ကူမင်း၊ ဧပြီ ၁၀ ရက် (ဆင်ဟွာ)

တရုတ်နိုင်ငံ အနောက်တောင်ပိုင်း ယူနန်ပြည်နယ် ရွှေလီမြို့တွင် ဒုတိယအကြိမ် မြို့အနှံ့ nucleic acid စစ်ဆေးခြင်း ပြီးစီးခဲ့ပြီး နမူနာ ၁၈ ခုတွင် COVID-19 စစ်ဆေးတွေ့ရှိခဲ့ကြောင်း ဒေသအစိုးရက ဧပြီ ၉ ရက်၌ ပြောကြားခဲ့သည်။

အစ္စလာမ်မာဘတ်၊ ဧပြီ ၁၀ ရက် (ဆင်ဟွာ)

ပါကစ္စတန်နိုင်ငံ ဆေးဝါးကြီးကြပ်ရေးအာဏာပိုင်အဖွဲ့ (DRAP) က တရုတ်နိုင်ငံ Sinovac COVID-19 ကာကွယ်ဆေးကို အရေးပေါ်အသုံးပြုရန်အတွက် ခွင့်ပြုလိုက်ကြောင်း အစ္စလာမ်မာဘတ်ရှိ အမျိုးသား ကျန်းမာရေးအင်စတီကျုက ဧပြီ ၉ ရက်၌ ပြောကြားခဲ့သည်။

ရာဘတ်၊ ဧပြီ ၉ ရက် (ဆင်ဟွာ)

မော်ရိုကိုနိုင်ငံသည် ကမ္ဘာလုံးဆိုင်ရာ ကာကွယ်ဆေးခွဲဝေမှုအစီအစဥ် COVAX မှတဆင့် COVID-19 ကာကွယ်ဆေး ပထမအသုတ်ကို ဧပြီ ၈ ရက်တွင် လက်ခံရရှိခဲ့ကြောင်း ကျန်းမာရေးဝန်ကြီးဌာနမှ သိရသည်။

ဆန်တီယာဂို၊ ဧပြီ ၉ ရက် (ဆင်ဟွာ)

ချီလီနိုင်ငံ၌ ဧပြီ ၈ ရက်တွင် COVID-19 ရောဂါထပ်မံကူးစက်ခံရသူပေါင်း ၈,၁၉၅ ဦးရှိခဲ့သဖြင့် ကပ်ရောဂါစတင်ဖြစ်ပွားချိန်မှစ၍ နေ့စဥ်ကူးစက်ခံရသူအရေအတွက်အမြင့်ဆုံးဖြစ်ခဲ့ပြီး တစ်နိုင်ငံလုံးတွင် ရောဂါကူးစက်ခံရသူစုစုပေါင်း ၁,၀၅၁,၂၇၀ ဦး ရှိလာကြောင်း သိရသည်။

ကွီတို၊ ဧပြီ ၉ ရက် (ဆင်ဟွာ)

အီကွေဒေါနိုင်ငံတွင် နိုဗယ်ကိုရိုနာဗိုင်းရပ်စ်ရောဂါမှ ကာကွယ်ရန် တရုတ်နိုင်ငံ Sinovac ဆေးဝါးကုမ္ပဏီမှ ကာကွယ်ဆေး ပထမအသုတ်ကို လက်ခံရရှိခဲ့ကြောင်း သိရသည်။

မနီလာ၊ ဧပြီ ၈ ရက် (ဆင်ဟွာ)


အင်မတန်ရှားပါးလှသော ဆိုးကျိုးသက်ရောက်မှုကြောင့် AstraZeneca COVID-19 ကာကွယ်ဆေးနှင့် သွေးခဲခြင်းအကြား ကြောင်းကျိုးဆက်နွယ်သောဆက်စပ်မှု သတင်းများ ထွက်ပေါ်လာပြီးနောက် ဖိလစ်ပိုင်နိုင်ငံတွင် အသက် ၆၀ နှစ်အောက်ရှိသူများအား AstraZeneca COVID-19 ကာကွယ်ဆေးထိုးနှံခြင်းကို ယာယီဆိုင်းငံ့ကြောင်း ဧပြီ ၈ ရက်က ကြေညာခဲ့ကြောင်း သိရသည်။

ဦလန်ဘာတာ၊ ဧပြီ ၈ ရက် (ဆင်ဟွာ)

မွန်ဂိုလီးယားနိုင်ငံတွင် လူပေါင်း ၅၂၉,၉၁၁ ဦးကို COVID-19 ကာကွယ်ဆေးထိုးနှံပေးခဲ့ပြီးဖြစ်ကြောင်း မွန်ဂိုလီးယားနိုင်ငံ ကျန်မာရေးဝန်ကြီးက ဧပြီ ၈ ရက်တွင်ပြောသည်။

ပေကျင်း၊ ဧပြီ ၈ ရက်(ဆင်ဟွာ)

ကိုဗစ်ပျောက်ကင်းလူနာ သုံးပုံတစ်ပုံခန့်သည် ရောဂါသက်သာပျောက်ကင်းပြီးနောက် (၆)လအတွင်း အာရုံကြော သို့မဟုတ် စိတ်ပိုင်းဆိုင်ရာရောဂါဖြစ်ပွားသည်ကို တွေ့ရှိရကြောင်း ဗြိတိန်၏နောက်ဆုံးသုတေသနတစ်ခုတွင် ဖော်ပြထားသည်။

ဂျကာတာ ၊ ဧပြီ ၈ ရက်(ဆင်ဟွာ)

အင်ဒိုနီးရှားနိုင်ငံတစ်ဝှမ်း လာမည့်ဇူလိုင်လတွင် စာသင်ခန်းအတွင်း သင်ကြားမှုများ ပြန်လည် မစတင်မီ အကြိုပြင်ဆင်မှုတစ်ရပ်အနေဖြင့် ဂျာကာတာမြို့ရှိ စာသင်ကျောင်း ၈၅ ကျောင်း၌ မျက်နှာချင်းဆိုင်အနေအထား အခန်းတွင်းသင်ကြားမှုပုံစံဖြင့် ဧပြီ ၇ ရက်တွင် စတင်ဖွင့်လှစ် ခဲ့ကြောင်း သိရသည်။

မနီလာ၊ ဧပြီ ၈ ရက် (ဆင်ဟွာ)

ဖိလစ်ပိုင်နိုင်ငံ အစားအသောက်နှင့် ဆေးဝါးကွပ်ကဲမှုဦးစီးဌာန (FDA) က သက်ကြီးရွယ်အိုများအား တရုတ်နိုင်ငံ၏ Sinovac ကာကွယ်ဆေး ထိုးနှံရန် ဧပြီ ၇ ရက်က ခွင့်ပြုလိုက်ပြီးနောက် ယခုအခါ အသက် ၆၀ နှစ်နှင့်အထက်ရှိသူများအနေဖြင့် ယင်းကာကွယ်ဆေး ထိုးနှံနိုင်ပြီဖြစ်ကြောင်း သိရသည်။