Connect with us

Politics, Law & Military

တရုတ်နိုင်ငံ သမ္မတ ရှီကျင့်ဖိန်နှင့် အမေရိကန်နိုင်ငံ သမ္မတ ဂျိုးဘိုင်ဒန် ဖုန်းဖြင့် ဆက်သွယ်ဆွေးနွေး

ပေကျင်း၊ စက်တင်ဘာ ၁၀ ရက်(ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်သည် ဖိတ်ကြားချက်အရ စက်တင်ဘာ ၁၀ ရက် နံနက်ပိုင်းတွင် အမေရိကန်နိုင်ငံ သမ္မတ ဂျိုးဘိုင်ဒန်နှင့်အတူ တယ်လီဖုန်းဖြင့် တရုတ်-အမေရိကန် ဆက်ဆံရေး၊ နှစ်ဖက်အလေးထားဂရုပြုကြသည့် သက်ဆိုင်ရာအရေးကိစ္စများကို ပွင့်လင်း၊နက်ရှိုင်းစွာဖြင့် မဟာဗျူဟာမြောက် ကျယ်ကျယ်ပြန့်ပြန့် ဆွေးနွေးဖလှယ်ခဲ့ကြသည်။ထိုသို့ဆွေးနွေးရာတွင် သမ္မတရှီက Idaဟာရီကိန်းမုန်တိုင်း တိုက်ခတ်မှုကြောင့် အမေရိကန်နိုင်ငံ နေရာအများအပြားတွင် လူသူသေဆုံးဒဏ်ရာရမှုနှင့်ငွေကြေးဥစ္စာဓနဆုံးရှုံးမှုများ ဖြစ်ပွားခဲ့သည့်အတွက် သမ္မတ ဘိုင်ဒန်နှင့် အမေရိကန်ပြည်သူများအား ဝမ်းနည်းနှစ်သိမ့်ပါကြောင်း ဦးစွာပြောကြားခဲ့ရာ ထို့အပေါ် ဘိုင်ဒန်က ကျေးဇူးတင်ရှိကြောင်း ပြန်လည်ပြောကြားခဲ့သည်။

ကာလအပိုင်းအခြားတစ်ခုတွင် အမေရိကန်၏တရုတ်အပေါ်ထားရှိသည့် မူဝါဒကြောင့် နှစ်နိုင်ငံဆက်ဆံရေး ဆိုးဝါးသည့်အကျပ်အတည်းနှင့်ကြုံတွေ့ခဲ့ရကြောင်း၊ ၎င်းမှာ နှစ်နိုင်ငံပြည်သူများ၏ အခြေခံအကျိုးစီးပွား၊ ကမ္ဘာ့နိုင်ငံအသီးသီး၏ ဘုံအကျိုးစီးပွားနှင့်ကိုက်ညီမှုမရှိကြောင်း သမ္မတရှီက ပြောကြားခဲ့သည်။

တရုတ်-အမေရိကန်နှစ်နိုင်ငံသည် အကြီးဆုံးဖွံ့ဖြိုးဆဲနိုင်ငံနှင့် အကြီးဆုံး ဖွံ့ဖြိုးပြီးနိုင်ငံဖြစ်ရာ နှစ်ဖက်အပြန်အလှန်ဆက်ဆံရေးကောင်းမွန်အောင် စီမံဆောင်ရွက်နိုင်မှုရှိမရှိသည် ကမ္ဘာ့အနာဂတ်ကံကြမ္မာနှင့်သက်ဆိုင်သလို နှစ်နိုင်ငံ မဖြစ်မနေ ဖြေဆိုရမည့် ရာစုနှစ်မေးခွန်းကြီးလည်းဖြစ်ကြောင်း ၊ တရုတ်-အမေရိကန် ပူးပေါင်းဆောင်ရွက်မှုက နှစ်နိုင်ငံအတွက်သာမက ကမ္ဘာကြီးအတွက်ပါ အကျိုးဖြစ်ထွန်းစေပြီး နှစ်ဖက်ထိပ်တိုက်တွေ့မှုက နှစ်နိုင်ငံနှင့်ကမ္ဘာကြီးအတွက် ဘေးဒုက္ခဖြစ်စေမည်ဖြစ်ကြောင်း ၊ တရုတ်-အမေရိကန် ဆက်ဆံရေးသည် ကောင်းမွန်နိုင်မှုရှိမရှိဆိုသည့် ရွေးချယ်မှုမေးခွန်းမဟုတ်ဘဲ မည်သို့ကောင်းမွန်အောင် ဆောင်ရွက်ရမည်ဆိုသည့် မဖြစ်မနေ ဖြေဆိုရမည့်မေးခွန်းပင် ဖြစ်ကြောင်း ၎င်းက ဆိုသည်။

