မိုဂါဒစ်ရှူး၊ ဧပြီ ၇ ရက် (ဆင်ဟွာ)

ဆိုမာလီနိုင်ငံ မြို့တော် မိုဂါဒစ်ရှူးမြို့တွင် ဧပြီ ၆ ရက် က ပေါက်ကွဲမှု ၂ခု သီးခြားစီဖြစ်ပွားခဲ့ရာ စစ်သား ၂ဦးအပါအဝင် အနည်းဆုံး လူ ၆ဦးသေဆုံးခဲ့ပြီး အများအပြား ဒဏ်ရာရရှိခဲ့ကြောင်း သိရသည်။

ဂါဇာ၊ ဧပြီ ၇ ရက် (ဆင်ဟွာ)

အစ္စရေးနိုင်ငံ နှင့် ဂါဇာကမ်းမြောင်တို့၏ နယ်စပ်ဒေသတွင် ပါလက်စတိုင်းဆန္ဒပြသူများ နှင့် အစ္စရေးစစ်သားများအကြား တစ်ရက်ကြာ ထိပ်တိုက်ရင်ဆိုင်မှုများ ပြင်းထန်စွာ ဖြစ်ပွားပြီးနောက် ဧပြီ ၆ရက်တွင် ပါလက်စတိုင်း ၈ဦးသေဆုံးပြီး အခြားလူ ၁,၀၇၀ဦး ဒဏ်ရာရရှိခဲ့ကြောင်း ဆေးကုသရေးအဖွဲ့များက ပြောကြားခဲ့သည်။

ဘေရွတ် ၊ ဧပြီ ၇ ရက်(ဆင်ဟွာ)

လက်ဘနွန်နိုင်ငံ၌ သွားရောက်တာဝန်ထမ်းဆောင်နေသော အထူးတပ်ဖွဲ့အမှတ် ၁၆ မှ တရုတ်ငြိမ်းချမ်းမှုထိန်းသိမ်းရေးတပ်ဖွဲ့ဝင် ၄၁ဝ ဦးသည် အထူးတပ်ဖွဲ့အမှတ် ၁၇ သို့တာဝန်လွှဲပြောင်းထမ်းဆောင်ခြင်း မပြုမီ ဧပြီလ ၆ ရက်က ကုလသမဂ္ဂငြိမ်းချမ်းမှုထိန်းသိမ်းရေး ဂုဏ်ပြုဆုတံဆိပ်များ ချီးမြှင့်ခံရကြောင်း သိရသည်။

ရာမာလာ ၊ ဧပြီ ၆ ရက် (ဆင်ဟွာ)

ပါလက်စတိုင်း နိုင်ငံ ကျန်းမာရေး ဝန်ကြီးဌာန က အစ္စရေး နိုင်ငံ စစ်လေယာဉ် ၏ ဧပြီလ ၄ ရက်နေ့ ညပိုင်းတွင် ဂါဇာကမ်းမြောင် ဒေသ ၌ ဆောင်ရွက်ခဲ့သည့် ဗုံးကျဲ တိုက်ခိုက်မှုကြောင့် ပါလက်စတိုင်း နိုင်ငံသား တစ်ဦး သေဆုံးခဲ့ရကြောင်း ထုတ်ပြန်ကြေညာ ခဲ့သည်။

ဒါအိစလန် ၊ ဧပြီ ၆ ရက် (ဆင်ဟွာ)

တန်ဇန်းနီးယား နိုင်ငံ အနောက်ပိုင်း Tabora ဒေသ၌ ဧပြီလ ၄ ရက်နေ့ ညပိုင်း အချိန်တွင် ခရီးသည် တင်ယာဉ် တစ်စင်း နှင့် ကုန်တင်ကား တစ်စင်း တိုက်မှု ဖြစ်ပွား ခဲ့ရာ လူပေါင်း ၁၂ ဦး သေဆုံး ခဲ့ပြီး ၄၆ ဦး ဒဏ်ရာရရှိခဲ့ကြောင်း တန်ဇန်းနီးယား ရဲတပ်ဖွဲ့ ၏ ထုတ်ပြန်ကြေညာ ချက်အရ သိရှိရသည်။

