လန်ဒန် ၊ အောက်တိုဘာ ၁ ရက် (ဆင်ဟွာ)

ကမ္ဘာ့ဒုတိယ အကြီးဆုံး ရေနံ ကုမ္ပဏီ ဖြစ်သည့် Shell က COVID-19 ရောဂါ ဖြစ်ပွားမှုကြောင့် ကမ္ဘာပေါ်တွင် ရေနံသုံးစွဲမှုလျော့ကျလာခြင်း နှင့် ရေနံဈေးနှုန်း ကျဆင်းမှု တို့ ကြောင့် ကုမ္ပဏီ အနေဖြင့် ၂၀၂၂ ခုနှစ် မတိုင်မီ ဝန်ထမ်း ၇ ထောင် မှ ၉ ထောင် ဦး လျှော့ချသွားမည် ဖြစ်ကြောင်း စက်တင်ဘာ ၃၀ ရက် တွင် ထုတ်ပြန်ကြေညာ ခဲ့သည်။

ပေကျင်း၊ အောက်တိုဘာ ၁ ရက် (ဆင်ဟွာ) 

ရုရှားနိုင်ငံ တိုက်ရိုက်ရင်းနှီးမြှုပ်နှံမှုရန်ပုံငွေအဖွဲ့(RDIF)သည် အီဂျစ်နိုင်ငံ ဧရာမဆေးကုမ္ပဏီကြီးနှင့် စက်တင်ဘာ ၃၀ ရက်က သဘောတူလက်မှတ်ရေးထိုးခဲ့ရာ ယင်းသဘောတူညီချက်အရအီဂျစ်သို့ “Sputnik V”  ကိုရိုနာဗိုင်းရပ်စ်ကာကွယ်ဆေး  ၂၅ သန်း ပံ့ပိုးမည်ဖြစ်ပြီး အီဂျစ်လူဦးရေ၏ လေးပုံတစ်ပုံကို လွှမ်းခြုံနိုင်မည်ဟု မျှော်လင့်ရကြောင်းသိရသည်။  

 

ကုလသမဂ္ဂ ၊ အောက်တိုဘာ ၁ ရက် (ဆင်ဟွာ)

ကပ်ရောဂါအဆုံးသတ်ရေးအတွက် ကာကွယ်ဆေးရရှိရန်မှာကမ္ဘာကြီး၏ အမြင့်ဆုံး မျှော်လင့်ချက်ဖြစ်ရာ ကမ္ဘာလုံးဆိုင်ရာ COVID-19 ရောဂါ ကင်းစင်ရေးရည်မှန်းချက်ပန်းတိုင် အောင်မြင်စေရန်အတွက ကြိုးပမ်းမှုအရှိန်အဟုန်ကို မြှင့်တင်သွားရမည်ဖြစ်ကြောင်းဘီလ်ဂိတ်ကစက်တင်ဘာ ၃၀ ရက်တွင် တိုက်တွန်းပြောကြားခဲ့သည်။

ဂျီနီဗာ၊ စက်တင်ဘာ ၃၀ ရက် (ဆင်ဟွာ)

 ကမ္ဘာတစ်ဝန်းတွင် စက်တင်ဘာ ၂၉ ရက်အထိ COVID-19 ရောဂါကြောင့်သေဆုံးသူ အရေအတွက် တစ်သန်းကျော်လွန်သွားပြီဖြစ်ကာ ၁,၀၀၀,၀၄၀ ဦးအထိရောက်ရှိခဲ့ကြောင်း ကမ္ဘာ့ကျန်းမာရေးအဖွဲ့ (WHO) ၏ နောက်ဆုံးရကိန်းဂဏန်းများအရ သိရသည်။

ပေကျင်း၊ စက်တင်ဘာ ၂၈ ရက်(ဆင်ဟွာ) 

