အပြည်ပြည်ဆိုင်ရာ ရာဇဝတ်မှုခုံရုံးက ဖိလစ်ပိုင်သမ္မတဟောင်း ဒူတာတေးအား ယာယီလွှတ်ပေးရန် ငြင်းပယ်

သည်ဟိတ်၊ နိုဝင်ဘာ ၂၉ ရက် (ဆင်ဟွာ)

ကျန်းမာရေးအကြောင်းပြချက်ဖြင့် ယာယီလွှတ်ပေးရန် ဖိလစ်ပိုင်သမ္မတဟောင်း ဒူတာတေး၏ လျှောက်ထားချက်ကို အပြည်ပြည်ဆိုင်ရာ ရာဇဝတ်မှုခုံရုံး (ICC) က နိုဝင်ဘာ ၂၈ ရက်တွင် ပယ်ချခဲ့သည်။
ဒူတာတေး၏ ရှေ့နေများ အဆိုပြုသော အကြောင်းပြချက်များသည် ဒူတာတေးအား ယာယီလွှတ်ပေးရန် မခိုင်လုံကြောင်း ICC တရားသူကြီး Luz del Carmen Ibanez Carranza က အဆိုပါနေ့ ကြားနာပွဲတွင် ပြောကြားခဲ့သည်။
ယင်းမတိုင်မီက ဒူတာတေး၏ ရှေ့နေများက ကျန်းမာရေးအခြေအနေမကောင်းမှုကြောင့် ဒူတာတေးအား ယာယီလွှတ်ပေးရန် ICC ထံ တောင်းဆိုလျှောက်ထားခဲ့သည်။
ဒူတာတေးသည် မတ်လ ၁၁ ရက်တွင် ပြည်ပမှ ပြန်လာ၍ မနီလာအပြည်ပြည်ဆိုင်ရာလေဆိပ်သို့ ရောက်ရှိချိန်တွင် ရဲများ၏ ဖမ်းဆီးမှုခံခဲ့ရပြီး သက်ဆိုင်ရာဘက်က ၎င်းထံ ICC မှ ဖမ်းဝရမ်းကို တင်ပြခဲ့သည်။ ဒူတာတေးလိုက်ပါလာသော လေယာဉ်သည် မတ်လ ၁၂ ရက်တွင် သည်ဟိတ်မြို့သို့ ရောက်ရှိလာခဲ့ပြီး ဒူတာတေးက မတ်လ ၁၄ ရက်တွင် ဗီဒီယိုဆက်သွယ်မှုမှတစ်ဆင့် ICC တွင် ကျင်းပသော ပထမဆုံးကြားနာမှုကို တက်ရောက်ခဲ့သည်။

ဒူတာတေးသည် ဖိလစ်ပိုင်နိုင်ငံ Davao မြို့တော်ဝန်နှင့် ဖိလစ်ပိုင်သမ္မတအဖြစ် တာဝန်ထမ်းဆောင်စဉ်အတွင်း မူးယစ်ဆေးဝါးတိုက်ဖျက်ရေးလှုပ်ရှားမှုများ စတင်လုပ်ဆောင်ခဲ့သည်။ ၂၀၁၈ ခုနှစ် ဖေဖော်ဝါရီလတွင် ICC သည် ဒူတာတေးဦးဆောင်သော မူးယစ်ဆေးဝါးတိုက်ဖျက်ရေးလှုပ်ရှားမှုသည် လူ့အခွင့်အရေးများကို ချိုးဖောက်ခဲ့ခြင်းရှိ၊ မရှိ အခြေအနေနှင့်စပ်လျဉ်း၍ “ကနဦးစုံစမ်းစစ်ဆေးမှု” လုပ်ဆောင်မည်ဟု ဖိလစ်ပိုင်အစိုးရထံ အကြောင်းကြားခဲ့သည်။ ဖိလစ်ပိုင်သည် ၂၀၁၉ ခုနှစ်တွင် ICC မှ တရားဝင်နုတ်ထွက်ခဲ့သည်။ (Xinhua)
………………
(Chinese Version)
国际刑事法院拒绝临时释放菲律宾前总统杜特尔特
新华社海牙11月28日电（记者邵海军）国际刑事法院28日驳回出于健康原因临时释放菲律宾前总统杜特尔特的申请。
国际刑事法院主审法官卡兰萨当天在听证会上表示，杜特尔特律师所提理由不足以支持临时释放杜特尔特。
此前，杜特尔特律师向国际刑事法院申诉，以健康状况不佳为由要求临时释放杜特尔特。 　　杜特尔特今年3月11日从境外返回抵达马尼拉国际机场后被警方拘留，有关方面向其出示了国际刑事法院的逮捕令。载有杜特尔特的飞机3月12日抵达海牙，杜特尔特于3月14日通过视频连线的方式参加了国际刑事法院举行的首次聆讯。
杜特尔特在担任菲律宾达沃市市长和菲总统期间发起反毒行动。2018年2月，国际刑事法院通知菲律宾政府，将对杜特尔特领导的打击毒品犯罪行动是否有违反人权的情况展开“初步调查”。菲律宾已于2019年正式退出国际刑事法院。（完）
图说：11月28日，在荷兰海牙，行人从国际刑事法院的标牌前走过。新华社记者 邵海军 摄