မော်စကို ၊ ဩဂုတ် ၂၄ ရက်(ဆင်ဟွာ)

ရုရှားနိုင်ငံသည် 5G နည်းပညာအတွက် တရုတ်နိုင်ငံနှင့်ပူးပေါင်းဆောင်ရွက်ရန် စိတ်ဝင်စားမှုရှိကြောင်း ရုရှားနိုင်ငံ နိုင်ငံခြားရေးဝန်ကြီးဌာန ဝန်ကြီး Sergei Lavrov ၏ ပြောကြားချက်ကို ကိုးကား၍ TASS သတင်းဌာနက ဩဂုတ် ၂၃ ရက်တွင် ဖော်ပြခဲ့သည်။

မင့်စ်ခ်၊ ဩဂုတ် ၂၀ ရက် (ဆင်ဟွာ)

ဘီလာရုစ်နိုင်ငံ သမ္မတ Alexander Lukashenko က အင်အားကြီး အနောက်နိုင်ငံများ၏ ခေါင်းဆောင်များအနေဖြင့် ဘီလာရုစ်ရှိ နိုင်ငံရေးအခြေအနေထက် မိမိတို့၏ ကိုယ်ပိုင်ပြဿနာများ အပေါ်တွင် သာ အာရုံစိုက် အလေးထားသင့်ကြောင်း ဩဂုတ် ၁၉ ရက်က ပြောကြားလိုက်သည်ကို နိုင်ငံပိုင်သတင်းအေဂျင်စီ BelTA က သတင်းဖော်ပြခဲ့သည်။

 ဗီယင်နာ၊ ဩဂုတ် ၂၀ ရက်(ဆင်ဟွာ)

ဩစတြီးယားနိုင်ငံ ဗီယင်နာမြို့တွင် အသစ်တစ်ဖန် ကျင်းပခဲ့သည့် အမေရိကန်-ရုရှား နှစ်နိုင်ငံ လက်နက်ထိန်းချုပ်ရေး တွေ့ဆုံဆွေးနွေးပွဲသည် ဩဂုတ် ၁၈ ရက် ညနေပိုင်းတွင် တိုးတက်မှုတစ်စုံတစ်ရာမရှိဘဲ ပြီးဆုံးခဲ့သည်။ အဆိုပါ တွေ့ဆုံဆွေးနွေးမှုတွင် နှစ်နိုင်ငံအကြား ချုပ်ဆိုထားသော တစ်ခုတည်းသော လက်နက်ထိန်းချုပ်ရေး သဘောတူညီချက် ဖြစ်သည့် New START မဟာဗျူဟာမြောက် လက်နက်လျှော့ချရေးသဘောတူညီချက် သက်တမ်းတိုးရေးအတွက် သိသာထင်ရှားသော တိုးတက်မှုများ မရရှိခဲ့ခြင်းဖြစ်သည်။ 

မော်စကို၊ ဩဂုတ် ၁၈ ရက် (ဆင်ဟွာ)

ရုရှားနိုင်ငံမှ တိုက်ခိုက်ရေးဂျက်လေယာဉ်များသည် ဘောလ်တစ်ပင်လယ်နှင့် ပင်လယ်နက်အပေါ်သို့ ပျံသန်းလားသည့် အမေရိကန် ကင်းထောက်လေယာဉ် သုံးစင်းနှင့် ဗြိတိန် ကင်းထောက်လေယာဉ် တစ်စင်းကို ဩဂုတ် ၁၇ ရက်က ကြားဖြတ်ဟန့်တားခဲ့ကြောင်း ရုရှားကာကွယ်ရေးဝန်ကြီးဌာနက ပြောခဲ့သည်။

ဗီယင်နာ၊ ဩဂုတ် ၁၈ ရက်(ဆင်ဟွာ)

အမေရိကန်နိုင်ငံနှင့် ရုရှားနိုင်ငံတို့သည် ဩစတြီးယားနိုင်ငံ မြို့တော် ဗီယင်နာတွင် ဩဂုတ် ၁၇ ရက်က လက်နက် ထိန်းချုပ်ရေးဆိုင်ရာ ဆွေးနွေးပွဲ အသစ်တစ်ဖန် ကျင်းပခဲ့ရာ New START မဟာဗျူဟာမြောက် လက်နက်လျှော့ချရေးစာချုပ် သက်တမ်းတိုးရန် ဆွေးနွေးခဲ့ကြောင်း သိရသည်။

ဝါဆော၊ ဩဂုတ် ၁၇ ရက်(ဆင်ဟွာ)

