ရန်ကုန်၊ မတ် ၃၀ ရက်(ဆင်ဟွာ)

မှတ်တမ်းတင် မိုက်ခရို ဗွီဒီယို တရုတ်နိုင်ငံတွင် ကျယ်ပြန့်ဖွံ့ဖြိုးလာပုံဆိုင်ရာ ဟောပြောပွဲအား ယနေ့(မတ် ၃၀ ရက်)နံနက်ပိုင်းက ရန်ကုန်မြို့ တရုတ်ယဉ်ကျေးမှုစင်တာတွင် ကျင်းပပြုလုပ်ခဲ့သည်။

ရန်ကုန် ၊ မတ် ၂၉ ရက်(ဆင်ဟွာ)

မြန်မာ နှင့် တရုတ် လူငယ်များ ပူးပေါင်း ဆောင်ရွက် ဖန်တီးထားသည့် “အနာဂတ်၏မျိုးဆက်သစ်” မြန်မာ-တရုတ် ပူးပေါင်းဆောင်ရွက်သော မှတ်တမ်း ရုပ်ရှင်ပြပွဲအား ရန်ကုန်မြို့ရှိ တရုတ် ယဉ်ကျေးမှု စင်တာ၌ ကျင်းပခဲ့သည်။

ရန်ကုန် ၊ မတ် ၁ ရက် (ဆင်ဟွာ)

တရုတ် နိုင်ငံ ပြုပြင်ပြောင်းလဲမှု နှင့် တံခါးဖွင့် ပေါ်လစီ ကျင့်သုံးခြင်း နှစ် ၄၀ ပြည့် နိုင်ငံတကာ လှည့်လည်ဓာတ်ပုံပြပွဲ-မြန်မာ ပြပွဲ အား မတ်လ ၁ ရက် ညနေပိုင်း အချိန်တွင် ရန်ကုန်မြို့ရှိ တရုတ် ယဉ်ကျေးမှု စင်တာ တွင် စတင် ကျင်းပ ပြုလုပ်ခဲ့သည်။

ရန်ကုန်၊ ဖေဖော်ဝါရီ ၂၄ ရက်(ဆင်ဟွာ)

“ကမ္ဘာတစ်ဝန်း နှစ်ကူးနွေဦးပွဲတော် အတူပျော်ရွှင်” အဆိုအက ပဒေသာဖျော်ဖြေပွဲအား ဖေဖော်ဝါရီ ၂၄ ရက်က ရန်ကုန်မြို့ရှိ အမျိုးသားကဇတ်ရုံတွင် စည်ကားသိုက်မြိုက်စွာကျင်းပခဲ့ရာ မြန်မာနိုင်ငံ ဆိုင်ရာ တရုတ်သံအမတ်ကြီး မစ္စတာ ဟုန်လျန်၊ မြန်မာနိုင်ငံ သာသနာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကို၊ မြန်မာနိုင်ငံ တရုတ်နှစ်ကူးနွေဦးပွဲတော် ကျင်းပရေးကော်မတီ ဥက္ကဋ္ဌ ဦးချစ်စိန်(Xu Congcang)နှင့် အခြား ဖိတ်ကြားထားသော တရုတ်၊မြန်မာဧည့်သည်တော်များ အတူတက်ရောက် ရှုစားအားပေးခဲ့ကြသည်။

ပုဂံ ၊ ဖေဖော်ဝါရီ ၂၀ ရက် (ဆင်ဟွာ)

လန်ချန်း-မဲခေါင် ဒေသတွင်း နိုင်ငံများရှိ အမွေအနှစ်ဒေသများ စီမံခန့်ခွဲရေး ဆိုင်ရာ အလုပ်ရုံ ဆွေးနွေးပွဲ ကို ဖေဖော်ဝါရီ ၂၀ ရက် နံနက်ပိုင်း အချိန်တွင် ပုဂံမြို့ ၊ ပုဂံဟိုတယ်ရှိ အစည်းအဝေး ခန်းမတွင် စတင် ကျင်းပ ပြုလုပ်ခဲ့ပြီး ဒေသတွင်း နိုင်ငံ ၆ နိုင်ငံ မှ ပညာရှင်များ က ယဉ်ကျေးမှု အမွေအနှစ် စီမံခန့်ခွဲမှု ဆိုင်ရာ သဘောထား အမြင်များ အား ဆွေးနွေး ခဲ့ကြသည်။

