ရန်ကုန်၊ မေ ၂၀ ရက် (ဆင်ဟွာ)

၂၀၁၉-၂၀၂၀ ဘဏ္ဍာနှစ်တွင် စွမ်းအင်ကဏ္ဍမှ နိုင်ငံအတွက် အမြတ်ငွေကျပ်သန်းပေါင်း ၁,၂၄၀,ဝဝဝ ခန့် ရရှိအောင် ကြိုးစားဆောင်ရွက်လျက်ရှိကြောင်း လျှပ်စစ် နှင့် စွမ်းအင်ဝန်ကြီးဌာန၊ ဒုတိယအမြဲတမ်းအတွင်းဝန် ဦးဌေးအောင်က မေ ၂၀ ရက်တွင် ဆင်ဟွာသို့ ပြောကြားသည်။

ရန်ကုန်၊ မေ ၁၀ ရက် (ဆင်ဟွာ)

ရန်ကုန်တိုင်းဒေသကြီးတွင် လုပ်ငန်းဆောင်ရွက်မှုတစ်ချို့ ကြောင့် လျှပ်စစ်မီးခေတ္တပြတ်တောက်မှုများမှအပ ၂၀၂၀ပြည့်နှစ် မေလအတွင်း ၂၀၁၉ ခုနှစ်က ကဲ့သို့ အလှည့်ကျ မီးပျက်ရန် မရှိကြောင်း ရန်ကုန်လျှပ်စစ်ဓာတ်အားပေးရေး ကော်ပိုရေးရှင်း အထွေထွေမန်နေဂျာ ဦးကျော်သူက ပြောကြားခဲ့သည်။ 

ရန်ကုန်၊ မေ ၈ ရက် (ဆင်ဟွာ)

ရန်ကုန်မြို့ လမ်းမတော်မြို့နယ် ဘုန်းကြီးလမ်းနှင့် ဒလမြို့နယ် ကမာကဆစ်ရပ်ကွက် ဗိုလ်မင်းရောင် လမ်းမကြီးတို့သို့ ဆက်သွယ်တည် ဆောက်လျက်ရှိသော ရန်ကုန်-ဒလ မြစ်ကူးတံတားတည်ဆောက်မှု သည် ၁၁ ရာခိုင်နှုန်းဝန်းကျင် ပြီးစီးသွားပြီဖြစ်ကြောင်း၊ COVID-19 ကာလတွင်လည်း စီမံကိန်းအားရပ်နားမှုမရှိဘဲ ကျန်းမာရေးဝန်ကြီးဌာန ၏ ညွှန်ကြားချက်များ နှင့်အညီ တည်ဆောက်လျက်ရှိကြောင်း ဆောက်လုပ်ရေးဝန်ကြီးဌာန၊ တံတားဦးစီးဌာန မှ ဒုတိယညွှန်ကြားရေးမှူးချုပ် ဦးကျော်ကောင်းချိုက မေ ၈ ရက်တွင် ဆင်ဟွာကိုပြောသည်။

ရန်ကုန်၊ ဖေဖော်ဝါရီ ၂၃ ရက် (ဆင်ဟွာ)

မိုဘိုင်းဖုန်း သုံးစွဲသူများအနေဖြင့် သက်ဆိုင်ရာ မိုဘိုင်းအော်ပရေတာများက ဆောင်ရွက်ပေးလျက်ရှိသော စစ်ဆေးနိုင်မည့်နည်းလမ်းများဖြင့် (၃၀-၆-၂၀၂၀) နောက်ဆုံးထား၍ ပြန်လည် မှတ်ပုံတင် ရမည် ဖြစ်ကြောင်း၊ မှတ်ပုံတင်ခြင်းမရှိသည့် SIM Card များ ကို အပြီးသတ်ပိတ်သိမ်းသွားမည်ဖြစ်ကြောင်း  ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ဆက်သွယ်ရေးညွှန်ကြားမှုဦးစီးဌာန က ဖေဖော်ဝါရီ ၂၃ ရက် တွင် အသိပေးကြေညာချက် ထုတ်ပြန်ခဲ့သည်။

ရန်ကုန်၊ ဖေဖော်ဝါရီ ၁၈ ရက် (ဆင်ဟွာ) 

ရန်ကုန်မြို့ ပြည်လမ်း စိုက်ပျိုးရေးမှတ်တိုင်အနီးတွင် မြန်မာငွေကျပ် ၂ ဒသမ ၁၅ ဘီလီယံခန့်  ကုန်ကျနိုင်မည့် မြေအောက်ဥမင်လျှောက်လမ်း ဖောက်လုပ်ရန် အတွက် တည်ဆောက်ရေးလုပ်ငန်းများကို ရန်ကုန်မြို့တော် စည်ပင်သာယာရေးကော်မတီမှ တာဝန်ယူဆောက်လုပ်လျက်ရှိပြီး ၂၀၂၀ ပြည့်နှစ် ဒီဇင်ဘာလတွင် ဥမင်လုပ်ငန်း အဆုံးသတ်နိုင်မည်ဟု ခန့်မှန်းထားကြောင်း ပြန်ကြားရေးဝန်ကြီးဌာန က ဖေဖော်ဝါရီ ၁၈ ရက်တွင် သတင်းထုတ်ပြန်ခဲ့သည်။ 

