ဘာလင်မြို့ရှိ တိရစ္ဆာန်ဥယျာဉ်၌ ပန်ဒါဝက်ဝံမကြီး မုန့်မုန့် အမြွှာသားပေါက်လေးနှစ်ကောင် မွေးဖွား

ဘာလင်၊ ဩဂုတ် ၂၄ ရက် (ဆင်ဟွာ)
ဂျာမနီနိုင်ငံ ဘာလင်မြို့ရှိ တိရစ္ဆာန်ဥယျာဉ်၌ အသက် ၁၁ နှစ်အရွယ် ပန်ဒါဝက်ဝံမကြီး မုန့်မုန့်က အမြွှာဝက်ဝံသားပေါက်လေး နှစ်ကောင်ကို မွေးဖွားခဲ့ကြောင်း တိရစ္ဆာန်ဥယျာဉ် တာဝန်ရှိသူများက ဩဂုတ် ၂၃ ရက်တွင် ကြေညာခဲ့သည်။
“ဘာလင်တိရစ္ဆာန်ရုံရဲ့ ပန်ဒါဥယျာဉ်မှာ ဩဂုတ် ၂၂ ရက် ဒေသစံတော်ချိန် မွန်းလွဲ ၁ နာရီ ၃ မိနစ်နဲ့ ၂ နာရီ ၁၉ မိနစ်မှာ ပန်ဒါဝက်ဝံမကြီး မုန့်မုန့်က ဒုတိယအကြိမ် သားပေါက်လေးတွေ မွေးဖွားခဲ့တယ်” ဟု တိရစ္ဆာန်ရုံက ထုတ်ပြန်ခဲ့သည်။ ဝက်ဝံမကြီး၏ သားပေါက်မှုကို စိတ်အားထက်သန်စွာဖြင့် စောင့်မျှော်ခဲ့ကြကြောင်း သိရသည်။
ပန်ဒါသားပေါက်လေးနှစ်ကောင်လုံး ကျန်းကျန်းမာမာရှိနေပြီး မိခင်ပန်ဒါဝက်ဝံမကြီးနှင့် ဝါရင့် ပန်ဒါဝက်ဝံ စောင့်ရှောက်ရေးအဖွဲ့က နေ့ညမပြတ် ဂရုတစိုက် စောင့်ရှောက်ပေးလျက်ရှိသည်။ ထိုပန်ဒါဝက်ဝံသားပေါက်လေး နှစ်ကောင်၏ အလေးချိန်မှာ ၁၆၉ ဂရမ်နှင့် ၁၃၆ ဂရမ် အသီးသီးရှိကာ အလျား ၁၄ စင်တီမီတာခန့်ရှိကြောင်း သိရသည်။
“တခြားဝက်ဝံကြီးမျိုးတွေလိုပဲ ပန်ဒါဝက်ဝံကြီးလေးတွေကလည်း မွေးကင်းစမှာ အမွေးအမှင် မပါသလောက်ဖြစ်ပြီး မျက်လုံးမမြင်၊ နားမကြားကြဘဲ အရောင်ကတော့ ပန်းရောင်ရှိပါတယ်။ မြင်တွေ့နေကျ ပန်ဒါဝက်ဝံတွေလိုမျိုး အနက်ရောင်နဲ့ အဖြူရောင် အစင်းကျားတွေက နောက်မှပေါ်လာတာပါ။ အထီးလားအမလား ဆိုတာကိုတော့ အတိအကျ မဆုံးဖြတ်နိုင်သေးပါဘူး” ဟု တိရစ္ဆာန်ရုံ တာဝန်ရှိသူများက ဆိုသည်။
ပန်ဒါဝက်ဝံကြီးများသည် ပုံမှန်အားဖြင့် သားပေါက်တစ်ကောင်သာ မွေးဖွားလေ့ရှိသည့်အတွက် အမြွှာဝက်ဝံလေးနှစ်ကောင် မွေးဖွားချိန်တွင် ဘာလင်တိရစ္ဆာန်ရုံက ချိန်တူး ဧရာမပန်ဒါဝက်ဝံ မွေးမြူရေးဆိုင်ရာ သုတေသနစခန်းမှ ကျွမ်းကျင်ပညာရှင်များနှင့် အနီးကပ်ပူးပေါင်း၍ ပန်ဒါဝက်ဝံမကြီး မုန့်မုန့် သားပေါက်နိုင်အောင် တက်တက်ကြွကြွ အကူအညီပေးရန် ဆုံးဖြတ်ခဲ့ခြင်းဖြစ်ကြောင်း သိရသည်။
“ပန်ဒါသားပေါက်လေးတွေကို ဂရုစိုက်ပေးဖို့ ချိန်တူး ပန်ဒါစခန်းက အတွေ့အကြုံရင့် လုပ်ဖော်ကိုင်ဖက်နှစ်ယောက် ရှိနေတဲ့အတွက် ဝမ်းမြောက်မိပါတယ်။ သူတို့ဟာ တစ်နှစ်ကို ပန်ဒါဝက်ဝံ အကောင် ၂၀ လောက် မွေးဖွားပေးနေကျမို့ အတွေ့အကြုံအများကြီးရှိပြီး အဲဒီဝက်ဝံသားပေါက်လေးတွေရဲ့ ကြီးထွားဖွံ့ဖြိုးမှုကိုလည်း ကောင်းကောင်းအကဲဖြတ်ပေးနိုင်မှာဖြစ်တယ်” ဟု ဇီဝဗေဒပညာရှင်နှင့် ပန်ဒါဝက်ဝံစောင့်ရှောက်သူ ဖလော်ရီယန်ဆစ်စ်က ဆိုသည်။
ပန်ဒါဝက်ဝံမကြီး မုန့်မုန့်သည် ၂၀၁၇ ခုနှစ်တွင် တရုတ်နိုင်ငံမှ ဂျာမနီသို့ ရောက်ရှိလာခြင်းဖြစ်ကာ ၂၀၁၉ ခုနှစ် ဩဂုတ်လတွင် ပထမဆုံး သားပေါက်မှုအဖြစ် အမြွှာပန်ဒါဝက်ဝံလေးများဖြစ်သည့် မုန့်ရှန်နှင့် မုန့်ယွမ်တို့ကို မွေးဖွားခဲ့သည်။ ထိုသားပေါက်လေးနှစ်ကောင်ကိုမူ ယမန်နှစ် ဒီဇင်ဘာလတွင် တရုတ်နိုင်ငံသို့ ပြန်ပို့ပေးခဲ့သည်။ ပန်ဒါဝက်ဝံမကြီး မုန့်မုန့်အား နိုင်ငံတကာမှ ကျွမ်းကျင်ပညာရှင် အဖွဲ့တစ်ဖွဲ့၏ ကြပ်မတ်စောင့်ကြည့်မှု၊ ဂရုတစိုက် ပြင်ဆင်ပေးမှုတို့ဖြင့် မတ်လ ၂၆ ရက်က မေထုန်မဲ့သားစပ်ခဲ့ခြင်းဖြစ်သည်။