ရန်ကုန် ၊ ဖေဖော်ဝါရီ ၁၅ ရက်(ဆင်ဟွာ)

တရုတ် ပြည်သူ့သမ္မတ နိုင်ငံ ၊ ဟောင်ကောင်ရှိ Shaw Brothers Pictures International Ltd နှင့် J.Q. Pictures တို့မှ Line Walker (Operation Midnight Shadow) ရုပ်ရှင် ဇာတ်ကားအား မြန်မာနိုင်ငံ ရန်ကုန်မြို ့၌ လာရောက် ရိုက်ကူးသွားမည် ဖြစ်ကြောင်း စာနယ်ဇင်း မိတ်ဆက်ပွဲအား ယနေ့နေ့လည်ပိုင်း တွင် ရန်ကုန်မြို ့ရှိ ရုပ်ရှင် ဖွံ့ဖြိုး တိုးတက်ရေး စင်တာ၌ ပြုလုပ်ခဲ့သည်။

ရန်ကုန် ၊ဖေဖော်ဝါရီ ၆ ရက်(ဆင်ဟွာ)

၁၄ ကြိမ်မြောက်တရုတ် ရိုးရာ ခြသေ့ၤ ၊ နဂါး စွမ်းရည် ပြိုင်ပွဲအား ရန်ကုန်မြို့ လသာမြို့နယ်ရှိစဉ့်အိုးတန်း (အထက်လမ်း)၌ ယနေ့ဖေဖော်ဝါရီ ၆ ရက်တွင် ဖွင့်ပွဲ အခမ်းအနား နှင့် အတူစတင် ကျင်းပ ပြုလုပ်ခဲ့သည်။

ရန်ကုန် ၊ ဖေဖော်ဝါရီ ၅ ရက်(ဆင်ဟွာ)

“သိုက်မြိုက်ဝေဆာ တရုတ်တန်းမှာ နွှဲကြပျော်ပျော် နှစ်သစ်ကူး ပွဲတော်”အား တရုတ် ရိုးရာ ပြက္ခဒိန် အရ နှစ်ဆန်း ၁ ရက် ဖြစ်သည့် ယနေ့ဖေဖော်ဝါရီ ၅ ရက်တွင် ရန်ကုန်မြို့လသာမြို့နယ်ရှိ တရုတ်တန်း၌ စည်ကား သိုက်မြိုက်စွာ ကျင်းပခဲ့ရာ တရုတ်-မြန်မာ ဆွေမျိုးပေါက်ဖော် ပြည်သူများ ပျော်ရွှင်စွာ ပါဝင် ဆင်နွှဲခဲ့ကြသည်။

ရန်ကုန် ၊ ဖေဖော်ဝါရီ ၁ ရက် (ဆင်ဟွာ)

“၂၀၁၉ ခုနှစ် တရုတ် နှစ်ကူး ဧည့်ခံပွဲ ” အခမ်းအနား အား ဖေဖေါ်ဝါရီ ၁ ရက် ညပိုင်း အချိန်တွင် ရန်ကုန်မြို့ ရှိ မြန်မာ နိုင်ငံ ဆိုင်ရာ တရုတ် နိုင်ငံ သံအမတ်ကြီး အိမ်တော်တွင် ကျင်းပ ပြုလုပ် ခဲ့ပြီး တရုတ်-မြန်မာ နှစ်နိုင်ငံ အစိုးရ နှင့် အရက်ဖက် ဆွေမျိုးပေါက်ဖော် တို့ မှ အတူတကွ ပျော်ရွှင်စွာ နှစ်သစ် အား ကြိုဆိုခဲ့ကြသည်။

မန္တလေး ၊ ဇန်နဝါရီ ၂၈ ရက် (ဆင်ဟွာ)

