ရန်ကုန် ၊ စက်တင်ဘာ ၂၉ ရက်(ဆင်ဟွာ)

ရန်ကုန်တိုင်းဒေသကြီး Stay at Home ကာလအတွင်း QR Pass ရယူရန် မလိုအပ်ဘဲ သက်ဆိုင်ရာ ကုမ္ပဏီ၊ လုပ်ငန်းများ၏ ဝန်ထမ်းကဒ်ဖြင့် လုပ်ငန်းခွင်သို့သွားရောက်နိုင်သည့် လုပ်ငန်းများအား မြန်မာနိုင်ငံ ကုန်သည်များ နှင့် စက်မှုလက်မှုလုပ်ငန်းရှင်းများ အသင်းချုပ်(UMFCCI)မှ ထုတ်ပြန်ခဲ့သည်။ 

 

ရန်ကုန် ၊ စက်တင်ဘာ ၂၈ ရက်(ဆင်ဟွာ) 

နောင်လာမည့် စီးပွားရေးအခက်အခဲများအတွက် နိုင်ငံတော်ကနေပြီး ပြင်ဆင်ထားပြီးသား ဖြစ်ကြောင်း COVID-19 ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီဥက္ကဋ္ဌ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ယနေ့ စက်တင်ဘာ ၂၈ ရက်တွင် COVID-19 ရောဂါဖြစ်ပွားမှု နောက်ဆုံးအခြေအနေနှင့် စပ်လျဉ်း၍ ပြည်သူများသို့ အစီရင်ခံတင်ပြသည့် မိန့်ခွန်းတွင် ထည့်သွင်း ပြောကြားခဲ့သည်။ 

 

ရန်ကုန် ၊ စက်တင်ဘာ ၂၈ ရက်(ဆင်ဟွာ)

COVID-19  ဓာတ်ခွဲစစ်ဆေးမှုများအရ ပြီးခဲ့သော ၂၄ နာရီအတွင်း အတည်ပြု လူနာသစ် ၈၉၇ ဦး တွေ့ရှိပြီး သေဆုံးလူနာ ၃၀ ဦး ရှိခဲ့ကြောင်း ကျန်းမာရေး နှင့် အားကစား ဝန်ကြီးဌာနက ယနေ့ ညပိုင်းတွင် ထုတ်ပြန်ခဲ့သည်။ 

ရန်ကုန် ၊ စက်တင်ဘာ ၂၈ ရက်(ဆင်ဟွာ) 

COVID-19 ကူးစက်ရောဂါ ပြည်ပမှ ဝင်ရောက်လာနိုင်မှု နှင့် ကူးစက်ပြန့်ပွားမှု အန္တရာယ်မှ မြန်မာပြည်သူများအား ကာကွယ်စောင့်ရှောက်ပေးနိုင်ရေးအတွက် ထိရောက်သည့်အစီအမံများကို ဆက်လက်ချမှတ်ဆောင်ရွက်သွားနိုင်ရန် ရှေးရှုလျက် အစိုးရအနေဖြင့် ပြည်ဝင်ခွင့် ယာယီကန့်သတ်မှုဆိုင်ရာ အစီအမံများအားလုံးကို အောက်တိုဘာလ ၃၁ ရက်အထိ ထပ်မံတိုးမြှင့်သတ်မှတ်လိုက်ကြောင်း နိုင်ငံခြားရေး ဝန်ကြီးဌာနက ယနေ့ သတင်းထုတ်ပြန်ခဲ့သည်။ 

ရန်ကုန်၊ စက်တင်ဘာ ၂၈ ရက် (ဆင်ဟွာ) 

ရန်ကုန်တိုင်းဒေသကြီးအတွင်း ဘဏ်ဝန်ထမ်းများ သည် QR Code registration လုပ်ရန်မလိုဘဲ ဘဏ်ထောက်ခံစာဖြင့် သွားလာနိုင်ကြောင်း ရန်ကုန်တိုင်းဒေသကြီးစီမံကိန်းနှင့်ဘဏ္ဍာရေး ဝန်ကြီး ဦးရဲမင်းဦးက ပြောကြားသည်။

"ဘဏ်တွင်တာဝန်ထမ်းဆောင်နေကြောင်း ဘဏ်ရဲ့ တရားဝင် ထောက်ခံစာဖြင့် ရန်ကုန်မြို့တွင်း သွားလာလို့ရပါတယ်။သီးခြား ထောက်ခံစာ ယူရန် မလိုပါ။အခု UMFCCI က ဆောင်ရွက်နေတဲ့ QR Code registration လုပ်ရန် မလိုအပ်ဘူး"ဟု ၎င်းကဆိုသည်။

