အစ္စရေးက ဂါဇာမြို့အား သိမ်းယူခြင်းနှင့် အခြေချနေထိုင်ရန် နေရာ တိုးချဲ့တည်ဆောက်ခြင်းအား ရပ်တန့်ရန် ဂူတာရက်စ် တိုက်တွန်း

ကုလသမဂ္ဂ၊ ဩဂုတ် ၂၉ ရက် (ဆင်ဟွာ)
ကုလသမဂ္ဂ အထွေထွေအတွင်းရေးမှူးချုပ် ဂူတာရက်စ်သည် ဩဂုတ် ၂၈ ရက်တွင် ဂါဇာဒေသ အခြေအနေနှင့် စပ်လျဉ်း၍ သတင်းစာရှင်းလင်းပွဲ ကျင်းပခဲ့ရာ အစ္စရေးအနေဖြင့် ဂါဇာကမ်းမြောင်ဒေသ မြောက်ပိုင်းရှိ ဂါဇာမြို့အား သိမ်းယူမှုကို ရပ်တန့်ရန်၊ ဂျော်ဒန်မြစ် အနောက်ဘက်ကမ်း၌ အခြေချနေထိုင်ရန် နေရာ တိုးချဲ့တည်ဆောက်ခြင်းအား ရပ်တန့်ရန် တိုက်တွန်းခဲ့သည်။
ဂူတာရက်စ်က အစ္စရေးအနေဖြင့် ဂါဇာမြို့အား သိမ်းယူခြင်းသည် အန္တရာယ်များသော အဆင့်ဖြစ်ကြောင်း၊ အစ္စရေးက ဂါဇာမြို့၌ စစ်ရေးလှုပ်ရှားမှု တိုးချဲ့ခြင်းသည် ဖျက်ဆီးမှုအသွင် နောက်ဆက်တွဲရလဒ် သယ်ဆောင်လာမည်ဖြစ်သောကြောင့် အဆိုပါလှုပ်ရှားမှုကို ရပ်တန့်ရမည်ဖြစ်ကြောင်း ပြောကြားခဲ့သည်။
အစ္စရေးစစ်တပ်က ဩဂုတ် ၂၅ ရက်တွင် ဂါဇာကမ်းမြောင်ဒေသ တောင်ပိုင်း ခန်ယွန်းနစ်မြို့ နက်ဆာ ဆေးရုံအား တိုက်ခိုက်ခြင်း အပါအဝင် အစ္စရေး၏ “အသိစိတ်ဆန့်ကျင်သော တိုက်ခိုက်လှုပ်ရှားမှု” အပေါ် အရေးယူရန်လည်း ၎င်းက တိုက်တွန်းခဲ့သည်။
ဂါဇာကမ်းမြောင်ဒေသ ငတ်မွတ်ခေါင်းပါးမှုသည် လက်တွေ့ဖြစ်လာပြီဖြစ်ကြောင်း၊ အသက်ရှင်သန်မှုအား ထိန်းသိမ်းပေးသည့် ဆေးကုသရေး စသည့် ဝန်ဆောင်မှုများသည် စနစ်ကျကျ ဖျက်ဆီးခြင်းခံရကြောင်း၊ လူများသည် ငတ်မွတ်ခေါင်းပါးမှုကြောင့် သေဆုံးခဲ့ရပြီး မိသားစုများကလည်း နေရပ်စွန့်ခွာနေရမှုများကြောင့် ပြိုကွဲလာလျက်ရှိကြောင်း ဂူတာရက်စ်က ဆိုသည်။
အစ္စရေးသည် သိမ်းပိုက်သူဘက်အနေဖြင့် အတိအလင်း တာဝန်ဝတ္တရားများရှိကြောင်း၊ အစားအစာ၊ ရေ၊ ဆေးဝါးနှင့် အခြားသော မဖြစ်မနေလိုအပ်သည့် ပစ္စည်းများ ပံ့ပိုးပေးမှုကို အာမခံရမည်ဖြစ်ကြောင်း၊ ပိုမိုပမာဏကြီးမားသည့် လူသားချင်းစာနာထောက်ထားမှု အကူအညီများကို သဘောတူညီ၍ ကူညီလုပ်ဆောင်ပေးရမည်ဖြစ်ကြောင်း၊ အရပ်သားပြည်သူနှင့် အရပ်ဘက်သုံး အဆောက်အဦများကို ကာကွယ်ရမည်ဖြစ်ကြောင်း၊ အရပ်သားပြည်သူများ ရှင်သန်နေထိုင်ရန် မှီခိုအားထားရသော အခြေအနေအား ဖျက်ဆီးမှုကို ရပ်တန့်ရမည်ဖြစ်ကြောင်း၊ ကုလသမဂ္ဂနှင့် ၎င်း၏ လူသားချင်း စာနာထောက်ထားမှု မိတ်ဖက်များ၏ ကူညီရေးလှုပ်ရှားမှုများ တားဆီးခံရခြင်း၊ အချိန်ဆွဲခံရခြင်းနှင့် ငြင်းပယ်ခြင်းခံရကာ ယင်းသည် လက်ခံနိုင်ဖွယ်မရှိကြောင်း ၎င်းက ပြောကြားခဲ့သည်။
