ကစ်ဆင်းဂျား ကွယ်လွန်ခြင်းအတွက် ကြေကွဲဝမ်းနည်းကြောင်း သမ္မတ ရှီက ဘိုင်ဒန်ထံ သဝဏ်လွှာပေးပို့

ပေကျင်း၊ ဒီဇင်ဘာ ၂ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်က အမေရိကန်နိုင်ငံခြားရေးဝန်ကြီးဟောင်း ဟင်နရီ ကစ်ဆင်းဂျား ကွယ်လွန်ခြင်းအတွက် ကြေကွဲဝမ်းနည်းကြောင်း သဝဏ်လွှာကို အမေရိကန်သမ္မတ ဂျိုးဘိုင်ဒန်ထံ နိုဝင်ဘာ ၃၀ ရက်က ပေးပို့ခဲ့ကြောင်း သိရသည်။
တရုတ်နိုင်ငံ အစိုးရနှင့် ပြည်သူများ၏ ကိုယ်စားအရသော်လည်းကောင်း၊ ၎င်းကိုယ်တိုင်အနေဖြင့်သော်လည်းကောင်း လှိုက်လှိုက်လှဲလှဲ ဝမ်းနည်းမိကြောင်းနှင့် ကစ်ဆင်းဂျား၏ မိသားစုနှင့်အတူ ထပ်တူထပ်မျှခံစားရပါကြောင်း ရှီက ပြောကြားခဲ့သည်။
ကစ်ဆင်းဂျားသည် ကမ္ဘာကျော် မူဝါဒရေးရာကျွမ်းကျင်သူ၊ တရုတ်ပြည်သူများ၏ မိတ်ဆွေဟောင်းနှင့် မိတ်ဆွေကောင်း ဖြစ်ကြောင်း ရှီက သဝဏ်လွှာ၌ ဖော်ပြထားသည်။

လွန်ခဲ့သော ရာစုနှစ်ဝက်အကြာက ကစ်ဆင်းဂျားသည် အောင်မြင်သော မဟာဗျူဟာရူပါရုံဖြင့် တရုတ်-အမေရိကန် ဆက်ဆံရေး ပုံမှန်ပြန်လည်ရောက်ရှိရန် သမိုင်းဝင်ပံ့ပိုးကူညီမှုများ ဆောင်ရွက်ပေးခဲ့သလို ထိုသို့ ဆောင်ရွက်မှုမှာ နှစ်နိုင်ငံအတွက် အကျိုးကျေးဇူးရှိစေရုံသာမက ကမ္ဘာကြီးကိုလည်းပဲ ပြောင်းလဲစေခဲ့ကြောင်း သမ္မတ ရှီက ဆိုသည်။

ထို့ပြင် ကစ်ဆင်းဂျားသည် ၎င်း၏ဘဝအသက်တာတစ်လျှောက်လုံးကို တရုတ်-အမေရိကန် ဆက်ဆံရေး တိုးတက်မှု မြှင့်တင်ရန်နှင့် နှစ်နိုင်ငံပြည်သူများကြား ချစ်ကြည်ရင်းနှီးမှု တိုးမြှင့်ရန် စိုက်လိုက်မတ်တတ်ဆောင်ရွက်ခဲ့ကြောင်းနှင့် ၎င်း၏အမည်သည် တရုတ်-အမေရိကန် ဆက်ဆံရေးနှင့် အစဉ်အမြဲ တွဲဖက်လျက်ရှိနေမည်ဖြစ်ကြောင်း ရှီက ဆိုသည်။

ကစ်ဆင်းဂျားအား တရုတ်ပြည်သူများက အမြဲတစေ သတိရအောက်မေ့လျက် လွမ်းဆွတ်နေမည်ဖြစ်ကြောင်း မှတ်ချက်ပြုလျက် တရုတ်နိုင်ငံသည် အမေရိကန်နိုင်ငံနှင့်အတူ နှစ်နိုင်ငံပြည်သူများအတွက် အကျိုးကျေးဇူးရှိစေရန်နှင့် ကမ္ဘာ့ငြိမ်းချမ်းရေးနှင့် ဖွံ့ဖြိုးတိုးတက်ရေးကို ပံ့ပိုးပေးနိုင်ရန်အလို့ငှာ နှစ်နိုင်ငံပြည်သူများကြား ချစ်ကြည်ရင်းနှီးမှု ရှေ့ဆက်ဆောင်ရွက်ရေး၊ တရုတ်-အမေရိကန်ဆက်ဆံရေး ခိုင်မာ တည်ငြိမ်စွာ မြှင့်တင်ရေးအတွက် ဆောင်ရွက်ရန်အသင့်ရှိကြောင်း သဝဏ်လွှာ၌ ထည့်သွင်းပြောကြားခဲ့သည်။ (Xinhua)

………………………………
Xi sends condolences to Biden over Kissinger’s death
BEIJING, Nov. 30 (Xinhua) — Chinese President Xi Jinping sent a message of condolences to U.S. President Joe Biden Thursday over the death of former U.S. Secretary of State Henry Kissinger.
On behalf of the Chinese government and people, and in his own name, Xi extended profound condolences and expressed sincere sympathy to Kissinger’s family.
In his message, Xi said Kissinger was a world-renowned strategist and an old friend and good friend of the Chinese people.
Half a century ago, with an outstanding strategic vision, Kissinger made historic contributions to the normalization of China-U.S. relations, which has not only benefited the two countries, but also changed the world, Xi said.
Kissinger had made it his lifelong pursuit to promote the development of China-U.S. relations and enhance the friendship between the two peoples, and his name will always be associated with China-U.S. relations, Xi said.
Noting that Kissinger will always be remembered and missed by the Chinese people, Xi said that China is ready to work with the United States to carry forward the cause of friendship between the two peoples and promote the sound and steady development of China-U.S. relations, so as to benefit the two peoples and make due contribution to world peace and development.