တီဘလီစီ၊ ဧပြီ ၅ ရက် (ဆင်ဟွာ)

ဂျော်ဂျီယားနိုင်ငံ အနောက်ပိုင်း တီခီဘူလီမြို့ရှိ ကျောက်မီးသွေးတွင်း တစ်ခုမှာ ဧပြီလ ၅ ရက်က ပြိုကျခဲ့ရာ အနည်းဆုံး သတ္တုတွင်းလုပ်သား ၆ ဦး သေဆုံးပြီး အခြားသူ ၃ ဦး ပြင်းထန်စွာ ဒဏ်ရာရရှိခဲ့ကြောင်း ဂျော်ဂျီယာနိုင်ငံ ပြည်ထဲရေးဝန်ကြီးဌာနထံမှ သိရသည်။

မက်ဇာ-၁- ရှာရစ် ၊ အာဖဂန်နစ္စတန် ၊ ဧပြီ ၅ ရက် (ဆင်ဟွာ)

အာဖဂန်နစ္စတန်နိုင်ငံ မြောက်ပိုင်း Balkh ပြည်နယ်အတွင်း ပုန်းခိုနေသည့် စစ်သွေးကြွများကို အာဖဂန်လေတပ်မှ စစ်ရဟတ်ယာဉ်များအသုံးပြုကာ လိုက်လံပစ်ခတ်ရှင်းလင်းမှုပြုလုပ်ပြီးနောက် အနည်းဆုံး စစ်သွေးကြွ ၁၃ ဦးသေဆုံးပြီး အခြား ၇ ဦးထိခိုက်ဒဏ်ရာရခဲ့ကြောင်း စစ်တပ်သတင်းအရင်းအမြစ်က ဆိုသည်။

ဖရီးတောင်း၊ ဧပြီ ၅ ရက် (ဆင်ဟွာ)

အတိုက်အခံ လွှတ်တော်ကိုယ်စားလှယ်နှင့် စစ်အစိုးရ ခေါင်းဆောင်ဟောင်း ဆီရာလီယွန် ပြည်သူ့ပါတီ (SLPP) Julius Maada Bio သည် ဆီရာလီယွန်နိုင်ငံ သမ္မတသစ်အဖြစ် ဧပြီလ ၅ ရက်ညပိုင်းက ကျမ်းသစ္စာကျိန်ဆိုခဲ့ကြောင်း သိရသည်။

ဒမတ်စကပ် ၊ ဧပြီ ၅ ရက်(ဆင်ဟွာ)

ဆီးရီးယားနိုင်ငံဆိုင်ရာ တရုတ်သံရုံးနှင့် ကမ္ဘာ့စားနပ်ရိက္ခာအစီအစဉ်(WFP) ဆီးရီးယားရုံးတို့ ဧပြီလ ၄ ရက်နေ့က သဘောတူညီလက်မှတ်ရေးထိုးခဲ့ကြရာ ဆီးရီးယားအကျပ်အတည်းတွင် အရေးပေါ်အကူအညီ လိုအပ်နေသည့် မိသားစုများအတွက် စားနပ်ရိက္ခာ ဝယ်ယူထောက်ပံ့နိုင်ရန် တရုတ်နိုင်ငံမှ WFPအား အမေရိကန်ဒေါ်လာ ၁ သန်း ပေးအပ်လှူဒါန်းခဲ့သည်။

ရီယတ်၊ ဧပြီ ၄ ရက် (ဆင်ဟွာ)

ဆော်ဒီအာရေဗျနိုင်ငံတွင် ယခုအခါ မိမိ ကြင်ယာဖြစ်သူ၏ ဖုန်းအား ထောက်လှမ်းခြင်းသည် ပြစ်မှုမြောက်ကြောင်းနှင့် ထောင်ဒဏ်ကျခံရခြင်း သို့မဟုတ် ဒဏ်ငွေ အမေရိကန်ဒေါ်လာ ၁၃၃,၀၀၀ နှင့်အထက် ပေးဆောင်ရနိုင်ကြောင်း ဧပြီလ ၂ ရက်က အစိုးရ၏ ထုတ်ပြန်ချက်အရ သိရသည်။