ရန်ကုန်၊ မေ ၁ ရက် (ဆင်ဟွာ)

မြန်မာတစ်နိုင်ငံလုံးတွင် မိုးကြိုကာလဖြစ်သည့်မေလ မှ အနောက်တောင် မုတ်သုံလေ မဝင်ရောက်မီကာလအတွင်း လေထုမငြိမ်မသက်မှုများကြောင့်လည်းကောင်း၊ နေ့အပူချိန်များ တစ်ဖြည်းဖြည်း မြင့်တက်လာရာမှ ဖြစ်ပေါ်လာသော အပူပျံတက်တိမ်များကြောင့်လည်းကောင်း၊ မိုးရွာခြင်း နှင့် အတူ လေပြင်းတိုက်ခတ်ခြင်းများ ဖြစ်ပေါ်နိုင်ကြောင်း၊ လေပြင်းတိုက်ခတ်စဉ်  မြေပြင်/ရေပြင်လေသည် တစ်နာရီလျှင် (၃၅)မိုင်မှ မိုင်(၄၀) အထိ တိုက်ခတ်နိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန မှ ဦးစီးအရာရှိဒေါ်အေးအေးစိုးက မေ ၁ရက်တွင် ဆင်ဟွာကို ပြောသည်။

ရန်ကုန်၊ မေ ၁ ရက် (ဆင်ဟွာ) 

ကပ္ပလီပင်လယ်ပြင် တောင်ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ်အော်အရှေ့တောင်ပိုင်းတို့တွင် လေဖိအားနည်းရပ်ဝန်းတစ်ခု ဖြစ်ပေါ်နေကြောင်း၊ အဆိုပါ လေဖိအားနည်းရပ်ဝန်းသည် နောက် ၉၆ နာရီအတွင်း မုန်တိုင်းငယ်အဖြစ်သို့ ရောက်ရှိကာ မြောက်-အနောက်မြောက်ဘက်ကို တဖြည်းဖြည်းရွေ့လျား၍ လမ်းကြောင်းပြောင်းပါက  မြန်မာ့ကမ်းရိုးတန်းဘက်သို့ ရွေ့ရန် ရာခိုင်နှုန်းရှိကြောင်း မိုးလေဝ သနှင့် ဇလဗေဒညွှန်ကြားမှုဦးစီးဌာန၊ ဒုတိယညွှန်ကြားရေးမှူး ဦးလှထွန်းက မေ ၁ ရက်တွင် ဆင်ဟွာကို ပြောသည်။

ရန်ကုန် ၊ မေ ၁ ရက်(ဆင်ဟွာ) 

မြန်မာနိုင်ငံ အတွင်း ၂၀၁၉-၂၀၂၀ ဘဏ္ဍာနှစ် ပထမ ခြောက်လတာ အတွင်း မိုးကြိုးဘေးအန္တရာယ်ကြောင့် သေဆုံးသူ ၂၉ ဦး ရှိပြီး ဒဏ်ရာ ရရှိသူ ၁၆ ဦး ရှိခဲ့ကြောင်း လူမှုဝန်ထမ်း ၊ ကယ်ဆယ်ရေး နှင့် ပြန်လည်နေရာချထားရေး ဝန်ကြီးဌာန ၊ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနထံမှ ယနေ့ သိရသည်။ 

 

ရန်ကုန်၊ ဧပြီ ၂၅ ရက် (ဆင်ဟွာ) 

ကပ္ပလီပင်လယ်ပြင် တောင်ပိုင်းနှင့် ဘင်္ဂလားပင်လယ်အော်အရှေ့တောင်ပိုင်းတို့တွင်မေ ၁ရက်တွင်  လေဖိအားနည်းရပ်ဝန်းတစ်ခု ဖြစ်ပေါ်နိုင်ကြောင်း၊ အဆိုပါလေဖိအားနည်းရပ်ဝန်းသည်  ပိုမိုအားကောင်းလာကာ မေ ၃ ရက်တွင် မုန်တိုင်းငယ်အဖြစ်သို့ ရောက်ရှိနိုင်ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာနက ဒုတိယညွှန်ကြားရေးမှူး ဦးလှထွန်းက ယန့ ဧပြီ ၂၉ ရက်တွင် ဆင်ဟွာသို့ပြောကြားသည်။

ရန်ကုန်၊ ဧပြီ ၂၆ ရက် (ဆင်ဟွာ) 

