လိုက်ဇစ်မှ ဇာဗီ ဆိုင်မွန်ကို တော့တင်ဟမ် စာချုပ်ဖြင့် ခေါ်ယူ

လန်ဒန်၊ သြဂုတ် ၃၀ ရက် (ဆင်ဟွာ)
လိုက်ဇစ်မှ နယ်သာလန်လက်ရွေးစင်ကစားသမား ဇာဗီဆိုင်မွန်ကို ပြောင်းရွှေ့ကြေး ယူရိုသန်း ၆၀ ရှိသည့် စာချုပ်တစ်ရပ်ဖြင့် တော့တင်ဟမ်ဟော့စပါးက အပြီးသတ်ခေါ်ယူခဲ့သည်။
အသက် ၂၂ နှစ်အရွယ်ရှိ အဆိုပါကွင်းလယ်တိုက်စစ်ကစားသမားမှာ လက်ရှိနွေရာသီ အပြောင်းအရွှေ့စျေးကွက်အတွင်း ဥရောပတွင် စိတ်ဝင်စားမှုအခံရဆုံးကစားသမားများအနက်မှ တစ်ဦး ဖြစ်သည်။ ဆေးစစ်မှုအောင်မြင်ခဲ့ပြီးနောက် စပါးသို့ ပြောင်းရွှေ့ရေးကို ကာလရှည်အိပ်မက်ခဲ့ရကြောင်း ဇာဗီဆိုင်မွန်က ပြောကြားခဲ့သည်။
ဆိုင်မွန်မှာ လိုက်ဇစ်တွင် ထင်ရှားသည့်ကစားသမားတစ်ဦးဖြစ်ခဲ့ပြီး စုစုပေါင်း ၇၈ ပွဲကစားခဲ့ကာ ၂၂ ဂိုးသွင်းပြီး ဂိုးဖန်တီးမှု ၂၄ ကြိမ်ပြုလုပ်နိုင်ခဲ့သည်။ ဆိုင်မွန်မှာ ၂၀၂၃ ခုနှစ်အတွင်းက ပီအက်စ်ဂျီမှ လိုက်ဇစ်သို့ အငှားစာချုပ်ဖြင့် စတင်ရောက်ရှိခဲ့ပြီးနောက် ၂၀၂၅ ခုနှစ် ဇန်နဝါရီလအတွင်း၌ အပြီးသတ် စာချုပ်ဖြင့် ပြောင်းရွှေ့နိုင်ခဲ့ခြင်းဖြစ်သည်။
ဆိုင်မွန်မှာ ၂၀၂၂ ကာတာကမ္ဘာ့ဖလားပြိုင်ပွဲတွင် နယ်သာလန်လက်ရွေးစင်အသင်းအတွက် စတင်ပွဲဦးထွက်ကစားခဲ့ပြီး နယ်သာလန်အတွက် ၂၈ ပွဲကစားထားကာ ၅ ဂိုးသွင်းယူနိုင်ခဲ့သည်။
“ကျွန်တော် တကယ်ကိုပျော်ပါတယ်။ ပွဲကစားဖို့ မစောင့်နိုင်တော့ဘူး။ တော့တင်ဟမ်ဟော့စပါးက အသင်းကြီးတစ်သင်းပါ။ နည်းပြနဲ့တွေ့ပြီးနောက် ဒီအသင်းက ကျွန်တော့်အတွက် မှန်ကန်သင့်တော်တဲ့အသင်းဆိုတာကို ချက်ချင်းသိလိုက်တယ်” ဟု ဆိုင်မွန်က ပြောကြားခဲ့သည်။
စပါးစ်နည်းပြ သောမတ်ဖရန့်ကလည်း ကစားသမားသစ် ဇာဗီဆိုင်မွန်ကို ကြိုဆိုခဲ့သလို ဆိုင်မွန်မှာ အသက်ငယ်သေးသော်လည်း အဖိုးတန်သည့်အတွေ့အကြုံများရှိသူဖြစ်ကာ အသင်းအတွက် ကြီးမားသည့်အားဖြည့်မှုတစ်ရပ်ဖြစ်လာစေမည့်ကစားသမားဖြစ်ကြောင်း မှတ်ချက်ချခဲ့သည်။
ဇာဗီဆိုင်မွန်မှာ မိုဟာမက်ကူဒူးစ်၊ ယာအိုပယ်ဟင်ညာတို့ပြီးနောက် နွေရာသီအပြောင်းအရွှေ့စျေးကွက် အတွင်း တော့တင်ဟမ်၏ တတိယမြောက်ကစားသမားခေါ်ယူမှုလည်း ဖြစ်သည်။ (Xinhua)
……………………..
(English Version)
Tottenham signs Xavi Simons from RB Leipzig
LONDON, Aug. 29 (Xinhua) — Tottenham Hotspur has completed the signing of Netherlands international Xavi Simons from RB Leipzig in a deal worth 60 million euros.
The 22-year-old attacking midfielder, one of Europe’s most sought-after players this summer, said joining Spurs was something he had been dreaming of for a long time after passing his medical.
Simons was a standout performer at Leipzig, scoring 22 goals and providing 24 assists in 78 appearances. He first joined the Bundesliga club on loan from Paris St-Germain in 2023 before making the switch permanent in January this year.
On the international stage, Simons has already earned 28 caps for the Netherlands, scoring five goals since making his debut at the 2022 World Cup in Qatar.
“I’m really happy and can’t wait to get going,” Simons said. “It’s a great club and when I met the head coach, I knew straight away this was the right place for me.”
Spurs boss Thomas Frank welcomed his new signing, describing Simons as a “great addition” with “valuable experience” despite his young age.
He becomes Tottenham’s third major signing of the summer, following the arrivals of Joao Palhinha and Mohammed Kudus.
Photo:
Xavi Simons of RB Leipzig looks dejected during the German Cup football semi final match between VfB Stuttgart and RB Leipzig in Stuttgart, Germany, April 2, 2025. (Photo by Philippe Ruiz/Xinhua)