ရန်ကုန်၊ အောက်တိုဘာ ၁၃ ရက် (ဆင်ဟွာ)

ရန်ကုန်တိုင်းဒေသကြီးတွင် YBS စီးနင်းသည့်ခရီးသည်ဦးရေသည် နေ့စဉ်လျော့ကျလျက်ရှိရာ အချို့ယာဉ်လိုင်းများတွင် ခရီးသည်စီးနင်းမှုမရှိသလောက်ဖြစ်နေသောကြောင့် ယခင်ယာဉ်လိုင်းပေါင်း ၁၂၄လိုင်း၊ ယာဉ်အစီးရေး ၄,၅၀၀ ဝန်းကျင် ပြေးဆွဲနေရာမှ ယခု ယာဉ်လိုင်း ၉၀ ဝန်းကျင်၊ မော်တော်ယာဉ်စီးရေ ၁,၂၉၁ စီးဖြင့်သာ ပြေးဆွဲပေးလျက်ရှိကြောင်း ရန်ကုန်တိုင်းဒေသကြီးသယ်ယူပို့ဆောင်ရေးကြီးကြပ်ကွပ်ကဲမှုအဖွဲ့(YRTA) မှ တွဲဖက်အတွင်းရေးမှူးဦးလှအောင်က ဆင်ဟွာသို့အောက်တိုဘာ ၁၃ ရက်တွင်ပြောကြားသည်။

ရန်ကုန်၊ အောက်တိုဘာ ၁၀ ရက် (ဆင်ဟွာ)

YBS စီးနင်းသူလျော့ကျနေသည့်အချိန်တွင် YBS ယာဉ်လိုင်းများအနေဖြင့် ယာဉ်စီးခပိုမိုတောင်းခံမှုများရှိလာပါက ၎င်းယာဉ်လိုင်း၏ ကျူးလွန်မှုပေါ်မူတည်၍ ယာဉ်လိုင်းပိတ်သိမ်းသည်အထိ အရေးယူမှုများပြုလုပ်သွားမည် ဖြစ်ကြောင်း ရန်ကုန်တိုင်းဒေသကြီး သယ်ယူပို့ဆောင်ရေးကြီးကြပ်ကွပ်ကဲမှုအာဏာပိုင်အဖွဲ့ (YRTA) မှ တွဲဖက်အတွင်းရေးမှူး ဦးလှအောင်က ဆင်ဟွာသို့ အောက်တိုဘာ ၁၀ ရက်တွင်တွင်ပြောသည်။

ရန်ကုန်၊ အောက်တိုဘာ ၉ ရက် (ဆင်ဟွာ)


ပြန်ကြားရေးဝန်ကြီးဌာနနှင့် မြန်မာနိုင်ငံရုပ်ရှင်အစည်းအရုံးတို့ ပူးပေါင်း၍ အောက်တိုဘာ ၁၃ ရက်တွင် ကျရောက်မည့် နှစ်(၁၀၀)ပြည့် မြန်မာ့ရုပ်ရှင်နေ့ကို ကြိုဆိုဂုဏ်ပြုသောအားဖြင့် အွန်လိုင်းရုပ်ရှင်ပွဲတော်ကို အောက်တိုဘာ ၈ ရက်မှ  ၃၁ ရက်အထိ  ကျင်းပမည်ဖြစ်ကြောင်း မြန်မာနိုင်ငံရုပ်ရှင်အစည်းအရုံးဥက္ကဋ္ဌ ဦးညီညီထွန်းလွင် က ဆင်ဟွာသို့ အောက်တိုဘာ ၉ ရက်တွင်ပြောသည်။

ရန်ကုန်၊ အောက်တိုဘာ ၉ ရက် (ဆင်ဟွာ)


မြန်မာတစ်နိုင်ငံလုံး အနယ်နယ်အရပ်ရပ်သို့ စာပို့ခြင်း၊ ပါဆယ်များပို့ခြင်းများအပါအဝင် မြန်မာ့စာတိုက်လုပ်ငန်း ၏ ဝန်ဆောင်မှုများသည် COVID-19 ကာလတွင် ပုံမှန်အတိုင်းဝန်ဆောင်မှုပေးလျက်ရှိကြောင်း၊ သို့သော် လမ်းပန်းဆက်သွယ်ရေး အခြေအနေများကြောင့်  ပုံမှန်ထက်နောက်ကျနိုင်ကြောင်း မြန်မာ့စာတိုက်လုပ်ငန်းမှ ဦးဆောင်ညွှန်ကြားရေးမှူး ဦးခမ်းအောင် က ဆင်ဟွာသို့ အောက်တိုဘာ ၉ ရက်တွင်ပြောသည်။

ရန်ကုန်၊ အောက်တိုဘာ ၈ ရက် (ဆင်ဟွာ)

