Connect with us

Economy

နှစ်ပေါင်း ၄၀ တွင် တရုတ်နိုင်ငံ ရှမန်အထူးစီးပွားရေးဇုန်ဖွင့်လှစ်လိုက်သည့် ကဏ္ဍသစ်

ရှမန်၊ ဒီဇင်ဘာ ၂၄ ရက်(ဆင်ဟွာ)

ရှမန် အထူးစီးပွားရေးဇုန် (SEZ) တည်ထောင်ခြင်း နှစ် ၄၀ ပြည့် အထိမ်းအမှတ်အခမ်းအနားကို တရုတ်နိုင်ငံ အရှေ့ပိုင်း ဖူကျန့်ပြည်နယ်တွင် အင်္ဂါနေ့က ကျင်းပခဲ့သည်။
ရှမန် အထူးစီးပွားရေးဇုန်သည် တရုတ်နိုင်ငံ၏ ပထမအသုတ် စီပွားရေးဇုန်ကြီး ၄ ခုတွင် ပါဝင်ပြီး တရုတ်နိုင်ငံ ပြုပြင်ပြောင်းလဲရေးနှင့်တံခါးဖွင့်ဝါဒ၊ ရေလက်ကြားဖြတ်ကျော် ပူးပေါင်းဖလှယ်ဆောင်ရွက်ရေးကို မြှင့်တင်သည့် ရှေ့ပြေးဧရိယာဖြစ်သည်။ယခုနှစ်ပိုင်းများတွင် တံခါးဖွင့်မူဝါဒများ အရှိန်အဟုန်မြှင့် ကျင့်သုံးလာခြင်းနှင့်အတူ ထိုင်ဝမ်ရေလက်ကြားတစ်ဖက် ထိုင်ဝမ်အား မျက်နှာမူထားသော ရှမန်သည် တံခါးဖွင့်ဝါဒနှင့် အရည်အသွေးမြင့်ဖွံဖြိုးတိုးတက်ရေးကဏ္ဍသစ်ကို ဖွင့်လှစ်လျှောက်လှမ်းနေပြီဖြစ်သည်။

တရုတ်နိုင်ငံ အရှေ့တောင်ပိုင်း ဖူကျန့်ပြည်နယ် ရှမန်မြို့ရှိ ရှမန်အထူးစီးပွားရေးဇုန် တည်ထောင်ခြင်း နှစ် ၄၀ ပြည့် အထိမ်းအမှတ်အခမ်းအနား ကျင်းပနေသည်ကို ဒီဇင်ဘာ ၂၁ ရက် တွေ့ရစဉ်(ဆင်ဟွာ)

ရှမန်သည် ပြီးခဲ့သော ဆယ်စုနှစ်များက ပြုပြင်ပြောင်းလဲရေးနှင့်တံခါးဖွင့်စနစ်ကျင့်သုံးမှုတွင် ဖွံ့ဖြိုးတိုးတက်ရေးအရှိန်အဟုန်ကို ရှာဖွေလျက်ရှိသည်။၁၉၈၀ ပြည့်နှစ် အောက်တိုဘာတွင် တရုတ်နိုင်ငံတော်ကောင်စီ သို့မဟုတ် အစိုးရအဖွဲ့က ရှမန်တွင် အထူးစီးပွားရေးဇုန်တည်ဆောက်ရန် အတည်ပြုခဲ့သည်။ ထိုသို့အတည်ပြုပြီးနောက်တစ်နှစ်တွင် တည်ဆောက်မှုများ တရားဝင်စတင်ခဲ့သလို နောက်ပိုင်းတွင် တိုးချဲ့တည်ဆောက်မှု နှစ်ကြိမ်ပြုလုပ်ခဲ့ရာ ယခုအခါ ၎င်းစီးပွားရေးဇုန်သည် ရှမန်တစ်မြို့လုံးကို လွှမ်းခြုံနိုင်ခဲ့ပြီဖြစ်သည်။

တရုတ်နိုင်ငံ အရှေ့တောင်ပိုင်း ဖူကျန့်ပြည်နယ် ရှမန်မြို့ရှိ ရှမန်အပြည်ပြည်ဆိုင်ရာ ကွန်ဖရင့်စင်တာနှင့် အနီးဝန်းကျင်အဆောက်အအုံများအား ဒီဇင်ဘာ ၉ ရက်က တွေ့ရစဉ်(ဆင်ဟွာ)

