လာမည့် ဆီးဂိမ်းအတွက် မြန်မာနိုင်ငံကိုယ်စားပြု ကြက်တောင်အားကစားသမားများ ရွေးချယ်

ရန်ကုန်၊ ဇန်နဝါရီ ၃၀ ရက် (ဆင်ဟွာ)

မြန်မာနိုင်ငံကြက်တောင်အဖွဲ့ချုပ် (MBF)သည် လာမည့် အရှေ့တောင်အာရှ (ဆီးဂိမ်း) အားကစားပြိုင်ပွဲအတွက် မြန်မာနိုင်ငံကိုယ်စားပြု ကြက်တောင်အားကစားသမားများရွေးချယ်ပွဲကို ဇန်နဝါရီ ၂၈ ရက်မှ ၃၀ ရက်အထိ ပြုလုပ်ခဲ့ကြောင်း သိရသည်။အရှေ့တောင်အာရှ (ဆီးဂိမ်း) အားကစားပြိုင်ပွဲအတွက် အမျိုးသား ကြက်တောင်ကစားသမား (၃)ဦးနှင့် ပြီးခဲ့သည့် ၂၀၂၂ ခုနှစ် ဒီဇင်ဘာတွင် ကျင်းပခဲ့သည့် အမျိုးသားတံခွန်စိုက် ကြက်တောင်ပြိုင်ပွဲကနေ ရွေးချယ်ခဲ့သည့် အမျိုးသမီး ကစားသမား ၃ ဦး စုစုပေါင်း ၆ ဦးကို ကမ္ဘောဒီးယားနိုင်ငံသို့ Mixed Team အနေနှင့် စေလွှတ်မည်ဟု မြန်မာနိုင်ငံ ကြက်တောင်အဖွဲ့ချုပ်မှ တွဲဖက်အတွင်းရေးမှူး ဦးမျိုးကျော်သူက ယနေ့ ဇန်နဝါရီ ၃၀ ရက်တွင် ဆင်ဟွာသို့ ပြောကြားခဲ့သည်။ (Xinhua)