လန်ချန်း-မဲခေါင်ဒေသတွင်း အနုပညာရှင် လူငယ်များ တွေ့ဆုံပွဲ ဖွင့်ပွဲ အခမ်းအနား ကို ဇန်နဝါရီ ၂၈ ရက် နံနက်ပိုင်း က မန္တလေးမြို့ရှိ ဟိုတယ်ရွှေပြည်သာ တွင် ကျင်းပ ပြုလုပ်ခဲ့ပြီး “လန်ချန်း-မဲခေါင် ဒေသတွင်းရှိ အဖွဲ့ဝင် နိုင်ငံများ မှ ရိုးရာ ယဉ်ကျေးမှုများ နှင့် အနုပညာရပ်များ ထိန်းသိမ်းရေး” စာတမ်းများ ကို ဒေသတွင်းရှိ နိုင်ငံ အလိုက် စာတမ်းဖတ်ခြင်း ပြုလုပ်ခဲ့ကြသည်။

ဖွင့်ပွဲ အခမ်းအနား သို့ မြန်မာ နိုင်ငံ သာသနာရေး နှင့် ယဉ်ကျေးမှု ဝန်ကြီးဌာန ပြည်ထောင်စုဝန်ကြီး သူရဦးအောင်ကို ၊ မန္တလေးတိုင်းဒေသကြီး ဝန်ကြီးချုပ် ဒေါက်တာ ဇော်မြင့်မောင် ကိုယ်စား မန္တလေးတိုင်း ဒေသကြီး စိုက်ပျိုးရေး ၊ မွေးမြူရေး နှင့် ဆည်မြောင်းဝန်ကြီးဌာန ဝန်ကြီး ဒေါက်တာ စိုးသန်း ၊ မန္တလေးတိုင်း ဒေသကြီး လွှတ်တော် ဥက္ကဋ္ဌ ဦးအောင်ကျော်ဦး ၊ လန်ချန်း-မဲခေါင် ပူးပေါင်းဆောင်ရွက်ရေး ဆိုင်ရာ ပူးပေါင်းညှိနှိုင်းရေး ဥက္ကဋ္ဌ ၊ နိုင်ငံခြားရေး ဝန်ကြီးဌာန ၊ အပြည်ပြည်ဆိုင်ရာ အဖွဲ့အစည်းများ နှင့် စီးပွားရေး ဦးစီးဌာန ညွှန်ကြားရေးမှူးချုပ် ဦးချမ်းအေး ၊ မြန်မာ နိုင်ငံ ဆိုင်ရာ တရုတ် နိုင်ငံ သံရုံး သံအမတ်ကြီး မစ္စတာ ဟုန်လျန် ၊ မန္တလေးမြို့ အခြေစိုက် တရုတ် နိုင်ငံ ကောင်စစ်ဝန်ရုံး ကောင်စစ်ဝန်ချုပ် မစ္စတာ ဝမ်ကျုံရင်(Mr.Wang Zongying) ၊ မြန်မာ နိုင်ငံ အစိုးရ သက်ဆိုင်ရာ ဌာန အသီးသီး မှ တာဝန်ရှိပုဂ္ဂိုလ်များ ၊ ဖိတ်ကြားထားသည့် ဧည့်သည်တော်များ နှင့် နိုင်ငံအသီးသီး မှ ကိုယ်စားလှယ် အဖွဲ့ တို့က တက်ရောက် ခဲ့ကြသည်။

မြန်မာ နိုင်ငံ သာသနာရေး နှင့် ယဉ်ကျေးမှု ဝန်ကြီးဌာန ပြည်ထောင်စုဝန်ကြီး သူရဦးအောင်ကို က ဖွင့်ပွဲ အခမ်းအနား တွင် လန်ချန်း-မဲခေါင် ဒေသတွင်းရှိ အဖွဲ့ဝင် နိုင်ငံ ၆ နိုင်ငံ အနေဖြင့် ပူးပေါင်းဆောင်ရွက်မှု မြှင့်တင်ရန် လိုအပ်သည့် ဒေသတွင်း နိုင်ငံ အသီးသီး မှ အနုပညာရှင် လူငယ်များ တွေ့ဆုံပွဲ ကို ကျင်းပ ပြုလုပ်ခဲ့ခြင်း ဖြစ်ကြောင်း ၊ ယဉ်ကျေးမှု ဖလှယ်ခြင်း မှ တစ်ဆင့် နိုင်ငံများ အကြား အပြန်အလှန် နားလည်မှု ၊ ချစ်ခင်ယုံကြည်မှု ၊ ယဉ်ကျေးမှု အပေါ် အပြန်အလှန် လေးစား တနန်ဖိုးထားမှု ၊ အတူတကွ ပူးပေါင်းဆောင်ရွက်မှု နှင့် အတွေးအမြင်သစ်များ အပြန်အလှန် ဖလှယ်နိုင်မှုများ တိုးတက်စေလိုကြောင်း ၊ လန်ချန်း-မဲခေါင် ဒေသတွင်း နိုင်ငံများရှိ အနုပညာရှင်လူငယ်များ တွေ့ဆုံပွဲ အောင်မြင်စွာ ကျင်းပပြုလုပ်နိုင်ရန် အတွက် ကူညီထောက်ပံ့ပေးခဲ့သည့် တရုတ် ပြည်သူ့သမ္မတ နိုင်ငံ အစိုးရ နှင့် တက်ကြွစွာ ပါဝင်ဆောင်ရွက် ခဲ့ကြသည့် ဒေသတွင်း အဖွဲ့ဝင် နိုင်ငံများ အား ဝန်ကြီးဌာန ကိုယ်စား အထူးကျေးဇူးတင်ရှိကြောင်း ပြောကြား ခဲ့သည်။

