ဆောက်လုပ်ရေးဆိုင်ရာ နည်းပညာထုတ်ကုန်များနှင့် ပြန်ပြည့်မြဲစွမ်းအင်ဆိုင်ရာ ပြပွဲကို ပြည်သူအများ စိတ်ဝင်စား

ရန်ကုန်၊ ဩဂုတ်လ ၂၀ ရက် (ဆင်ဟွာ)

ပြည်တွင်းပြည်ပကုမ္ပဏီကြီးများမှ လာရောက်ခင်းကျင်းပြသသည့် ဆောက်လုပ်ရေးဆိုင်ရာ စက်ပစ္စည်း နည်းပညာနှင့် ဝန်ဆောင်မှုများ၊ အိမ်ရာ နှင့်ကွန်ဒို အရောင်းပြခန်းများ၊ ဆိုလာ နှင့် လျှပ်စစ်ကား (EV) ပြခန်းများပါဝင်သည့် မြန်မာ့ဆောက်လုပ်ရေး၊ အိမ်ရာနှင့် ပြန်ပြည့်မြဲစွမ်းအင်ဆိုင်ရာ ပြပွဲကို သြဂုတ်လ ၁၈ မှ ၂၀ ရက်အထိ Yangon Convention Center-YCC (ရန်ကုန်ကွန်ဗင်းရှင်းစင်တာ )တွင် ကျင်းပနေပြီ ဖြစ်သည်။ ကိုဗစ်ကာလ နောက်ပိုင်း ပြန်လည်ကျင်းပနိုင်သည့် ယခုပြပွဲတွင် ဆောက်လုပ်ရေးဆိုင်ရာ၊ အိမ်ရာ နှင့် ဆိုလာစွမ်းအင်ဆိုင်ရာ ကဏ္ဍ ၃ ခုပါဝင်ကာ အများနှင့် သက်ဆိုင်သည့် ထုတ်ကုန်ကဏ္ဍများ ဖြစ်ခြင်းကြောင့် ပြည်သူများမှာ ထင်ထားသည်ထက် ပိုမိုစိတ်ဝင်စားကြကြောင်း ပြပွဲစီစဉ်သည့် IMS Silver Sea Exhibition ကုမ္ပဏီမှ ဦးဇာနည်တင်မြင့် က ဆင်ဟွာသို့ပြောသည်။ (Xinhua)

#နည်းပညာ #ဆိုလာ #ပြန်ပြည့်မြဲစွမ်းအင်