တရုတ်ရှေးကဗျာတွင် “တောတောင်ရေမြေအထပ်ထပ်ကြောင့် လမ်းမမြင်ကမ်းမမြင်ဟု ထင်ရပေမယ့် ၊ အမှောင်ကိုကျော်လျှင် အလင်းရောင်ပြန်လည်တွေ့ပြန်ပြီ”ဆိုသည့် သီဖွဲ့မှုအတိုင်း တရုတ်-အမေရိကန်နှစ်နိုင်ငံသည် ၁၉၇၁ ခုနှစ်မှစ၍ နှစ်ဖက်ဆက်ဆံရေး ရေခဲမှတ်ကို ကျော်လွန်ပြီးနောက် လက်တွဲပူးပေါင်းဆောင်ရွက်ခဲ့ရာ နိုင်ငံအသီးသီးအတွက် လက်တွေ့ကျသည့်ကောင်းကျိုးများကို ဆောင်ကြဉ်းပေးနိုင်ခဲ့ကြောင်း သမ္မတရှီကျင့်ဖိန်က အလေးထား ပြောကြားခဲ့သည်။

လက်ရှိ နိုင်ငံတကာအသိုက်အဝန်းတွင် ဘုံအကျပ်အတည်းအခက်အခဲ အများအပြား ရင်ဆိုင်ကြုံတွေ့ရလျက်ရှိရာ တရုတ်-အမေရိကန် နှစ်နိုင်ငံသည် အမြင်ကျယ်ကျယ်၊သဘောထားကြီးစွာဖြင့် တာဝန်ဝတ္တရားများကို အတူထမ်းပိုးရင်း ခိုင်မာစွာ ရှေ့သို့ ရှေးရှုလျှောက်လှမ်းကာ မဟာဗျူဟာရဲဝံ့မှုနှင့်နိုင်ငံရေးသတ္တိဖြင့် နှစ်နိုင်ငံဆက်ဆံရေး တည်ငြိမ်စွာဖွံ့ဖြိုးတိုးတက်စေသည့် လမ်းကြောင်းမှန်ကို တွန်းအားပေးဆောင်ရွက်ရမည်ဖြစ်ပြီး နှစ်နိုင်ငံပြည်သူနှင့်ကမ္ဘာ့နိုင်ငံအသီးသီးပြည်သူများ၏ အကျိုးစီးပွားကို ပို၍ကောင်းမွန်စွာ ဖော်ဆောင်ရမည်ဖြစ်ကြောင်း သမ္မတရှီက ပြောကြားခဲ့သည်။