လန်ချန်း-မဲခေါင်ဒေသတွင်း အနုပညာရှင် လူငယ်များ တွေ့ဆုံပွဲ ဖွင့်ပွဲ အခမ်းအနား မြင်ကွင်း(ဆင်ဟွာ)

မြန်မာ နိုင်ငံ သာသနာရေး နှင့် ယဉ်ကျေးမှု ဝန်ကြီးဌာန ပြည်ထောင်စုဝန်ကြီး သူရဦးအောင်ကို က ဖွင့်ပွဲ အခမ်းအနား တွင် အမှာစကားပြောကြား နေစဉ်(ဆင်ဟွာ)

မြန်မာနိုင်ငံ ဆိုင်ရာ တရုတ် နိုင်ငံ သံအမတ်ကြီး ဟုန်လျန် က ဖွင့်ပွဲ အခမ်းအနား တွင် အမှာစကားပြောကြား နေစဉ်(ဆင်ဟွာ)

မန္တလေးတိုင်း ဒေသကြီး စိုက်ပျိုးရေး ၊ မွေးမြူရေး နှင့် ဆည်မြောင်းဝန်ကြီးဌာန ဝန်ကြီး ဒေါက်တာ စိုးသန်း က အမှာစကားပြောကြားနေစဉ်(ဆင်ဟွာ)

လန်ချန်း-မဲခေါင် ပူးပေါင်းဆောင်ရွက်ရေး ဆိုင်ရာ ပူးပေါင်းညှိနှိုင်းရေး ဥက္ကဋ္ဌ ဦးချမ်းအေး က မိန့်ခွန်းပြောကြားနေစဉ်(ဆင်ဟွာ)

မြန်မာ နိုင်ငံ ကိုယ်စားလှယ် အဖွဲ့ ခေါင်းဆောင် မောင် ပေါင်ဇလန့်က ဆင်ဟွာ သတင်းဌာန ၏ မေးမြန်းမှု အား ဖြေကြား နေစဉ်(ဆင်ဟွာ)

လန်ချန်း-မဲခေါင်ဒေသတွင်း အနုပညာရှင် လူငယ်များ တွေ့ဆုံပွဲ ဖွင့်ပွဲ အခမ်းအနား ကျင်းပ ပြုလုပ်နေစဉ်(ဆင်ဟွာ)

လန်ချန်း-မဲခေါင်ဒေသတွင်း အနုပညာရှင် လူငယ်များ တွေ့ဆုံပွဲ ဖွင့်ပွဲ အခမ်းအနား ကျင်းပ ပြုလုပ်နေစဉ်(ဆင်ဟွာ)

လန်ချန်း-မဲခေါင်ဒေသတွင်း အနုပညာရှင် လူငယ်များ တွေ့ဆုံပွဲ ဖွင့်ပွဲ အခမ်းအနား ကျင်းပ ပြုလုပ်နေစဉ်(ဆင်ဟွာ)

လန်ချန်း-မဲခေါင်ဒေသတွင်း အနုပညာရှင် လူငယ်များ တွေ့ဆုံပွဲ ဖွင့်ပွဲ အခမ်းအနား ကျင်းပ ပြုလုပ်နေစဉ်(ဆင်ဟွာ)

