အာဆီယံ+ နိုင်ငံခြားရေးဝန်ကြီးများ အစည်းအဝေး၏ အပေါင်းလက္ခဏာဆောင်သော ရလဒ်များကို တရုတ်နိုင်ငံခြားရေးဝန်ကြီး အသေးစိတ်ရှင်းလင်း

ကွာလာလမ်ပူ၊ ဇူလိုင် ၁၃ ရက် (ဆင်ဟွာ)

မလေးရှားနိုင်ငံ ကွာလာလမ်ပူမြို့၌ ကျင်းပသည့် အာဆီယံ+ နိုင်ငံခြားရေးဝန်ကြီးများ အစည်းအဝေး တက်ရောက်စဉ်အတွင်း တရုတ်-အာဆီယံ ပူးပေါင်းဆောင်ရွက်မှုများနှင့် စပ်လျဉ်း၍ တရုတ်နိုင်ငံခြားရေးဝန်ကြီး ဝမ်ရိက သတင်းမီဒီယာများအား ဇူလိုင် ၁၂ ရက်တွင် ရှင်းလင်းပြောကြားခဲ့ကြောင်း သိရသည်။မျက်မှောက်ကာလ၌ တစ်ဖက်သတ်ဝါဒ၊ ကိုယ်ကျိုးစီးပွား ကာကွယ်ရေးဝါဒများ အရှိန်အဟုန်အားကောင်းနေချိန်တွင် တရုတ်နိုင်ငံနှင့် အာဆီယံနိုင်ငံများအနေဖြင့် အပြန်အလှန် ဖေးမကူညီရေး၊ ညီညီညွတ်ညွတ်ရှိကာ ပူးပေါင်းဆောင်ရွက်ရေး၊ စိန်ခေါ်မှုများကို အတူတကွ ရင်ဆိုင်ရေးအတွက် ဆန္ဒပြင်းပြလျက်ရှိသည်ကို ထင်ထင်ရှားရှား ပြသခဲ့သည်ဟု တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အဖွဲ့ဝင်လည်းဖြစ်သူ ဝမ်က ပြောကြားခဲ့သည်။

ယခုအစည်းအဝေးများက အကျိုးရလဒ်များစွာကို ဖြစ်ထွန်းစေခဲ့သည်ဟု ၎င်းက ဆိုသည်။ ပထမဆုံးအနေဖြင့် တရုတ်-အာဆီယံ လွတ်လပ်သော ကုန်သွယ်ရေးဇုန် ဗားရှင်း ၃.၀ နှင့် စပ်လျဉ်း၍ ဆွေးနွေးညှိနှိုင်းမှုများ ပြီးမြောက်ကြောင်း နှစ်ဖက်စလုံးက အတည်ပြုခဲ့ပြီး အောက်တိုဘာလတွင် ကျင်းပမည့် ခေါင်းဆောင်များ အစည်းအဝေး၌ အတည်ပြု လက်မှတ်ရေးထိုးရန်အတွက် ယင်းအား တင်သွင်းရန် သဘောတူညီခဲ့ရာ တရုတ်နိုင်ငံနှင့် အာဆီယံအနေဖြင့် ဒေသတွင်း စီးပွားရေး ပေါင်းစည်းမှုအား ဆက်လက်အားပေးမြှင့်တင်ကာ ဒေသတွင်း၌ အဆင့်မြင့် လွတ်လပ်စွာကုန်သွယ်ရေးကွန်ရက် တည်ထောင်သွားမည်ဖြစ်ကြောင်း ညွှန်ပြလျက်ရှိသည်။

ဒုတိယအနေဖြင့် တရုတ်နိုင်ငံနှင့် အာဆီယံအဖွဲ့သည် လာမည့် ငါးနှစ်တာအတွက် မဟာဗျူဟာမြောက် ဘက်ပေါင်းစုံ မိတ်ဖက်ဆက်ဆံရေး လုပ်ငန်းစီမံချက်နှင့် စပ်လျဉ်း၍ သဘောတူညီမှု ရရှိခဲ့ပြီး နယ်ပယ်အသီးသီး၌ ဘက်စုံပူးပေါင်းဆောင်ရွက်ရေး မျှော်မှန်းချက် ၄၀ ကျော်အား ချမှတ်ခဲ့ကာ နောက်တစ်ဆင့်၌ လက်တွေ့ကျသော အပြန်အလှန် ပူးပေါင်းဆောင်ရွက်မှုအတွက် ခိုင်မာအားကောင်းသော တွန်းအားများ ဖြည့်တင်းပေးခဲ့သည်။