သမ္မတရှီက ရာသီဥတုပြောင်းလဲမှုစသည့်အရေးကိစ္စများတွင် တရုတ်နိုင်ငံ၏ ရပ်တည်ချက်ကို ပြောကြားခဲ့ရာ တရုတ်နိုင်ငံအနေဖြင့် ဂေဟစနစ်ကိုဦးစားပေး၍ အစိမ်းရောင်ကာဗွန်နည်းဖွံ့ဖြိုးရေးလမ်းစဉ်ကို ခိုင်မာစွာ လျှောက်လှမ်းသွားမည်ဖြစ်ကြောင်း၊ မိမိနိုင်ငံအခြေအနေနှင့်လျော်ညီသည့် နိုင်ငံတကာတာဝန်များကို အမြဲ တက်ကြွစွာ ထမ်းဆောင်သွားမည်ဖြစ်ကြောင်း ပြောကြားခဲ့သည်။ အဓိက အလေးအနက်ဂရုပြုသည့်ကိစ္စရပ်များတွင် အပြန်အလှန်လေးစားခြင်း၊ ကွဲလွဲမှုများကို သင့်လျော်ကောင်းမွန်အောင် ထိန်းချုပ်ခြင်းပေါ်တွင် အခြေခံ၍ နှစ်နိုင်ငံ သက်ဆိုင်ရာဌာနများက ထိတွေ့ဆွေးနွေးမှုများ ဆက်လက်ပြုလုပ်နိုင်ကြောင်း၊ ရာသီဥတုပြောင်းလဲမှု၊ ကပ်ရောဂါကာကွယ်ထိန်းချုပ်ရေး၊ စီးပွားရေးပြန်လည်နိုးထရေး၊ နိုင်ငံတကာနှင့်ဒေသရေးရာအရေးကြီးကိစ္စရပ်များတွင် ညှိနှိုင်းပူးပေါင်းဆောင်ရွက်မှုများကို တွန်းအားပေးဆောင်ရွက်ရင်း တစ်ချိန်တည်းမှာပင် ပူးပေါင်းဆောင်ရွက်မှုအလားအလာများကို ရှာဖွေ၍ နှစ်နိုင်ငံဆက်ဆံရေးအပြုသဘောဆောင်သည့် အကြောင်းအရင်းများကို ထပ်ဖြည့်ဆောင်ရွက်သွားရမည်ဖြစ်ကြောင်း သမ္မတရှီကျင့်ဖိန်က ပြောကြားခဲ့သည်။

အမေရိကန်နိုင်ငံ သမ္မတ ဂျိုးဘိုင်ဒန်ကလည်း ကမ္ဘာတွင် လျင်မြန်စွာ ပြောင်းလဲမှုများနှင့် ကြုံတွေ့ရလျက်ရှိရာ အမေရိကန်-တရုတ် ဆက်ဆံရေးသည် ကမ္ဘာတွင် အရေးကြီးဆုံး နှစ်ဖက်ဆက်ဆံရေးဖြစ်ကြောင်း၊ အမေရိကန်-တရုတ် မည်သို့ အပြန်အလှန်ဆက်ဆံမှုသည် ကမ္ဘာ့အနာဂတ်ကို သက်ရောက်မည်ဖြစ်ကြောင်း ပြောကြားခဲ့သည်။

နှစ်နိုင်ငံအနေဖြင့် ယှဉ်ပြိုင်မှုကြောင့် ပဋိပက္ခအဖြစ်သို့ ခြေကျွံသွားရန် အကြောင်းအရင်းမရှိကြောင်း ၊ တရုတ်တစ်နိုင်ငံတည်းမူဝါဒကို အမေရိကန်အနေဖြင့် ပြောင်းလဲဖို့ သဘောထားမရှိကြောင်း ၊ တရုတ်နိုင်ငံနှင့်အတူ ရိုးသားပွင့်လင်းသည့်ဖလှယ်မှုနှင့်အပြုသဘောဆောင်သည့် ဆွေးနွေးမှုများ ပို၍ ဆောင်ရွက်သွားလိုကြောင်း၊ နှစ်ဖက်အကြား ပူးပေါင်းဆောင်ရွက်နိုင်သည့် အဓိကကဏ္ဍနှင့်ဦးစားပေးကဏ္ဍများကို အတည်ပြုရမည်ဖြစ်ပြီး အထင်အမြင်လွဲမှားမှုနှင့်မတော်တဆပဋိပက္ခများကို ရှောင်ရှားကာ နှစ်နိုင်ငံဆက်ဆံရေး လမ်းကြောင်းမှန်ပြန်လည်ရောက်ရှိအောင် တွန်းအားပေးဆောင်ရွက်ရမည်ဖြစ်ကြောင်း၊ ရာသီဥတုပြောင်းလဲမှုစသည့်အရေးကြီးကဏ္ဍများ၏ ညှိနှိုင်းပူးပေါင်းဆောင်ရွက်မှုကို တရုတ်နိုင်ငံနှင့်အတူ အားဖြည့်ဆောင်ရွက်သွားကာ သဘောတူညီမှုများ ပိုမိုရရှိလာစေလိုကြောင်း သမ္မတဘိုင်ဒန်က ပြောကြားခဲ့သည်။

