တရုတ်၊ ဂျပန်နှင့် တောင်ကိုရီးယား ကိုယ်စားလှယ်များသည် သုံးနိုင်ငံ ပူးပေါင်းဆောင်ရွက်မှု ယန္တရားအသွင် မြှင့်တင်ရန် တရုတ်နိုင်ငံ ဟိုင်ခိုမြို့တွင် စုဝေးဆွေးနွေး

ဟိုင်ခို၊ နိုဝင်ဘာ ၁၈ ရက် (ဆင်ဟွာ)
၁၁ ကြိမ်မြောက် တရုတ်-ဂျပန်-တောင်ကိုရီးယား ပူးပေါင်းဆောင်ရွက်မှု ဆွေးနွေးပွဲကို “တံခါးဖွင့် ပူးပေါင်းဆောင်ရွက်မှု ယန္တရားအသွင် မြှင့်တင်ခြင်း” ဟူသော ခေါင်းစဉ်ဖြင့် နိုဝင်ဘာလ ၁၇ ရက်က တရုတ်နိုင်ငံ ဟိုင်နန်ပြည်နယ် ဟိုင်ခိုမြို့တွင် ကျင်းပခဲ့သည်။ တရုတ်၊ ဂျပန်နှင့် တောင်ကိုရီးယားနိုင်ငံတို့မှ သုံးနိုင်ငံအစိုးရများ၊ တတ်သိပညာရှင်များ၊ တက္ကသိုလ်များမှ ကိုယ်စားလှယ်များ ၂၀၀ ခန့် တက်ရောက်ကြပြီး တရုတ်-ဂျပန်-တောင်ကိုရီးယား လွတ်လပ်သောကုန်သွယ်မှု သဘောတူညီချက်၏ စေ့စပ်ညှိနှိုင်းရေး လုပ်ငန်းစဉ် အရှိန်မြှင့်တင်ရေး၊ ၂၀၃၀ ပြည့်နှစ် ရေရှည်တည်တံ့သော ဖွံ့ဖြိုးတိုးတက်ရေး ရည်မှန်းချက်များ လက်တွဲဖော်ဆောင်ရေး၊ တရုတ်-ဂျပန်-တောင်ကိုရီးယားတို့ကြား ပူးပေါင်းဖလှယ်မှုတွင် လူငယ်များ၏ အခန်းကဏ္ဍ စသည့်အရေးကြီးဆွေးနွေးရန် အကြောင်းအရာများနှင့် ပတ်သက်၍ လေ့လာဆွေးနွေးဖလှယ်မှုများ ပြုလုပ်ခဲ့ကြသည်။
တရုတ်နိုင်ငံ နိုင်ငံခြားရေးဝန်ကြီးဌာန အာရှရေးရာဌာန သံအမတ်ကြီး ရှင်ဟိုင်မင်က ရှုပ်ထွေးပြီး အပြောင်းအလဲများသော နိုင်ငံတကာ အခြေအနေများကို ရင်ဆိုင်ရာ၌ သုံးနိုင်ငံ ခေါင်းဆောင်များ၏ တွေ့ဆုံဆွေးနွေးမှုတွင် အတည်ပြုထားသော မျှော်မှန်းချက်အသစ်ကို သေသေချာချာ အကောင်အထည်ဖော်ရမည် ဖြစ်ပြီး ပူးပေါင်းဆောင်ရွက်မှု ယုံကြည်ချက် ပိုမိုခိုင်မာရမည်ဖြစ်ကြောင်း၊ တံခါးဖွင့် ဖွံ့ဖြိုးတိုးတက်ရေးနှင့် သိပ္ပံနည်းပညာ ဆန်းသစ်တီထွင်ရေး ပူးပေါင်းဆောင်ရွက်မှုတို့မှ ခွန်အားသစ်များကို နှိုးဆွပေးပြီး အာရှ၏ သယာလှပသော အနာဂတ်သစ်ကို အတူတကွ ဦးဆောင် ပုံဖော်ကြရမည်ဖြစ်ကြောင်း၊ သုံးနိုင်ငံက ငြိမ်းချမ်းစွာ ဖွံ့ဖြိုးတိုးတက်မှု၊ အပြန်အလှန်အကျိုးဖြစ်ထွန်း၍ ဘုံအကျိုးရှိမှု၊ အရည်အသွေးမြင့်မားသော ဖွံ့ဖြိုးတိုးတက်မှုနှင့် ချိတ်ဆက်မှုရှိသော လူမှုဘဝ အနာဂတ်ကို အတူတကွ လက်တွဲဖန်တီးရမည်ဖြစ်ကြောင်း ပြောကြားခဲ့သည်။
