ရန်ကုန် ၊ နိုဝင်ဘာ ၁၆ ရက်(ဆင်ဟွာ) ရေးသားသူ/ဟေမာန်

စစ်ကိုင်းတိုင်း ဒေသကြီး၊ ရွှေဘိုခရိုင်၊ ဝက်လက် မြို့နယ်တွင် တည်ရှိပြီး ကမ္ဘာ့အမွေအနှစ်စာရင်းဝင် မြို့ဟောင်း တစ်မြို့ ဖြစ်သည့် ဟန်လင်းမြို့ဟောင်းတွင် တူးဖော်ထိန်းသိမ်းလျက်ရှိသည့် ဟန်လင်းပျူခေတ်လက်ရာ ဖြစ်သည့် ပျူခေတ်နဂါးရုပ်များဖြင့်တန်ဆာဆင်ထားသော ဒွါရပါလ(တံခါးစောင့်နတ်ရုပ်) ရုပ်ကြွတစ်ခုအား တူးဖော်ထိန်းသိမ်းမှုမှာ ၉၀ ရာခိုင်နှုန်းပြီးစီးနေပြီ ဖြစ်ကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန ကမ္ဘာ့အမွေအနှစ်ဒေသများဌာနခွဲ ဟန်လင်းဌာနစုမှ ဒုတိယညွှန်ကြားရေးမှူး ဦးကြည်ခင်က ဆင်ဟွာသို့ ယနေ့ ပြောကြားခဲ့သည်။

ရန်ကုန်၊ နိုဝင်ဘာ ၁၀ ရက် (ဆင်ဟွာ)  ရေးသားသူ/အေးလပြည့်

မကွေးတိုင်းဒေသကြီး ရေစကြိုမြို့နယ်ရှိ ပခန်းကြီးမြို့ဟောင်း အနီးတစ်ဝိုက်ရှိ ရှေးဟောင်းအမွေအနှစ် သာသနိကအဆောက်အအုံများကို ၂၀၂၀-၂၀၂၁ ဘဏ္ဍာနှစ်အတွင်း ပြုပြင်ထိန်းသိမ်းရေးလုပ်ငန်းများ ဆောင်ရွက်သွားမည်ဖြစ်ကြောင်း ရှေးဟောင်းသုတေသနနှင့် အမျိုးသားပြတိုက် ဦးစီးဌာန (မကွေးဌာနခွဲ) ဒုတိယညွှန်ကြားရေးမှူးဦးမြင့်သိန်းက ဆိုသည်။

ရန်ကုန်၊ နိုဝင်ဘာ ၄ ရက် (ဆင်ဟွာ) ရေးသားသူ/အေးလပြည့်

ပုဂံဒေသ ရှေးဟောင်းယဉ်ကျေးမှုနယ်မြေရှိ နေရာငါးခုတွင် အထိမ်းအမှတ် ကျောက်စာတိုင်များ စိုက်ထူသွားရန် မန္တလေးတိုင်းဒေသကြီး ယဉ်ကျေးမှုအမွေအနှစ်များကာကွယ်ထိန်းသိမ်းရေး ကော်မတီဥက္ကဋ္ဌ ထံ တင်ပြထားကြောင်း သာသနာရေး နှင့်ယဉ်ကျေးမှုဝန်ကြီးဌာန ၊ ရှေးဟောင်းသုတေသန နှင့် အမျိုးသားပြတိုက် ပုဂံဌာနခွဲ ၊ ညွှန်ကြားရေးမှူး ဒေါက်တာသန်းထိုက် က ဆင်ဟွာသို့ပြောကြားသည်။

ရန်ကုန်၊ အောက်တိုဘာ ၃၁ ရက် (ဆင်ဟွာ)