ရန်ကုန်မြို့တွင် အိမ်၌နေရန် (Stay at home) ကြေညာထားသော်လည်း ဘဏ်လုပ်ငန်းများကို ဆက်လက်ဖွင့်လှစ် လုပ်ကိုင်ကြရမည်ဟု ကျန်းမာရေးနှင့် အားကစားဝန်ကြီးဌာနက ဆိုသည်။မြန်မာနိုင်ငံတော် ဗဟိုဘဏ်ကလည်း ဘဏ်လုပ်ငန်းများတွင် တာဝန်ထမ်းဆောင်နေသော ဝန်ထမ်းများကို လုပ်ငန်းလိုအပ်ချက်အရ အချိန်မရွေး သွားလာခွင့်ပြုပေးရန် အစိုးရသို့ တင်ပြထားပြီး ဖြစ်ကြောင်း ဝန်ကြီး ဦးရဲမင်းဦးက ပြောသည်။

ရန်ကုန်တိုင်းဒေသကြီအတွင်း မြို့နယ် ဖြတ်ကျော်သွားလာမှုကို  တားမြစ်စစ်ဆေးမှုများ အား ယနေ့(စက်တင်ဘာ ၂၈) ရက်မှ စတင်အရေးယူမည်ဖြစ်ကြောင်း၊ မြို့နယ် ဖြတ်ကျော်သွားလာရန် ခွင့်ပြုထားသည့်လုပ်ငန်းကို QR Pass ထုတ်ပေးထားပြီး ယင်း QR Pass ပြုလုပ် ထားသူများသာ နယ်မြေဖြတ်  ကျော်ခွင့်ပေးမည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့ရုံးထံမှ သိရသည်။

ရန်ကုန်တိုင်းဒေသကြီးသည် COVID-19 ရောဂါအတည်ပြုလူနာ အများဆုံးတိုင်းဒေသကြီးတစ်ခုဖြစ်ပြီး လက်ရှိ စက်တင်ဘာ ၂၇ ရက် ညပိုင်းအထိ အတည်ပြုလူနာ ၇,၄၀၀ကျော်ရှိနေကြောင်း၊ တစ်နိုင်ငံလုံးအတိုင်းအတာဖြင့် COVID-19 ရောဂါ အတည်ပြုလူနာ ၁၀၇၃၄ ဦး ရှိပြီး သေဆုံးသူ ၂၂၆ ဦးရှိကြောင်း ကျန်းမာရေးနဲ့ အားကစားဝန်ကြီးဌာန၏ ထုတ်ပြန်ချက်အရ သိရသည်။  (Xinhua)

 

ရန်ကုန်၊ စက်တင်ဘာ ၂၇ ရက် (ဆင်ဟွာ)

စက်တင်ဘာ ၂၆ ရက် ည (၈:၀၀)နာရီမှ စက်တင်ဘာ ၂၇ ရက် ည  (၈:၀၀)နာရီအတွင်း ဓာတ်ခွဲနမူနာ စုစုပေါင်း (၅,၂၇၂) ခုအား စစ်ဆေးခဲ့ရာ COVID-19 ရောဂါ ဓာတ်ခွဲအတည်ပြု လူနာသစ် (၇၄၃)ဦး တွေ့ရှိခဲ့ပြီး၊ ၂၈ ဦးထပ်မံ သေဆုံးခဲ့ကြောင်း ကျန်းမာရေး နှင့် အားကစားဝန်ကြီးဌာန ၏ ထုတ်ပြန်ချက်အရသိရသည်။ 

ရန်ကုန် ၊ စက်တင်ဘာ ၂၇ ရက်(ဆင်ဟွာ) 

