ပေကျင်း၊ ဇန်နဝါရီ ၂၄ ရက်(ဆင်ဟွာ) ဘာသာပြန်/မြတ်မြတ်ဦး

COVID-19 ကာကွယ်ဆေး ထိုးနှံမှုလုပ်ငန်း တစ်စုတစ်စည်းတည်း စီမံမှုများအရ ပေကျင်းမြို့တွင် အဓိက လူအုပ်စုများ၏ ဒုတိယမြောက် ကာကွယ်ဆေးထိုးနှံမှုလုပ်ငန်းများကို ဇန်နဝါရီ ၂၂ ရက်တွင် စတင်၍ ဆောင်ရွက်လျက်ရှိရာ ဖေဖော်ဝါရီ ၈ ရက်တွင် ပြီးစီးရန် ခန့်မှန်းထားကြောင်း သိရသည်။

ထျန်းကျင်း၊ ဇန်နဝါရီ ၂၂ ရက် (ဆင်ဟွာ) ဘာသာပြန် - ခေါန်ရိန်

တရုတ်နိုင်ငံ မြောက်ပိုင်း ထျန်းကျင်းမြူနီစီပယ် ကျန်းမာရေးတာဝန်ရှိသူများသည် မကြာသေးမီက မြို့အတွင်းသို့ ပြည်ပမှ ဝင်ရောက်လာသော COVID-19 ရောဂါကူးစက်မှုတစ်ခု၌ ဗြိတိန်နိုင်ငံတွင် ပထမဆုံးတွေ့ရှိခဲ့သော ဗီဇပြောင်း နိုဗယ်ကိုရိုနာဗိုင်းရပ်စ်ကို တွေ့ရှိခဲ့ကြောင်း သိရသည်။

ပေကျင်း ၊ ဇန်နဝါရီ ၂၂ ရက် (ဆင်ဟွာ) ဘာသာပြန်/စိုးမိုး
တရုတ်နိုင်ငံ ပေကျင်းမြို့ အရှေ့ပိုင်း တုန်းချိန်ဒေသ နှင့် အနောက်ပိုင်း ရှီးချိန်ဒေသတို့၏ COVID-19 ကပ်ရောဂါ ကာကွယ်ထိန်းချုပ်ရေး လုပ်ငန်းဆောင်ရွက်မှု ညွှန်ကြားရေးအဖွဲ့ က လတ်တလောကာလအတွင်း ပြင်ပမှ COVID-19 ရောဂါ ဝင်ရောက်သည့် အန္တရာယ်မြင့်တက်လာသောကြောင့် ယင်းဒေသနှစ်ခုရှိ ပြည်သူလူထုများနှင့် တာဝန်ထမ်းဆောင်နေသောဝန်ထမ်းများ၏ အသက်အန္တရာယ်လုံခြုံရေးနှင့် ကျန်းမာရေး အာမခံချက် ရရှိစေရန်အတွက် ဇန်နဝါရီ ၂၂ ရက် နှင့် ၂၃ ရက်တွင် အဆိုပါဒေသရှိ လူများအားလုံးကို Nucleic acid စစ်ဆေးမှု ဆောင်ရွက်ပေးသွားမည်ဖြစ်ကြောင်း ဇန်နဝါရီ ၂၂ ရက်၌ ထုတ်ပြန်ကြေညာခဲ့သည်။

ပေကျင်း၊ ဇန်နဝါရီ ၂၁ ရက်(ဆင်ဟွာ) ဘာသာပြန်/မြတ်မြတ်ဦး

COVID-19 ကာကွယ်ဆေး ထိုးနှံမှုလုပ်ငန်း တစ်စုတစ်စည်းတည်း စီမံမှုများအရ ပေကျင်းမြို့ရှိ အဓိက လူအုပ်စုများ၏ ဒုတိယမြောက် ကိုဗစ်ကာကွယ်ဆေး ထိုးနှံမှုကို ဇန်နဝါရီ ၂၂ ရက်တွင် စတင်မည်ဖြစ်ပြီး ဖေဖော်ဝါရီ ၈ ရက်မတိုင်မီ အလုံးစုံပြီးမြောက်ရန် စီစဉ်ထားကြောင်း သိရသည်။

ပေကျင်း၊ ဇန်နဝါရီ ၂၁ ရက် (ဆင်ဟွာ) ဘာသာပြန် - ခေါန်ရိန်

တရုတ်နိုင်ငံ China National Biotec Group (CNBG) က ထုတ်လုပ်သော COVID-19 ကာကွယ်ဆေးသည် ကျယ်ကျယ်ပြန့်ပြန့်ဖြန့်ကျက်နိုင်ပြီး မတူညီသော ကိုရိုနာဗိုင်းရပ်စ် မျိုးဗီဇကွဲများကို အားပျော့သွားစေကြောင်း CNBG အကြီးတန်းအမှုဆောင်အရာရှိတစ်ဦးက ဇန်နဝါရီ ၂၀ ရက် သတင်းစာရှင်းလင်းပွဲတွင် ပြောကြားခဲ့သည်။

