU) နှင့် ရပ်ဝန်းနှင့်ပိုးလမ်းမစီမံကိန်း ချိတ်ဆက်မှုများကို တွန်းအားပေး ဆောင်ရွက်သွားလိုကြောင်း၊ ကပ်ရောဂါတိုက်ဖျက်ရေးပူးပေါင်းဆောင်ရွက်မှုကို မြှင့်တင်သွားမည်ဖြစ်ပြီး ကပ်ရောဂါ နိုင်ငံရေးအသွင်ပြောင်းမှုကို ဆန့်ကျင်သွားမည်ဖြစ်ကြောင်း ၊ လူမှုယဉ်ကျေးမှုဖလှယ်ရေးကဏ္ဍကို တစ်ဆင့်မြှင့်တင်ဆောင်ရွက်သွားမည်ဖြစ်ရာ လာမည့် ၂ နှစ် အားကစား ဖလှယ်ရေးနှစ်အား ကောင်းမွန်စွာ ဆောင်ရွက်သွားမည် ဖြစ်ကြောင်း ဆိုသည်။

ရုရှားနိုင်ငံသည် တရုတ်နိုင်ငံ၏ ထိုင်ဝမ်ရေးရာနှင့်ပတ်သတ်သည့် ရပ်တည်ချက်အား အခိုင်မာဆုံး ထောက်ခံအားပေးသွားမည်ဖြစ်ပြီး ထိုင်ဝမ်အရေး၌ တရုတ်နိုင်ငံအကျိုးစီးပွားကို ထိခိုက်အောင် ဆောင်ရွက်သည့် မည်သည့်အင်အားစုကိုမဆို ပြတ်သားစွာ ဆန့်ကျင်သွားမည်ဖြစ်ကြောင်း ၊ အာရှပစိဖိတ်ဒေသတွင် အုပ်စုအဖွဲ့ငယ် တည်ဆောက်သည့် မည်သည့်ပုံစံမျိုးကိုမဆို ပြတ်ပြတ်သားသား ဆန့်ကျင်သွားမည်ဖြစ်ကြောင်း ၊ ရုရှား-တရုတ် ဆက်ဆံရေးကို သွေးခွဲသည့် မည်သည့်ကြံစည်မှုမျိုးမဆို အောင်မြင်မည်မဟုတ်ကြောင်း သမ္မတ ပူတင်က ပြောကြားခဲ့သည်။

ရုရှားနိုင်ငံအနေဖြင့် တရုတ်နိုင်ငံနှင့်အတူ ရှန်ဟိုင်းပူးပေါင်းဆောင်ရွက်မှုအဖွဲ့(SCO)၊ ကုလသမဂ္ဂလုံခြုံရေးကောင်စီစသည့် ဘက်ပေါင်းစုံပလက်ဖောင်တွင် နီးကပ်သည့် ညှိနှိုင်းဆွေးနွေးမှုများကို ဆက်လက် နက်ရှိုင်းစွာ ဆောင်ရွက်လိုကြောင်း၊ လာမည့်နှစ်တွင် BRICအဖွဲ့ ဥက္ကဋ္ဌနိုင်ငံအဖြစ် တရုတ်နိုင်ငံက ဆောင်ရွက်မှုကို အားပေးထောက်ခံကြောင်း ၊ ရုရှား-တရုတ် နှစ်နိုင်ငံ ပြည်တွင်းရေးနှင့် နှစ်နိုင်ငံ မှန်ကန်သည့်ဖွံ့ဖြိုးတိုးတက်ရေးမှုအကျိုးစီးပွားအား တားဆီးဟန့်တားသည့် ကြံစည်မှုများကို ပြတ်ပြတ်သားသားဆန့်ကျင်ကန့်ကွက်ကြောင်း ၊ နိုင်ငံတကာ တရားမျှတမှု၊ နိုင်ငံတကာမဟာဗျူဟာလုံခြုံရေးနှင်တည်ငြိမ်အေးချမ်းရေးကို ကာကွယ်ထိန်းသိမ်းသွားမည်ဖြစ်ကြောင်း ၊ နိုင်ငံအသီးသီး စစ်မှန်သည့် ဒီမိုကရေစီအခွင့်အလမ်းကို ကာကွယ်ထိန်းသိမ်းရာတွင် ရုရှားနိုင်ငံက တရုတ်နိုင်ငံနှင့်အတူ ညှိနှိုင်းဆွေးနွေး ဆောင်ရွက်သွားလိုကြောင်း ပြောကြားခဲ့သည်။

အစည်းအဝေးတွင် နှစ်ဖက်ခေါင်းဆောင်များ အတူဂရုပြုကြသည့် နိုင်ငံတကာနှင့်ဒေသရေးရာ ကိစ္စရပ်များအား အမြင်သဘောထားချင်း ဖလှယ်ခဲ့ကြကြောင်း သိရသည်။

