ပြင်သစ်နိုင်ငံ အနောက်တောင်ပိုင်းတွင် တိုက်ခန်းမီးလောင်မှုကြောင့် လူ ၅ဦးသေဆုံး

ပါရီ၊ ဇူလိုင် ၁၁ ရက် (ဆင်ဟွာ)

ပြင်သစ်နိုင်ငံ အနောက်တောင်ပိုင်း Pau မြို့ တွင် ဇူလိုင် ၁၀ ရက် က မိသားစုတစ်ခု အကြား အငြင်းပွားမှုတစ်ခု ဖြစ်ပွားပြီးနောက် ၎င်းတို့၏ နေအိမ်၌ မီးလောင်မှုဖြစ်ပွားခဲ့ရာ ၂နှစ်အရွယ် ကလေးတစ်ဦး အပါအဝင် လူ ၅ဦးသေဆုံးခဲ့ကြောင်း ပြည်တွင်းမီဒီယာက ဖော်ပြခဲ့သည်။

စုံစမ်းစစ်ဆေးမှု နှင့် နီးကပ်သည့် သတင်းရင်းမြစ်များကို ကိုးကား၍ BFMTV သတင်းရုပ်သံလိုင်း က ၄ထပ်အဆောက်အအုံ၏ ပထမထပ် အခန်းမှ ဇူလိုင် ၁၀ ရက် အစောပိုင်းတွင် မီးစတင်လောင်ကျွမ်းခဲ့ကြောင်း ဖော်ပြခဲ့သည်။

အဆိုပါ တိုက်ခန်းတွင် စုံတွဲ ၂တွဲ နေထိုင်ပြီး တစ်စုံတစ်ယောက်က ဆိုဖာအား မီးရှို့ခဲ့ကြောင်း နှင့် ယင်းနေ့ နံနက်အစောပိုင်းတွင် မီးခိုးများ ထွက်လာသည်ကို တွေ့မြင်ခဲ့သည့် အိမ်နီးချင်းများက မီးသတ်ဌာနအား အကြောင်းကြားခဲ့ကြောင်း Pau မြို့ ပထမ ဒုတိယမြို့တော်ဝန် Jean-Paul Brin ကပြောကြားခဲ့သည်။

၎င်းက မိသားစု အငြင်းပွားမှုမှ လူသေဆုံးမှု ဖြစ်ပွားခဲ့ခြင်းဖြစ်နိုင်ကြောင်း နှင့် အသေးစိတ်အချက်အလက်ကို မည်သူမျှ သိရှိခြင်းမရှိကြောင်း ပြောကြားခဲ့သည်။

သတင်းများအရ အဆိုပါ တိုက်ခန်းအတွင်း လူတစ်ဦးအား ကြိုးတုပ်ထားပြီး အနီးအနားတွင် သွေးကွက်များ တွေ့ရှိခဲ့ကြောင်း ပြောကြားခဲ့သည်။

သေဆုံးသူများသည် မည်သူဖြစ်ကြောင်း နှင့် ယင်းဖြစ်ရပ်အား အသေးစိတ်သိရှိရန် စုံစမ်းစစ်ဆေးနေကြောင်း သိရသည်။ (Xinhua)