ပြင်သစ်နိုင်ငံ လူဗာပြတိုက် ရတနာလုယက်မှု၏ သံသယရှိသူ ၅ ဦးအား ပြင်သစ်ရဲတပ်ဖွဲ့ ထပ်မံဖမ်းဆီးရမိ

ပဲရစ်၊ အောက်တိုဘာ ၃၁ ရက် (ဆင်ဟွာ)

ပြင်သစ်နိုင်ငံ ရဲတပ်ဖွဲ့သည် အောက်တိုဘာ ၂၉ ရက်တွင် ပဲရစ်ဒေသအတွင်း ရှာဖွေဖမ်းဆီးရေး လှုပ်ရှားမှုကြီးအတွင်း လူဗာပြတိုက် လုယက်မှု၏ သံသယရှိသူ ၅ ဦးအား ထပ်မံဖမ်းဆီးရမိခဲ့သည်ဟု ပြင်သစ်နိုင်ငံ ပဲရစ် အစိုးရရှေ့နေ Laure Beccuau က အောက်တိုဘာ ၃၀ ရက်တွင် ပြင်သစ် RTL ရေဒီယို၏ အင်တာဗျူးအတွင်း ပြောကြားခဲ့သည်။ ထိုမတိုင်မီ ဖမ်းဆီးရမိထားသော ၂ ဦးအပါအဝင် အဆိုပါအမှုအတွက် ဖမ်းဆီးရမိထားသည့် သံသယရှိသူမှာ စုစုပေါင်း ၇ ဦး ရှိလာပြီဖြစ်သည်။

အသစ်ဖမ်းဆီးရမိထားသည့် သံသယရှိသူ ၅ ဦး အနက် တစ်ဦးမှာ အဓိကစုံစမ်းစစ်ဆေးခံရသူဖြစ်ကြောင်း၊ “သူ့ရဲ့ DNA သက်သေကြောင့် သူ့ကို ဒီလုယက်မှုနဲ့ ချိတ်ဆက်မိနိုင်ခဲ့တာပါ” ၊ အခြား ၄ ဦးသည် ရဲတပ်ဖွဲ့ထံသို့ သက်ဆိုင်ရာ ကိစ္စရပ်ဖြစ်စဉ်၏ အချက်အလက်များကို ပံ့ပိုးပေးနိုင်ကြောင်း Laure Beccuau က ဆိုသည်။
ထို့ပြင် ပြင်သစ် BFM TV ၏ သတင်းဖော်ပြချက်အရ အဆိုပါ သံသယရှိသူ ၅ ဦးကို ပဲရစ်နှင့် အနီးတစ်ဝိုက်ဒေသရှိ နေရာအသီးသီးတွင် ဖမ်းဆီးရမိခဲ့ခြင်းဖြစ်သည်။
ရဲတပ်ဖွဲ့၏ အောက်တိုဘာ ၂၉ ရက် ညပိုင်း ရှာဖွေဖမ်းဖမ်းဆီးမှုအတွင်း ခိုးယူခံရသည့် ရတနာပစ္စည်း ၈ မျိုးအား ရှာဖွေတွေ့ရှိခြင်းမရှိကြောင်း Laure Beccuau က ဆိုသည်။ သို့သော် ရှာဖွေစစ်ဆေးမှုနှင့် သံသယရှိသူအား စစ်ဆေးမေးမြန်းမှုများ တိုးလာမှုအရ “စုံစမ်းစစ်ဆေးမှုက တိုးတက်မှုတွေ ရှိလာပါတယ်” ဟုလည်း ၎င်းက ဆိုသည်။

