နေပြည်တော်၊ သြဂုတ် ၁၃ ရက် (ဆင်ဟွာ)
ဒီမိုကရေစီ အသွင်ကူးပြောင်းရေးနှင့် ဖက်ဒရယ် ပြည်ထောင်စု တည်ဆောက်ရေးအတွက် မိမိတို့ အကြားတွင် သဘောထား အမျိုးမျိုး ရှိနေကြောင်း၊ မတူကွဲပြားသည့် သဘောထားများကို တစ်ထပ် တည်း ကျအောင်၊ တစ်ခုတည်း ဖြစ်အောင် အတင်းအကျပ် ဖိအားပေးမှုများဖြင့် ဖြေရှင်း၍ မရနိုင် ကြောင်း အမျိုးသား ပြန်လည် သင့်မြတ်ရေးနှင့် ငြိမ်းချမ်းရေး ဗဟိုဌာန ဥက္ကဌ၊ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ယနေ့ ပြောကြားခဲ့သည်။
ရန်ကုန် ၊ ဩဂုတ် ၁၃ ရက် (ဆင်ဟွာ)
ရှမ်းပြည်နယ်(အရှေ့ပိုင်း) တာချီလိတ်မြို့နယ်အတွင်း လုံခြုံရေးဆောင်ရွက်နေ သော ပူးပေါင်းအဖွဲ့ဝင်များသည် ယနေ့ နံနက်ပိုင်းတွင် လိုင်စင်မဲ့ မော်တော်ယာဉ် တစ်စီးပေါ်မှ ကျပ်သိန်းပေါင်း ၉ ဘီလီယံကျော်တန်ဖိုးရှိ အိုက်စ်များ သိမ်းဆည်းရမိခဲ့ကြောင်း တပ်မတော် သတင်းမှန်ပြန်ကြားရေးအဖွဲ့က ယနေ့ ထုတ်ပြန်ခဲ့သည်။
ရန်ကုန် ၊ ဩဂုတ် ၁၂ ရက်(ဆင်ဟွာ)
မွန်ပြည်နယ်၊ ကျိုက်ထို မြို့နယ်၌ မော်တော်ယာဉ်တစ်စီးပေါ်တွင် ကြက်သွန်အိတ်များအတွင်း ရောနှောသိုဝှက် သယ်ဆောင်လာသော ငွေကျပ်သိန်းပေါင်း ၆၄,၅၀၀ တန်ဖိုးရှိ စိတ်ကြွရူးသွပ်ဆေးပြားများ တွေ့ရှိသိမ်းဆည်း ရမိခဲ့ပြီး ကွင်းဆက် ပေါ်ပေါက်ချက်အရ ပူးပေါင်းပါဝင်သူများအား ထပ်မံဖမ်းဆီးရမိခဲ့ကြောင်း မြန်မာနိုင်ငံ မူးယစ်ဆေးဝါးအလွဲသုံးစွဲမှု ထိန်းချုပ်ရေးဗဟိုကော်မတီ (CCDAC Myanmar) က ယနေ့ သတင်းထုတ်ပြန်ခဲ့သည်။
ရန်ကုန် ၊ ဩဂုတ် ၁၂ ရက်(ဆင်ဟွာ)
၂၀၂၀ ပြည့်နှစ် အထွေထွေရွေးကောက်ပွဲတွင် ပြည်ထောင်စု ကြံ့ခိုင်ရေး နှင့် ဖွံ့ဖြိုးရေးပါတီ(USDP)က ကိုယ်စားလှယ်လောင်း စုစုပေါင်း ၁,၁၂၉ ဦး ဝင်ရောက် ယှဉ်ပြိုင်သွားမည် ဖြစ်ကြောင်း ပါတီ ပြောရေးဆိုခွင့်ရှိသူ တစ်ဦး ဖြစ်သူ ဗဟိုကော်မတီဝင် ဒေါက်တာနန္ဒာလှမြင့်က ဆင်ဟွာသို့ ယနေ့ ပြောကြားခဲ့သည်။
ရန်ကုန် ၊ ဩဂုတ် ၁၁ ရက် (ဆင်ဟွာ)
မူးယစ်ဆေးဝါးအထူးသတင်းတိုင်ကြားရေးဌာနစတင်ဖွင့်လှစ်ဆောင်ရွက်ခဲ့သည့် ၂၀၁၈ ခုနှစ် ဇွန် ၂၆ ရက်မှ ၂၀၂၀ ပြည့်နှစ် ဩဂုတ် ၈ ရက်အထိစုံစမ်းဖော်ထုတ်ချက်များအရအမှုပေါင်း ၁,၂၇၉ မှုဖွင့်လှစ်အရေးယူခဲ့ပြီးတရားခံစုစုပေါင်း ၁,၉၆၈ ဦးဖမ်းဆီးရမိခဲ့ကြောင်းနိုင်ငံတော် သမ္မတရုံးကသတင်းထုတ်ပြန်ခဲ့သည်။