၂၀၂၀ ပြည့်နှစ်သြဂုတ် ၈ ရက်အထိ အထူးစာပို့တံဆိပ်ခေါင်း ၁၂ခုအား ရောင်းချပြီးဖြစ်ကြောင်း၊ ၂၀၂၀ပြည့်နှစ် အောက်တိုဘာ ၉ ရက် တွင် ပန်းပု အထိမ်းအမှတ်အထူးထုတ်စာပို့တံဆိပ်ခေါင်းသစ်အား ၂၀၂၀ပြည့်နှစ်အတွင်း ၁၃ ခုမြောက် အထူးထုတ်တံဆိပ်ခေါင်းအဖြစ်ရောင်းချသွားမည်ဖြစ်ကြောင်း မြန်မာ့စာတိုက်လုပ်ငန်း၊ မန္တလေးစာတိုက်ကြီးမှ မန်နေဂျာဒေါ်နွယ်နီအောင်က ဆိုသည်။

ရန်ကုန်၊ အောက်တိုဘာ ၈ ရက် (ဆင်ဟွာ)

စစ်ကိုင်းတိုင်းဒေသကြီးအတွင်း ၂၀၂၀-၂၀၂၁ ဘဏ္ဍာနှစ်၌ ကျပ်သန်းပေါင်း ၄၀,၀၀၀ကျော်သုံးစွဲပြီး အဓိက တံတားကြီး ၄စင်း တည်ဆောက်မည်ဖြစ်ကြောင်း စစ်ကိုင်းတိုင်းဒေသကြီးအစိုးရအဖွဲ့ရုံးထံမှ သိရသည်။

ရန်ကုန်၊ အောက်တိုဘာ ၂ ရက် (ဆင်ဟွာ)

ရန်ကုန်တိုင်းဒေသကြီးအတွင်း YBS စီးနင်းသူဦးရေသည် သြဂုတ် ၂၁ ရက် တွင် ၁၂ သိန်းကျော်ရှိခဲ့ရာမှ အောက်တိုဘာ ၁ ရက်တွင် YBS စီးနင်းသူ ခုနစ်သောင်းကျော်သာ   ရှိတော့ကြောင်း၊  တစ်လကျော်အတွင်း စီးနင်းသူဦးရေ ၁၁ သိန်းကျော် ကျဆင်းခဲ့ကြောင်း  ရန်ကုန်တိုင်းဒေသကြီး သယ်ယူ ပို့ဆောင်ရေး    ကြီးကြပ်ကွပ်ကဲမှု အာဏာပိုင်အဖွဲ့ မှ တွဲဖက်အတွင်းရေးမှူးဦးလှအောင်က ဆင်ဟွာသို့ အောက်တိုဘာ ၂ ရက် တွင်ပြောသည်။

ရန်ကုန် ၊ အောက်တိုဘာ ၂ ရက် (ဆင်ဟွာ)
ဆင်ဟွာသတင်းဌာန အနေဖြင့် လတ်တလောရက်ပိုင်းအတွင်း “Myanmar woman’s rural life in China” ဟူသည့် ခေါင်းစဉ်ဖြင့် ဗီဒီယိုသတင်းတစ်ပုဒ်ဖော်ပြခဲ့ပြီး ဗီဒီယိုတွင် မြန်မာအမျိုးသမီးတစ်ဦး၏  ရှုထောင့်ဖြင့် တရုတ်နိုင်ငံ၏ဆင်းရဲနွမ်းပါမှုတိုက်ဖျက်ရေးလုပ်ငန်းစဉ်အပေါ် အမြင်အား ရိုက်ကူးတင်ဆက်ခဲ့ပါသည်။

ရန်ကုန်၊ အောက်တိုဘာ ၂ ရက် (ဆင်ဟွာ)

၂၀၁၉-၂၀၂၀  ဘဏ္ဍာရေးနှစ် စတုတ္ထသုံးလပတ်(ဇူလိုင်၊ ဩဂုတ်၊ စက်တင်ဘာ)တွင် သက်ကြီးရွယ်အိုဘိုးဘွား (၂၃၀,၂၄၉)ဦးအတွက် ထောက်ပံ့ငွေစုစုပေါင်း ကျပ်(၆,၉၀၇ ဒဿမ ၄၇၀)သန်း  ထောက်ပံ့ပေးပြီး ဖြစ်ကြောင်း၊ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန၊ ညွှန်ကြားရေးမှူးချုပ် ဒေါက်တာစန်းစန်းအေး က ဆင်ဟွာသို့ အောက်တိုဘာ ၂ ရက်တွင်ပြောသည်။

ရန်ကုန်၊ စက်တင်ဘာ ၃၀ ရက် (ဆင်ဟွာ) 

၂၀၁၉-၂၀၂၀ ခုနှစ် တွင် မြန်မာတစ်နိုင်ငံလုံး တွင် အသက်အကြီးဆုံး အဘိုးအဘွားတို့အားရွေးချယ်ခဲ့ရာ အသက် ၁၂၇ နှစ်အရွယ်ရှိ အဘွားဒေါ်ထွေးကို မြန်မာတစ်နိုင်ငံလုံး၏ အသက်အကြီးဆုံးအဖွားအဖြစ် ရွေးချယ်ခဲ့ကြောင်း ၊ တစ်နိုင်ငံလုံးအသက်အကြီးဆုံးအဘိုးအဖြစ်  အသက် ၁၂၆ နှစ် အရွယ်ရှိ အဘိုးဦးကိုကိုကြီး အား  ရွေးချယ်ခဲ့ကြောင်း လူမှုဝန်ထမ်းကယ်ဆယ်ရေး နှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန မှ ဒေါက်တာစန်းစန်းအေးက ပြောကြားသည်။