ပေကျင်း၊ စက်တင်ဘာ ၂၀ ရက်(ဆင်ဟွာ)

ဗြိတိန်နိုင်ငံတွင် ကိုဗစ် ဒုတိယလှိုင်းကို ရှောင်လွှဲ၍မရနိုင်ဟု ဗြိတိန် ဝန်ကြီးချုပ်က ပြောကြားခဲ့ကြောင်း နှင့် ပြင်သစ်နိုင်ငံတွင် တစ်ရက်တည်း ထပ်တိုးလူနာ ၁၃,၀၀၀ ကျော်ဖြင့် စံချိန်တင်ခဲ့ကြောင်း စက်တင်ဘာ ၁၉ ရက်တွင်ရရှိသည့် ကမ္ဘာ့ကပ်ရောဂါအခြေအနေ သတင်းအချက်အလက်များအရ သိရသည်။

ဂျေရုဆလမ်၊ စက်တင်ဘာ ၁၉ ရက် (ဆင်ဟွာ)

အစ္စရေးနိုင်ငံတွင် ကိုရိုနာဗိုင်းရပ်စ် ပျံ့နှံ့မှုကို ထိန်းချုပ်ရန် ရည်ရွယ်ချက်ဖြင့် စက်တင်ဘာ ၁၈ ရက် ဒေသစံတော်ချိန် မွန်းလွဲ ၂:၀၀ နာရီမှ စတင်၍ နိုင်ငံတစ်ဝန်း အသွားအလာကန့်သတ်မှု (Lockdown) အပြည့်အဝလုပ်ဆောင်လိုက်ပြီဖြစ်ကြောင်း သိရသည်။

နယူးဒေလီ၊ စက်တင်ဘာ ၁၈ ရက် (ဆင်ဟွာ)

ဒူဘိုင်း မြို့ပြလေကြောင်းအာဏာပိုင်အဖွဲ့သည် ပြီးခဲ့သည့်သီတင်းပတ်နှစ်ပတ်အတွင်း COVID-19 ရောဂါရှိကြောင်း စစ်ဆေးမှုအဖြေရရှိထားသော ခရီးသည်များကို နှစ်ကြိမ်တိုင်အောင် တင်ဆောင်လာသည်ဟူသော စွပ်စွဲချက်ဖြင့် Air India Express လေကြောင်းခရီးစဉ်များကို စက်တင်ဘာ ၁၈ ရက်မှ အောက်တိုဘာ ၂ ရက်အထိ ၁၅ ရက်ကြာ ဆိုင်းငံ့လိုက်ကြောင်း တာဝန်ရှိသူများက ပြောကြားလိုက်သည်။

မော်စကို၊ စက်တင်ဘာ ၁၇ ရက် (ဆင်ဟွာ)

ရုရှားနိုင်ငံပိုင် ရန်ပုံငွေအဖွဲ့ဖြစ်သော (Sovereign wealth fund) က အိန္ဒိယဆေးကုမ္ပဏီကို COVID-19 ကာကွယ်ဆေး “Sputnik V”  သန်း၁၀၀ ထောက်ပံ့ရန် Dr. Reddy's Laboratories လီမိတက် နှင့် သဘောတူစာချုပ် ချုပ်ဆိုခဲ့ကြောင်း စက်တင်ဘာ ၁၆ ရက်က ပြောကြားခဲ့သည်။ 

ဝါရှင်တန် ၊ စက်တင်ဘာ ၁၇ ရက် (ဆင်ဟွာ)

အမေရိကန် နိုင်ငံ Pfizer ဆေးဝါးထုတ်လုပ်မှု ကုမ္ပဏီ က စက်တင်ဘာ ၁၅ ရက် ၌ ၎င်း တို့ ကုမ္ပဏီ နှင့် ဂျာမနီ နိုင်ငံ ဇီဝနည်းပညာ ကုမ္ပဏီ တို့ ပူးပေါင်း တီထွင်ထုတ်လုပ်သော COVID-19 ရောဂါ ကာကွယ်ဆေး အား တတိယ အဆင့် လူ၌ စမ်းသပ်မှု ပြုလုပ်ရာ တွင် အချို့သော ပါဝင် စမ်းသပ်ခံသည့် စေတနာ့ဝန်ထမ်းများသည် အနည်းငယ် မှ အလယ်အလတ် အဆင့်ရှိသော ဘေးထွက်ဆိုးကျိုးလက္ခဏာ များ တွေ့ရှိ ခဲ့ရကြောင်း ထုတ်ပြန်ကြေညာခဲ့သည်။

နယူးဒေလီ၊ စက်တင်ဘာ ၁၆ ရက် (ဆင်ဟွာ)

အိန္ဒိယနိုင်ငံ အထွေထွေဆေးဝါးကြီးကြပ်ကွပ်ကဲရေးဌာန (DCGI) သည် Serum Institute of India (SII) ကို AstraZeneca ဆေးဝါး ထုတ်လုပ်ရေးကုမ္ပဏီနှင့်အတူ အောက်စဖို့ဒ်တက္ကသိုလ်၏ Covishield ကာကွယ်ဆေး လက်တွေ့စမ်းသပ်မှု အဆင့်-၂ နှင့် အဆင့်-၃ ပြန်လည်စတင်ရန် ညွှန်ကြားခဲ့ကြောင်း ဒေသတွင်းမီဒီယာက စက်တင်ဘာ ၁၅ ရက်တွင် သတင်းထုတ်ပြန်ခဲ့သည်။

ဝါရှင်တန်၊ စက်တင်ဘာ ၁၆ ရက် (ဆင်ဟွာ)

အမေရိကန်နိုင်ငံတွင် ကပ်ရောဂါဖြစ်ပွာစဉ်ကစ၍ COVID-19 ကူးစက်ခံရသည့် ကလေးငယ် ၅၅၀,၀၀၀ နီးပါးရှိလာပြီဖြစ်ကြောင်း အမေရိကန် ကလေးအထူးကု အကယ်ဒမီနှင့် ကလေးဆေးရုံအသင်းတို့မှထုတ်ပြန်သော အစီရင်ခံစာသစ်အရသိရသည်။

 

ဝါရှင်တန် ၊ စက်တင်ဘာ ၁၆ ရက်(ဆင်ဟွာ)

အမေရိကန်နိုင်ငံ ရီပတ်ဘလီကန်ပါတီ (ဆီးနိုတ်) အောက်လွှတ်တော်အမတ် Shelley Moore Capito က ၎င်းသည် ကိုရိုနာဗိုင်းရပ်စ်ကူးစက်ခံရသူတစ်ဦးနှင့် ထိတွေ့မိသောကြောင့် တစ်ဦးတည်းသီးခြား(Quarantine) နေထိုင်တော့မည်ဖြစ်ကြောင်း စက်တင်ဘာ ၁၅ ရက်တွင် ထုတ်ဖော်ပြောကြားခဲ့သည်။