ရန်ကုန်တိုင်းဒေသကြီး Stay at Home ကာလ ရက်သတ္တပတ်နှစ်ပတ်အတွင်း ခွင့်ပြုလုပ်ငန်းများလည်ပတ်မည်ဆိုပါက Onlineမှတစ်ဆင့် မှတ်ပုံတင်ရန် မြန်မာနိုင်ငံ ကုန်သည်များ နှင့် စက်မှုလက်မှုလုပ်ငန်းရှင်းများ အသင်းချုပ်  (UMFCCI)မှ ထပ်မံအသိပေးအကြောင်းကြားခဲ့ပြီး လည်ပတ်ရန် ခွင့်ပြုထားသောလုပ်ငန်းများမှာ စက်ရုံ၊ အလုပ်ရုံများမှ အလုပ်သမားများ၊ ကုမ္ပဏီ၊ လုပ်ငန်း၊ အဖွဲ့အစည်းများမှ ဝန်ထမ်းများသည် သက်ဆိုင်ရာ လုပ်ငန်းခွင်သို့ သွားရောက်ရာ တွင်လည်းကောင်း၊ လိုအပ်ချက်အရ အခြားမြို့နယ်များသို့ ဖြတ်ကျော်ရာတွင်လည်းကောင်း QR Pass ရရှိကိုင်ဆောင်ထားရန် လိုအပ်ကြောင်း ယနေ့ ထုတ်ပြန်ခဲ့သည်။ 

ရန်ကုန် ၊ စက်တင်ဘာ ၂၇ ရက်(ဆင်ဟွာ)

COVID-19 ရောဂါထိန်းချုပ်နိုင်ရေးအတွက် သတ်မှတ်စည်းကမ်းချက်များအား လိုက်နာခြင်း မရှိသည့် ကေတီဗွီ/ဘား/တရားမဝင်အနှိပ်ခန်းဖွင့်လှစ်နေမှုများ၊ ညမထွက်ရအချိန် ကျော်လွန်၍ အကြောင်းမဲ့ သွားလာနေမှုများ၊ နှာခေါင်းစည်းမတပ်ဆင်ဘဲ စည်းကမ်းမဲ့သွားလာနေမှုများကို မြန်မာနိုင်ငံရဲတပ်ဖွဲ့ အနေဖြင့် အလေးထားစိစစ်ကြပ်မတ်ဆောင်ရွက်လျက်ရှိရာ ပြည်နယ်နှင့် တိုင်းဒေသကြီး အသီးသီးတွင် စက်တင်ဘာ ၁၉ ရက်မှ ၂၅ ရက်ထိ တစ်ပတ်တာကာလအတွင်း လူပေါင်း ၅၂၅ ဦးအား အရေးယူဆောင်ရွက်ခဲ့ကြောင်း ပြည်ထဲရေး ဝန်ကြီးဌာနထံမှ သိရသည်။ 

ရန်ကုန်၊ စက်တင်ဘာ ၂၆ ရက် (ဆင်ဟွာ) 

မြန်မာနိုင်ငံတွင်  COVID-19 အတည်ပြုလူနာသစ် ၈၈၀ ဦး တွေ့ရှိခဲ့ပြီး ထပ်မံ သေဆုံးသူ ၂၄ ဦး ရှိကာ စုစုပေါင်းသေဆုံးသူ ၁၉၈ဦးအထိရှိလာပြီဖြစ်ကြောင်း ကျန်းမာရေး နှင့် အားကစားဝန်ကြီးဌာန မှ စက်တင်ဘာ ၂၆ ရက် ည ၈ နာရီ တွင် ထုတ်ပြန်ခဲ့သည်။

ရန်ကုန်၊ စက်တင်ဘာ ၂၆ ရက် (ဆင်ဟွာ)

ရန်ကုန်တိုင်းဒေသကြီးအတွင်း Stay at Home သတ်မှတ်ထားသောမြို့နယ်များတွင် COVID -19 ရောဂါ ကာကွယ် တားဆီး ထိန်းချုပ်နိုင်ရေး အတွက် ကုန်စိမ်း နှင့် သားငါး လက်ကားဒိုင်များမှ မြို့နယ်များ သို့ အရောက် ရောင်းချရပေးရန် စီစဉ် လျက်ရှိသကဲ့သို့ အဓိကစားနပ်ရိက္ခာ ထုတ်လုပ်သော သားငါးကဏ္ဍပြတ်လပ်မသွားစေရေးအတွက် သက်ဆိုင်ရာတာဝန်ရှိသူများ နှင့် ပူးပေါင်းဆောင်ရွက်လျက်ရှိကြောင်း မြန်မာနိုင်ငံမွေးမြူရေးလုပ်ငန်းအဖွဲ့ချုပ်မှ တာဝန်ရှိသူ ဒေါက်တာခင်လှိုင်က ဆင်ဟွာသို့ စက်တင်ဘာ ၂၆ ရက်တွင် ပြောသည်။