တရုတ်-အမေရိကန် ဆက်ဆံရေးနှင့် အရေးကြီးသည့် နိုင်ငံတကာကိစ္စများတွင် ထဲထဲဝင်ဝင်ဆွေးနွေးညှိနှိုင်းခြင်းသည် နှစ်နိုင်ငံဆက်ဆံရေး မှန်ကန်စွာဖွံ့ဖြိုးတိုးတက်ရေးအတွက် အလွန်အရေးကြီးရာ နည်းလမ်းအသွယ်သွယ်ဖြင့် ပုံမှန်ဆက်သွယ်မှုများ ဆက်လက်ထားရှိရန် နှစ်နိုင်ငံခေါင်းဆောင်များက တစ်ပြေးညီသဘောတူညီခဲ့ပြီး နှစ်နိုင်ငံဆက်ဆံရေး ရှေ့သို့ တိုးတက်နိုင်စေဖို့ နှစ်ဖက် လုပ်ငန်းအဆင့်များ လုပ်ငန်းဆောင်တာများကို အလျင်အမြန်လုပ်ဆောင်ရန် တွေ့ဆုံဆွေးနွေးမှုများ ကျယ်ကျယ်ပြန့်ပြန့်လုပ်ဆောင်ရန် ပြောကြားခဲ့သည်။ (Xinhua)

————————————————-
(English Version)

(国际)习近平同美国总统拜登通电话

新华社北京9月10日电国家主席习近平9月10日上午应约同美国总统拜登通电话,就中美关系和双方关心的有关问题进行了坦诚、深入、广泛的战略性沟通和交流。

习近平首先就飓风“艾达”造成美国多地人员伤亡和财产损失向拜登和美国人民表示慰问。拜登对此表示感谢。
习近平指出,一段时间以来,美国采取的对华政策致使中美关系遭遇严重困难,这不符合两国人民根本利益和世界各国共同利益。中美分别是最大的发展中国家和最大的发达国家,中美能否处理好彼此关系,攸关世界前途命运,是两国必须回答好的世纪之问。中美合作,两国和世界都会受益;中美对抗,两国和世界都会遭殃。中美关系不是一道是否搞好的选择题,而是一道如何搞好的必答题。

习近平强调,中国古诗曰:“山重水复疑无路,柳暗花明又一村。”中美自1971年双边关系“破冰”以来,携手合作,给各国带来实实在在的好处。当前,国际社会面临许多共同难题,中美应该展现大格局、肩负大担当,坚持向前看、往前走,拿出战略胆识和政治魄力,推动中美关系尽快回到稳定发展的正确轨道,更好造福两国人民和世界各国人民。

习近平阐述了中方在气候变化等问题上的立场,强调中方坚持生态优先、走绿色低碳的发展道路,一直积极主动承担同自身国情相符的国际责任。在尊重彼此核心关切、妥善管控分歧的基础上,两国有关部门可以继续接触对话,推进在气候变化、疫情防控、经济复苏以及重大国际和地区问题上的协调和合作,同时挖掘更多合作潜力,为两国关系增添更多积极因素。

拜登表示,世界正在经历快速变化,美中关系是世界上最重要的双边关系,美中如何互动相处很大程度上将影响世界的未来。两国没有理由由于竞争而陷入冲突。美方从无意改变一个中国政策。美方愿同中方开展更多坦诚交流和建设性对话,确定双方可以开展合作的重点和优先领域,避免误解误判和意外冲突,推动美中关系重回正轨。美方期待同中方就气候变化等重要问题加强沟通合作,形成更多共识。
双方一致认为,中美元首就中美关系和重大国际问题深入沟通对引领中美关系正确发展非常重要,同意继续通过多种方式保持经常性联系,将责成双方工作层加紧工作、广泛对话,为中美关系向前发展创造条件。(完)