အိန္ဒိယနိုင်ငံတွင် ကိုဗစ်အတည်ပြုလူနာ စုစုပေါင်း ၆ သန်း နီးပါးရှိလာကြောင်းနှင့် အမေရိကန်နိုင်ငံတွင် ထပ်တိုးလူနာများအနက် အသက် ၁၈ နှစ်မှ ၂၅ နှစ်အတွင်းရှိသူ ၂၆ ရာခိုင်နှုန်းပါဝင်ကြောင်း စက်တင်ဘာ ၂၇ ရက်တွင် ရရှိသော သတင်းများအရ သိရသည်။

(၁) ကမ္ဘာလုံးဆိုင်ရာ ကိန်းဂဏန်းအချက်အလက်များ

ကမ္ဘာ့ကျန်းမာရေးအဖွဲ့(WHO)က ထုတ်ပြန်ခဲ့သော ကိန်းဂဏန်းများအရ စက်တင်ဘာ ၂၇ ရက် ဗဟိုဥရောပစံတော်ချိန်(CET) ၁၃ နာရီ ၀၈ မိနစ်အထိ ကမ္ဘာတစ်ဝန်းCOVID-19ရောဂါ အတည်ပြုလူနာ အရေအတွက်သည် ပြီးခဲ့သောရက်ကထက် ၂၉၈,၇၇၃ ဦး တိုးမြင့်လာပြီး အသစ်ထပ်တိုးသေဆုံးသူ ၅,၃၈၀ ဦး ရှိရာ စုစုပေါင်း အတည်ပြုလူနာ ၃၂,၇၃၀ ,၉၄၅ ဦး နှင့် စုစုပေါင်း သေဆုံးသူ ၉၉၁,၂၂၄ ဦး ရှိကြောင်း သိရသည်။ 

အမေရိကန်နိုင်ငံ ဂျွန်ဟော့ကင်းတက္ကသိုလ်၏ ထုတ်ပြန်သည့် ကိန်းဂဏန်းအချက်အလက်များအရ ပေကျင်း စံတော်ချိန် စက်တင်ဘာ ၂၈ ရက် ၆ နာရီ ၂၃ မိနစ်အထိ ကမ္ဘာတစ်ဝန်း COVID-19ရောဂါ ဖြစ်ပွားသူ စုစုပေါင်း ၃၂,၉၄၉,၄၇၀ ဦး၊  စုစုပေါင်း သေဆုံးသူ ၉၉၆,၀၈၄ ဦး ရှိပြီဖြစ်ကြောင်း သိရသည်။အမေရိကန်နိုင်ငံသည် တစ်ကမ္ဘာလုံးတွင် ကပ်ရောဂါအခြေအနေ အဆိုးဝါးဆုံးနိုင်ငံဖြစ်ပြီး အတည်ပြုလူနာ ၇,၁၀၉,၃၅၁ ဦး နှင့် သေဆုံးသူ ၂၀၄,၇၃၈ ဦး ရှိကြောင်း သိရသည်။ 

အိန္ဒိယနိုင်ငံ နယူးဒေလီမြို့ရှိ မြေအောက်ရထားပေါ်ရှိမြင်ကွင်းများအား စက်တင်ဘာ ၇ ရက်က တွေ့ရစဉ် (ဆင်ဟွာ)

(၂)သတင်းအချက်အလက် စုစည်းချက်များ

အိန္ဒိယနိုင်ငံ ကျန်းမာရေးဝန်ကြီးဌာန၏ စက်တင်ဘာ ၂၇ ရက်တွင် ထုတ်ပြန်သည့် ကိန်းဂဏန်းများအရ အိန္ဒိယနိုင်ငံတွင် ကိုဗစ် လူနာ စုစုပေါင်း ၅,၉၉၂,၅၃၂ ဦးရှိရာ ပြီးခဲ့သည့် ၂၄ နာရီအတွင်း ထပ်တိုးအတည်ပြုလူနာ ၈၈,၆၀၀ဦး ရှိခဲ့ကြောင်း သိရသည်။ စက်တင်ဘာလမှစ၍ အိန္ဒိယနိုင်ငံ၌ တစ်ရက်အတွင်းအတည်ပြုလူနာအရေအတွက်သည် ဆက်တိုက် စံချိန်တင် မြင့်တက်ခဲ့ရာ စက်တင်ဘာ ၁၁ ရက်တွင် တစ်ရက်အတွင်း ထပ်တိုးလူနာ အများဆုံးအဖြစ် ၉၇,၅၇၀ ဦး ရှိခဲ့ပြီး ကမ္ဘာ့နိုင်ငံအားလုံးတွင် ထပ်တိုးလူနာအများဆုံးမှတ်တမ်းဝင်ခဲ့ကြောင်းနှင့် လက်ရှိတွင် လျော့နည်းသွားမည့် အနေအထား မရှိသေးကြောင်း သိရသည်။ 