Laure Beccuau က ထိုမတိုင်မီ အောက်တိုဘာ ၂၉ ရက်က ကျင်းပသည့် သတင်းစာရှင်းလင်းပွဲ၌ ပြစ်မှုကျူးလွန်သူသည် ပြတိုက်အတွင်းပိုင်း “အတူကြံစည်သူ” ၏ အကူအညီ ရရှိထားသည်ဟု ဖော်ပြသော သက်သေမရှိသေးကြောင်း၊ သို့သော် ပြစ်မှုကျူးလွန်သည့်အဖွဲ့ပမာဏသည် စောင့်ကြည့်ရေးကင်မရာ၌ ရိုက်ကူးရရှိထားသည့် ကျူးလွန်သူ ၄ ဦးထက်ပိုနိုင်သည့် ဖြစ်နိုင်ခြေကိုလည်း ဖယ်ရှား၍မရကြောင်း ပြောကြားခဲ့သည်။
အောက်တိုဘာ ၁၉ ရက်တွင် မျက်နှာဖုံးစွပ်ထားသူ ၄ ဦးသည် လူဗာပြတိုက်အပြင်ဘက်သို့ ရောက်ရှိလာပြီး အတက်အဆင်းစက်လှေကားကို တာဝန်ခွဲလုပ်ဆောင်ကာ အဆောက်အဦအပြင်ဘက်ရှိ ဝရန်တာမှ အတွင်းခန်းထဲသို့ လျှိုဝင်၍ မိနစ်အနည်းငယ်အတွင်း ရတနာပစ္စည်း ၉ ခုကို လုယူသွားခဲ့သည်။ ၎င်းအနက် Napoleon III ၏ မိဖုရားခေါင်ကြီး Eugénie ၏ သရဖူကိုမူ ရဲဘက်က ပြန်လည်ရှာတွေ့ခဲ့ကြောင်း သိရသည်။

လူဗာပြတိုက် လုယူခံရမှုကြောင့် စီးပွားရေး နစ်နာဆုံးရှုံးမှု မျှော်မှန်းချက်သည် ယူရို ၈၈ သန်း ရှိနိုင်ကြောင်း ပဲရစ် အစိုးရရှေ့နေရုံးက အောက်တိုဘာ ၂၁ ရက်တွင် ပြောကြားခဲ့သည်။ ရဲတပ်ဖွဲ့က အောက်တိုဘာ ၂၅ ရက် ညပိုင်း၌ ဖမ်းဆီးရမိခဲ့သည့် သံသယရှိသူ ၂ ဦးကလည်း လုယက်မှုတွင် ပါဝင်ခဲ့သည်ဟု “အချို့တဝက် ဝန်ခံပြီး” ဖြစ်ရာ ၎င်းတို့အနေဖြင့် တရားစွဲဆိုခံထားရပြီး စစ်ဆေးမှုခံယူရန် ဖမ်းဆီးခံထားရကြောင်း သိရသည်။ (Xinhua)

——————
(Chinese Version)
法国警方又逮捕5名卢浮宫抢劫案嫌疑人
新华社巴黎10月30日电（记者唐霁）法国巴黎检察官洛尔·贝屈奥30日接受法国RTL电台采访时透露，警方29日晚在巴黎地区的大搜捕行动中又逮捕了5名卢浮宫博物馆抢劫案的嫌疑人。加之此前逮捕的2人，该案被捕嫌疑人总数已达7人。
贝屈奥说，新逮捕的5人中一人是调查的主要目标，“其脱氧核糖核酸（DNA）证据将他与这起抢劫案联系起来”。其他4人能够向警方提供有关事件经过的信息。
另据法国商业调频电视台报道，这5名嫌疑人在巴黎及其周边地区的不同地点被捕。
贝屈奥表示，警方在29日晚的大搜捕行动中并未找到被盗的8件珠宝。不过她表示，随着每一次搜查和讯问嫌疑人，“调查正在取得进展”。
贝屈奥此前在29日举行的新闻发布会上说，还没有证据表明犯罪分子得到了来自博物馆内部“同谋者”的帮助，但不排除犯罪团伙规模远大于监控摄像头拍摄到的4名作案者的可能性。
19日，4名蒙面人来到卢浮宫外，分工配合操作升降装置，从建筑物外部阳台潜入室内，数分钟内抢走9件珠宝，其中一顶属于拿破仑三世的皇后欧仁妮的皇冠已被警方找到。巴黎检方21日表示，卢浮宫博物馆遭抢所致经济损失预估可达8800万欧元。警方25日晚逮捕的两名嫌疑人已经“部分承认”参与抢劫，他们已被起诉并被羁押候审。（完）
图说：10月22日，在法国巴黎，大量游客聚集在卢浮宫博物馆的玻璃金字塔入口前。新华社记者张百慧摄