ပေကျင်း အပြည်ပြည်ဆိုင်ရာလေဆိပ်ကြီးကို စက်တင်ဘာလတွင် စတင် အသုံးပြုနိုင်တော့မည်

ပေကျင်း၊ ဇန်နဝါရီ ၇ ရက် (ဆင်ဟွာ)

တရုတ်နိုင်ငံ၏ မြို့တော် ပေကျင်းမြို့တွင် ဆောက်လုပ်လျက်ရှိသည့် ပေကျင်း အပြည်ပြည်ဆိုင်ရာ လေဆိပ်သစ်ကြီးကို လာမည့် စက်တင်ဘာလတွင် စတင် အသုံးပြုနိုင်တော့မည်ဖြစ်ကြောင်းသိရသည်။ အဆိုပါ Beijing Daxing International airport ကို ပေကျင်းမြို့၏ တောင်ဘက် ၄၆ ကီလိုမီတာအကွာတွင် တည်ဆောက်ထားပြီး လေဆိပ်အလှဆင်ခြင်းလုပ်ငန်းများကိုလုပ်ဆောင်လျက်ရှိသည်။ ၂ဝ၂၁ ခုနှစ် အရောက်တွင် တစ်နှစ်လျှင် ခရီးသည် ၄၅ သန်းခန့် ထိ လေဆိပ်သစ်ကြီးကို အသုံးပြုကာ ဝင်ထွက်သွားလာနိုင်ရန် ရည်ရွယ်ထားပြီး ၂ဝ၂၅ ခုနှစ်တွင် ခရီးသည် ၇၂ သန်းအထိ တိုးမြှင့်ကာ ဝန်ဆောင်မှုပေးနိုင်ရန် မျှော်လင့်ထားကြောင်းသိရသည်။ (Xinhua )