အမေရိကန်နိုင်ငံ ကူးစက်ရောဂါထိန်းချုပ်ရေးနှင့်ကာကွယ်ရေးဌာန(CDC) ဒါရိုက်တာ Robert R. Redfield၏ ယခုရက်ပိုင်း ပြောကြားချက်များအရ ယခုကာလများအတွင်း ကိုဗစ် အသစ်ထပ်တိုးလူနာများအနက် အသက် ၁၈ နှစ်မှ ၂၅ နှစ် ရှိသူသည် ၂၆ ရာခိုင်နှုန်းရှိကြောင်း သိရသည်။ အဆိုပါ အသက်ငယ်ရွယ်သူများ ကိုရိုနာဗိုင်းရပ်စ် ကူးစက်ခံရသည့်အခါ သာမန်အားဖြင့် ပြင်းထန်သည့်ရောဂါလက္ခဏာများမဖြစ်ပေါ်တတ်သော်လည်း ၎င်းတို့မှတစ်ဆင့် အခြားကိုယ်ခံအားနည်းသူများကို ပြန့်ပွားကူးစက်စေနိုင်ကြောင်း သိရသည်။ 

အိန္ဒိယနိုင်ငံ နယူးဒေလီမြို့ရှိ မြေအောက်ရထားပေါ်ရှိမြင်ကွင်းများအား စက်တင်ဘာ ၇ ရက်က တွေ့ရစဉ် (ဆင်ဟွာ)

ဩစတြေးလျနိုင်ငံ ကပ်ရောဂါအခြေအနေ ဆိုးဝါးသည့် ဝိတိုရိယပြည်နယ်တွင် အခြေအနေပြန်လည် တည်ငြိမ်လာပြီဖြစ်ရာ တစ်လကျော်ကြာ ဆက်တိုက်ကျင့်သုံးလာသည့် ညမထွက်ရအမိန့်ကို ဖျက်သိမ်းမှုအပါအဝင်  မြို့တော် မဲလ်ဘုန်း၏ ကပ်ရောဂါကာကွယ် ထိန်းချုပ်ရေးနည်းလမ်းများကို တစ်ဆင့်ထပ်မံ ဖြေလျော့ပေးမည် ဖြစ်ကြောင်း ပြည်နယ်အစိုးရက  စက်တင်ဘာ ၂၇ ရက်တွင် ကြေညာခဲ့သည်။ 

မြန်မာနိုင်ငံ ကျန်းမာရေးနှင့်အားကစား ဝန်ကြီးဌာန၏ စက်တင်ဘာ ၂၇ ရက်တွင် ထုတ်ပြန်သည့် ကိန်းဂဏန်းများအရ မြန်မာနိုင်ငံတွင် ကိုဗစ် အတည်ပြုလူနာ စုစုပေါင်း ၁၀,၇၃၄ ဦး၊ သေဆုံးသူ စုစုပေါင်း ၂၂၆ ဦးနှင့် ရောဂါသက်သာပျောက်ကင်းသူ စုစုပေါင်း ၂,၈၆၂ ဦး ရှိကြောင်း သိရသည်။ ကပ်ရောဂါကာကွယ်ထိန်းချုပ်ရေးအတွက် မြန်မာနိုင်ငံတွင် ခရီးသွားလာခွင့်များကို တားမြစ်ထားပြီး နိုင်ငံတကာလေကြောင်းလိုင်းသွားလာမှုကန့်သတ်ချက်ကို အောက်တိုဘာ လကုန်အထိ တိုးမြှင့်ထားကြောင်း သိရသည်။ 