တရုတ်နိုင်ငံဆိုင်ရာ ဂျပန်သံရုံး ဝန်ကြီး Ueno Asako က ကလေးမွေးဖွားနှုန်း ကျဆင်းမှုနှင့် သက်ကြီးရွယ်အို အရေအတွက် တိုးများလာမှုသည် တရုတ်၊ ဂျပန်နှင့် တောင်ကိုရီးယား နိုင်ငံတို့ ရင်ဆိုင်နေရသည့် ဘုံပြဿနာများဖြစ်ပြီး ပူးပေါင်းဆောင်ရွက်မှုကို အားဖြည့်ဆောင်ရွက်၍ သက်ဆိုင်ရာဖြေရှင်းနည်းလမ်းများအဆိုပြုသင့်သည်ဟု ယူဆသည်။ တစ်ချိန်တည်းတွင်ပင် သုံးနိုင်ငံအကြား လူပုဂ္ဂိုလ်ကူးလူးသွားလာရေး အားကောင်းခိုင်မာရန်၊ အထူးသဖြင့် လူငယ်လူရွယ်များ ကူးလူးဖလှယ်ရေးသည် အလွန်အရေးပါကြောင်း၊ ယင်းမှာ သုံးနိုင်ငံကြား အပြန်အလှန်ယုံကြည်မှုနှင့် ရေရှည်ချစ်ကြည်ရင်းနှီးမှုကို ထိန်းသိမ်းသည့် အခြေခံအချက်ဖြစ်ကြောင်း၊ တရုတ်၊ ဂျပန်နှင့် တောင်ကိုရီးယား သုံးနိုင်ငံ GDP စုစုပေါင်းသည် ကမ္ဘာ့ GDP စုစုပေါင်း၏ ၂၀ ရာခိုင်နှုန်းရှိရာ ပိုမိုတက်ကြွသော ပူးပေါင်းဆောင်ရွက်မှုရှိရန် အလွန်အရေးကြီးကြောင်း ၎င်းက ပြောကြားခဲ့သည်။
တရုတ်-ဂျပန်-ကိုရီးယား ပူးပေါင်းဆောင်ရွက်ရေး အတွင်းရေးမှူးချုပ်ရုံးမှ အထွေထွေအတွင်းရေးမှူး Lee Hee-sup က လက်ရှိအချိန်တွင် တရုတ်၊ ဂျပန်နှင့် တောင်ကိုရီးယား နိုင်ငံတို့ကြား ပူးပေါင်းဆောင်ရွက်မှု အငွေ့အသက်များ ပိုမိုအားကောင်းလာကာ ရှိရင်းစွဲ ပူးပေါင်းဆောင်ရွက်မှုယန္တရား အသီးသီးကို ကာကွယ်ထိန်းသိမ်းရန်နှင့် ဖွံ့ဖြိုးတိုးတက်ရန်၊ သုံးနိုင်ငံခေါင်းဆောင်များ၏ တွေ့ဆုံဆွေးနွေးမှုရလဒ်များကို အကောင်အထည်ဖော်ရန် အလွန်အရေးကြီးကြောင်း၊ ပူးပေါင်းဆောင်ရွက်မှု၏ မူလရည်ရွယ်ချက်ကို အခိုင်အမာ လိုက်နာသင့်ပြီး ယုံကြည်အားထားမှုကို အဆက်မပြတ် စုဆောင်းသင့်ကြောင်း ပြောကြားခဲ့သည်။
တရုတ်နိုင်ငံ (ဟိုင်နန်) ပြုပြင်ပြောင်းလဲရေးနှင့် ဖွံ့ဖြိုးတိုးတက်ရေး သုတေသနဌာန၏ ဥက္ကဋ္ဌ ချီဖူလင်က တရုတ်၊ ဂျပန်နှင့် တောင်ကိုရီးယားတို့သည် အာဆီယံအား မျက်နှာမူသော တစ်ဖက်တည်း တံခါးဖွင့်လှစ်ခြင်း အစီအမံများကို ပူးတွဲအကောင်အထည်ဖော်ရန်၊ အာဆီယံကုမ္ပဏီလုပ်ငန်းများက ၎င်းနိုင်ငံသုံးနိုင်ငံသို့ ထုတ်ကုန်များ တင်သွင်းရာတွင် ကန့်သတ်ချက်များကို လျှော့ချရန် အကြံပြုခဲ့သည်။ ဝန်ဆောင်မှု ကုန်သွယ်ရေးကို အဓိကထားသော ဈေးကွက် ဖွံ့ဖြိုးတိုးတက်မှုကို တွန်းအားပေးကာ လွတ်လပ်သော ကုန်သွယ်ရေး တိုးတက်မှုအသစ်များ အကောင်အထည်ဖော်ရန်၊ “ကွင်းဆက် ပြတ်တောက်ခြင်း”ကို သတိမူရန်၊ ပိုမိုကြီးမားသော ဈေးကွက် အပြန်အလှန် ဖွင့်လှစ်ပေးရန် တွန်းအားပေးရမည်ဟု ၎င်းက ပြောကြားခဲ့သည်။
