သမ္မတရှီကျင့်ဖိန်က ကုလသမဂ္ဂအထွေထွေညီလာခံတွင် အားလုံးအတွက် ပိုမိုကောင်းမွန်သည့် ကမ္ဘာကြီးတစ်ခု တည်ဆောက်ရန် တိုက်တွန်း

ပေကျင်း၊ စက်တင်ဘာ ၂၃ ရက် (ဆင်ဟွာ)

တရုတ်နိုင်ငံ သမ္မတရှီကျင့်ဖိန်သည် စက်တင်ဘာ ၂၁ရက် တွင် ကမ္ဘာလုံးဆိုင်ရာ ဖွံ့ဖြိုးတိုးတက်ရေးအဆိုပြုချက်တစ်ရပ်ကိုဖော်ဆောင်ရန်အဆိုတင်သွင်းခဲ့သည်။ ရှီက ယုံကြည်ချက်မြင့်မြင့်ထားကာ ကမ္ဘာလုံးဆိုင်ရာ စိန်ခေါ်မှုများနှင့်ခြိမ်းခြောက်မှုများအား အတူပူးပေါင်းရင်ဆိုင်ဖြေရှင်းရင်း အားလုံးအတွက် ပိုမို ကောင်းမွန်သည့် ကမ္ဘာကြီး တစ်ခုတည်ဆောက်ရန်တိုက်တွန်း ပြောကြားခဲ့သည်။တရုတ်နိုင်ငံ သမ္မတ ရှီကျင့်ဖိန်သည် (၇၆)ကြိမ်မြောက် ကမ္ဘာကုလသမဂ္ဂညီလာခံသို့ စက်တင်ဘာ ၂၁ ရက်က ပေကျင်းမြို့မှ ဗွီဒီယိုကွန်ဖရင့်စနစ်ဖြင့် တက်ရောက်စဉ် ထိုသို့မှတ်ချက်ပြုခဲ့ခြင်းဖြစ်သည်။

သမ္မတရှီကျင့်ဖိန်က

“ယခုနှစ် ၂၀၂၁ ခုနှစ်ဟာ တရုတ်နိုင်ငံသားတွေအတွက် စစ်မှန်တဲ့ အထိမ်းအမှတ် နှစ်တစ်ခုလည်းဖြစ်ပါတယ်။
ဒီနှစ်မှာ တရုတ်ကွန်မြူနစ်ပါတီ တည်ထောင်ခြင်း နှစ်(၁၀၀)ပြည့်ဖြစ်သလို၊ တရုတ်ပြည်သူ့သမ္မတနိုင်ငံ က ကုလသမဂ္ဂမှာ တရားဝင်နေရာ ပြန်လည်ရရှိတဲ့ နှစ်(၅၀)ပြည့် အခါသမယလည်းဖြစ်တာကြောင့် တရုတ်နိုင်ငံအနေနဲ့ ဒီသမိုင်းဝင်ကိစ္စရပ်တွေကို ကြီးကျယ်ခမ်းနားစွာ အထိမ်းအမှတ်ပြုသွားမှာပါ။ မိမိတို့အနေနဲ့ တရုတ်နိုင်ငံနှင့်ကုလသမဂ္ဂပူးပေါင်းဆောင်ရွက်မှု အဆင့်အသစ်တစ်ခုကို လျှောက်လှမ်းနိုင်ဖို့ ဆက်လက်အားသွန်ခွန်စိုက်ကြိုးပမ်း ဆောင်ရွက်သွားမှာဖြစ်ပြီး ကုလသမဂ္ဂ ရဲ့ မွန်မြတ်တဲ့ လုပ်ငန်းစဉ်တွေအတွက် အကျိုးသစ်များကို အမြဲဝိုင်းဝန်း သယ်ပိုးလုပ်ဆောင်သွားပါမယ်။
လူသားတွေရဲ့ အနာဂတ်ကံကြမ္မာနှင့်သက်ဆိုင်တဲ့ ကပ်ရောဂါတိုက်ပွဲကြီးကို မိမိတို့က တိုက်ဖျက်ရမှာဖြစ်ပြီး COVID-19 ကို အနိုင်ယူရပါမယ်။
မိမိတို့ဟာ စီးပွားရေးကို ပြန်လည်အသက်သွင်းရမှာဖြစ်ပြီး ပိုမိုအားကောင်းသော၊ ပိုမိုစိမ်းလန်းသော၊ ပိုမိုဟန်ချက်ညီမျှသော ကမ္ဘာလုံးဆိုင်ရာ ဖွံ့ဖြိုးတိုးတက်ရေးကို တွန်းအားပေးအကောင်အထည်ဖော်သွားရမှာဖြစ်ပါတယ်” ဟုဆိုသည်။