နေပြည်တော်၊ သြဂုတ် ၁၀ ရက် (ဆင်ဟွာ)
၂၀၂၀ ပြည့်နှစ်အလွန် ငြိမ်းချမ်းရေး လုပ်ငန်းစဉ် ရှေ့ဆက်နိုင်ရေး အတွက် အပြန်အလှန် နားလည်မှု များနှင့် အားလုံး လက်ခံနိုင်သည့် အခင်းအကျင်းမျိုး ပေါ်ထွက်လာရန် ဦးတည် ဆွေးနွေးပေးကြရန် ပန်ကြားပါကြောင်း အမျိုးသား ပြန်လည် သင့်မြတ်ရေးနှင့် ငြိမ်းချမ်းရေး ဗဟိုဌာန ဒုတိယ ဥက္ကဌ၊ ပြည်ထောင်စု ရှေ့နေချုပ် ဦးထွန်းထွန်းဦးက ယနေ့ နံနက်ပိုင်း တွင် ပြောကြားခဲ့သည်။
ရန်ကုန် ၊ ဩဂုတ် ၉ ရက်(ဆင်ဟွာ)
ရှမ်းပြည်နယ်အရှေ့ပိုင်းဒေသများကို ယခုအခါတွင် နိုင်ငံတော် ဓာတ်အားစနစ်မှ ၂၄ နာရီပတ်လုံး ဓာတ်အား ဖြန့်ဖြူး ပေးနိုင်ပြီ ဖြစ်သဖြင့် ဒေသရှိ ပြည်သူလူထုများ၏ လူမှုစီးပွားဘဝ ပိုမို ဖွံ့ဖြိုးတိုးတက်လာမည် ဖြစ်ကြောင်း ရှမ်းပြည်နယ် အစိုးရ အဖွဲ့ လျှပ်စစ် ၊ စွမ်းအင် နှင့် စက်မှုဝန်ကြီးဌာန ဝန်ကြီး ဦးစိုင်းရှဲန်တစ်လုံက ဆင်ဟွာသို့ ယနေ့ ပြောကြားခဲ့သည်။
ရန်ကုန်၊ သြဂုတ် ၈ ရက် (ဆင်ဟွာ)
၂၀၂ဝ ပြည့်နှစ် နိုဝင်ဘာ ၈ ရက်နေ့တွင် ကျင်းပမည့် ပါတီစုံဒီမိုကရေစီ အထွေထွေ ရွေးကောက်ပွဲ၌ ပြည်ထောင်စု ကောင်ကျိုးဆောင်ပါတီ (UBP ) ဥက္ကဌ သူရဦးရွှေမန်းက ၎င်းအနေဖြင့် ဝင်ရောက်ယှဉ်ပြိုင်းခြင်းမရှိဘဲ ပါတီအောင်နိုင်ရေး လုပ်ဆောင်မည်ဖြစ်ကြောင်း သတင်းမီဒီယာများအား ယနေ့ ပြောကြားသည်။
ရန်ကုန်၊ သြဂုတ် ၈ ရက် (ဆင်ဟွာ)
ရှမ်းပြည်နယ်(အရှေ့ပိုင်း) တာချီလိတ်မြို့နယ်တွင် ငွေကျပ်သိန်းပေါင်း ၉၆,၀၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း မြန်မာနိုင်ငံ မူးယစ်ဆေးဝါးအလွဲသုံးစွဲမှု ထိန်းချုပ်ရေးဗဟိုကော်မတီ (CCDAC Myanmar) က သြဂုတ် ၈ ရက်တွင် သတင်းထုတ်ပြန်သည်။
နေပြည်တော်၊ သြဂုတ် ၇ ရက် (ဆင်ဟွာ)
၂၀၁၉ -၂၀ဘဏ္ဍာနှစ် ပြည်ထောင်စု ဝန်ကြီးဌာန / အဖွဲ့အစည်းများ၏ ပထမ ခြောက်လပတ် အတွင်း အခွန်လေးမျိုးမှ ကျပ် ၇၃၆ ဒသမ ၆၂၂ သန်း ကောက်ခံ ရရှိရန် လျာထားခဲ့ရာ ကျပ် ၈၂၉ ဒသမ ၄၄၃ သန်း ကောက်ခံရရှိခဲ့သဖြင့် မူလလျာထားချက်၏ ၁၁၂ ဒသမ ၆၀ ရာခိုင်နှုန်း အကောင်အထည် ဖော် ဆောင်ရွက်နိုင်ခဲ့ကြောင်း ပြည်ထောင်စု အစိုးရအဖွဲ့ရုံး ဝန်ကြီးဌာန၊ ဒုတိယ ဝန်ကြီး ဦးတင်မြင့်က ပြည်ထောင်စု လွှတ်တော် ယနေ့ အစည်းအဝေး၌ ပြောကြားခဲ့သည်။