ကိုဗစ် ကပ်ရောဂါကာလအတွင် နိုင်ငံရေးဖြင့် သိပ္ပံပညာကို စွက်ဖက်ခြင်းသည် စိုးရိမ်ဖွယ်ရှိကြောင်း၊ သိပ္ပံပညာနှင့်ပညာရှင်များကို အရောင်ဆိုးသည့် လုပ်ရပ်သည် လူများ၏ ကျန်းမာရေးနှင့်အကျိုးစီးပွားကို အန္တရာယ်ဖြစ်စေကြောင်း အမေရိကန်နိုင်ငံ အမျိုးသား သိပ္ပံအကယ်ဒမီ(NAS)ဥက္ကဋ္ဌ Marcia McNuttနှင့် အမျိုးသား ဆေးပညာ အကယ်ဒမီ(NAM)ဥက္ကဋ္ဌ Victor Dzauတို့သည် ပြီးခဲ့သည့်ရက်များက ပူးတွဲကြေညာချက်တစ်စောင်ထုတ်ပြန်ခဲ့သည်။ 

ပီရူးနိုင်ငံတွင် တစ်နိုင်ငံလုံးအရေးပေါ်အခြေအနေကို အောက်တိုဘာ ၃၁ ရက်အထိ တိုးမြှင့်မည်ဖြစ်ကြောင်း ပီရူးနိုင်ငံအစိုးရက ပြီးခဲ့သည့်ရက်များတွင် ကြေညာခဲ့သည်။ အရေးပေါ်ကာလတွင် တစ်နိုင်ငံလုံးအတိုင်းအတာရ အိမ်တွင်လည်းကောင်း၊ ပြင်ပတွင်လည်းကောင်း လူစုလူဝေးလုပ်ခြင်းကို တားမြစ်ထားပြီး အရက်ဘား၊ ဒစ္စကိုအကခန်းမနှင့် ရုပ်ရှင်ရုံစသည့်တို့ကို ယာယီ ပိတ်ထားရမည် ဖြစ်ကြောင်း သိရသည်။ (Xinhua)

လော့အိန်းဂျလိစ် ၊ စက်တင်ဘာ ၂၇ ရက်(ဆင်ဟွာ)

အမေရိကန်နိုင်ငံ ကယ်လီဖိုးနီးယားပြည်နယ်တောင်ပိုင်းရှိ  ကယ်လီဖိုးနီးယားပြည်နယ်တက္ကသိုလ် Long Beach (CSULA) ၌ တက္ကသိုလ်တက်ရောက်ပညာသင်းကြားနေသောကျောင်းသား ၅ ဦးသည် COVID-19 ကန့်သတ်ချက်များအား ချိုးဖောက်၍ တွေ့ဆုံပွဲတစ်ခုသို့ တက်ရောက်ခဲ့သဖြင့်  ယင်းတက္ကသိုလ်ပရဝဏ်အတွင်းရှိ ကျောင်းသားအားလုံးကို စက်တင်ဘာ ၂၆ ရက်တွင် (Quarantine) အသွားအလာကန့်သတ်မှုဖြင့် နေထိုင်ရန် ကျောင်းအာဏာပိုင်များက ကြေညာချက် တစ်စောင်ထုတ်ပြန်ခဲ့သည်။

တက္ကသိုလ်အဓိပတိ Jane Close Conoley က ထုတ်ပြန်ခဲ့သော ယင်းကြေညာချက်ထဲတွင် ကျောင်းသားအချို့သည် ကျောင်းမှ ထုတ်ပြန်ထားသော COVID-19 ရောဂါဆိုင်ရာ လမ်းညွှန်ချက်စည်းကမ်းများအား ချိုးဖောက်၍ ကျောင်းပရဝဏ်ပြင်ပ၌ ပြုလုပ်သော ပျော်ပွဲရွှင်ပွဲ တစ်ခုကို တက်ရောက်ခဲ့ကြောင်း နှင့် ယင်းတို့ထဲမှ ကျောင်းသား ၅ ဦးသည် COVID-19 ရောဂါကူးစက်ခံလိုက်ရကြောင်းကို ကျောင်းတာဝန်ရှိသူများက စက်တင်ဘာ ၂၅ ရက် နှောင်းပိုင်းတွင် စစ်ဆေးတွေ့ရှိခဲ့ပြီးနောက် ယခုကဲ့သို့ အသွားအလာကန့်သတ်သည့် ဆုံးဖြတ်ချက်ကို ချမှတ်လိုက်ရခြင်းဖြစ်ကြောင်း ပြောကြားခဲ့သည်။