နှစ်နိုင်ငံ ခေါင်းဆောင်များသည် လာမည့်နှစ် ဖေဖော်ဝါရီလတွင် ပေကျင်း၌ တွေ့ဆုံရန် ကတိပြုခဲ့ကြကြောင်း သိရသည်။

အဆိုပါအစည်းအဝေးကို တင်းရွှဲရှန်၊ ဝမ်ရိ၊ ဟယ်လိဖုန်း စသည်တို့ ပါဝင်ရောက်ခဲ့ကြောင်း သိရသည်။ (Xinhua)

………………………………
(Chinese Version)
（外事）习近平同俄罗斯总统普京举行视频会晤
2021-12-15 19:28:47
新华社北京12月15日电（记者杨依军）国家主席习近平12月15日下午在北京同俄罗斯总统普京举行视频会晤。
习近平指出，很高兴在岁末之际同你举行今年第二次视频会晤，这也是2013年以来我们的第三十七次会晤。你在多个场合称赞中俄关系是“21世纪国家间协作的典范”，坚定支持中方捍卫本国核心利益，反对离间中俄的企图。我对此高度赞赏，愿同你一道，全面总结今年双边关系发展新成果，对各领域合作作出新规划，推动两国关系持续高质量发展。
习近平强调，当前，世界百年变局和世纪疫情交织影响，世界进入动荡变革期。中俄关系经受住各种风浪考验，展示出新的生机活力。我同总统先生通过多种方式就重大议题保持沟通和协调，共同为中俄关系把舵领航。双方正式宣布《中俄睦邻友好合作条约》延期并赋予其新的时代内涵，在涉及彼此核心利益问题上坚定相互支持，捍卫了各自国家尊严和两国共同利益。
习近平指出，中俄全方位务实合作展现出巨大政治优势和机遇优势。双边贸易额在前三个季度首次突破千亿美元大关，全年有望再创新高。中俄科技创新年圆满闭幕，一系列战略性大项目顺利实施，共建“一带一路”同欧亚经济联盟对接顺利推进。两国积极展现大国担当，团结国际社会抗击疫情，阐述民主和人权的正确内涵，成为践行真正的多边主义、维护国际公平正义的中流砥柱。
习近平指出，明年，中国共产党将召开二十大，俄罗斯将进入落实《2030年前国家发展目标》的关键时期。双方应该坚持互予共享开放机遇，坚持推动全球发展议程，为建设新型国际关系、构建人类命运共同体发挥作用。
习近平强调，再过一个多月，你即将访华并出席北京冬奥会开幕式，以实际行动展示对中方办会的支持。北京即将成为世界上首个既举办过夏季奥运会、又举办过冬季奥运会的城市。目前，我们正按照“简约、安全、精彩”的原则全力筹备，各项工作已经基本就绪。我们将实现奥运互访，明后两年中俄还将举办中俄体育交流年。要以此为契机，让体育交流成为增进两国人民相互了解和友谊的桥梁和纽带。你这次访华也将是我们近两年来首次线下会晤。我期待同你届时就双边关系、重大国际和地区问题进行深入交流，相信我们将达成更多新的重要共识。我对我们的“冬奥之约”十分期待，愿同你携手“一起向未来”，共同开启后疫情时期中俄关系崭新篇章。
习近平指出，不久前，中共十九届六中全会胜利召开，会议通过并发表了一个新的历史决议，全面总结中国共产党百年奋斗重大成就和历史经验。我常说，我们的目标很宏伟，也很朴素，归根结底就是让全体中国人民都过上好日子。以人民为中心是我们的根本执政理念。中俄两国都是具有世界影响的大国，也都找到了符合本国国情的发展道路。中方将一如既往坚定支持俄方为维护国家长治久安所作的努力。我愿经常同你坦诚深入交流治国理政经验，共同引领中俄关系持续高水平发展，引领两国实现民族复兴。
习近平指出，当前，国际上某些势力打着“民主”、“人权”的幌子对中俄两国内政横加干涉，粗暴践踏国际法和公认的国际关系准则。中俄双方要开展更多联合行动，更加有效维护双方的安全利益。双方要加强在国际事务中的协调和配合，在全球治理上发出更加响亮的声音，就抗疫、气候变化等全球性问题拿出切实可行的方案，在解决国际和地区热点问题中坚定捍卫国际公平正义，坚决反对披着“多边主义”和“规则”外衣的霸权行径和冷战思维。