ထို့အပြင် သမ္မတရှီကျင့်ဖိန်သည် ကမ္ဘာလုံးဆိုင်ရာဖွံ့ဖြိုးတိုးတက်ရေးအဆိုပြုချက်ကိုတင်သွင်းခဲ့သည်။
၎င်းတို့မှာ – ဖွံ့ဖြိုးတိုးတက်ရေးကို ဦးစားပေးအနေဖြင့် ခိုင်မာစွာ ဆောင်ရွက်ရန် ၊ ပြည်သူလူထုကို ဗဟိုပြုရန် ၊
အများအကျိုးဖြစ်ထွန်းအောင် ဆောင်ရွက်ရန် ၊ ဆန်းသစ်တီထွင်မှုကို ဦးတည်ဆောင်ရွက်ရန် ၊
လူနှင့်သဘာဝပတ်ဝန်းကျင် သဟဇာတဖြစ်စွာ အတူယှဉ်တွဲနေထိုင်ရန် နှင့် အကျိုးရလဒ်ကောင်းများကိုဦးတည်သည့်လုပ်ဆောင်မှုများကိုသာဆောင်ရွက်သွားရန် တို့ဖြစ်သည်။

ရှီက “မိမိတို့အနေနဲ့ စည်းလုံးညီညွတ်မှုအားကောင်းစေဖို့ အပြန်အလှန် လေးစားခြင်း၊ ပူးပေါင်းဆောင်ရွက်မှုနဲ့ဘုံ အကျိုးစီးပွားဖော်ဆောင်ခြင်းဖြင့် နိုင်ငံတကာဆက်ဆံရေး ကို အကောင်အထည်ဖော်ဆောင်ရွက်ကြရမှာဖြစ်ပါတယ်၊ မိမိတို့အနေနဲ့
ကမ္ဘာလုံးဆိုင်ရာ စီမံခန့်ခွဲမှုကို ပြည့်စုံကောင်းမွန်အောင် ဆောင်ရွက်ပြီး စစ်မှန်တဲ့ ဘက်စုံမူဝါဒကို အကောင်အထည်ဖော်ဆောင်ရမှာဖြစ်ပါတယ်၊ ကမ္ဘာကြီးဟာ သမိုင်းတစ်ဆစ်ချိုးကိုနောက်တစ်ကြိမ်ရောက်ရှိနေပါပြီ။ လူသားမျိုးနွယ်တို့ရဲ့ ငြိမ်းချမ်းရေး၊ ဖွံ့ဖြိုးရေးနှင့် တိုးတက်ရေးတို့ ဟာ တားဆီးနိုင်ဖွယ်မရှိကြောင်း ကို မိမိအခိုင်အမာယုံကြည်ပါတယ်၊ မိမိတို့အတူ ခိုင်မာတဲ့ယုံကြည်ချက်နဲ့ ကမ္ဘာလုံးဆိုင်ရာ အန္တရာယ်တွေ စိန်ခေါ်မှုတွေကို အတူလက်တွဲ ရင်ဆိုင်ပြီး လူသားမျိုးနွယ်တို့ရဲ့ ကံကြမ္မာအကျိုးတူအသိုက်အဝန်းတစ်ခုနဲ့အတူ ပိုမိုလှပတဲ့ကမ္ဘာကြီးကို အတူတည်ဆောက်ကြပါစို့” ဟုပြောကြားခဲ့သည်။ (Xinhua)

…………………..
Xi calls for building a better world for all at UNGA
BEIJING, Sept. 22 (Xinhua) — Chinese President Xi Jinping on Tuesday proposed a Global Development Initiative, calling for bolstering confidence and jointly addressing global threats and challenges to build a better world for all. Xi made the remarks at the general debate of the 76th session of the United Nations General Assembly (UNGA) via video.