၂၀၁၉ အာရှ ယူ-၁၉ အမျိုးသမီးဘောလုံးပြိုင်ပွဲ နောက်ဆုံးအဆင့်ယှဉ်ပြိုင်မည့် မြန်မာ ယူ-၁၉ အမျိုးသမီးအသင်းခြေစမ်းပွဲများ ကစားမည်

ျမန္မာအမ်ဳိးသမီးအသင္းယွဥ္ၿပိဳင္ကစားေနစဥ္ (ဓာတ္ပံု-- ေၾကးမံု) Sport

ရန်ကုန်၊ သြဂုတ် ၂၉ ရက် (ဆင်ဟွာ)

၂၀၁၉ အာရှ ယူ-၁၉ အမျိုးသမီးဘောလုံးပြိုင်ပွဲ နောက်ဆုံးအဆင့်ယှဉ်ပြိုင်မည့် မြန်မာ ယူ-၁၉ အမျိုးသမီးအသင်းသည် ယခုလကုန်မှစတင်ကာ ခြေစမ်းပွဲများ ဆက်တိုက်ကစားမည်ဖြစ်ကြောင်း မြန်မာနိုင်ငံဘောလုံးအဖွဲ့ချုပ်မှ သိရသည်။

မြန်မာ ယူ-၁၉ အမျိုးသမီးအသင်းသည် ဩဂုတ် ၃၁ ရက်တွင် ပြည်တွင်း လူငယ်အမျိုးသားအသင်းနှင့် ခြေစမ်းပွဲကစားမည်ဖြစ်ပြီး စက်တင်ဘာလလယ် တွင်လည်း ခြေစမ်းပွဲသုံးပွဲကို နှစ်ရက်ခြားတစ်ပွဲ ယှဉ်ပြိုင်ကစားမည်ဖြစ်သည်။ မြန်မာ ယူ-၁၉ အမျိုးသမီးအသင်းသည် ဇူလိုင် ၁ ရက်တွင် စတင်လေ့ကျင့်ခဲ့ရာ ဩဂုတ်လဆန်းအထိ နိုင်ငံတကာခြေစမ်းပွဲ တစ်ပွဲ၊ ပြည်တွင်းခြေစမ်းပွဲ နှစ်ပွဲ ယှဉ်ပြိုင်ကစားခဲ့ပြီး သုံးပတ်ကျော်ကြာ ခြေစမ်းပွဲကစားခြင်းမရှိဘဲ ရပ်နားထား ခြင်းဖြစ်ကြောင်း သိရသည်။

မြန်မာ ယူ-၁၉ အမျိုးသမီးအသင်းသည် အာရှယူ-၁၉ ပြိုင်ပွဲတွင် ခြေစစ်ပွဲအဆင့်ဆင့် ကစားပြီးမှ နောက်ဆုံးအဆင့်သို့ တက်ရောက် ကစားခွင့်ရခဲ့ခြင်းဖြစ်ကြောင်း၊ မြန်မာအသင်း သည် ၂၀၁၈ ခုနှစ် နိုဝင်ဘာလတွင် ပထမ အဆင့်ခြေစစ်ပွဲ၊ ၂၀၁၉ ခုနှစ် ဧပြီလတွင် ဒုတိယအဆင့် ခြေစစ်ပွဲတို့ ကစားခဲ့ပြီး အာရှ ဒေသတွင်း အခြားအသင်းများကို ကျော်ဖြတ်ကာ ခြေစစ်ပွဲ အောင်မြင်ခဲ့ခြင်းဖြစ်ကြောင်း ကြေးမုံသတင်းစာတွင် ပါရှိသည်။ (Xinhua)