China

ကိုလံဘိုမြို့တွင် ဒုတိယအကြိမ်မြောက် တရုတ်အစားအစာပွဲတော် ကျင်းပ

သီရိလင်္ကာနိုင်ငံ မြို့တော်ကိုလံဘိုတွင် ဒုတိယအကြိမ်မြောက် တရုတ်အစားအစာပွဲတော်နှင့် တရုတ်-သီရိလင်္ကာ ယဉ်ကျေးမှုဖျော်ဖြေပွဲအတွင်း တရုတ်အစားအစာ ဖန်တီးပြင်ဆင်နေသူများကို ၂၀၂၅ ခုနှစ် နိုဝင်ဘာ ၂၀ ရက်က တွေ့ရစဉ် (ဆင်ဟွာ)

ကိုလံဘို၊ နိုဝင်ဘာ ၂၂ ရက် (ဆင်ဟွာ)

သီရိလင်္ကာနိုင်ငံ မြို့တော်ကိုလံဘိုတွင် ဒုတိယအကြိမ်မြောက် တရုတ်အစားအစာပွဲတော်နှင့် တရုတ်-သီရိလင်္ကာ ယဉ်ကျေးမှုဖျော်ဖြေပွဲကို နိုဝင်ဘာ ၂၀ ရက်မှ နိုဝင်ဘာ ၂၁ ရက်အထိ ကျင်းပခဲ့ပြီး နှစ်နိုင်ငံအကြား ယဉ်ကျေးမှုဆက်ဆံရေးကို မြှင့်တင်ရန် အထောက်အကူဖြစ်စေခဲ့သည်။

အခမ်းအနားတွင် ဗုဒ္ဓသာသန၊ သာသနာရေးနှင့် ယဉ်ကျေးမှုရေးရာ ဒုတိယဝန်ကြီး Gamagedara Dissanayake က တရုတ်အစားအစာများသည် သမိုင်း၏ ဉာဏ်ပညာကို သယ်ပိုးထားပြီး ထူးကဲသော ချက်ပြုတ်မှုစွမ်းရည်များအပြင် ထူးခြားသော ယဉ်ကျေးမှုဆိုင်ရာ အယူအဆများကို ပြသလျက်ရှိကြောင်း ပြောကြားခဲ့သည်။ ဤကဲ့သို့သော ယဉ်ကျေးမှုဖလှယ်ပွဲများသည် သီရိလင်္ကာနိုင်ငံနှင့် တရုတ်နိုင်ငံအကြား ပြည်သူချင်းဆက်ဆံရေးကို မြှင့်တင်ခြင်းနှင့် ပညာရေး၊ ခရီးသွားလုပ်ငန်းတွင် ပူးပေါင်းဆောင်ရွက်မှု နက်ရှိုင်းခြင်း၌ အရေးကြီးသော အခန်းကဏ္ဍမှ ပါဝင်လျက်ရှိသည်။ နှစ်နိုင်ငံအနေဖြင့် နယ်ပယ်အသီးသီးတွင် ဖလှယ်မှုများကို ဆက်လက်တိုးချဲ့ပြီး ချစ်ကြည်ရင်းနှီးမှုကို ပိုမိုခိုင်မာစေမည်ဟု မျှော်လင့်ကြောင်း ၎င်းက ပြောကြားခဲ့သည်။

သီရိလင်္ကာနိုင်ငံဆိုင်ရာ တရုတ်သံရုံး၏ ယာယီတာဝန်ခံ ကျူးယန်ဝေက တရုတ်နိုင်ငံနှင့် သီရိလင်္ကာနိုင်ငံတို့သည် ကာလရှည်ချစ်ကြည်ရင်းနှီးမှုနှင့် ပြည်သူချင်း နီးကပ်စွာ ဖလှယ်မှုများ ရှိကြကြောင်း ပြောကြားခဲ့ပြီး ယဉ်ကျေးမှုဆိုင်ရာ လှုပ်ရှားမှုများသည် နှစ်နိုင်ငံပြည်သူများကို ပိုမိုနီးကပ်စေရုံသာမက ပညာရေး၊ ခရီးသွားလုပ်ငန်းနှင့် ယဉ်ကျေးမှုတို့တွင် နှစ်နိုင်ငံပူးပေါင်းဆောင်ရွက်မှုအတွက် အရှိန်အဟုန်သစ်များ ဖြည့်တင်းပေးကြောင်းလည်း ဖြည့်စွက်ပြောကြားခဲ့သည်။
အဆိုပါပွဲတော်အတွင်း တရုတ်အစားအစာဆိုင်ပေါင်း တစ်ဒါဇင်ကျော်က ဖူကျန့်ပြည်နယ်၊ စီချွမ်းပြည်နယ်၊ တရုတ်နိုင်ငံ အရှေ့မြောက်ပိုင်း၊ တရုတ်နိုင်ငံ အနောက်မြောက်ပိုင်းနှင့် အခြားဒေသတို့မှ အထူးဟင်းလျာများကို ရောင်းချပေးခဲ့သည်။ သီရိလင်္ကာအစားအစာနှင့် လက်ဖက်ရည်မြည်းစမ်းခြင်းအစီအစဉ်များကိုလည်း ကြိုဆိုခဲ့ကြသည်။
“ဒါက တရုတ်ယဉ်ကျေးမှုကို နားလည်ဖို့ အရှင်းလင်းဆုံး၊ အရသာအရှိဆုံးနဲ့ ပျော်ရွှင်စရာအကောင်းဆုံးနည်းလမ်းဖြစ်ပြီး မိတ်ဆွေကို ထပ်ထပ်ပြီး စားချင်စေတော့မှာပါ” ဟု သီရိလင်္ကာဧည့်သည် ဂျယာနီ ဝီဂျေဆင်းဟီက ပြောကြားခဲ့သည်။
အဆိုပါပွဲအတွင်း တရုတ်နိုင်ငံ၊ သီရိလင်္ကာနိုင်ငံနှင့် အခြားနိုင်ငံများမှ အဖွဲ့များကလည်း ရိုးရာအကများ၊ တရုတ်ကိုယ်ခံပညာနှင့် အခြားပြပွဲများပါဝင်သည့် ဖျော်ဖြေမှုများကိုလည်း တင်ဆက်ခဲ့ကြကြောင်း သိရသည်။ (Xinhua)

