လန်ဒန်၊ ဒီဇင်ဘာ ၆ ရက် (ဆင်ဟွာ) ဘာသာပြန်/မြတ်မြတ်ဦး

ဗြိတိန် ဝန်ကြီးချုပ် ဘောရစ်ဂျွန်ဆင် နှင့် ဥရောပကောင်စီ ဥက္ကဋ္ဌUrsula von der Leyenတို့က ဒီဇင်ဘာ ၅ ရက်တွင် ဖုန်းဖြင့် ဆက်သွယ်ပြောကြားခဲ့ပြီးနောက် ၎င်းတို့၏အဖွဲ့များအား ဒီဇင်ဘာ ၆ ရက်မှစ၍ ကုန်သွယ်ရေး သဘောတူညီချက်ကို ဗဟိုပြုသည့် အနာဂတ်ဆက်ဆံရေး ဆွေးနွေးမှုများ ပြန်လည်စတင်ရန် ညွှန်ကြားခဲ့ကြောင်း သိရသည်။ မျှတသည့်ယှဉ်ပြိုင်မှုပတ်ဝန်းကျင်၊ သဘောတူညီချက်ကို အကောင်အထည်ဖော်စီမံမှုနှင့် ငါးလုပ်ငန်းကဏ္ဍစသည့် ကဏ္ဍ ၃ ခု၏ ကွဲလွဲမှုများကို ဖြေရှင်းနိုင်ခြင်းမရှိပါက ကုန်သွယ်ရေးသဘောတူညီချက် ရရှိရန် မဖြစ်နိုင်ကြောင်း သိရသည်။

မော်စကို၊ ဒီဇင်ဘာ ၅ ရက် (ဆင်ဟွာ) ဘာသာပြန် - ခေါန်ရိန်

ရုရှားနိုင်ငံ မြို့တော် မော်စကိုတွင် ကိုရိုနာဗိုင်းရပ်စ်တိုက်ဖျက်ရေးအတွက် လူထုကာကွယ်ဆေးထိုးနှံခြင်း အစီအစဉ် စတင်ပြီဖြစ်ကြောင်း မော်စကိုမြို့တော်ဝန် Sergei Sobyanin က ဒီဇင်ဘာ ၄ ရက်နေ့တွင် ကြေညာခဲ့သည်။

လန်ဒန်၊ ဒီဇင်ဘာ ၃ ရက်(ဆင်ဟွာ) ဘာသာပြန်/မြတ်မြတ်ဦး

ဂျာမနီ BioNTech ကုမ္ပဏီနှင့် အမေရိကန် Pfizerကုမ္ပဏီတို့ ပူးပေါင်း သုတေသနပြုထုတ်လုပ်ထားသည့် ကိုရိုနာဗိုင်းရပ်စ်ကာကွယ်ဆေးတစ်မျိုးကို လက်တွေ့ထိုးနှံအသုံးပြုရန် ဗြိတိန် ဆေးဝါးနှင့်ကျန်းမာရေးထုတ်ကုန် ပစ္စည်းများ ကြီးကြပ်ကွပ်ကဲရေး အေဂျင်စီ (MHRA) က ခွင့်ပြုလိုက်ပြီဖြစ်ကြောင်း ဗြိတိန်နိုင်ငံ အစိုးရက ဒီဇင်ဘာ ၂ ရက်တွင် ကြေညာခဲ့သည်။

မော်စကို၊ဒီဇင်ဘာ ၃ ရက်(ဆင်ဟွာ)ဘာသာပြန်/ကိုငယ်

ရုရှားနိုင်ငံ သမ္မတဗလာတီမာပူတင်က လာမည့်ရက်သတ္တပတ်၌ နိုင်ငံအတွင်း ကိုရိုနာဗိုင်းရပ်စ်ကာကွယ်ဆေး အများအပြားထိုးနှံမှု စတင်ရန် အစိုးရအဖွဲ့အား ဒီဇင်ဘာ ၂ ရက်တွင် လမ်းညွှန်ချက်ပေးခဲ့ကြောင်း သိရသည်။

ပေကျင်း၊ဒီဇင်ဘာ ၁ ရက်(ဆင်ဟွာ) ဘာသာပြန်/မြတ်မြတ်ဦး

ပြင်သစ် ရဲတပ်ဖွဲ့ဝင် ၄ ဦးသည် မြို့တော်ပါရီတွင် လူမည်းအမျိုးသား တစ်ဦးအား ရိုက်နှက်ခဲ့သည်ဟု သံသယရှိသဖြင့် နိုဝင်ဘာ ၃၀ ရက်က တရားစွဲဆိုခံခဲ့ရကြောင်း သိရသည်။ အဆိုပါ ရိုက်နှက်မှု နှင့် ပြင်သစ် ရဲဘက်ဆိုင်ရာ ဥပေဒစိုးမိုးရေး ဥပဒေမူကြမ်းကြောင့် ပြီးခဲ့သည့်ရက်များက ပြင်သစ်နိုင်ငံတွင် ဆန္ဒပြမှုများ အကြီးအကျယ် ဖြစ်ပွားခဲ့သည်။

