ဥရောပ၌ ဒုတိယကမ္ဘာစစ်ကာလရုပ်ရှင် Dongji Rescue အကြိုပြသမှုအား လန်ဒန်မြို့တွင် ပြုလုပ်

လန်ဒန်၊ ဩဂုတ် ၁၇ ရက် (ဆင်ဟွာ)

ဒုတိယကမ္ဘာစစ်ကာလရုပ်ရှင် Dongji Rescue အား ဥရောပ၌ အကြိုပြသမှုကို ဩဂုတ် ၁၅ ရက်ညနေ ခင်း က လန်ဒန်မြို့တွင် ပြုလုပ်ခဲ့သည်။ အဆိုပါရုပ်ရှင်ဇာတ်ကားမှာ ၁၉၄၂ ခုနှစ်အတွင်းက လစ္စဘွန်းမာရူ ဂျပန်သင်္ဘောပေါ်တွင် ဖမ်းဆီး ခေါ်ဆောင်သွားခြင်းခံရသည့် ဗြိတိသျှစစ်သုံ့ပန်း ၃၀၀ ကျော်အား တရုတ်ငါးဖမ်းသမားများက အသက် စွန့်၍ ကယ်တင်ရန်ကြိုးစားခဲ့ကြမှုကို ပုံဖော်ရိုက်ကူးထားခြင်းဖြစ်ကာ လန်ဒန်မြို့တွင် ပြုလုပ်ခဲ့သည့် အကြိုပြသမှုအား ပရိသတ် ၈၀၀ ခန့် တက်ရောက်ကြည့်ရှုအားပေးခဲ့ကြသည်။၁၉၄၂ ခုနှစ် အောက်တိုဘာအတွင်းက ဂျပန်စစ်တပ်၏ ချောဆွဲခြင်းခံရသည့် လစ္စဘွန်းမာရူကုန်တင် သင်္ဘောသည် ဗြိတိသျှစစ်သုံ့ပန်း ၁,၈၀၀ ကျော်ကို ဟောင်ကောင်မှ ဂျပန်နိုင်ငံသို့ တင်ဆောင် ခေါ်ယူသွားခဲ့ပြီး အဆိုပါသင်္ဘောမှာ တရုတ်နိုင်ငံ ကျဲ့ကျန်းပြည်နယ်၊ ကျိုးဆွန်းကျွန်းများအနီး၌ အမေရိကန်စစ်တပ်၏ တိုက်ခိုက်မှုကိုခံခဲ့ရကြောင်း သိရသည်။

အဆိုပါ ရုပ်ရှင်အကြိုပြသမှုမတိုင်မီ လစ္စဘွန်းမာရူအောက်မေ့ဖွယ် အစည်းအရုံးဥက္ကဌ အန်တိုနီဂျုံးစ်က ယခုရုပ်ရှင်သည် ၄င်း၏ နှလုံးသားနှင့်အလွန်နီးစပ်ကြောင်း၊ အဖိုးဖြစ်သူ သောမတ်စ်သီအိုဒိုရီဂျုံးစ် ကလည်း နစ်မြုပ်နေသော လစ္စဘွန်းမာရူသင်္ဘောပေါ်တွင် ပါဝင်ခဲ့ကာ အသက်ရှင်ကျန်ခဲ့သူတစ်ဦး ဖြစ်ကြောင်း ရုပ်ရှင်အကြို ပြသမှုမတိုင်မီ ရှင်းလင်းပြောကြားခဲ့သည်။

“ဒုတိယကမ္ဘာစစ်ရဲ့ အမှောင်အဖုံးဆုံး အချိန်နာရီတွေမှာ တရုတ်နဲ့ ဗြိတိန်တပ်ဖွဲ့တွေကလည်း မတူညီတဲ့ ရှေ့တန်းစစ်မျက်နှာတွေမှာ တိုက်ပွဲဝင်ခဲ့ကြပါတယ်။ ဖက်ဆစ်ဝါဒနဲ့ ကျုးကျော်ရန်စမှုကိုဆန့်ကျင်တဲ့ လူသားဆန် သောတိုက်ပွဲတွေမှာ ဘုံစစ်ဆင်ရေးအဖြစ် နှစ်နိုင်ငံစလုံးက ဂျပန်ကိုတော်လှန်ခဲ့ကြပြီး ကျွန်တော်တို့ နှစ်နိုင်ငံက ပြည်သူတွေရဲ့အကြားမှာလည်း နက်ရှိုင်းတဲ့ချစ်ခင်ရင်းနှီးမှုတွေကို တည်ဆောက်နိုင်ခဲ့ကြပါ တယ်”ဟု ဗြိတိန်နိုင်ငံဆိုင်ရာ တရုတ်သံအမတ်ကြီး Zheng Zeguang က အဆိုပါ ရုပ်ရှင်အကြိုပြသမှု မတိုင်မီ ရှင်းလင်းပွဲတွင် ပြောကြားခဲ့သည်။