习近平指出，去年以来，中俄积极开展抗疫合作，生动诠释了守望相助的双边关系内涵，也为推动国际社会团结抗疫、构建人类卫生健康共同体作出了积极贡献。双方要多想办法，相向而行，在严防疫情跨境传播前提下，落地更多疏通“堵点”的实际举措。我们也愿加强同俄方在病毒检测、疫苗和药物研发方面的合作对接。
习近平指出，新形势下，双方要共享发展机遇，做大合作蛋糕。抓住新一轮科技革命和产业变革机遇，加快前沿科技产业合作。中俄能源合作基础牢固，契合点多，双方要巩固传统能源合作存量，补充新能源合作增量，推进核能领域一揽子合作，探讨拓展可再生能源等新合作方向。
习近平指出，今年9月，我在第七十六届联合国大会上提出全球发展倡议。这是中方着眼各方特别是新兴市场国家和发展中国家面临的市场挑战，致力于落实联合国2030年可持续发展议程提供的又一全球公共产品。中方愿同俄方加强合作，为完善全球治理、推进全球发展事业发挥作用。
关于地区合作，习近平指出，上海合作组织成立20年来，中俄始终保持高水平战略协作，同其他成员国一道坚定遵循“上海精神”，不断增进团结互信，深入开展各领域合作。双方要支持本组织各成员国平稳推进国内重要政治议程，决不允许外部势力以任何借口干涉地区国家内政。要牢牢把握上海合作组织发展正确方向，走团结合作、安危共担、开放融通、互学互鉴、公平正义之路。中方愿继续同俄方和集体安全条约组织成员国开展灵活多样的合作，维护地区安全和稳定。
关于金砖合作，习近平指出，中方将于明年担任金砖国家主席国，主办领导人第十四次会晤等活动。我们愿同俄方保持高水平战略协作，推动金砖国家全面深化各领域合作。倡导践行真正的多边主义，支持多边贸易体制，建设开放型世界经济。抓好金砖务实合作，深化公共卫生合作，拓展“金砖+”模式，扩大金砖合作的受益范围。我相信，在中俄共同努力下，明年的金砖合作一定能够取得积极成果。
关于联合国安理会合作，习近平指出，当前形势下，安理会5个常任理事国有必要就深化抗疫合作、维护国际和平和安全、促进经济复苏加强协调，积极回应国际社会的普遍期待。中方愿同俄方保持密切沟通。
双方就当前大国关系和民主问题交换意见。习近平强调，民主是全人类的美好追求和共同价值，也是各国人民的权利。一个国家是否民主，如何更好实现民主，只能由本国人民来评判。国际上的事应当由各国共同商量着办，推行国际关系民主化、践行真正的多边主义才是人心所向、大势所趋。中方愿同俄方加强沟通协调，引导国际社会树立正确的民主观，捍卫各国正当民主权利。
普京表示，当前俄中关系正处于前所未有的历史最好时期，体现出高度的战略互信，树立了在互不干涉内政、相互尊重彼此利益基础上实现互利共赢的榜样，堪称21世纪国际关系的典范。今年是《俄中睦邻友好合作条约》签署20周年，俄中正式宣布条约延期。双方克服新冠肺炎疫情影响，保持密切交往，积极推动经贸、能源、科技等各领域务实合作稳步发展，就国际和地区问题开展沟通协调。俄中战略协作已经成为有效解决各种国际热点问题、维护国际和平的重要积极因素，为巩固以国际法为基础的国际秩序发挥了重要作用。我期待很快访华并出席北京冬奥会开幕式，俄方一贯反对将体育政治化的图谋。我期待届时同你就共同关心的重要问题深入交换意见，推动俄中关系持续高水平发展。俄方愿同中方继续加强经贸、油气、金融、航空航天等领域以及战略性大项目合作，推进欧亚经济联盟同“一带一路”倡议进一步对接。加强抗疫合作，反对将疫情政治化。进一步加强人文交流，搞好明后两年体育交流年。俄方将最坚定地支持中国政府在涉台问题上的正当立场，坚决反对任何势力借涉台问题损害中方利益，坚决反对在亚太地区组建任何形式的“小圈子”，任何挑拨离间俄中关系的图谋都不会得逞。俄方愿同中方继续深化在上海合作组织、联合国安理会等多边场合的密切协作，支持中方明年担任金砖国家主席国工作，坚决反对干涉俄中两国内政和遏制两国正当发展利益的企图，捍卫国际公平正义，维护国际战略安全与稳定。俄方愿同中方就维护各国真正民主权利问题加强沟通。
双方还就其他共同关心的国际和地区问题交换了意见。
两国元首相约明年2月北京见。
丁薛祥、王毅、何立峰等参加上述活动。（完）
12月15日下午，国家主席习近平在北京同俄罗斯总统普京举行视频会晤。新华社记者 黄敬文 摄