မြန်မာနိုင်ငံ အနှံ့အပြားတွင် အပူအချိန်မြင့်မားခဲ့သည့်အတွက် တစ်နိုင်ငံလုံး အတိုင်းအတာဖြင့် မေ ၄ ရက် အထိ မိုးရွာသွန်းနိုင်ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာနမှ ၊ လက်ထောက်ညွှန်ကြားရေးမှူးဒေါက်တာသန်းနိုင် က ဧပြီ ၂၆ ရက်တွင် ဆင်ဟွာသို့ ပြောကြားခဲ့သည်။

ရန်ကုန်၊ ဧပြီ ၂၅ ရက် (ဆင်ဟွာ) 

၂၀၂၀ပြည့်နှစ် နွေကာလတွင် ၂၀၁၉ ခုနှစ်ထက်  မြစ်ရေ ပိုမိုလျော့နည်းခဲ့ပြီး  မြစ်ရေနည်းမှု နှင့် ပတ်သက်သည့် ရေနည်းသတိပေးချက်များအား ၂၀၂၀ ပြည့်နှစ် တွင် မြစ်ရေတိုင်းတာစခန်း ၇ ခုရှိသည့် အနက် စခန်း၄ ခု တွင်  ထုတ်ပြန်ခဲ့ရကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာန၊ လက်ထောက်ညွှန်ကြားရေးမှူး ဦးမျိုးထွန်းဦး က ဧပြီ ၂၅ ရက်တွင် ဆင်ဟွာကိုပြောသည်။ 

ရန်ကုန်၊ ဧပြီ ၂၁ ရက် (ဆင်ဟွာ) 

ဧပြီ ၂၄ ရက်မှ ဧပြီ ၂၉ ရက် အတွင်း အရှေ့ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့် တိုင်းဒေသကြီး နှင့် ပြည်နယ်တစ်ချို့ တွင် လေပြင်းများတိုက်ခတ်ခြင်း၊ လေပြင်းနှင့်အတူ ထစ်ချုန်းခြင်း၊ မိုးကြိုးပစ်ခြင်း၊ လျှပ်စီး လက်ခြင်းနှင့် မိုးသီးကြွေခြင်း စသည့် မိုးလေဝသဖြစ်စဉ်များ ဖြစ်ပေါ်နိုင်ကြောင်း မိုးလေဝ သနှင့် ဇလဗေဒညွှန်ကြားမှု ဦးစီးဌာန၊ ဒုတိယညွှန်ကြားရေးမှူး ဦးလှထွန်းက ဧပြီ ၂၁ ရက် တွင် ဆင်ဟွာသို့ ပြောကြားသည်။

ရန်ကုန် ၊ ဧပြီ ၂၁ ရက်(ဆင်ဟွာ) 

ကချင်ပြည်နယ် ဖားကန့်မြို့နယ်၌ ဧပြီ ၂၀ ရက်တွင် စွန့်ပစ်မြေစာပုံ ပြိုကျမှု တစ်ခု ဖြစ်ပွားခဲ့ပြီး ရှာဖွေတူးဖော်မှုများ ဆောင်ရွက်ခဲ့ရာတွင် သေဆုံးသူ နှစ်ဦးအား ရှာဖွေတွေ့ရှိထားကြောင်း ပြည်ထဲရေး ဝန်ကြီးဌာန၏ ယနေ့ ဧပြီ ၂၁ ရက် သတင်း ထုတ်ပြန်မှု အရ သိရသည်။

ရန်ကုန်၊ ဧပြီ ၁၇ ရက် (ဆငိဟွာ)

စစ်ကိုင်းတိုင်းဒေသကြီး ကလေးမြို့၊ ချင်းပြည်နယ် ဟားခါးနှင့် ဖလမ်းမြို့များတွင် ဧပြီ ၁၆ ရက် ညနေပိုင်းက ငလျင်လှုပ်ခတ်မှုကြောင့်  အဆောက်အဦများ ပျက်စီးခဲ့ကြောင်း ပြည်ထဲရေးဝန်ကြီးဌာနက ထုတ်ပြန်သော သတင်းအရ သိရသည်။

ရန်ကုန်၊ ဧပြီ ၁၆ ရက် (ဆင်ဟွာ)

ချင်းပြည်နယ် ဖလမ်းမြို့အနီး၌ ယနေ့ ဧပြီ ၁၆ ရက် ညနေ ၆နာရီကျော်နှင့် ၇နာရီကျော်တွင် ပြင်းအား  အင်အားပြင်းထန်နှင့်  အင်အားအနည်းငယ် ငလျင်နှစ်ကြိမ် လှုပ်ခတ်သွားကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန ၏ ထုတ်ပြန်ချက်အရ သိရသည်။