သီတင်းကျွတ်မီးထွန်းပွဲတော်သည် မြန်မာလူမျိုးများ ပျော်ရွှင်စွာ ကျင်းပလေ့ရှိသော ရိုးရာပွဲတော်များ အနက်တစ်ခုဖြစ်ပြီး ယခင်နှစ်များတွင် မိသားစု၊မိတ်ဆွေ၊သူငယ်ချင်းများနှင့်အတူ ဘုရားသွားခြင်း၊ ဘုန်းကြီးကျောင်းများသွားခြင်း၊မိဘဘိုးဘွားများကန်တော့ခြင်း၊ မီးထွန်းပွဲတော်များကျင်းပခြင်းတို့ဖြင့် ဆင်နွှဲကြသော်လည်း ယခုကာလသည်COVID-19ရောဂါဖြစ်ပွားသည့် ကာလဖြစ်သောကြောင့် ၂၀၂၀ပြည့်နှစ် သီတင်းကျွတ်ကာလအား ကျန်းမာရေး စည်းမျဉ်းစည်းကမ်းများနှင့် ပုံစံသစ်ဖြင့် ဆင်နွှဲကြကြောင်း သိရသည်။

ရန်ကုန်၊ အောက်တိုဘာ ၂၀ ရက် (ဆင်ဟွာ)

၂၀၁၉-၂၀၂၀ ဘဏ္ဍာနှစ်တစ်နှစ်လုံးတွင် မြန်မာတစ်နိုင်ငံလုံးအတိုင်းအတာဖြင့် သာသနာရေးနှင့် ယဉ်ကျေးမှုဝန်ကြီးဌာနသို့ လာရောက်အပ်နှံခဲ့သည့် ရှေးဟောင်းဝတ္ထုပစ္စည်းအပ်နှံမှုတွင် ရွှေထည်ပစ္စည်း ၁၁ခု၊ ငွေထည်ပစ္စည်း ၄ခု၊ ကြေးပစ္စည်း ၁၃၈ ခု၊ အခြားပစ္စည်း (မြေ၊ကျောက် နှင့်လုပ်ထားတာအပြင် အခြားပစ္စည်းများ) ၁၆,၄၂၈ ခု စုစုပေါင်း ၁၆,၅၈၁ ခု အပ်နှံခဲ့ကြောင်း သာသနာရေး နှင့်ယဉ်ကျေးမှုဝန်ကြီးဌာန၊ ရှေးဟောင်းသုတေသန နှင့် အမျိုးသားပြတိုက်ဦးစီးဌာ၊ ဒုတိယညွှန်ကြားရေးမှူးချုပ် ဦးကိုကိုနိုင်က ဆင်ဟွာသို့ အောက်တိုဘာ၂၀ရက် တွင် ပြောသည်။

ရန်ကုန် ၊ အောက်တိုဘာ ၆ ရက် (ဆင်ဟွာ)

ပုဂံဒေသရှိ ငလျင်ဒဏ်သင့် ရှေးဟောင်းအဆောက်အအုံများ ပြုပြင်ထိန်းသိမ်းမှုသည် လေးနှစ်ကျော်ကာလအတွင်း ရာခိုင်နှုန်းအားဖြင့် ၉၉ ရာခိုင်နှုန်း ပြီးစီးသွားပြီ ဖြစ်ကြောင်း သာသနာရေးနှင့် ယဉ်ကျေးမှုဝန်ကြီးဌာန ရှေးဟောင်းသုတေသန နှင့် အမျိုးသားပြတိုက် ဦးစီးဌာန ဒုတိယညွှန်ကြားရေးမှူးချုပ် ဦးကိုကိုနိုင်က ဆင်ဟွာသို့ ယနေ့ ပြောကြားခဲ့သည်။

ရန်ကုန်၊ စက်တင်ဘာ ၁၀ ရက် (ဆင်ဟွာ) 

မြန်မာ့ရုပ်ရှင် နှစ် ၁၀၀ ပြည့်အခမ်းအနားကို ၂၀၂၀ ပြည့်နှစ် အောက်တိုဘာ ၁၃ ရက်၌  ပြည်သူ့ရင်ပြင် တွင် ပရိသတ်မပါဘဲ COVID-19 ရောဂါ ဆိုင်ရာ စည်းမျဉ်းစည်းကမ်းများ နှင့်အညီကျင်းပပြုလုပ်သွားမည်ဖြစ်ကြောင်း မြန်မာနိုင်ငံရုပ်ရှင်အစည်းအရုံးမှ ဥက္ကဋ္ဌ ဦးညီညီထွန်းလွင်က ဆင်ဟွာသို့ စက်တင်ဘာ ၁၀ ရက်တွင် ပြောကြားသည်။ 