အစ္စရေးသည် ဩဂုတ် ၂၀ ရက်တွင် ဂျော်ဒန်မြစ် အနောက်ဘက်ကမ်း၌ “E1 ဇုန်” အခြေချနေထိုင်ရန်နေရာ အသစ်တည်ဆောက်မှု အစီအစဉ်ကို ခွင့်ပြုခဲ့ပြီး ဂျော်ဒန်မြစ် အနောက်ဘက်ကမ်းဒေသအား အပြန်အလှန် ချိတ်ဆက်မှုမရှိသည့် အစိတ်အပိုင်းနှစ်ခုအဖြစ် ခွဲလိုက်ရန် ကြိုးပမ်းခဲ့ကြောင်း၊ ယင်းသည် “နှစ်နိုင်ငံ ဖြေရှင်းရေးနည်းလမ်း” အတွက် အန္တရာယ်ရှိသည့် ခြိမ်းခြောက်မှုဖြစ်ကြောင်းလည်း ဂူတာရက်စ်က ဆိုခဲ့သည်။
အစ္စရေးက ဂျော်ဒန်မြစ်အနောက်ဘက်ကမ်းတွင် အခြေချနေထိုင်ရန်နေရာ ထိန်းသိမ်းထားခြင်းနှင့် တိုးချဲ့တည်ဆောက်ခြင်း လုပ်ရပ်သည် နိုင်ငံတကာဥပဒေနှင့် ဆန့်ကျင်နေသဖြင့် ရပ်တန့်ရမည်ဖြစ်ကြောင်းလည်း ၎င်းက ထပ်မံအလေးထား ပြောကြားခဲ့သည်။
ဂါဇာကမ်းမြောင်ဒေသ၌ ချက်ချင်း ရာသက်ပန် အပစ်ရပ်ရန်၊ လူသားချင်းစာနာထောက်ထားမှု အကူအညီများ အတားအဆီးမရှိ ဝင်ရောက်ခွင့်ပြုရန်၊ ဖမ်းဆီးထိန်းသိမ်းခံထားရသူအားလုံး ချက်ချင်း ခြွင်းချက်မရှိ လွတ်မြောက်လာရန်လည်း ဂူတာရက်စ်က ထပ်မံတိုက်တွန်းပြောကြားခဲ့သည်။ (Xinhua)

———————
(Chinese Version)
古特雷斯敦促以色列停止夺取加沙城和扩建定居点
新华社联合国8月28日电（记者尚绪谦）联合国秘书长古特雷斯28日就加沙局势举行记者见面会，敦促以色列停止夺取加沙地带北部的加沙城，并停止在约旦河西岸扩建定居点。
古特雷斯说，以色列夺取加沙城是一个危险节点。以色列扩大在加沙城的军事行动将带来毁灭性后果，这一行动必须停止。他呼吁对以色列“违背良心的打击行动”进行追责，其中包括以军25日袭击加沙地带南部汗尤尼斯市纳赛尔医院。
古特雷斯说，加沙地带的饥荒已然成为现实，维持生命的医疗等服务遭到系统性摧毁，人们正因饥饿而死亡，家庭因颠沛流离而破碎。他说，以色列作为占领方有明确义务：必须保障食物、水、药品及其他必需品供应，必须同意并协助更大规模的人道主义援助，必须保护平民和民用基础设施，必须停止损毁平民赖以生存的条件。联合国及其人道主义伙伴的援助行动遭到阻止、拖延和拒绝，这不可接受。
古特雷斯还表示，以色列20日批准在约旦河西岸“E1区”新建定居点的计划，企图把约旦河西岸地区分隔为互不连接的两个部分，这对于“两国方案”是致命威胁。他重申，以色列在约旦河西岸保留和扩建定居点的做法违反国际法，必须停止。
古特雷斯再次呼吁在加沙地带立即永久停火，实现人道援助无障碍准入，所有被扣押人员立即无条件获释。（完）
图说：8月28日，在位于纽约的联合国总部，联合国秘书长古特雷斯就加沙局势举行记者见面会，敦促以色列停止夺取加沙地带北部的加沙城，并停止在约旦河西岸扩建定居点。 新华社记者 谢锷 摄