အမေရိကန် နိုင်ငံခြားရေးဝန်ကြီး မိုက်ပွမ်ပီယိုသည် ဩဂုတ် ၁၅ ရက်က ပိုလန်နိုင်ငံသို့ သွားရောက်လည်ပတ်စဉ် ကာကွယ်ရေး ပူးပေါင်းဆောင်ရွက်မှုဆိုင်ရာ သဘောတူညီချက် လက်မှတ်ရေးထိုးခဲ့ပြီး ပိုလန်တွင် တပ်ဖွဲ့ဝင် တိုးမြှင့်ချထားရန် တရားဝင် အတည်ပြုခဲ့သည်။ သုံးသပ်လေ့လာသူအချို့က အဆိုပါ သဘောတူညီချက်သည် ပိုလန်-အမေရိကန် ဆက်ဆံရေး ပိုမို နီးကပ်လာသည်ကို ဖော်ပြခြင်းဖြစ်သော်လည်း ရုရှား၏မကျေနပ်မှုနှင့် သတိချပ်မှုကို ဖြစ်ပေါ်စေမည်မှာ သေချာပြီး နေတိုးအဖွဲ့အတွင်း ပဋိပက္ခများကို ပို၍ နက်ရှိုင်းစေနိုင်ကြောင်း ဆိုသည်။ 

ဝါရှင်တန် ၊ ဩဂုတ် ၁၆ ရက်(ဆင်ဟွာ)

အမေရိကန်နိုင်ငံသမ္မတဒေါ်နယ်ထရမ့်၏ ညီငယ်ဆုံး ဖြစ်သူ ရောဘတ်ထရမ့်(Robert Trump) သည် ဩဂုတ် ၁၅ ရက် ညပိုင်းက ကွယ်လွန်သွားကြောင်း နှင့် ကွယ်လွန်ချိန်တွင် အသက် ၇၁ နှစ်အရွယ်ရှိကြောင်း သမ္မတအိမ်ဖြူတော်က ထုတ်ပြန်ကြေညာခဲ့သည်။

မော်စကို ၊ သြဂုတ် ၁၃ ရက် (ဆင်ဟွာ)

ရုရှား နိုင်ငံ ပြေးခုန်ပစ် အဖွဲ့ချုပ် က သြဂုတ် ၁၂ ရက် ၌ ကမ္ဘာ့ပြေးခုန်ပစ် အဖွဲ့ချုပ် ထံသို့ ဒဏ်ကြေးငွေ အမေရိကန် ဒေါ်လာ ၆.၃၁ သန်း ပေးအပ် ခဲ့ပြီးထုတ်ပယ်ခံရခြင်း မှ ယာယီ တားဆီး နိုင်ခဲ့ကြောင်း သိရသည်။

ပဲရစ် ၊ သြဂုတ် ၁၂ ရက် (ဆင်ဟွာ)

ပြင်သစ် နိုင်ငံ ဝန်ကြီးချုပ် Jean Castex က သြဂုတ် ၁၁ ရက် ၌ ပြောကြားရာတွင် နိုင်ငံအ တွင်း ကပ်ရောဂါ အခြေအနေ က ပိုမို ဆိုးရွားလာသဖြင့် အများပြည်သူ သွားလည်သည့် နေရာတိုင်း မဖြစ်မနေ နှာခေါင်းစည်း တပ်ဆင်ရမည့် နေရာများကိုတိုးချဲ့သွားရမည် ဖြစ်ပြီး လူပေါင်း ၅ ထောင် အထက် မစုစည်းရသည့် ကန့်သတ်ချက် ကိုလည် အောက်တိုဘာ ၃၀ ရက် အထိ တိုးမြှင့်သွားမည် ဖြစ်ကြောင်း ပြောကြား ခဲ့သည်။

 ဝါရှင်တန် ၊ ဩဂုတ် ၁၁ ရက်(ဆင်ဟွာ)

အမေရိကန်နိုင်ငံ သမ္မတ အိမ်ဖြူတော်အပြင်ဘက်၌ ပစ်ခတ်မှုတစ်ခု ဖြစ်ပွားကြောင်း သတင်းပေးပို့ချက်ရရှိခဲ့ပြီးနောက် အိမ်ဖြူတော်အတွင်း ပြုလုပ်နေဆဲ ကိုရိုနာဗိုင်းရပ်စ်ဆိုင်ရာ သတင်းစာရှင်းလင်းပွဲမှ သမ္မတဒေါ်နယ်ထရမ့်သည် လျှို့ဝှက်ထောက်လှမ်းရေး အေးဂျင့်များ၏ အစောင့်ရှောင်ဖြင့် ခေတ္တ ခဏ အပြင်ဘက်သို့ တိမ်းရှောင်ခဲ့ရကြောင်း သိရသည်။