ရန်ကုန်၊ စက်တင်ဘာ ၃ ရက် (ဆင်ဟွာ) 

မြန်မာ့စာတိုက်လုပ်ငန်း က ပန်းတော့အထိမ်းအမှတ် အထူးထုတ် ၂၀၀ ကျပ်တန် စာပို့တံဆိပ်ခေါင်းသစ် အား ၂၀၂၀   ပြည့်နှစ်၊ စက်တင်ဘာ (၄)ရက်၊      မြန်မာ သက္ကရာဇ် ၁၃၈၂ ခုနှစ်၊ ဝါခေါင် လဆုတ်(၂)ရက် (သောကြာနေ့) နံနက်  ၉  နာရီခွဲမှစတင်၍    နေပြည်တော် ဗဟိုစာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီးတို့နှင့်  တိုင်း ဒေသကြီး/ပြည်နယ်များရှိ    မြို့တော်စာတိုက်ကြီးများတွင်  ရောင်းချပေးသွား မည်ဖြစ်ကြောင်း ပို့ဆောင်ရေး နှင့် ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်း၊ ဦးဆောင်ညွှန်ကြားရေးမှူး ဦးခမ်းအောင် က ပြောသည်။ 

ရန်ကုန်၊ သြဂုတ် ၂၁ ရက် (ဆင်ဟွာ)

COVID-19 ရောဂါဖြစ်ပွားနေသည့်ကာလ ပွဲများစီစဉ်ကျင်းပရန် ခက်ခဲသည့်အတွက်ပထမဆုံးအကြိမ်အဖြစ်  ကျင်းပပြုလုပ်လျက်ရှိသည့် အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်)၊ မဟာဝိဇ္ဇာ(ပထမနှစ်) ပန်းချီအထူးပြု ကျောင်းသားများ ၏  “OUT of KNOT  Art Exhibition’’ နှောင်ထုံးမဲ့ အွန်လိုင်း ပန်းချီပြပွဲကို ယနေ့မှစ၍ စက်တင်ဘာ ၃၀ ရက်အထိ ကျင်းပပြုလုပ်သွားမည်ဖြစ်ကြောင်း ပန်းချီပညာဌာန၊ တွဲဖက်ပါမောက္ခ ဦးအောင်သင်းက ဆင်ဟွာသို့ သြဂုတ် ၂၁ ရက် တွင်ပြောသည်။

ရန်ကုန်၊ သြဂုတ် ၁၈ ရက် (ဆင်ဟွာ) 

ဟိုတယ်နှင့်ခရီးသွားလာရေးဝန်ကြီးဌာန၊ သာသနာ ရေးနှင့်ယဉ်ကျေးမှုဝန်ကြီးဌာန၊ မြန်မာနိုင်ငံ ဟိုတယ် ဆိုင်ရာလုပ်ငန်းရှင်များအသင်း တို့ပူးပေါင်း၍ Bagan Hotel Strategy (ပုဂံဟိုတယ်မဟာဗျူဟာ) ကို ၂၀၂၀ပြည့်နှစ် ဒီဇင်ဘာတွင် အပြီးဆောင်ရွက်နိုင်ရန် ရည်ရွယ်ထားကြောင်း သာသနာရေး နှင့် ယဉ်ကျေးမှုဝန်ကြီးဌာန၊ ရှေးဟောင်းသုတေသန နှင့် အမျိုးသားပြတိုက် ပုဂံဌာနခွဲ မှ ညွှန်ကြားရေးမှူး ဒေါက်တာသန်းထိုက် က ဆင်ဟွာ သို့ သြဂုတ် ၁၈ ရက်တွင်ပြောကြားသည်။