Africa & Middle East
အီရတ်နိုင်ငံ ခေါင်းဆောင်များနှင့်အတူ ဆွေးနွေးရန် အမေရိကန် နိုင်ငံခြားရေးဝန်ကြီး ဘဂ္ဂဒက်သို့ရောက်ရှိ
ဘဂ္ဂဒက်၊ ဇန်နဝါရီ ၉ ရက် (ဆင်ဟွာ)
အမေရိကန်နိုင်ငံ နိုင်ငံခြားရေးဝန်ကြီး မိုက်ပွမ်ပီယို (Mike Pompeo) သည် အီရတ်ခေါင်းဆောင်များနှင့် နှစ်နိုင်ငံ ဆက်ဆံရေးနှင့် ပူးပေါင်းဆောင်ရွက်ရေး ဆွေးနွေးရန် အီရတ်နိုင်ငံ မြို့တော် ဘဂ္ဂဒက်သို့ ရောက်ရှိလာခဲ့ကြောင်း အီရတ်နိုင်ငံပိုင် ရုပ်မြင်သံကြားက ဇန်နဝါရီလ ၉ ရက်တွင် သတင်းဖော်ပြထားသည်။
ပွမ်ပီယိုသည် အီရတ်နိုင်ငံ လွှတ်တော် ဥက္ကဋ္ဌ မိုဟာမက် အယ်လ်-ဟဲဘော်စီ (Mohammed al-Halbousi) နှင့် တွေ့ဆုံခဲ့ကြောင်း၊ အီရတ်နိုင်ငံ ဝန်ကြီးချုပ် အဒဲလ် အဗ္ဗဒူလ် မာဒီနှင့် အခြားထိပ်တန်း တာဝန်ရှိသူများနှင့် တွေ့ဆုံရန် မျှော်လင့်ထားကြောင်း နိုင်ငံပိုင် ရုပ်မြင်သံကြားအရ သိရသည်။
ဘဂ္ဂဒက်သို့လာရောက်သည့် ပွမ်ပီယို၏ ခရီးစဉ်သည် အရှေ့အလယ်ပိုင်းဒေသအတွင်း အမေရိကန်နိုင်ငံ၏ ကတိကဝတ်နှင့်ပတ်သက်၍ မဟာမိတ်များ ထပ်မံအာမခံရရန် စီစဉ်ထားသည့် ခရီးစဉ်၏ အစိတ်အပိုင်းတစ်ရပ်လည်း ဖြစ်သည်။ (Xinhua)