အဆိုပါရုပ်ရှင်၏ အဓိကဇာတ်ဆောင်ဖြစ်သည့် ဝီလျံဖရန်ကလင်-မီလာကလည်း ဗြိတိသျှစစ်သားများ အား ရဲရင့်စွာကယ်တင်ခဲ့သည့် တရုတ်ငါးဖမ်းသမားများ၏ ထွန်းပြောင်ခဲ့သည့် လုပ်ဆောင်ချက်သမိုင်းကို ပိုမိုကျယ်ပြန့်စွာသိရှိကြရေးအတွက် ၄င်းတွင် ပိုပြီးတာဝန်ရှိသည်ဟုခံစားရကြောင်း ဆင်ဟွာသတင်း ဌာနသို့ ပြောကြားသည်။

ရုပ်ရှင်အကြိုပြသပွဲသို့ လာရောက်ကြည့်ရှုခဲ့သည့် ဒေသခံတစ်ဦးဖြစ်သူ အယ်လ်ဖီဟိုးဝစ်က “ဒီအဖြစ်အပျက်ကို ကျွန်တော် လုံး၀မသိခဲ့ပါဘူး။ ဒီရုပ်ရှင်က ကျွန်တော့်ကို ဒီအကြောင်းတွေ တိတိကျကျသိသွားစေခဲ့ပါတယ်။ ဒုတိယကမ္ဘာစစ်တုန်းက တရုတ်နိုင်ငံရဲ့ကူညီစွမ်းဆောင်မှုတွေ ဘယ်လောက်တောင် ရှိခဲ့တယ်ဆိုတာကို ဒီရုပ်ရှင်က လူတွေကို ပိုပြီး သတိပြုသွားစေမယ်လို့ ကျွန်တော်ထင်တယ်”ဟု ပြောကြားခဲ့သည်။

ယခု ၂၀၂၅ ခုနှစ်သည် တရုတ်ပြည်သူများ ဖက်ဆစ်ဂျပန် ခုခံတော်လှန်ရေးစစ်ပွဲနှင့် ကမ္ဘာ့ဖက်ဆစ်တော်လှန်ရေးစစ်ပွဲ အောင်နိုင်သည့် နှစ် ၈၀ ပြည့် အထိမ်းအမှတ်ကာလလည်းဖြစ်သည်။ အရှေ့ပိုင်း အဓိကစစ်မျက်နှာများမှ တရုတ်နိုင်ငံ၏ ခုခံတော်လှန်မှုများက ဖက်ဆစ်ဂျပန်အား အောင်နိုင်စေရေးနှင့် ဥရောပနှင့် အာရှရှိ အခြားစစ်မျက်နှာများကို အထောက်အကူပေးရေးအတွက် အဆုံးအဖြတ်ဖြစ်စေခဲ့ကြောင်း သိရသည်။ (Xinhua)
# WWII #ChineseFishermen #Rescue #ဒုတိယကမ္ဘာစစ် #တရုတ်ငါးဖမ်းသမားများ #ကယ်ဆယ်
————————–
(English Version)
London hosts European premiere of WWII film “Dongji Rescue”
LONDON, Aug. 16 (Xinhua) — The European premiere of the World War II (WWII) film “Dongji Rescue” was held here Friday evening.
The film recounted the story of how Chinese fishermen risked their lives to rescue more than 300 British prisoners of war (POWs) from the Japanese ship Lisbon Maru in 1942. The premiere drew an audience of some 800.
In October 1942, Lisbon Maru, a cargo vessel requisitioned by the Japanese army to carry more than 1,800 British POWs from Hong Kong to Japan, was hit by the U.S. army off the Zhoushan Islands, China’s Zhejiang province.
The story “is very close to my heart, because my grandfather, Thomas Theodore Jones, was one of the survivors of the sinking of the Lisbon Maru,” Anthony Jones, chairman of the Lisbon Maru Memorial Association, told a reception before the screening.
“At the darkest hour of WWII, China and the UK fought on different fronts but shared a common mission: to defend humanity against fascism and aggression. Fighting side by side, the peoples of our two countries forged a deep friendship,” Chinese Ambassador to Britain Zheng Zeguang said at the reception.
Actor William Franklyn-Miller told Xinhua that he felt a responsibility to share this part of history more widely. “The bravery of the fishermen who rescued the British soldiers shines through,” he said.
“I didn’t know about this incident at all. It definitely taught me more about it,” said Alfie Howis, a member of the local audience. “I think this film will make people more aware of the Chinese contribution (during WWII).”
This year marks the 80th anniversary of the victory of the Chinese People’s War of Resistance Against Japanese Aggression and the World Anti-Fascist War. On the main Eastern battlefield, China’s resistance efforts were decisive in defeating Japanese fascism and supporting other fronts in Europe and Asia.
Photo
Chinese actress Ni Ni waves during the European premiere of the film Dongji Rescue, in London, Britain, Aug. 15, 2025. (Xinhua/Wu Lu)