ပြုံယမ်း၊ ဇူလိုင် ၁ ရက်(ဆင်ဟွာ) မြောက်ကိုရီးယား-အမေရိကန် နှစ်နိုင်ငံ ထိပ်သီးခေါင်းဆောင်တို့၏ ဇွန် ၃၀ ရက် ပန်မွန်ဂျုံတွေ့ဆုံဆွေးနွေးပွဲမှာ အထူးကျေနပ်အားရဖွယ်ကောင်းကြောင်း၊ နှစ်ဦးနှစ်ဖက်စလုံးမှ အပြုသဘောဆောင်သည့် တွေ့ဆုံဆွေးနွေးမှုများ ပြန်လည်တွန်းအားပေးလုပ်ဆောင်သွားရန် သဘောတူညီခဲ့ကြောင်း မြောက်ကိုရီးယား ဗဟိုသတင်းအေဂျင်စီ(KCNA)က ဇူလိုင် ၁ ရက်တွင် ဖော်ပြခဲ့ကြောင်း သိရသည်။
ရန်ကုန်၊ ဇူလိုင် ၁ ရက် (ဆင်ဟွာ) ဘင်္ဂလားပင်လယ်အော်အရှေ့မြောက်ပိုင်းတွင် ဖြစ်ပေါ်နေသော လေဖိအားနည်းရပ်ဝန်း (Low Pressure Area)သည် ဘင်္ဂလားပင်လယ်အော်မြောက်ပိုင်းတွင် ဆက်လက်တည်ရှိနေကြောင်း၊ အဆိုပါ လေဖိအားနည်းရပ်ဝန်းသည် ပိုမိုအားကောင်းလာကာ နောက်(၄၈)နာရီအတွင်း မုန်တိုင်းငယ် (Depression) အဖြစ်သို့ ရောက်ရှိနိုင်ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာန က ယနေ့သတင်းထုတ်ပြန်သည်။
တိုကျို ၊ ဇူလိုင် ၁ ရက်(ဆင်ဟွာ) ဂျပန်နိုင်ငံ၌ အများပြည်သူသွားလာအသုံးပြုနေသော အဆောက်အဦ အခန်းများအတွင်း ဆေးလိပ်သောက်သုံးခြင်းကို ပိတ်ပင်တားမြစ်သည့် ဥပဒေတစ်ရပ်ကို ယနေ့ဇူလိုင် ၁ ရက်တွင် ထုတ်ပြန်လိုက်ကြောင်း သိရသည်။
ဂျီနိုအာ ၊ ဇူလိုင် ၁ ရက်(ဆင်ဟွာ) အီတလီနိုင်ငံ ဂျီနိုအာမြို့ရှိ မိုရန်ဒီ(Morandi) တံတားကို ဇွန် ၃ဝ ရက်တွင် အပြီးဖြိုချ ဖျက်ဆီးလိုက်ပြီဖြစ်ကြောင်း သိရသည်။
ဟူစတန် ၊ ဇူလိုင် ၁ ရက်(ဆင်ဟွာ) အမေရိကန်နိုင်ငံ တက္ကဆက်စ်ပြည်နယ် ဒါးလက်စ်မြို့အနီး၌ ဇွန် ၃ဝ ရက် နံနက်ပိုင်းတွင် လေယာဉ်ငယ်တစ်စင်း ပျက်ကျမှုဖြစ်ပွားရာ လူ ၁ဝ ဦးသေဆုံးသွားကြောင်း သိရသည်။
