လူသေဆုံးမှုများ ဖြစ်ပွားခဲ့သော ဘုရားကျောင်း အသေခံဗုံးဖောက်ခွဲမှု ဖြစ်ပွားပြီးနောက် အိုင်အက်စ်အဖွဲ့မှာ အကြီးမားဆုံး လုံခြုံရေးခြိမ်းခြောက်မှုအဖြစ် ဆက်လက်တည်ရှိနေဟု ဆီးရီးယား ပြော

ဒမတ်စကပ်စ်၊ ဇွန် ၂၅ ရက် (ဆင်ဟွာ)
Islamic State (အိုင်အက်စ်) အုပ်စုနှင့် အခြားအစွန်းရောက်အုပ်စု အကြွင်းအကျန်များမှာ ဆီးရီးယားနိုင်ငံ၏ လုံခြုံရေးအတွက် အကြီးမားဆုံး စိန်ခေါ်မှုအဖြစ် တည်ရှိနေဆဲဖြစ်သည်ဟု လူအများအပြား သေဆုံးခဲ့သည့် ဒမတ်စကပ်စ်မြို့ မာအီလိယက်စ် ဘုရားကျောင်းအား အသေခံဗုံးခွဲတိုက်ခိုက်မှုနှင့် ဆက်နွှယ်နေသူများကို ဖမ်းဆီးခဲ့ပြီးနောက် ဆီးရီးယား ယာယီအစိုးရ ပြောရေးဆိုခွင့်ရှိသူ နူရက်ဒင် အယ်လ်-ဘာဘာက ဇွန် ၂၄ ရက်၌ ပြောကြားခဲ့သည်။
အိုင်အက်စ်အုပ်စုမှာ ဆီးရီးယားနိုင်ငံကိုသာမက နယ်စပ်ဖြတ်ကျော်၍ အခြားနိုင်ငံအများအပြားကိုပါ အန္တရာယ်ပေးနိုင်သည့် ခြိမ်းခြောက်မှုပင်ဖြစ်ကြောင်း မြို့တော်ဒမတ်စကပ်စ်၌ ပြုလုပ်သည့် သတင်းစာရှင်းလင်းပွဲ၌ အယ်လ်-ဘာဘာက အလေးအနက်ပြောကြားခဲ့သည်။
လူ ၂၅ ဦးထက်မနည်း သေဆုံးပြီး လူ ၆၀ ကျော် ဒဏ်ရာရရှိခဲ့သည့် ဒွီအီလာရပ်ကွက်ရှိ ဘုရားကျောင်းတွင် ဇွန် ၂၂ ရက်က ဖြစ်ပွားခဲ့သော အသေခံဗုံးခွဲတိုက်ခိုက်မှုကို လုပ်ဆောင်ခဲ့သည့် အိုင်အက်စ်လက်အောက်ခံ အဖွဲ့ကို ဖြိုခွင်းနိုင်ခဲ့သည်ဟု ဆီးရီးယား ယာယီအစိုးရက ဇွန် ၂၃ ရက်၌ ကြေညာခဲ့သည်။ ထိုတိုက်ခိုက်မှုမှာ နှစ်အတန်ကြာအတွင်း မြို့တော်ဒမတ်စကပ်စ်၌ ဖြစ်ပွားခဲ့သော အလားတူတိုက်ခိုက်မှုများအနက် လူအသေအပျောက်အများဆုံးဖြစ်ကြောင်း သိရသည်။
အသေခံဗုံးခွဲမှု ဖြစ်ပွားပြီးနောက် ဒမတ်စကပ်စ် ဆင်ခြေဖုံးဒေသ၌ စီးနင်းမှုများ ဆက်တိုက်လုပ်ဆောင်ခဲ့ရာ အဆိုပါ အကြမ်းဖက်အဖွဲ့ တစ်ဖွဲ့လုံးကို ဖောက်ခွဲရေးပစ္စည်းများ၊ လက်နက်များနှင့်အတူ ဖမ်းဆီးနိုင်ခဲ့ကြောင်း အယ်လ်-ဘာဘာက ဆိုသည်။ ၎င်းအဖွဲ့မှာ ဒေသတွင်းရှိ ဘာသာရေးဆိုင်ရာ အကြီးအကဲများနှင့် ဆက်နွှယ်မှုမရှိဘဲ သီးခြားလှုပ်ရှားနေခြင်းဖြစ်ကြောင်း ၎င်းက အတည်ပြုခဲ့သည်။
အာဏာပိုင်များက ဖမ်းမိထားသော စစ်သွေးကြွတစ်ဦးအား စစ်ဆေးမေးမြန်းရာတွင် ၎င်းအဖွဲ့ ပုန်းအောင်းနေသည့် နေရာအားလုံးကို ခြေရာခံမိခဲ့ခြင်းဖြစ်ကြောင်း အယ်လ်-ဘာဘာက ဆိုသည်။ ၎င်းအဖွဲ့၏ ခေါင်းဆောင်မှာ မိုဟာမက် အက်ဘ်ဒယ်-အီလာ အယ်လ်-ဂျူမာအီလီ (အဘူ အီမက် အယ်လ်-ဂျူမာအီလီဟုလည်း လူသိများ) ဆိုသူဖြစ်ကာ ဒမတ်စကပ်စ်မြို့ အယ်လ်-ဟာဂျာ အယ်လ်-အက်စ်ဝက်ဒေသမှ ဆီးရီးယားနိုင်ငံသားတစ်ဦးဖြစ်ပြီး “ကန္တာရအုပ်ချုပ်သူ” ဟု လူသိများသော အိုင်အက်စ်အဖွဲ့ဝင်ဟောင်းတစ်ဦးဖြစ်ကြောင်း သိရသည်။
မာအီလိယက်စ် ဘုရားကျောင်းအတွင်း ဖောက်ခွဲရေးဝတ်စုံကို ဖောက်ခွဲခဲ့သူနှင့် ဒမတ်စကပ်စ်ဆင်ခြေဖုံးရှိ ဆေယီဒါ ဇိုင်နက် ရှီးယိုက်ဗလီသို့ တိမ်းရှောင်စဉ်အတွင်း ဖမ်းမိခဲ့သည့် အခြားသူတစ်ဦး အပါအဝင် ဘုရားကျောင်း ဗုံးဖောက်ခွဲမှုနောက်ကွယ်မှ ကျူးလွန်သူနှစ်ဦးမှာ နိုင်ငံခြားသားများဖြစ်ပြီး အယ်လ်-ဟောလ် ဒုက္ခသည်စခန်းမှ ထွက်ပြေးကာ ကန္တာရကိုဖြတ်၍ ဆီးရီးယားနိုင်ငံထဲသို့ ဝင်ရောက်လာခြင်းဖြစ်ကြောင်း သိရသည်။