မန္တလေးတိုင်းဒေသကြီး ဝန်ကြီးချုပ် ဒေါက်တာ ဇော်မြင့်မောင် ကိုယ်စား မန္တလေးတိုင်း ဒေသကြီး စိုက်ပျိုးရေး ၊ မွေးမြူရေး နှင့် ဆည်မြောင်းဝန်ကြီးဌာန ဝန်ကြီး ဒေါက်တာ စိုးသန်း က လန်ချန်း-မဲခေါင် ဒေတွင်း ရှိ လူငယ်များ တွေ့ဆုံပွဲ အား မြန်မာ နိုင်ငံ ၏ ရှေးဟောင်း ယဉ်ကျေးမှု မြို့တော် မန္တလေး တွင် လာရောက်ကျင်းပ ပြုလုပ်သည့် အတွက် မန္တလေးတိုင်း ဒေသကြီး အစိုးရ ကိုယ်စား လွန်စွား ဝမ်းမြောက် ဂုဏ်ယူမိကြောင်း ၊ တွေ့ဆုံပွဲ အစီအစဉ် အတွင်း လန်ချန်း-မဲခေါင် ဒေသ အဖွဲ့ဝင် နိုင်ငံများ မှ ကိုယ်စားလှယ် အဖွဲ့များအား ယဉ်ကျေးမှု ဆိုင်ရာ နေရာအသီးသီး ပို့ဆောင်ပေးရန် စီစဉ်ထားပြီး မြန်မာ နိုင်ငံ သမိုင်းဝင် နေရာများ သို့လည်း ပို့ဆောင်ပေးမည် ဖြစ်ကြောင်း ၊ လန်ချန်း-မဲခေါင် ပူးပေါင်းဆောင်ရွက်မှု အထူးရန်ပုံငွေ ဖြင့် ဒေသတွင်း ကဏ္ဍအသီးသီး ပူးပေါင်းဆောင်ရွက်မှု ကို ထောက်ပံ့ပေးသည့် အတွက် အဆက်မပြတ် ဖွံ့ဖြိုးတိုးတက်လာမည် ကို ယုံကြည်ကြောင်း ပြောကြား ခဲ့သည်။

မြန်မာ နိုင်ငံ ဆိုင်ရာ တရုတ် နိုင်ငံ သံအမတ်ကြီး ဟုန်လျန် က တရုတ် နိုင်ငံသည် မဲခေါင်မြစ် ဒေသတွင်း ရှိ နိုင်ငံ ၅ နိုင်ငံ နှင့် တောတောင်ရေမြေခြင်း ထိစပ်နေသည့် သဘာ၀ အလျှောက် ဖြစ်တည်နေသော ကံကြမ္မာ အကျိုးတူ အသိုက်အဝန်း တစ်ခု ဖြစ်ကြောင်း ၊ တရုတ် နိုင်ငံ အနေဖြင့် မဲခေါင်မြစ် ဒေသတွင်း ရှိ နိုင်ငံ များ ရေရှည် တည်ငြိမ်အေးချမ်းရေး နှင့် ဖွံ့ဖြိုးတိုးတက်မှု ရရှိစေရန် လိုလာကြောင်း ၊ တရုတ် နိုင်ငံ အနေဖြင့် လန်ချန်း-မဲခေါင် ပူးပေါင်းဆောင်ရွက်မှု အထူးရန်ပုံငွေ အား ထူထောင်ပေးခဲ့ပြီး အမေရိကန်ဒေါ်လာ သန်း ၃၀၀ ဖြင့် အထူးရန်ပုံငွေ အား ထူထောင်ပေးခဲ့ကာ မဲခေါင်မြစ် ဒေသတွင်း နိုင်ငံ များ ပိုမို ကောင်းမွန်စွာ ဖွံ့ဖြိုးတိုးတက်စေရန် အတွက် ထောက်ပံ့ပေးခဲ့ကြောင်း ၊ ရန်ပုံငွေ ထူထောင်ပြီး ၃ နှစ်တာ အချိန် ကာလ အတွင်း ပူးပေါင်းဆောင်ရွက်မှု စီမံကိန်းပေါင်း ၂၆၀ ကို အကောင်အထည်ဖော် နိုင်ခဲ့ပြီး ဒေသတွင်း ထိရောက်မှု အရှိဆုံး ဆောင်ရွက်မှု တစ်ခု ဖြစ်လာခဲ့ကြောင်း ၊ ယနေ့ကျင်းပ ပြုလုပ်သည့် အစီအစဉ် သည်လည်း လန်ချန်း-မဲခေါင် လူမှုရေး နှင့် ယဉ်ကျေးမှု ဖလှယ်ခြင်း ၏ အရေးပါသည့် စီမံကိန်း တစ်ရပ် ဖြစ်ပြီး ဒေသတွင်း ပြည်သူလူထု များ အကြား စိတ်နှလုံးခြင်း ချိတ်ဆက်မှု အပေါ် လွန်စွာ အရေးပါကြောင်း ၊ လန်ချန်း-မဲခေါင် ဒေသတွင်းရှိ လူငယ်များ က ဒေသတွင်း ပူးပေါင်းဆောင်ရွက်မှုများ နှင့် အတူတကွ ကြီးပြင်းကာ အတူတကွ တောက်ပသည့် အနာဂတ် ရရှိစေရန်မျှော်လင့်ကြောင်း ပြောကြား ခဲ့သည်။