အဆိုပါဆွေးနွေးပွဲတွင် တရုတ်၊ ဂျပန်နှင့် တောင်ကိုရီးယားတို့ကြား လူငယ်ဖလှယ်ရေးအစီအစဉ်ကို အထူးစီမံထားကြောင်း၊ သုံးနိုင်ငံမှ လူငယ်ပညာရှင်များနှင့် စီးပွားရေး ကိုယ်စားလှယ်များ စသည်တို့သည် ထွန်းသစ်စနည်းပညာနှင့် နိုင်ငံရပ်ခြားယဉ်ကျေးမှု ကူးလူးဖလှယ်ရေး သုံးနိုင်ငံ ပူးပေါင်းဆောင်ရွက်မှုကို အားဖြည့်ဆောင်ရွက်နေသည့် လူငယ်များ၏ အခန်းကဏ္ဍနှင့် ပတ်သက်၍ ဆွေးနွေးခဲ့ကြကြောင်း သိရသည်။ တရုတ်-ဂျပန်-ကိုရီးယား ပူးပေါင်းဆောင်ရွက်ရေး ဆွေးနွေးပွဲကို ၂၀၁၄ ခုနှစ်တွင် စတင်ခဲ့ပြီး သုံးနိုင်ငံမှ တစ်လှည့်စီ တာဝန်ယူကျင်းပခဲ့ကြခြင်းဖြစ်သည်။ ယခုအကြိမ်ဆွေးနွေးပွဲကို တရုတ်နိုင်ငံ (ဟိုင်နန်) ပြုပြင်ပြောင်းလဲရေးနှင့် ဖွံ့ဖြိုးတိုးတက်ရေး သုတေသနဌာန၊ ဂျပန်နိုင်ငံ နိုင်ငံတကာ စီးပွားရေးဖလှယ်ရေး ဖောင်ဒေးရှင်းနှင့် တောင်ကိုရီးယားနိုင်ငံ အရှေ့အာရှဖောင်ဒေးရှင်း တို့မှ တာဝန်ယူကျင်းပခဲ့ကြကြောင်း သိရသည်။ (Xinhua)

ဆွေးနွေးပွဲတွင် အမှာစကားပြောကြားနေသော Lee Hee-sup ကို နိုဝင်ဘာ ၁၇ ရက်က တွေ့ရစဉ် (ဆင်ဟွာ)

…………………………………………
(Chinese Version)
中日韩代表聚海口共议促进三国合作机制化
新华社海口11月17日电（记者严钰景）以“促进开放合作机制化”为主题的第十一届中日韩合作对话17日在海南海口举行。来自中日韩三国政府、智库和高校代表约200人参会，就加快推进中日韩自贸协定谈判进程、携手实现2030年可持续发展目标、发挥青年在中日韩合作交流中的作用等重要议题，展开研讨与交流。
中国外交部亚洲司大使邢海明在致辞时表示，面对复杂多变的国际形势，要认真落实三国领导人会议确定的新愿景，进一步坚定合作信心，从开放发展和科技创新合作中激发新动力，共同引领塑造亚洲的美好新未来。三国携手共创和平发展、互利共赢、高质量发展和民生相通的未来。
日本驻华大使馆公使上野麻子认为，少子高龄化是中日韩面临的共同问题，应加强合作提出相应解决方案。同时加强人员往来，特别是青年交流非常重要，是三国加强互信，长期保持友好的基础。中日韩GDP加起来占世界总量的20%，进行更加活跃的合作十分重要。
中日韩合作秘书处秘书长李熙燮表示，当前，中日韩合作氛围越来越浓，维护和发展现有各项合作机制，落实三国领导人会议成果十分重要，应坚守合作初心，不断积累信赖。
中国（海南）改革发展研究院院长迟福林建议，中日韩共同实施面向东盟的单边开放措施，降低东盟企业向三国出口产品门槛；推动以服务贸易为重点的市场开发，实现自由贸易新突破；警惕“脱钩断链”，推动更大的市场相互开放。
据了解，本次会议专门设置中日韩青年交流议程，三国青年学者和企业代表等，就加强新兴技术和跨文化交流三国合作的青年角色等议题展开研讨。中日韩合作对话始自2014年，由三国轮流举办。本次会议由中国（海南）改革发展研究院、日本国际经济交流财团和韩国东亚财团主办。（完）
图说1：11月17日，迟福林在会议上致辞。
图说2：11月17日，李熙燮在会议上致辞。