နယူးယောက်ရှိ ထရမ့်တာဝါတွင် သံသယဖြစ်ဖွယ် အထုပ်များတွေ့ရှိ

နယူးယောက်၊ ဇူလိုင် ၂၈ ရက် (ဆင်ဟွာ)

အမေရိကန်နိုင်ငံ နယူးယောက်မြို့လယ်က မန်ဟတ်တန်ရှိ ထရမ့်တာဝါတွင် တွေ့ရှိခဲ့သော သံသယဖြစ်ဖွယ် အထုပ်များကို နယူးယောက် ရဲဌာန (NYPD) က စုံစမ်းစစ်ဆေး နေကြောင်း သိရသည်။

အဆိုပါ ထရမ့်တာဝါ အပြင်ဘက်ရှိ နေရာသုံးခုတွင် သံသယဖြစ်ဖွယ် အနည်းဆုံး အထုပ်သုံးထုပ်အား တွေ့ရှိခဲ့ခြင်း ဖြစ်ကြောင်း ဒေသခံ သတင်းများအရ သိရသည်။

Twitter တွင်မြင်တွေ့ရသည့် ဗီဒီယိုပြသချက်များအရ East 56th နှင့် East 57th လမ်းကြား Fifth Avenue အား ပိတ်ထားကြောင်း၊ NYPD ဗုံးရှင်းရေးအဖွဲ့ က အခင်းဖြစ်ရာနေရာသို့ ရောက်ရှိနေကြောင်း တွေ့ရသည်။

ယင်းအထုပ်များမှာ မည်သည့်နေရာမှ ရောက်ရှိလာသည်ကို ရှင်းရှင်းလင်းလင်းမသိရှိရသေးပေ။

အဆိုပါ တာဝါကို အမေရိကန်နိုင်ငံ သမ္မတ ဒေါ်နယ်ထရမ့်နှင့် ထရမ့်အဖွဲ့အစည်းက ပိုင်ဆိုင်ခြင်း ဖြစ်သည်။ (Xinhua)