“ ကျွန်တော်တို့က ကျောင်းပရဝဏ်ထဲမှာရှိတဲ့ လူအားလုံးကို အသွားအလာကန့်သတ်မှု လုပ် လိုက်ပါတယ်။ ပြီးတော့ Long Beach မြို့ ကျန်းမာရေး နှင့် လူ့စွမ်းအားအရင်းအမြစ်ဌာနနဲ့အတူ ချိတ်ဆက်ပြီး ဒီကျောင်းသားအားလုံးကို မကြာမီကာလအတွင်း ဆေးစစ်မှုတွေ ပြုလုပ်သွားမှာပါ” ဟု ထုတ်ပြန်ချက်တွင် ဖော်ပြထားသည်။ ထို့ပြင် တက္ကသိုလ်အနေဖြင့် လူအချင်းချင်းထိတွေ့ပြောဆိုမှုအား ရက်သတ္တပတ် နှစ်ပတ်ကြာ ပိတ်ပင်ထားမည်ဖြစ်ပြီး ကျောင်းပရဝဏ်အတွင်း လုပ်ကိုင်နေကြသော ဝန်ထမ်းအရေအတွက်ကိုလည်း ပြန်လည်သုံးသပ်မှုများ ပြုလုပ်သွားမည်ဖြစ်ကြောင်း ဆိုသည်။

တာဝန်ရှိသူများက ကျောင်းပရဝဏ်အတွင်းရှိ အဆောက်အဦများ သန့်ရှင်ရေး နှင့် ပိုးသတ်ဆေးဖျန်းရေး ကို လိုအပ်သလို လုပ်ဆောင်သွားမည်ဖြစ်ကြောင်း နှင့် ထိတွေ့မှုနှင့် ဆက်စပ်သော ကျောင်းသားများကိုလည်း ရှာဖွေဖော်ထုတ်သွားမည်ဖြစ်ကြောင်း Conoley က ဆိုသည်။

ကယ်လီဖိုးနီးယားပြည်နယ် ထိပ်တန်းကျန်းမာရေးတာဝန်ရှိသူတစ်ဦးက စက်တင်ဘာ ၂၅ ရက်တွင်ပြောကြားရာ၌ ပြည်နယ်အတွင်း COVID-19 ရောဂါကူးစက်မှုမှာ အဆိုးရွားဆုံးအခြေအနေတွင်ရှိနေကြောင်း ၊ ယင်းမှာ ဗိုင်းရပ်စ် “ ဒုတိယလှိုင်း” တစ်ခု စတင်ရိုက်ခတ်လာမည့် ရှေ့ပြေးလက္ခဏာများပင်ဖြစ်ကြောင်း ဆိုသည်။

တောင်ပိုင်း ကယ်လီဖိုးနီးယားပြည်နယ်၍ ကမ်းရိုးတမ်း နှင့် ဆိပ်ကမ်းမြို့တစ်ခုဖြစ်သည့် Long Beach မြို့သည် လော့အိန်းဂျလိစ်မြို့ပြည်သူ့ကျန်းမာရေးစနစ် စီမံခန့်ခွဲမှုအောက်မှ ကျန်းမာရေးဆိုင်ရာ လွတ်လွတ်လပ်လပ်စီမံခွင့်ရရှိထားသည့် မြို့ငယ်လေးတစ်မြို့ဖြစ်သည်။