မူဝါဒများများစွာ ထုတ်ပြန်ကာ အကောင်အထည်ဖော်ဆောင်ရွက်ပြီးနောက် ရှမန်သည် ကမ္ဘာ့စီးပွားရေးစနစ်တွင် ပေါင်းစည်းနိုင်ရန် ကြိုးပမ်းဆောင်ရွက်မှုများကြားမှ Fortune Global 500 ကုမ္ပဏီလုပ်ငန်းအမြောက်အများကို ဆွဲဆောင်နိုင်ခဲ့ပြီး ဘက်ပေါင်းစုံ၊အလွှာစုံ အခင်းအကျင်းပုံစံကို ဖော်ဆောင်ခဲ့သည်။

၂၀၂၀ ပြည့်နှစ်မကုန်မီ Fortune Global 500 ၏ ကုမ္ပဏီလုပ်ငန်း ၆၃ ခုသည် ရှမန်တွင် ရင်းနှီးမြုပ်နှံမှု စီမံကိန်း ၁၁၄ ခု ရှိပြီး လက်တွေ့အသုံးပြုသည့် ပြည်ပရင်းနှီးမြုပ်နှံမှုပမာဏ အမေရိကန်ဒေါ်လာ ၃.၆၃ ဘီလီယံရှိကြောင်း ရှမန် မြူနီစပယ် စာရင်းအင်းဌာနက ဆိုသည်။

တရုတ်နိုင်ငံ အရှေ့တောင်ပိုင်း ဖူကျန့်ပြည်နယ် ရှမန်မြို့ရှိ BRICS စက်မှုတော်လှန်ရေးကဏ္ဍသစ် ပြပွဲတွင် ပြသထားသော ဂျက်လေယာဉ်ပုံစံအား စက်တင်ဘာ ၈ ရက်က တွေ့ရစဉ်(ဆင်ဟွာ)

ရှမန်၏ နိုင်ငံခြားကုန်သွယ်ရေးသည် ၁၉၈၀ ပြည့်နှစ်က အမေရိကန်ဒေါ်လာ ၁၄၁ သန်း ရှိရာမှ ၂၀၂၀ပြည့်နှစ်တွင် ယွမ်ငွေ ၆၉၁.၆ ဘီလီယံ(ကန်ဒေါ်လာ ၁၀၈.၆ ဘီလီယံခန့်) တိုးတက်လာရာ နှစ်စဉ် ပျမ်းမျှ ၁၈ ရာခိုင်နှုန်းဖြင့် မြှင့်တက်လာခြင်း ဖြစ်ကြောင်း တရားဝင်အချက်အလက်များတွင် ဖော်ပြထားသည်။ ၎င်း၏ အသုံးချနိုင်ငံခြားရင်းနှီးမြုပ်နှံမှုသည် ၁၉၈၃ ခုနှစ်က အမေရိကန်ဒေါ်လာ ၈ သန်းမှ ၂၀၂၀ပြည့်နှစ်တွင် ယွမ် ၁၆.၆ ဘီလီယံအထိ မြင့်တက်ခဲ့ရာ နှစ်စဉ် ပျမ်းမျှ ၁၆.၉ ရာခိုင်နှုန်းဖြင့် တိုးတက်လာခြင်းဖြစ်သည်။
ဇန်နဝါရီလမှ နိုဝင်ဘာလအတွင်း ရှမန်၏ နိုင်ငံခြားကုန်သွယ်ရေးသည် ယွမ် ၈၁၄.၂ ဘီလီယံ အထိရောက်ရှိခဲ့ရာ ပြီးခဲ့သည်နှစ်ကထက် ၂၉.၃ ရာခိုင်နှုန်းတိုးမြှင့်လာခြင်းဖြစ်ပြီး ထိပ်တန်းကုန်သွယ်ရေးမိတ်ဖက်များက အာဆီယံ၊ အမေရိကန်နှင့် ဥရောပသမဂ္ဂနိုင်ငံများ ဖြစ်ကြောင်း ရှမန်အကောက်ခွန်အာဏာပိုင်များ၏ စာရင်းအင်းများအရ သိရသည်။