ပေကျင်း၊ ဒီဇင်ဘာ ၂ ရက်(ဆင်ဟွာ) ဘာသာပြန်/မြတ်မြတ်ဦး

အီရန် အစ္စလာမ်မစ်တော်လှန်ရေးအစောင့်တပ်ဖွဲ့(IRGC)၏ အဆင့်မြင့်အရာရှိတစ်ဦးသည် အီရတ်နှင့်ဆီးရီးယားနယ်စပ်၌ မောင်းသူမဲ့ယာဉ်ဖြင့် လုပ်ကြံသတ်ဖြတ်ခံခဲ့ရကြောင်း အီရတ်နိုင်ငံ စစ်ဘက်ဆိုင်ရာ သတင်းအရင်းအမြစ်များက နိုဝင်ဘာ ၃၀ ရက်တွင် ပြောကြားခဲ့သည်။

ရောမ ၊ ဒီဇင်ဘာ ၁ ရက်(ဆင်ဟွာ) ဘာသာပြန်/ကိုငယ်

စမတ်ဖုန်းထုတ်လုပ်သည့် Apple ကုမ္ပဏီသည် အီတလီနိုင်ငံတွင် လွဲမှားစွာကြော်ငြာခြင်း နှင့် စီးပွားရေး မလျော်မကန် လုပ်ဆောင်ခြင်း တို့ကြောင့် ဒဏ်ကြေးငွေ ယူရို ၁၀ သန်း (အမေရိကန်ဒေါ်လာ ၁၂ သန်း) ပေးဆောင်ရန် ချမှတ်လိုက်ကြောင်း အီတလီနိုင်ငံ စီးပွားရေးယှဉ်ပြိုင်မှုအာဏာပိုင်အဖွဲ့(AGCM) က နိုဝင်ဘာ ၃၀ ရက်တွင် ထုတ်ဖော် ပြောကြားခဲ့သည်။

ပါရီ ၊ နိုဝင်ဘာ ၂၉ ရက်(ဆင်ဟွာ)

ပြင်သစ်နိုင်ငံသမ္မတအီမန်နျူရယ်မက်ခရွန်က တေးသံသွင်းပိုင်ရှင် လူမည်းအမျိုးသားတစ်ဦးအား ရဲတပ်ဖွဲ့ဝင်များက ရိုက်နှက်နေသည့် ဗီဒီယိုရုပ်သံဖိုင်နှင့်ပတ်သက်၍ နိုင်ငံအတွက် “ လုံးဝလက်ခံနိုင်စရာမရှိ ၊ ရှက်ရွံ့ဖွယ်ဖြစ်ကြောင်း” ထုတ်ဖော်ပြောကြားခဲ့သည်။

မော်စကို၊ နိုဝင်ဘာ ၂၁ ရက် (ဆင်ဟွာ) ဘာသာပြန် - ခေါန်ရိန်


ရုရှားနိုင်ငံ သမ္မတ ဗလာဒီမာပူတင်က အာရှ-ပစိဖိတ် စီးပွားရေးပူးပေါင်းဆောင်ရွက်မှု (APEC) အဖွဲ့ဝင်နိုင်ငံများအနေဖြင့် ဆိုက်ဘာလုံခြုံရေးကဏ္ဍတွင် ပူးပေါင်းဆောင်ရွက်မှု တိုးမြှင့်ရန် နိုဝင်ဘာ ၂၀ ရက်က တိုက်တွန်းပြောကြားခဲ့ကြောင်း သိရသည်။

လန်ဒန်၊ နိုဝင်ဘာ ၁၉ ရက် (ဆင်ဟွာ) ဘာသာပြန်-ခေါန်ရိန်

ဗြိတိန်နိုင်ငံတွင် ဓာတ်ဆီနှင့်ဒီဇယ်ကားသစ်များ ရောင်းချမှုကို ယခင်စီစဉ်ထားသည်ထက်ငါးနှစ်စောပြီး ၂၀၃၀ ပြည့်နှစ်၌ ပိတ်ပင်သွားမည်ဖြစ်ကြောင်း ဝန်ကြီးချုပ် ဘောရစ်ဂျွန်ဆင်က နိုဝင်ဘာ ၁၈ ရက်နေ့တွင် ပြောကြားခဲ့သည်။