Kurskဒေသ ပြန်လည်သိမ်းပိုက်ရေးအတွက် ရုရှားထံ တပ်ဖွဲ့ဝင်များ စေလွှတ်ခဲ့ကြောင်း မြောက်ကိုရီးယားနိုင်ငံက အတည်ပြု

ပြုံယမ်း၊ ဧပြီ ၂၈ ရက် (ဆင်ဟွာ)
မြောက်ကိုရီးယား လက်နက်ကိုင်တပ်ဖွဲ့က ရုရှားနိုင်ငံ Kursk ဒေသ ပြန်လည်သိမ်းပိုက်ရေးတွင် ပါဝင်ခဲ့ပြီး စစ်ရေးလှုပ်ရှားမှုမှာ “အောင်မြင်စွာ ပြီးစီး” ခဲ့ကြောင်း မြောက်ကိုရီးယားနိုင်ငံပိုင် သတင်းအေဂျင်စီ (KCNA) က ဖော်ပြခဲ့သည်။ ယင်းမှာ ရုရှားနိုင်ငံသို့ စစ်တပ်စေလွှတ်၍ စစ်ပွဲတွင် ပါဝင်ခဲ့ကြောင်း မြောက်ကိုရီးယားဘက်က ပထမဆုံးအကြိမ် အတည်ပြုခြင်းဖြစ်သည်။
မြောက်ကိုရီးယားနိုင်ငံ နိုင်ငံ့ခေါင်းဆောင်၏ အမိန့်အရ မြောက်ကိုရီးယား လက်နက်ကိုင်တပ်ဖွဲ့သည် Kursk ဒေသကို ပြန်လည်သိမ်းပိုက်ရေး စစ်ရေးလှုပ်ရှားမှုတွင် ပါဝင်ခဲ့ပြီး ရုရှားဖက်ဒရေးရှင်း နယ်မြေ ပြန်လည်သိမ်းပိုက်ရေးအတွက် အရေးပါသော ပံ့ပိုးကူညီမှုများ ပေးအပ်ခဲ့ကြောင်း၊ “ယင်းသည် ကုလသမဂ္ဂပဋိညာဉ်စာတမ်း စသည့် နိုင်ငံတကာဥပဒေများနှင့် မြောက်ကိုရီးယား-ရုရှား နိုင်ငံတို့ကြား ‘ဘက်စုံမဟာဗျူဟာမြောက် မိတ်ဖက်ဆက်ဆံရေးဆိုင်ရာ သဘောတူစာချုပ်’ ပါ ပြဋ္ဌာန်းချက်အသီးသီး၏ စိတ်ဓာတ်နှင့် အပြည့်အဝ ကိုက်ညီကြောင်း” KCNA သတင်းအေဂျင်စီက မြောက်ကိုရီးယား အလုပ်သမားပါတီ ဗဟိုစစ်ကော်မရှင်၏ ဧပြီ ၂၇ ရက်က ရေးသားထုတ်ပြန်ခဲ့သော ကြေညာချက်ကို ကိုးကား၍ ဖော်ပြခဲ့သည်။
Kursk ဒေသ ပြန်လည်သိမ်းပိုက်ရေး စစ်ရေးလှုပ်ရှားမှု အောင်မြင်ပြီးစီးခဲ့ရာ “မြောက်ကိုရီးယား-ရုရှား နိုင်ငံတို့ကြား ခိုင်မာသော တိုက်ပွဲဝင် ချစ်ကြည်ရေးနှင့် နှစ်နိုင်ငံ ပြည်သူများ၏ မဟာမိတ်ဆက်ဆံရေး၊ ညီအစ်ကို ဆက်ဆံရေး၏ (ရောက်ရှိနိုင်သည့်) အမြင့်ဆုံး မဟာဗျူဟာအဆင့်ရှိသော သမိုင်းစာမျက်နှာသစ်သို့ ရောက်ရှိခြင်းကို ထင်ထပ်ပေါ်လွင်စေကြောင်း” ထုတ်ပြန်ချက်တွင် ဖော်ပြခဲ့သည်။
