ရန်ကုန်၊ စက်တင်ဘာ ၂၄ ရက် (ဆင်ဟွာ) 

မကွေးတိုင်းဒေသကြီး၊ မင်းဘူးခရိုင်၊ စေတုတ္တရာမြို့နယ်ရှိ မုန်းချောင်းရေလှောင်တမံသည် ရေအမှတ် (၅၂၁)ပေ သို့ရောက်ရှိနေရာ သတ်မှတ်ထားသော တမံရေအမှတ်ပေ (၅၂၀) ထက် (၁)ပေ ကျော်လွန်နေ၍ မုန်းတမံအောက်ဘက်တွင်ရှိသော မြို့နယ်အတွင်းရှိရပ်ကွက်များနှင့် ကျေးရွာနေပြည်သူများ သိရှိနိုင်ရန် ကြိုတင်စီမံခန့်ခွဲ့မှုအဆင့်(၁) အဖြစ် သတ်မှတ်ကာ အစိမ်းရောင်အလံများစိုက်ထူ အသိပေးနှိုးဆော်မှု ဆောင်ရွက်ထားကြောင်း သိရသည်။

ရန်ကုန် ၊ စက်တင်ဘာ ၂၃ ရက်(ဆင်ဟွာ)

အပူပိုင်းမုန်တိုင်း NOUL သည် ကုန်းတွင်းမုန်တိုင်းအဖြစ်သို့ အားလျော့သွားရာမှတစ်ဆင့် မြန်မာနိုင်ငံထဲသို့ လေဖိအားနည်းရပ်ဝန်းအဖြစ် ဖြတ်ကျော်ခဲ့ချိန်၌ ၎င်း၏ အရှိန်ကြောင့် လေပြင်းတိုက်ခတ်ခြင်း၊ မိုးသည်းထန်စွာ ရွာသွန်းခြင်းနှင့် ပင်လယ်ဒီရေလှိုင်း ရိုက်ခတ်ခြင်းများ ဖြစ်ပွားခဲ့ရာ တိုင်းဒေသကြီး/ပြည်နယ် ၄ ခု၌ လူဦးရေ ၁၁,၀၀၀ ကျော် သဘာဝဘေးသင့်ခဲ့ရပြီး သေဆုံးသူ ၃ ဦး ရှိကြောင်း လူမှုဝန်ထမ်း ၊ ကယ်ဆယ်ရေး နှင့် ပြန်လည်နေရာချထားရေး ဝန်ကြီးဌာန ၊ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာန ညွှန်ကြားရေးမှူး ဒေါက်တာမင်းသိန်းက ဆင်ဟွာသို့ ပြောကြားခဲ့သည်။

ရန်ကုန် ၊ စက်တင်ဘာ ၂၁ ရက်(ဆင်ဟွာ)

အပူပိုင်းမုန်တိုင်း NOUL ၏ အရှိန်ကြောင့် တနင်္သာရီ တိုင်းဒေသကြီး ၊ မွန်ပြည်နယ် နှင့် ပဲခူးတိုင်းဒေသကြီးတို့၌ လေပြင်းတိုက်ခတ် ခြင်း၊ မိုးသည်းထန်စွာရွာသွန်းခြင်းနှင့် ပင်လယ်ဒီရေလှိုင်းရိုက်ခတ်ခြင်းတို့ကြောင့် သဘာဝ ဘေးသင့် ပြည်သူ ၉၅၀၀ ကျော် ရှိပြီး လူ ၃ ဦး သေဆုံးသွားခဲ့ကြောင်း လူမှုဝန်ထမ်း ၊ ကယ်ဆယ်ရေး နှင့် ပြန်လည်နေရာချထားရေး ဝန်ကြီးဌာန ၊ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာန ညွှန်ကြားရေးမှူး ဒေါက်တာမင်းသိန်းက ယနေ့ ဆင်ဟွာသို့ ပြောကြားခဲ့သည်။

ရန်ကုန်၊ စက်တင်ဘာ ၁၉ ရက် (ဆင်ဟွာ)

ထိုင်းနိုင်ငံပေါ်တွင် ရောက်ရှိနေသော အပူပိုင်းမုန်တိုင်း"နို(လ်)"(NOUL)သည် ကုန်းတွင်းမုန်တိုင်းငယ်အဖြစ်သို့ အားလျော့သွားခဲ့ပြီး၊  အဆိုပါကုန်းတွင်းမုန်တိုင်းငယ်သည်  ယနေ့ မွန်းလွဲပိုင်းတွင် ကရင်ပြည်နယ်ကို မြဝတီမြို့အနီးမှ လေဖိအားနည်းရပ်ဝန်း အဖြစ်ဖြတ်ကျော်နိုင်ကြောင်း၊ မိုးလေဝသနှင့် ဇလဗေဒညွှန်ကြားမှုဦးစီးဌာန မှ ယနေ့ စက်တင်ဘာ ၁၉ ရက်နေ့ နံနက်ပိုင်းတွင် မုန်တိုင်း နှင့် ပတ်သက်သည့် သတိပေးချက်ထုတ်ပြန်ထားသည်။