လန်ချန်း-မဲခေါင် ပူးပေါင်းဆောင်ရွက်ရေး ဆိုင်ရာ ပူးပေါင်းညှိနှိုင်းရေး ဥက္ကဋ္ဌ ၊ နိုင်ငံခြားရေး ဝန်ကြီးဌာန ၊ အပြည်ပြည်ဆိုင်ရာ အဖွဲ့အစည်းများ နှင့် စီးပွားရေး ဦးစီးဌာန ညွှန်ကြားရေးမှူးချုပ် ဦးချမ်းအေး က လတ်တလောရက်ပိုင်း အတွင်း တရုတ် နိုင်ငံ အစိုးရ က ဒုတိယ အကြိမ်မြောက် အနေဖြင့် မြန်မာ နိုင်ငံ အား စီမံကိန်း ပေါင်း ၁၉ ခု အတွက် လန်ချန်း-မဲခေါင် ပူးပေါင်းဆောင်ရွက်မှု အထူး ရန်ပုံငွေ ဖြင့် အမေရိကန် ဒေါ်လာ ၇.၃၇ သန်း ပေးအပ်ခဲ့ကြောင်း ၊ ပထမ အကြိမ်တွင် လည်း မြန်မာ နိုင်ငံ အား အထူးရန်ပုံငွေ တစ်ရပ် အနေဖြင့် အမေရိကန် ဒေါ်လာ ၂.၄ သန်း ပေးအပ်ခဲ့ကြောင်း ၊ တရုတ် နိုင်ငံ လန်ချန်း-မဲခေါင် ဒေသတွင်း နိုင်ငံ များ အတူတကွ ဖွံ့ဖြိုးတိုးတက်စေရန် အတွက် ငွေကြေး ကူညီထောက်ပံ့မှုများ ကူညီဆောင်ရွက်ပေး ခဲ့ပြီး ယနေ့ ကျင်းပ ပြုလုပ်သည့် အစီအစဉ် သည်လည်း တရုတ် နိုင်ငံ ၏ ကူညီထောက်ပံ့မှု တစ်ခု အပါအဝင် ဖြစ်ကြောင်း ၊ တရုတ် နိုင်ငံ ၏ ကူညီထောက်ပံ့မှု ဖြင့် ဆောင်ရွက်နေသည့် လန်ချန်း-မဲခေါင် ဒေသတွင်း ပူးပေါင်းဆောင်ရွက်မှုများ က ဒေသတွင်း အဖွဲ့ဝင် နိုင်ငံများ ၏ ပြည်သူလူထု အကြား ဆက်ဆံရေး အား ပိုမိုကောင်းမွန်စေသည့် အတွက် တရုတ် နိုင်ငံ အစိုးရ အား ကျေးဇူးတင်ရှိကြောင်း ပြောကြား ခဲ့သည်။