ဘဂ္ဂဒက်၊ ဇန်နဝါရီ ၂၀ ရက် (ဆင်ဟွာ) ဘာသာပြန် - ခေါန်ရိန်

အီရတ်နိုင်ငံက COVID-19 ကပ်ရောဂါ ပျံ့နှံ့မှုကို ထိန်းချုပ်ရေးအတွက် တရုတ်နိုင်ငံ၏ Sinopharm နှင့် ဗြိတိန်နိုင်ငံ၏ AstraZeneca ကာကွယ်ဆေးများကို အရေးပေါ်အသုံးပြုရန် ဇန်နဝါရီ ၁၉ ရက်က ခွင့်ပြုလိုက်ကြောင်း သိရသည်။

ပေကျင်း၊ ဇန်နဝါရီ ၁၇ ရက်(ဆင်ဟွာ) ဘာသာပြန်/မြတ်မြတ်ဦး

တရုတ်နိုင်ငံ ပြည်နယ်၊ဒေသ၊မြို့ ၃၁ ခု နှင့် ရှင်းကျန်းထုတ်လုပ်မှုနှင့်တည်ဆောက်ရေးတပ်ဖွဲ့၏ အစီရင်ခံချက်များအရ ဇန်နဝါရီ ၁၆ ရက် ၀၀:၀၀ နာရီ မှ ၂၄:၀၀ နာရီထိ တရုတ်နိုင်ငံ၌ ကိုဗစ် အသစ်ထပ်တိုးအတည်ပြုလူနာ ၁၀၉ ဦး ရှိရာ ၎င်းတို့အနက် ပြည်ပကူးစက်မှု ၁၃ ဦး (ရှန်ဟိုင်း ၄ ဦး၊ ဖူကျန့် ၂ ဦး၊ ကွမ်တုန်း ၂ ဦး၊ စီချွမ်း ၂ ဦး၊ ထျန်းကျင်း ၁ ဦး၊ ဆန်းတုန်း ၁ ဦး၊ ဟူနန် ၁ ဦး) ၊ ပြည်တွင်းကူးစက်မှု ၉၆ ဦး(ဟဲပေ ၇၂ ဦး၊ ဟေးလုံကျန်း ၁၂ ဦး၊ ကျီလင် ၁၀ ဦး၊ ပေကျင်း ၂ ဦး) ရှိပြီး ထပ်တိုး သေဆုံးသူ မရှိ နှင့် သံသယလူနာ ၁ ဦးရှိကြောင်း တရုတ်နိုင်ငံ အမျိုးသား ကျန်းမာရေးကော်မရှင်က ဇန်နဝါရီ ၁၇ ရက် တွင် ထုတ်ပြန်ခဲ့သည်။

ရှီးကျားကျွမ်း၊ ဇန်နဝါရီ ၁၆ ရက် (ဆင်ဟွာ) ဘာသာပြန် - ခေါန်ရိန်

တရုတ်နိုင်ငံမြောက်ပိုင်း ဟဲပေပြည်နယ် မြို့တစ်မြို့တွင် ဗဟိုကျန်းမာရေး စောင့်ကြည့်လေ့လာရေးစင်တာအတွက် ပထမအသုတ်အနေဖြင့် အခန်းပေါင်း ၁,၅၀၀ ကို ငါးရက်အတွင်း တည်ဆောက်ပြီးစီးခဲ့ကြောင်း ဒေသတွင်းတာဝန်ရှိသူများက ဇန်နဝါရီ ၁၆ ရက်က ပြောကြားခဲ့သည်။

ထျန်းကျင်း ၊ ဇန်နဝါရီ ၁၆ ရက် (ဆင်ဟွာ) ဘာသာပြန်/စိုးမိုး

ထျန်းကျင်းမြို့ ကာကွယ်ထိန်းချုပ်မှုညွှန်ကြားရေးဌာန၏ ပြောကြားချက်အရ ကူးစက်ရောဂါ ထိန်းချုပ်ရေးဌာန အနေဖြင့် ထျန်းကျင်းမြို့ တာချောင်တောက် စားသောက်ကုန်ထုတ်လုပ်ရေး ကုမ္ပဏီ၏ ရေခဲမုန့်ထုတ်လုပ်ရန် ယူကရိန်းနိုင်ငံမှ တင်သွင်းလာသော Whey အမှုန့်အား စစ်ဆေးခဲ့ရာတွင် နမူနာ ၃ ခု ၌ COVID-19 ရောဂါပိုးအား စစ်ဆေးတွေ့ရှိခဲ့ကြောင်း သိရှိရသည်။

ရှီးကျားကျွမ်း၊ ဇန်နဝါရီ ၁၅ ရက် (ဆင်ဟွာ) ဘာသာပြန် - ခေါန်ရိန်

တရုတ်နိုင်ငံမြောက်ပိုင်း ဟဲပေပြည်နယ် မြို့တော်ရှီးကျားကျွမ်းတွင် COVID-19 ရောဂါ လူအစုလိုက်ဖြစ်ပွားမှုကြောင့် ဗဟိုကျန်းမာရေးစောင့်ကြည့်လေ့လာရေး စင်တာတစ်ခုကို ဇန်နဝါရီ ၁၃ ရက်က စတင်တည်ဆောက်ခဲ့ကြောင်း သိရသည်။