ရန်ကုန်၊ စက်တင်ဘာ ၁၇ ရက် (ဆင်ဟွာ) 

စက်တင်ဘာ ၁၉ ရက် မှ ၂၂ ရက်အထိ တိုင်းဒေသကြီး နှင့် ပြည်နယ်အချို့ တွင် နေရာကွက်၍မိုးကြီးခြင်း၊ လေပြင်းတိုက်ခြင်းများဖြစ်ပေါ်နိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနက မိုးကြီးမည့် သတိပေးချက်တစ်ခုကို ယနေ့  စက်တင်ဘာ ၁၇ ရက်တွင် ထုတ်ပြန်ခဲ့သည်။ 

ရန်ကုန်၊ စက်တင်ဘာ ၁၆ ရက် (ဆင်ဟွာ) 

မန္တလေးတိုင်းဒေသကြီး၊ မိုးကုတ်မြို့နယ်အတွင်းရှိ ရွှေတိုင်ရပ်ကွက် ၊ ရွှေကူရပ်ကွက်နှင့် ကိုးလံရွာတို့တွင် ယနေ့(စက်တင်ဘာ ၁၆ ရက်) နံနက်ပိုင်းတွင် မိုးသည်းထန်စွာရွာသွန်းပြီး မြေပြိုကျမှုများကြောင့် လူ ၅ဦးသေဆုံးခဲ့ကြောင်း  မိုးကုတ်မြို့နယ် အရန်မီးသတ်တပ်ဖွဲ့မှ ဦးကျော်မင်းခိုင်က ဆင်ဟွာသို့ပြောသည်။

ရန်ကုန်၊ စက်တင်ဘာ ၁၂ ရက် (ဆင်ဟွာ)

စက်တင်ဘာ လဆန်း မှစ၍  မိုးနှောင်းကာလ သို့ ရောက်ရှိကာ၊ မုတ်သုံမှာ အားနည်းလျက်ရှိပြီး စက်တင်ဘာ ၁၅ ရက် မှ ၂၀ ရက် အတွင်း  မြန်မာနိုင်ငံမြောက်ပိုင်း မှမုတ်သုံ စတင်ထွက်ခွာနိုင်ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာန၊ ဒုတိယညွှန်ကြားရေးမှူးဦးလှထွန်းက ဆင်ဟွာသို့ စက်တင်ဘာ ၁၂ ရက်တွင် ပြောသည်။

ရန်ကုန်၊ စက်တင်ဘာ ၉ ရက် (ဆင်ဟွာ)

ရန်ကုန်တိုင်းဒေသကြီး အတွင်းရှိ နို့စားနွားမွေးမြူရေးလုပ်ငန်းများအတွက် မြေနေရာလိုအပ်ချက်ရှိပါက စက်တင်ဘာ ၁၁ ရက် နောက်ဆုံးထား၍ လျှောက်ထားနိုင်ကြောင်း မြန်မာနိုင်ငံမွေးမြူရေးလုပ်ငန်း အဖွဲ့ချုပ် ဒုတိယဥက္ကဋ္ဌ ဒေါက်တာခင်လှိုင် က ဆိုသည်။

ရန်ကုန်၊ စက်တင်ဘာ ၄ ရက် (ဆင်ဟွာ) 

နေပြည်တော် နှင့် ရန်ကုန်တိုင်းဒေသကြီးတို့တွင် ငလျင်လှုပ်ရှားမှု နှင့် ပတ်သက်၍ သုတေသနပြုစီမံကိန်း တစ်ခု  ဆောင်ရွက်ရန် ရှိကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာန၊ ငလျင် ဌာနခွဲ ဒုတိယညွှန်ကြားရေးမှူး ဒေါက်တာယဉ်မျိုးမင်းထွေးက ဆင်ဟွာသို့ စက်တင်ဘာ ၄ ရက် တွင် ပြောသည်။

ရန်ကုန်၊ စက်တင်ဘာ ၁ ရက် (ဆင်ဟွာ) 

သြဂုတ်လတွင် မြန်မာတစ်နိုင်ငံလုံး၌  စုစုပေါင်း ငလျင် ၁၈ ကြိမ်လှုပ်ရှားခဲ့ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာန၊ ငလျင်ဌာနခွဲမှ ဒုတိယညွှန်ကြားရေးမှူး ဒေါက်တာယဉ်မျိုးမင်းထွေးက ယနေ့ စက်တင်ဘာ ၁ရက် တွင် ဆင်ဟွာသို့ပြောကြားခဲ့သည်။