နေပြည်တော်၊ ဖေဖော်ဝါရီ ၁၈ ရက်(ဆင်ဟွာ)

အစိုးရဌာန အသီးသီးအနေဖြင့် e-Government ကို အကောင်အထည်ဖော်ရာတွင် အစိုးရ၏ လုပ်ငန်း စဉ်များနှင့် အလုပ်လုပ်ကိုင်သည့် ပုံစံများကို တိုးတက်နေသည့် နည်းပညာသစ်များနှင့် အညီ လိုက်လျောညီထွေ ဖြစ်အောင် ပြောင်းလဲသွားရမှာဖြစ်ကြောင်း၊ ထိုသို့ လိုက်လျောညီထွေ ဖြစ်အောင် မပြောင်းလဲနိုင်လျှင် e-Government မအောင်မြင်နိုင်သည်ကို သတိပြုကြရန်မှာကြားလိုကြောင်း နိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်က ယနေ့ ပြောကြားခဲ့သည်။

ရန်ကုန် ၊ ဖေဖော်ဝါရီ ၁၈ ရက်(ဆင်ဟွာ)

မြန်မာနိုင်ငံ အနောက်ဘက် ကမ်းလွန်လုပ်ကွက် A-3 ရှိ မဟာ(၁) ရှာဖွေရေးတွင်း၌ စမ်းသပ်တိုင်းတာမှုများ အရ သဘာဝ ဓာတ်ငွေ့ တစ်ရက်လျှင် ပျမ်းမျှ ကုဗပေ ၃၈သန်းကျော် အထိ စမ်းသပ်ရရှိကြောင်း အတည်ပြုနိုင်ခဲ့သည်ဟု လျှပ်စစ် နှင့် စွမ်းအင် ဝန်ကြီးဌာန၏ ထုတ်ပြန်မှု အရ သိရသည်။

ရန်ကုန်၊ ဖေဖော်ဝါရီ ၃ ရက် (ဆင်ဟွာ)

အထက်မြန်မာပြည်အတွက် ဓာတ်အားလုံလောက်စွာ ဖြန့်ဖြူးပေးနိုင်မည့် ၁၀၀ အမ်ဗွီအေ တီအီးဖြင့် လည်ပတ်သော ၂၃၀ ကေဗွီ ဗန်းမော်-နဘား မဟာဓာတ်အားလိုင်း မကြာမီဖွင့်လှစ်တော့မည်ဖြစ်ကြောင်း သိရသည်။  

ရန်ကုန်၊ ဇန်နဝါရီ ၈ ရက် (ဆင်ဟွာ)

မိုဘိုင်းဆက်သွယ်ရေးတာဝါများမှပြည်သူသို့သက်ရောက်လျက်ရှိသည့်လျှပ်စစ်သံလိုက်စက်ကွင်းပမာဏကိုသိရှိနိုင်ရေး တိုင်းတာရေးလုပ်ငန်းများအားဆာင်ရွက်လျက်ရှိကြောင်း၊ တိုင်းတာတွေ့ရှိသည့် ရလဒ်များအရ ဆက်သွယ်ရေးတာဝါတိုင်များမှ မိုဘိုင်းရေဒီယိုစက်ပစ္စည်းများ၏ EMF သက်ရောက်မှုသည် International Commission on Non - Ionizing Radiation Protection (ICNIRP) ၏ Safety စံသတ်မှတ်ချက် အောက်တွင်သာရှိကြောင်း တွေ့ရှိရသည်ဟု ဆက်သွယ်ရေးညွှန်ကြားမှုဦးစီးဌာန က ယနေ့ သတင်းထုတ်ပြန်သည်။

ရန်ကုန်၊ ဇန်နဝါရီ ၂ ရက် (ဆင်ဟွာ)

ချင်းပြည်နယ်၊ ဖလမ်း(ဆူရ်ဘုန်)လေဆိပ်သစ်  တည်ဆောက်ရေး စီမံကိန်းကို  ၂၀၂၀-၂၀၂၁ ဘဏ္ဍာနှစ်တွင် လုပ်ငန်းများပြီးစီးအောင်ဆောင်ရွက်လျက်ရှိကြောင်း လေကြောင်းပို့ဆောင်ရေးညွှန်ကြားမှုဦးစီးဌာနမှ သိရသည်။