မြောက်ကိုရီးယား အလုပ်သမားပါတီ အထွေထွေအတွင်းရေးမှူးချုပ်၊ နိုင်ငံတော်ရေးရာ ကော်မရှင် ဥက္ကဋ္ဌ ကင်ဂျုံအန်းက ထိုစဉ်၏ စစ်ပွဲအခြေအနေသည် မြောက်ကိုရီးယား-ရုရှားနိုင်ငံတို့အကြား “ဘက်စုံမဟာဗျူဟာမြောက် မိတ်ဖက်ဆက်ဆံရေးဆိုင်ရာ သဘောတူစာချုပ်” ပါ သက်ဆိုင်ရာ ပြဋ္ဌာန်းချက်များအား ဖော်ဆောင်ရန် ကိုက်ညီမှုရှိသည်ဟု သုံးသပ်၍ ဆုံးဖြတ်ခဲ့ကြောင်း၊ ဤဆုံးဖြတ်ချက်ကို အခြေခံ၍ မြောက်ကိုရီးယား လက်နက်ကိုင်တပ်ဖွဲ့သည် စစ်ပွဲတွင် ပါဝင်ခဲ့ပြီး ရုရှားဘက်ကို အကြောင်းကြားခဲ့ကြောင်း ရုရှားသို့ သွားရောက်၍ စစ်ပွဲတွင် ပါဝင်ရန် မြောက်ကိုရီးယားနိုင်ငံ၏ ဆုံးဖြတ်ချက်နှင့် စပ်လျဉ်း၍ ကြေညာချက်တွင် ဖော်ပြထားသည်။
မြောက်ကိုရီးယားစစ်သည်များသည် Kursk ဒေသတွင် တိုက်ပွဲဝင်ခဲ့ပြီး ရုရှားစစ်တပ်၏ အဆိုပါဒေသအား ပြန်လည်သိမ်းပိုက်ရေးအတွက် အရေးပါသော ပံ့ပိုးကူညီမှုများ ပေးအပ်ခဲ့သည်ဟု ရုရှားနိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ Maria Zakharova က ဧပြီ ၂၆ ရက်တွင် ပြောကြားခဲ့သည်။
မြောက်ကိုရီးယား စစ်သားများသည် မြောက်ကိုရီးယား-ရုရှားနိုင်ငံတို့အကြား “ဘက်စုံမဟာဗျူဟာမြောက် မိတ်ဖက်ဆက်ဆံရေးဆိုင်ရာ သဘောတူစာချုပ်” နှင့်အညီ Kursk ပြည်နယ်ရှိ ယူကရိန်းစစ်တပ်အား ချေမှုန်းရာတွင် ကြီးမားသော အကူအညီများပေးအပ်ခဲ့သည်ဟု ရုရှားတပ်မတော် ကာကွယ်ရေးဦးစီးချုပ် Valery Gerasimov က Kursk ဒေသအား ပြန်လည်သိမ်းပိုက်နိုင်ခဲ့ကြောင်း ဧပြီ ၂၆ ရက် အစောပိုင်းတွင် သမ္မတ ပူတင်ထံ အစီရင်ခံရာ၌ ပြောကြားခဲ့သည်။ (Xinhua)
……………………
(Chinese Version)
朝鲜证实出兵俄罗斯协助收复库尔斯克
新华社平壤4月28日电　朝中社28日报道说，朝鲜武装力量部队参加了收复俄罗斯库尔斯克地区的作战并“胜利结束”。这是朝方首次证实向俄罗斯派兵参战。
朝中社当天援引朝鲜劳动党中央军事委员会27日一份书面声明说，按照朝鲜国家元首命令，朝鲜武装力量部队参加库尔斯克地区收复作战，为收复俄罗斯联邦领土作出重大贡献，“完全符合联合国宪章等国际法和朝俄《全面战略伙伴关系条约》的各条款精神”。
声明说，库尔斯克地区收复作战胜利结束，“是彰显朝俄两国牢固战斗友谊和两国人民的同盟关系、兄弟关系（所达到）的最高层次战略高度的历史新篇章”。
声明就朝方当时决策赴俄参战一事说，朝鲜劳动党总书记、国务委员长金正恩分析并判定当时战况符合行使朝俄《全面战略伙伴关系条约》相关条款，据此决定朝鲜武装力量参战并通报了俄方。
俄罗斯外交部发言人扎哈罗娃26日表示，朝鲜士兵在库尔斯克州作战，为俄军收复该州作出重大贡献。
26日早些时候，俄武装力量总参谋长格拉西莫夫在向俄总统普京汇报已收复库尔斯克州时说，朝鲜军人根据俄朝《全面战略伙伴关系条约》，为击溃库尔斯克州乌军提供了巨大帮助。（完）
图说：这张俄罗斯国防部3月13日发布的视频截图显示，俄军士兵进入库尔斯克州的一个定居点。新华社发（俄罗斯国防部供图）