အတွေ့အကြုံရှိနေပြီဖြစ်သည့် ပန်ဒါဝက်ဝံမကြီးသည် သားပေါက်လေးများ မွေးဖွားပြီးချိန်တွင် မည်သို့လုပ်ဆောင်ရမည်ကို သိနေပြီဖြစ်ကြောင်း တိရစ္ဆာန်ရုံ တာဝန်ရှိသူများက ဆိုသည်။ “မွေးဖွားလာတဲ့ သားပေါက်လေးနှစ်ကောင် ကျန်းကျန်းမာမာရှိတဲ့အတွက် စိတ်သက်သာရာရမိပါတယ်။ သားပေါက်လေးတွေက လှုပ်လှုပ်ရှားရှားရှိပြီး မိခင်ပန်ဒါဝက်ဝံမကြီးကလည်း သူ့သားပေါက်လေးတွေကို သေချာဂရုစိုက်ပေးတယ်” ဟု တိရစ္ဆာန်ဥယျာဉ် တာဝန်ရှိသူ အန်ဒရေစ် နီယာရီယမ်က ပြောကြားခဲ့သည်။ (Xinhua)
…………………………
(English Version)
Giant panda Meng Meng gives birth to twins at Berlin zoo
BERLIN, Aug. 23 (Xinhua) — Meng Meng, an 11-year-old female giant panda at Zoo Berlin, has given birth to twins, zoo authorities announced on Friday.
“The eagerly awaited second offspring of Meng Meng was born at 13:03 and 14:19 on Thursday in Zoo Berlin’s Panda Garden,” said the zoo in a press release.
Both cubs are doing well and are lovingly cared for by their mum and the experienced panda team around the clock. The cubs weigh 169g and 136g and are about 14cm long.
“Like other giant bears, giant pandas are born almost naked, deaf, blind and pink. The typical black and white panda markings only develop later. The sexes have not yet been determined with certainty,” it said. As giant pandas usually only raise one cub when they give birth to twins, Zoo Berlin has decided to actively assist Meng Meng in raising her cubs in close cooperation with the experts at the Chengdu Research Base of Giant Panda Breeding.
“We are delighted to have two experienced colleagues from the Chengdu Panda Base at our side to look after the cubs. With around 20 births a year, they have much more experience and are better able to assess the cubs’ development,” said biologist and panda curator Florian Sicks.
Meng Meng arrived from China in 2017. In August 2019, she gave birth to the first-ever twin panda cubs, Meng Xiang and Meng Yuan, in Germany. The twins were sent back to China last December.
Meng Meng was artificially inseminated on March 26 following intensive observation and careful preparation by an international team of experts.
The zoo said the now-experienced mother knew what to do immediately after the birth. “I am relieved that the two were born healthy. The little ones seem lively and mum Meng Meng takes great care of her offspring,” said Zoo and Tierpark Director Andreas Knieriem. Enditem
English Caption
Giant panda “Meng Meng” is seen at Zoo Berlin in Berlin, capital of Germany, May 28, 2020. (Photo by Binh Truong/Xinhua)