ဝေလမင်းသား နှင့်ကြင်ယာတော် တို့ နိုဝင်ဘာလတွင် နယူးဇီလန်နိုင်ငံသို့ အလည်အပတ် သွားရောက်မည်

ဝယ်လ်လင်တန်၊ ဇူလိုင် ၂၆ ရက် (ဆင်ဟွာ)

ဝေလမင်းသားနှင့်ကြင်ယာတော်တို့ နိုဝင်ဘာလ တွင် နယူးဇီလန်နိုင်ငံသို့လာရောက်မည်ကို ကြိုဆိုကြောင်း နယူးဇီလန်နိုင်ငံဝန်ကြီးချုပ် ဂျာဆင်ဒါ အာဒန် (Jacinda Ardern) က ဇူလိုင် ၂၆ ရက်တွင်ကြေညာချက်ထုတ်ပြန်ခဲ့သည်။

တော်ဝင်စုံတွဲအနေဖြင့် နယူးဇီလန်နိုင်ငံကို တတိယအကြိမ် လည်ပတ်ခြင်းဖြစ်ကြောင်း သိရသည်။ မင်းသားနှင့် ကြင်ယာတော်တို့သည် နယူးဇီလန်နိုင်ငံကို ၂၀၁၂ ခုနှစ် ဘုရင်မကြီး စိန်ရတုအထိမ်းအမှတ် ပွဲသို့သွားရောက်ခဲ့ပြီး ၂၀၁၅ခုနှစ် နိုဝင်ဘာ တွင်ထပ်မံသွားရောက်ခဲ့သည်။ “တော်ဝင်စုံတွဲက အရင်အခေါက်တွေ လည်ပတ်ခဲ့တုန်းက နယူးဇီလန်နိုင်ငံရဲ့နွေးထွေးစွာဧည့်ဝတ်ကျေပွန်မှု နှင့် ချစ်ခြင်းတရား ကို အရမ်းပျော်ရွှင်ခဲ့တယ်လို့ကျွန်တော်ထင်ပါတယ်’’ ဟု Ardern ၏ ကြေညာချက်တွင်ပါရှိသည်။

ဝေလမင်းသားသည် သဘာဝပတ်ဝန်းကျင်ကို နှစ်ပေါင်းများစွာတည်တန့်နိုင်ရန်အတွက် ပတ်ဝန်းကျင်ပျက်စီးမှုမရှိအောင် ထိန်းသိမ်းရာတွင် လေးနက်စွာထောက်ခံအားပေးသူဖြစ်သည်။ ယခုခရီးစဉ်သည် မင်းသားအတွက် ထိုကိစ္စ နှင့် ပတ်သက်၍ နယူးဇီလန်နိုင်ငံသားများ နှင့် ထိတွေ့နိုင်ရန် နှင့် နယူးဇီလန်နိုင်ငံ အနေဖြင့် အနာဂတ်အတွက်အသင့်ပြင်ဆင်နိုင်မည့်အခွင့်အလမ်းများကို ပံ့ပိုးနိုင်လိမ့်မည် ဟု ၎င်းကဆိုသည်။ မင်းသားနှင့်ကြင်ယာတော်တို့ ခရီးစဉ် နီးကပ်လာသည့်အချိန် တွင် နောက်ထပ်အချက်အလက်အသေးစိတ်အား ထုတ်ပြန်ပေးမည်ဖြစ်ကြောင်း သိရသည်။ (Xinhua)