“ရှမန်မှာက မူဝါဒနဲ့အခွင့်အလမ်းရှိတယ်။ဒီလို စီးပွားရေးလုပ်ဆောင်ဖို့ကောင်းတဲ့ ပတ်ဝန်းကျင်က ဒီမှာ ထပ်တိုးရင်းနှီးမြုပ်နှံမှုတွေလုပ်ဖို့ အားပေးမှုပါပဲ” ဟု ABB Electrification China၏ ဥက္ကဋ္ဌဖြစ်သူ James Zhaoက ဆိုသည်။

နှစ်ပေါင်း ၄၀ ကြာကာလ ရှမန်၏ စီးပွားရေးနှစ်စဉ်တိုးတက်မှုသည် ၁၅ ရာခိုင်နှုန်းရှိပြီး၊ ၂၀၂၀ပြည့်နှစ်တွင် ရှမန်၏ ပြည်တွင်းအသားတင်ထုတ်ကုန်သည် ယွမ် ၆၃၈.၄ ဘီလီယံ၊ တစ်ဦးချင်း GDP သည် အမေရိကန်ဒေါ်လာ ၂၀,၀၀၀ ရှိခဲ့ကြောင်း သိရသည်။

လက်ရှိတွင် နိုင်ငံခြားရင်းနှီးမြုပ်နှံမှုကုမ္ပဏီများသည် ယင်းမြို့ရှိ စက်မှုလုပ်ငန်းထွက်ကုန်၏ ၇၀ ရာခိုင်နှုန်းခန့် ရှိပြီး စီပွားရေးတိုးတက်မှု ၆၀ ရာခိုင်နှုန်းနှင့် နိုင်ငံခြားကုန်သွယ်ရေး ၄၀ ရာခိုင်နှုန်းရှိသည်။

၂၀၁၅ ခုနှစ်က တရုတ်နိုင်ငံ (ဖူကျန့်) လွတ်လပ်သောကုန်သွယ်ရေးဇုန် ရှမန်ဧရိယာနှင့် ရှမန်၏ တရုတ်-ဥရောပ ကုန်ရထားဝန်ဆောင်မှု စတင်ပြီးနောက် ယင်းမြို့၏ တံခါးဖွင့်ဝါဒအရှိန်အဟုန်က တိုးမြင့်လာခဲ့သည်။

ဖူကျန့် လွတ်လပ်သောကုန်သွယ်ရေးဇုန် ရှမန်ဧရိယာတွင် ဆန်းသစ်တီထွင်မှု အစီအမံ ၅၀၀ နီးပါးကို ထုတ်ပြန်ထားကြောင်း ရှမန်ဧရိယာ စီမံခန့်ခွဲရေးကော်မတီဝင် Dai Bin က ပြောသည်။

ယခုအချိန်ထိ လေကြောင်း ပြုပြင်ထိန်းသိမ်းရေးကုမ္ပဏီ ၁၀ခုကျော်သည် ရှမန်တွင် အခြေစိုက်ထားခြင်းဖြစ်ပြီး ယင်းနယ်ပယ်တွင် ၎င်းတို့၏ ထုတ်လုပ်မှုတန်ဖိုးသည် တစ်နိုင်ငံလုံး၏ လေးပုံတစ်ပုံရှိကြောင်း သိရသည်။

၂၀၁၇ ခုနှစ်က ၉ ကြိမ်မြောက် BRICS ထိပ်သီးဆွေးနွေးပွဲကို အိမ်ရှင်အဖြစ် လက်ခံကျင်းပခဲ့သည့် ရှမန်မြို့သည် BRICS နိုင်ငံများနှင့်ပူးပေါင်းဆောင်ရွက်မှုကိုလည်း မပြတ်အားဖြည့်ဆောင်ရွက်ခဲ့ရာ BRICS မိတ်ဖက်နိုင်ငံများ စက်မှုတော်လှန်ရေး ဆန်းသစ်တီထွင်မှု စင်တာအသစ်ကို ပြီးခဲ့သည့်နှစ် ဒီဇင်ဘာက ရှမန်မြို့တွင် စတင်ဖွင့်လှစ်ခဲ့သည်။