လန်ချန်း-မဲခေါင်ဒေသတွင်း အနုပညာရှင် လူငယ်များ တွေ့ဆုံပွဲ တွင် မြန်မာ နိုင်ငံ ကိုယ်စားလှယ် အဖွဲ့ ခေါင်းဆောင်ဖြစ်သူ မောင် ပေါင်ဇလန့် က ဆင်ဟွာ သတင်းဌာန ၏ မေးမြန်းမှု အား ဖြေကြား ခဲ့ရာ တွင် မိမိ အနေဖြင့် ချင်းပြည်နယ် တီးတိန်မြို့ မှ လာရောက် ခဲ့ခြင်း ဖြစ်ပြီး အမျိုးသား ယဉ်ကျေးမှု နှင့် အနုပညာ တက္ကသိုလ် ပန်းချီပညာရပ် မဟာဘွဲ့တန်း ပထမ နှစ် ကျောင်းသား တစ်ဦး ဖြစ်ကြောင်း ၊ ယခု ကျင်းပပြုလုပ်သည့် အစီအစဉ် မှ နိုင်ငံအချင်းချင်း ချစ်ကြည်ရင်းနှီးမှု နှင့် ယဉ်ကျေးမှု ဖလှယ်ခြင်း အား တိုးမြှင့်ပေးနိုင်မည် ကို ယုံကြည်ကြောင်း ၊ ယဉ်ကျေးမှု ဖလှယ်ပွဲ အတွင်း ယဉ်ကျေးမှု နှင့် ပတ်သက်သည့် စာတမ်းဖတ်ပွဲကိုလည်း ကျင်းပ ပြုလုပ်သွားမည် ဖြစ်သောကြောင့် ဒေသတွင်း အခြား နိုင်ငံ များ ၏ ယဉ်ကျေးမှု အား ပိုမို သိရှိနားလည် နိုင်စေမည် ဖြစ်ကြောင်း ၊ ရှေ့ဆက်၍ လည်း အလားတူပွဲမျိုး ဆက်လက်ကျင်းသွားရန် မျှော်လင့်ကြောင်း ပြောကြား ခဲ့သည်။

လန်ချန်း-မဲခေါင်ဒေသတွင်း အနုပညာရှင် လူငယ်များ တွေ့ဆုံပွဲ အား ဇန်နဝါရီ ၂၇ ရက် မှ ၃၁ ရက် အထိ ကျင်းပ ပြုလုပ်သွားမည် ဖြစ်ပြီး အမျိုးသား ယဉ်ကျေးမှု နှင့် အနုပညာ တက္ကသိုလ်(မန္တလေး) မှ တာဝန်ယူ ဆောင်ရွက်ပေးခဲ့ခြင်း ဖြစ်ကြောင်း ၊ တွေ့ဆုံပွဲ ကျင်းပ ပြုလုပ်စဉ် ဒေသတွင်း ရှိ နိုင်ငံ ၆ နိုင်ငံ မှ တစ်နိုင်ငံ လျှင် လူငယ် အနုပညာရှင် ၄ ဦး နှင့် ခေါင်းဆောင် တစ်ဦး စုစုပေါင်း ၅ ဦး ပါဝင်သွားကြမည် ဖြစ်ကြောင်း ၊ တွေ့ဆုံပွဲ အတွင်း လူငယ်များ ၏ ရိုးရာယဉ်ကျေးမှု ၊ ပန်းချီ ၊ ပန်းပု ၊ အဆို ၊ အက များ တင်ဆက် ပြသ သွားမည် ဖြစ်ပြီး အနုပညာ ဆိုင်ရာ ပြန်ခန်းများလည်း ဖွင့်လှစ်ပေးသွားမည် ဖြစ်ကြောင်း ၊ တွေ့ဆုံပွဲ တက်ရောက်ကြသည့် နိုင်ငံ များ မှ လူငယ် များ က မိမိ နိုင်ငံ ၏ ယဉ်ကျေးမှု နှင့် အနုပညာဆိုင်ရာ စာတမ်းများ ဖတ်ကြားကြမည် ဖြစ်ပြီး သက်ဆိုင်ရာ နိုင်ငံ အလိုက် အနုပညာရပ်ဆိုင်ရာ ပစ္စည်များ ကိုလည်း ခင်းကျင်းပြသရောင်းချ ပေးသွားမည် ဖြစ်ကြောင်း သိရှိရသည်။(Xinhua)

Page 3 of 5