နောက်ဆုံး ကောက်ယူရရှိခဲ့သော အချက်အလက်များအရ ယင်းမြို့သည် စက်တင်ဘာ ၂၅ ရက် သန်းခေါင်ယံအထိ မြို့ခံပြည်သူ ၄၆၀, ၀၀၀ ဦးအနက် COVID-19 ရောဂါကူးစက်ခံရသူ ၁၁,၇၉၈ ဦးရှိကြောင်း သိရသည်။

အကျယ်အဝန်း ၃၂၂ ဧကရှိသော CSULA တက္ကသိုလ်ပရဝဏ်သည် ကယ်လီဖိုးနီးယားပြည်နယ်အတွင်းရှိ တက္ကသိုလ်ကျောင်းပေါင်း ၂၃ ခု အနက် အရွယ်အစား တတိယအကြီးဆုံး ကျောင်းပရဝဏ်ကြီးတစ်ခု ဖြစ်ကြောင်း သိရသည်။(Xinhua) 

 

နယူးယောက် ၊ စက်တင်ဘာ ၂၇ ရက်(ဆင်ဟွာ)

ကမ္ဘာတစ်ဝှမ်းတွင် စက်တင်ဘာ ၂၆ ရက်အထိ COVID-19 ရောဂါဖြင့် သေဆုံးသူပေါင်း ၉၉၀,၀၀၀ ကျော်ရှိလာကြောင်း အမေရိကန်နိုင်ငံ ဂျွန်ဟော့ကင်းတက္ကသိုလ် သိပ္ပံ နှင့် အင်ဂျင်နီယာ ဌာန(CSSE) ၏ ထုတ်ပြန်ချက် အရသိရသည်။

ဘာလင်၊ စက်တင်ဘာ ၂၆ ရက် (ဆင်ဟွာ)

ဂျာမနီနိုင်ငံ အင်ဂျင်နီယာပညာနှင့် နည်းပညာကုမ္ပဏီတစ်ခုဖြစ်သော Bosch က COVID-19 ရောဂါရှိမရှိကို အပြည့်အဝ အလိုအလျောက်စစ်ဆေးပေးနိုင်ပြီး အချိန် ၃၉ မိနစ်အတွင်း “စိတ်ချရသော အဖြေ” ထုတ်ပေးနိုင်သည့် စစ်ဆေးမှုကို တီထွင်ခဲ့ကြောင်း ကုမ္ပဏီက စက်တင်ဘာ ၂၅ ရက်တွင် ကြေညာခဲ့သည်။

ပဲရစ် ၊ စက်တင်ဘာ ၂၆ ရက် (ဆင်ဟွာ)
ပြင်သစ်နိုင်ငံတွင်လွန်ခဲ့သည့် ၂၄ နာရီအတွင်း COVID-19 ရောဂါကူးစက်ခံရသူ ၁၅,၇၉၇ ဦးတိုးမြင့်ခဲ့ပြီး ကူးစက်ခံရသူစုစုပေါင်း ၅ သိန်းကျော်အထိရောက်ရှိလာခဲ့ကြောင်း ၊ လက်ရှိချိန်တွင် ပြင်သစ်နိုင်ငံ၌ COVID-19 ရောဂါကူးစက်ခံရသူစုစုပေါင်း ၅၂၃,၀၃၄ ဦးအထိရောက်ရှိခဲ့ပြီး သေဆုံးသူစုစုပေါင်း ၃၁,၆၆၁ ဦးရှိကြောင်း ပြင်သစ်နိုင်ငံအစိုးရ၏ စက်တင်ဘာ ၂၅ ရက်ထုတ်ပြန်ကြေညာချက်အရ သိရှိရသည်။

ဆန်ဖရန်စစ္စကို၊ စက်တင်ဘာ ၂၅ ရက် (ဆင်ဟွာ)

အမေရိကန်နိုင်ငံ အော်ရီဂွန်ပြည်နယ် Clatsop နယ်မြေရှိ Pacific Seafood စက်ရုံ လုပ်သား ၇၇ ဦးတွင် COVID-19 ရောဂါပိုးတွေ့ရှိခဲ့ရကြောင်း ယင်းနယ်မြေမှ စက်တင်ဘာ ၂၄ ရက်၌ သိရသည်။