ရှမန်၏ ပိုးလမ်းမ သင်္ဘောဖြင့်ပို့ဆောင်ရေးဝန်ဆောင်မှုကို ၂၀၁၈ ခုနှစ်က စတင်ဆောင်ရွက်ခဲ့ရာ ရပ်ဝန်းနှင့်ပိုးလမ်းမတစ်လျှောက်နိုင်ငံများရှိ ဒါဇင်နှင့်ချီသော ဆိပ်ကမ်း၊ သယ်ယူပို့ဆောင်ရေးနှင့်ထောက်ပို့ဝန်ဆောင်မှုလုပ်ငန်းများက ၂၀၁၈ ခုနှစ် နှစ်ကုန်ပိုင်းတွင် ပူးတွဲဆောင်ရွက်ခဲ့ခြင်း ဖြစ်သည်။ ထို့နောက် ၃ နှစ်အကြာတွင် ပိုးလမ်းမ သင်္ဘောဖြင့်ပို့ဆောင်ရေးဝန်ဆောင်မှု အဖွဲ့ဝင် ၂၀၀ ကျော်ရှိခဲ့ရာ လက်ရှိတွင် လမ်းကြောင်း ၈၆ ခုဖြင့် နိုင်ငံပေါင်း ၂၉ နိုင်ငံက ဆိပ်ကမ်းပေါင်း ၁၀၂ ခုသို့ သွားလာနိုင်နေပြီဖြစ်ကြောင်း Fujian Silk Road Maritime Management Company၏ လက်ထောက်အထွေထွေမန်နေဂျာ Li Nanက ပြောကြားခဲ့သည်။

ထိုင်ဝမ်နှင့်အနီးဆုံးဖြစ်သည့် ပြည်မကြီးမြို့များအနက် တစ်ခုဖြစ်သော ရှမန်သည် ရေလက်ကြားဖြတ်ကျော် ကူးလူးဖလှယ်ရေးနှင့် ဒေသတွင်းပူးပေါင်းဆောင်ရွက်မှု၏ အချက်အချာတစ်ခုဖြစ်သည်။

ရှမန်သည် ရေလက်ကြားဖြတ်ကျော် ပေါင်းစည်းဖွံ့ဖြိုးတိုးတက်ရေး သရုပ်ပြဇုန်အဖြစ် တည်ဆောက်သွားမည်ဖြစ်ပြီး ထိုင်ဝမ်မွေးချင်းများနှင့်စီးပွားရေးလုပ်ငန်းရှင်များ ပြည်မကြီးသို့လာရောက်ရန် ပထမဆုံးရွေးချယ်သည့်နေရာ ဖြစ်လာမည်ဖြစ်ကြောင်း ရှမန်မြို့ရှိ ထိုင်ဝမ်၊ ဟောင်ကောင်၊ မကာအိုဒေသရေးရာရုံး အကြီးအကဲ Liu Jinzhuက ဆိုသည်။

“၂၁ ရာစု ပင်လယ်ရေကြောင်းပိုးလမ်းမ မဟာဗျူဟာအချက်အချာတည်ဆောက်မှုအား ထဲထဲဝင်ဝင်ဆောင်ရွက်နေပြီး ဒေသတွင်း ဘက်စုံစီးပွားရေး မိတ်ဖက်ဆက်ဆံမှု (RCEP) နှင့် ချိတ်ဆက်မှုက ရှမန်၏ အဆင့်မြင့် တံခါးဖွင့်ဝါဒကျင့်သုံးခြင်းအတွက် လမ်းညွှန်မှုပေးပါလိမ့်မယ်” ဟု Fujian Normal University စီးပွားရေးဌာန ပါမောက္ခ Huang Maoxing က ဆိုသည်။ (Xinhua)

————————————–
(English Version)

China Focus: 40 years on, Xiamen SEZ starts new opening-up chapter
2021-12-22 20:06:14
XIAMEN, Dec. 22 (Xinhua) — China on Tuesday held a gathering to mark the 40th anniversary of the establishment of the Xiamen Special Economic Zone (SEZ) in east China’s Fujian Province.

The Xiamen SEZ is among China’s first batch of four special economic zones, serving as a pilot area for the country’s reform and opening-up and promoting cross-Strait cooperation and exchanges.

With a spate of new opening-up policies rolled out in recent years, Xiamen, a city facing Taiwan across the Taiwan Strait, is opening a new chapter of opening-up and high-quality development.