မကြာမီက ဆီးရီးယားနိုင်ငံတွင် အစိုးရအပြောင်းအလဲ ဖြစ်ပွားပြီးနောက် လုံခြုံရေးဟာကွက်များကို အသုံးချရန် ကျယ်ကျယ်ပြန့်ပြန့် ကြိုးပမ်းမှုအဖြစ် အိုင်အက်စ်အဖွဲ့က ၎င်းတို့အား လူသစ်စုဆောင်းခဲ့ခြင်းဖြစ်ကြောင်း ၎င်းပြောရေးဆိုခွင့်ရှိသူက ဆိုသည်။ (Xinhua)

………………
(English Version)
Syria says IS remains biggest security threat after deadly church suicide bombing
DAMASCUS, June 24 (Xinhua) — The Islamic State (IS) group and remnants of other extremist factions remain the biggest security challenge to Syria, spokesman of Syrian interior authorities Noureddin al-Baba said Tuesday, following the arrest of suspects linked to a deadly suicide bombing at Mar Elias Church in Damascus.
At a press conference in the capital Damascus, al-Baba stressed that IS poses a cross-border threat that endangers multiple countries, not just Syria.
Syria’s interior authorities announced Monday that they had dismantled the IS-affiliated cell responsible for Sunday’s suicide bombing at the church in the Dweilaa neighborhood, which killed at least 25 people and wounded more than 60. The attack marked the deadliest of its kind in the Syrian capital in years.
According to al-Baba, a series of raids in rural Damascus following the suicide bombing resulted in the arrest of the entire cell, as well as the seizure of explosives and weapons. Al-Baba confirmed that the group operated independently of any local religious authorities.
Al-Baba said that the interrogation of a captured militant led authorities to the locations of all the cell’s hideouts. He identified the ringleader as Mohammad Abdel-Ilah al-Jumaili, also known as Abu Imad al-Jumaili, a Syrian national from the al-Hajar al-Aswad area of Damascus and a former Islamic State figure known as the “desert governor.”
The two attackers behind the Church bombing, including one who detonated his explosive vest inside Mar Elias Church and another who was captured en route to the Sayyida Zainab Shiite shrine in the Damascus countryside, were foreign nationals who had entered Syria through the desert after escaping from the al-Hol camp.
The spokesman said IS recruited them as part of a broader effort to exploit security gaps following recent transitions in Syria’s governance.
English Caption
People attend a memorial ceremony at the Mar Elias Church in Damascus, Syria, on June 23, 2025. (Photo by Monsef Memari/Xinhua)