Asia

ထိုင်းနိုင်ငံ ဘန်ကောက်မြို့တွင် တည်ဆောက်ဆဲ ခုံးကျော်တံတားအမြန်လမ်းတစ်နေရာ ပြိုကျမှုကြောင့် အနည်းဆုံး လူ ၅ ဦးသေဆုံး

ထိုင်းနိုင်ငံ ဘန်ကောက်မြို့တွင် ခုံးကျော်တံတားအမြန်လမ်း ပြိုကျမှု ဖြစ်ပွားရာနေရာကို မတ် ၁၅ ရက် နံနက်ပိုင်းက တွေ့ရစဉ် (ဆင်ဟွာ)

ဘန်ကောက်၊ မတ် ၁၅ ရက် (ဆင်ဟွာ)
ထိုင်းနိုင်ငံ ဘန်ကောက်မြို့ရှိ တည်ဆောက်ဆဲ ခုံးကျော်တံတား အမြန်လမ်းတစ်နေရာသည် မတ် ၁၅ ရက် နံနက်ပိုင်းတွင် ပြိုကျမှုဖြစ်ပွားခဲ့ရာ ယင်းကြောင့် အနည်းဆုံး လူ ၅ ဦးသေဆုံးခဲ့ကြောင်း ထိုင်းနိုင်ငံအစိုးရ အရာရှိက မတ် ၁၅ ရက်တွင် ပြောကြားခဲ့သည်။

အဆိုပါ မတော်တဆဖြစ်မှုသည် ဒေသစံတော်ချိန် မတ် ၁၅ ရက် နံနက်ပိုင်း ၂ နာရီဝန်းကျင်၌ ဖြစ်ပွားခဲ့ကြောင်း၊ အလုပ်သမားများက ထိုအချိန်တွင် အင်္ဂတေလောင်းနေသည့် ကွန်ကရစ်လမ်းရက်မတစ်ခုက ရုတ်တရက် ကွဲအက်ကာ ပြိုကျမှုဖြစ်ပွားခဲ့ခြင်းဖြစ်ကြောင်း ထိုင်းနိုင်ငံ မီဒီယာအများအပြားက သတင်းဖော်ပြခဲ့သည်။

ထိုင်းနိုင်ငံ ဒုတိယဝန်ကြီးချုပ်နှင့် ပို့ဆောင်ရေးဝန်ကြီး Suriya Jungrungreangkit က အခင်းဖြစ်ပွားရာ နေရာသို့ သွားရောက်စစ်ဆေးကြည့်ရှုခဲ့ပြီး အဆိုပါ မတော်တဆဖြစ်မှုကြောင့် အနည်းဆုံး လူ ၅ ဦး သေဆုံးခဲ့ပြီး ၎င်းအနက် ထိုင်းနိုင်ငံသား ၃ ဦးနှင့် မြန်မာအလုပ်သမား ၂ ဦး ပါဝင်ကြောင်း၊ အခြားလူ ၂၄ ဦးထက်မနည်း ဒဏ်ရာရရှိကြောင်း အတည်ပြုခဲ့သည်။
အဆိုပါမတော်တဆဖြစ်မှု ဖြစ်ပွားပြီးနောက် အခင်းဖြစ်ပွားရာနေရာ အနီးတစ်ဝိုက်လမ်းများအား ယာယီပိတ်ခဲ့ကြောင်း သိရသည်။ Suriya Jungrungreangkit က သက်ဆိုင်ရာဌာနမှ သီးသန့်စုံစမ်းစစ်ဆေးရေး ကော်မတီဖွဲ့စည်း၍ မတော်တဆဖြစ်မှု အကြောင်းရင်းအား ဘက်စုံ စုံစမ်းစစ်ဆေးကာ ပိုမိုတင်းကျပ်သည့် လုံခြုံရေးအစီအမံများ ချမှတ်ရန် တောင်းဆိုထားကြောင်း သိရသည်။ (Xinhua)

ထိုင်းနိုင်ငံ ဘန်ကောက်မြို့တွင် ခုံးကျော်တံတားအမြန်လမ်း ပြိုကျမှု ဖြစ်ပွားရာနေရာကို မတ် ၁၅ ရက်က တွေ့ရစဉ် (ဆင်ဟွာ)

————————————————————————————–
(Chinese Version)
泰国曼谷一在建高架路垮塌致至少5人死亡
新华社曼谷3月15日电（记者林昊　陈倩慈）泰国政府官员15日表示，首都曼谷一条正在建设的高架路当天凌晨发生垮塌事故，造成至少5人死亡。
据泰国多家媒体报道，事故发生在当地时间15日2时左右，工人当时正在浇筑的一根混凝土梁突然发生断裂并坍塌。
泰国副总理兼交通部长素里亚赴现场视察时确认，事故造成至少5人死亡，其中包括3名泰国籍人员和2名缅甸工人，另有至少24人受伤。
事故发生后，现场附近道路临时关闭。素里亚要求相关部门成立专门调查委员会，全面查明事故原因，并制定更加严格的安全措施。（完）
图说1、2：这是3月15日凌晨在泰国曼谷拍摄的高架路垮塌事故现场。新华社发
图说3、4：这是3月15日在泰国曼谷拍摄的高架路垮塌事故现场。新华社发