တတိယအနေဖြင့် တောင်တရုတ်ပင်လယ် ကျင့်ဝတ်စည်းမျဉ်းများ (COC) မူကြမ်းအား တတိယအကြိမ် ဖတ်ကြားဆွေးနွေးမှု ပြီးမြောက်ခဲ့သည့်အပေါ် နှစ်ဖက်စလုံးက ကြိုဆိုခဲ့ကြပြီး ဆွေးနွေးညှိနှိုင်းများကို ၂၀၂၆ ခုနှစ်အတွင်း အပြီးသတ်နိုင်ရေး၊ ကုလသမဂ္ဂ ပင်လယ်ပြင် ဥပဒေဆိုင်ရာ ကွန်ဗင်းရှင်း အပါအဝင် နိုင်ငံတကာဥပဒေနှင့် ကိုက်ညီ၍ ထိရောက်မှုရှိကာ ခြေခြေမြစ်မြစ်ရှိသော COC တစ်ရပ် ရရှိရေးအတွက် ကြိုးပမ်းသွားရန် သဘောတူညီခဲ့ကြောင်း သိရသည်။ သို့ဖြစ်၍ တောင်တရုတ်ပင်လယ်တွင် ငြိမ်းချမ်းမှု၊ တည်ငြိမ်မှုရှိရေးအတွက် ပိုမိုခိုင်မာသော အာမခံချက်ကို ပေးစွမ်းနိုင်မည်ဖြစ်သည်။
တရုတ်နိုင်ငံအနေဖြင့် အိမ်နီးချင်းနိုင်ငံများနှင့် အေးအတူပူအမျှ အသိုက်အဝန်း ထူထောင်ရေးအတွက် အဆိုပြုကာ ယင်းနိုင်ငံများ၏ ခေတ်မီအသွင်ပြောင်းမှုကို အထောက်အကူပေးလျက်ရှိသည်ဟု ဝမ်က ထောက်ပြပြောဆိုခဲ့သည်။ (Xinhua)

သတင်းအပြည့်အစုံကို ဖော်ပြပါလင့်ခ်မှတစ်ဆင့် ဝင်ရောက်ဖတ်ရှုနိုင်ပါသည်။ xhtxs.cn/48J
…………………………………………………………….
(English Version)
Chinese FM details positive outcomes of ASEAN Plus foreign ministers’ meetings
KUALA LUMPUR, July 13 (Xinhua) — Chinese Foreign Minister Wang Yi on Saturday briefed the media on China-ASEAN cooperation during his attendance of the ASEAN Plus foreign ministers’ meetings here.
Wang, also a member of the Political Bureau of the Communist Party of China Central Committee, said that against the backdrop of rampant unilateralism and protectionism at present, China and ASEAN countries have demonstrated a strong desire to support each other, unite and cooperate, and jointly meet challenges.
He said the meetings achieved a series of outcomes. Firstly, both sides confirmed the completion of negotiations on version 3.0 of the China-ASEAN Free Trade Area and agreed to submit it for approval and signing at the leaders’ meeting in October, signaling that China and ASEAN will continue to promote regional economic integration and build a high-level regional free trade network.
Secondly, China and ASEAN agreed on the action plan for the comprehensive strategic partnership for the next five years, setting out over 40 goals of all-round cooperation in various fields, injecting strong impetus to bilateral pragmatic cooperation in the next phase.
Thirdly, both sides welcomed the completion of the third reading of the draft text of the Code of Conduct in the South China Sea (COC), agreed to strive to complete consultations within 2026 and reach a COC that is effective, substantive and in line with international law, including the United Nations Convention on the Law of the Sea. This will provide a stronger guarantee for peace and stability in the South China Sea.
Wang pointed out that China puts forward the building of a community of shared future with neighboring countries and promotes the modernization of these countries.
English Caption
Chinese Foreign Minister Wang Yi, also a member of the Political Bureau of the Communist Party of China Central Committee, attends the 32nd ASEAN Regional Forum (ARF) Foreign Ministers’ Meeting in Kuala Lumpur, Malaysia, July 11, 2025. (Xinhua/Cheng Yiheng)