Xiamen has been seeking growth momentum from reform and opening-up over the past decades.
In October 1980, the State Council, or the cabinet, approved the establishment of the Xiamen SEZ. Its construction officially started the following year. Later, the SEZ expanded twice. Now, it covers the entire city of Xiamen.

After implementing a series of policies, Xiamen has formed a comprehensive and multi-level opening-up pattern, attracting scores of Fortune Global 500 companies amid efforts to integrate into the global economic system.

By the end of 2020, 63 Fortune Global 500 companies had invested 114 projects in Xiamen, with foreign investment in actual use totaling 3.63 billion U.S. dollars, said the Xiamen municipal bureau of statistics.

Official data shows that Xiamen’s foreign trade increased from 141 million U.S. dollars in 1980 to 691.6 billion yuan (about 108.6 billion U.S. dollars) in 2020, with an average annual growth of 18 percent. Its utilized foreign investment increased from 8 million U.S. dollars in 1983 to 16.6 billion yuan in 2020, with an average yearly growth of 16.9 percent.
From January to November, the total foreign trade of Xiamen reached 814.2 billion yuan, up 29.3 percent year on year, with ASEAN, the United States, and the European Union the city’s top three trading partners, statistics with Xiamen customs authorities show.

“There are policies and opportunities in Xiamen, and its good business environment encourages us to continue to increase investment here,” said James Zhao, president of ABB Electrification China.

Over the past 40 years, Xiamen achieved average annual economic growth of 15 percent. Its gross domestic product reached 638.4 billion yuan in 2020, with per capita GDP exceeding 20,000 U.S. dollars.

Currently, foreign-funded companies contribute about 70 percent of the city’s industrial output, 60 percent of its economic growth, and 40 percent of its foreign trade.
The city’s opening-up has been gaining momentum since the Xiamen Area of China (Fujian) Pilot Free Trade Zone and the city’s China-Europe freight train service were launched in 2015.

Nearly 500 innovative measures have been rolled out in the Xiamen Area of the Fujian FTZ, according to Dai Bin, an official with the Xiamen Area administration committee.
So far, more than ten aviation maintenance companies have established businesses in Xiamen, with their output in this field accounting for about one-fourth of the country’s total.
As the host of the ninth BRICS summit in 2017, Xiamen has also boosted its cooperation with BRICS countries, with the BRICS Partnership on New Industrial Revolution Innovation Center launched in Xiamen in December last year.

Xiamen launched Silk Road shipping services in 2018. Silk Road Shipping is an alliance jointly initiated in late 2018 by dozens of ports, carriers, and logistics service providers in countries along the Belt and Road.

After three years of development, Silk Road Shipping, with more than 200 members, now has 86 routes reaching 102 ports in 29 countries, said Li Nan, deputy general manager of Fujian Silk Road Maritime Management Company.

As one of the mainland cities closest to Taiwan, Xiamen is a major hub for cross-Strait exchanges and regional cooperation.
Xiamen will build itself into a demonstration zone for cross-Strait integration development and become a top mainland destination for Taiwan compatriots and businesses, said Liu Jinzhu, head of Xiamen’s Taiwan, Hong Kong, and Macao affairs office.

“Deepening its construction as a strategic hub for the 21st Century Maritime Silk Road, and docking with the Regional Comprehensive Economic Partnership (RCEP) have given direction for Xiamen’s higher-level opening-up,” said Huang Maoxing, a professor with the School of Economics, Fujian Normal University. Enditem

Photo1- Aerial photo taken on Dec. 8, 2021 shows the city view of Xiamen, southeast China’s Fujian Province. (Xinhua/Jiang Kehong)
Photo 2 – A representative speaks at a gathering marking the 40th anniversary of the establishment of the Xiamen Special Economic Zone in Xiamen, southeast China’s Fujian Province, Dec. 21, 2021. (Xinhua/Jiang Kehong)

Photo 3 – Aerial photo taken on Dec. 9, 2021 shows Xiamen International Conference Center and surrounding buildings in Xiamen, southeast China’s Fujian Province. (Xinhua/Jiang Kehong)

Photo 4 – Photo taken on Sept. 8, 2021 shows models of jets during an exhibition on BRICS New Industrial Revolution held in Xiamen, southeast China’s Fujian Province. (Xinhua/Lin Shanchuan)