သီရိလင်္ကာနိုင်ငံ မြို့တော်ကိုလံဘိုတွင် ဒုတိယအကြိမ်မြောက် တရုတ်အစားအစာပွဲတော်နှင့် တရုတ်-သီရိလင်္ကာ ယဉ်ကျေးမှုဖျော်ဖြေပွဲအတွင်း တရုတ်အစားအစာ ဖန်တီးပြင်ဆင်နေသူတစ်ဦးကို ၂၀၂၅ ခုနှစ် နိုဝင်ဘာ ၂၀ ရက်က တွေ့ရစဉ် (ဆင်ဟွာ)

သီရိလင်္ကာနိုင်ငံ မြို့တော်ကိုလံဘိုတွင် ဒုတိယအကြိမ်မြောက် တရုတ်အစားအစာပွဲတော်နှင့် တရုတ်-သီရိလင်္ကာ ယဉ်ကျေးမှုဖျော်ဖြေပွဲအတွင်း ဖျော်ဖြေတင်ဆက်မှု ပြုလုပ်နေသည့် သီရိလင်္ကာအဖွဲ့မှ အဖွဲ့ဝင်များကို ၂၀၂၅ ခုနှစ် နိုဝင်ဘာ ၂၀ ရက်က တွေ့ရစဉ် (ဆင်ဟွာ)

………………
(English Version)
2nd Chinese food carnival held in Colombo
COLOMBO, Nov. 21 (Xinhua) — The 2nd Chinese Food Carnival and China-Sri Lanka Cultural Performance was held here from Thursday to Friday, helping enhance cultural links between the two countries.
Addressing the event, Gamagedara Dissanayake, deputy minister of Buddhasasana, Religious and Cultural Affairs, said Chinese cuisine carries the wisdom of history, showcasing exquisite culinary skills as well as distinctive cultural concepts. Cultural exchange events of this kind play an important role in enhancing people-to-people ties between Sri Lanka and China and deepening cooperation in education and tourism. He expressed hope that the two countries would continue to expand exchanges in various fields and further strengthen bonds of friendship.
Zhu Yanwei, charge d’affaires of the Chinese Embassy in Sri Lanka, said China and Sri Lanka enjoy a longstanding friendship and close people-to-people exchanges, adding that cultural activities not only bring the two peoples closer but also inject new momentum into bilateral cooperation in education, tourism and culture.
More than a dozen Chinese food stalls offered specialities of Fujian, Sichuan, Northeast China, Northwest China and other regions. Sri Lankan food and tea tasting activities were also welcomed.
“This is the most vivid, delicious and joyful way to understand Chinese culture, and it leaves you wanting more,” said Sri Lankan visitor Jayani Wijesinghe.
During the event, teams from China, Sri Lanka and other countries also presented performances featuring traditional dances, Chinese martial arts and other shows. ■
English Caption 1
People prepare Chinese food during the 2nd Chinese Food Carnival and China-Sri Lanka Cultural Performance in Colombo, Sri Lanka, Nov. 20, 2025. (Photo by Thilina Kaluthotage/Xinhua)
English Caption 2
A person prepares Chinese food during the 2nd Chinese Food Carnival and China-Sri Lanka Cultural Performance in Colombo, Sri Lanka, Nov. 20, 2025. (Photo by Thilina Kaluthotage/Xinhua)
English Caption 3, 4
Members of a Sri Lankan team stage a performance during the 2nd Chinese Food Carnival and China-Sri Lanka Cultural Performance in Colombo, Sri Lanka, Nov. 20, 2025. (Photo by Thilina Kaluthotage/Xinhua)