နန်ကျင်း အစုလိုက်အပြုံလိုက်သတ်ဖြတ်မှုအကြောင်း ရိုက်ကူးထားသည့် တရုတ်ရုပ်ရှင်ဇာတ်ကားအား အမေရိကန်တွင် ရုံတင်ပြသ၊ ပရိသတ်များ၏ ကရုဏာသက်သော တုံ့ပြန်မှုများရရှိ

နယူးယောက်၊ ဩဂုတ် ၁၈ ရက် (ဆင်ဟွာ)
အနောက်နိုင်ငံများ၏ ကျောင်းသုံးဖတ်စာအုပ်များတွင် အများအားဖြင့် ဖော်ပြလေ့မရှိသော ဖြစ်ရပ်ဆိုးတစ်ခုဖြစ်သည့် ဒုတိယကမ္ဘာစစ်၏ အဆိုးရွားဆုံး ကာလအပိုင်းအခြားတစ်ခုကို သရုပ်ဖော်ထားသော သမိုင်းနောက်ခံ တရုတ်ရုပ်ရှင်ဇာတ်ကား Dead to Rights အား အမေရိကန်နိုင်ငံရှိ မြို့ကြီးများတွင် ရုံတင်ပြသလျက်ရှိရာ ရုပ်ရှင်ကြည့်ပရိသတ်များ၏ ကရုဏာသက်သော တုံ့ပြန်မှုများကို ရရှိခဲ့ကြောင်း သိရသည်။
၁၉၃၇ ခုနှစ် နန်ကျင်း အစုလိုက်အပြုံလိုက်သတ်ဖြတ်မှုအကြောင်း နောက်ခံပြုကာ သရုပ်ဖော်တင်ဆက်ထားသည့် အဆိုပါဇာတ်ကားမှာ အထောက်အထားဖြင့် မှတ်တမ်းတင်ထားသည့် အဖြစ်အပျက်များကို အခြေခံထားခြင်းဖြစ်သလို ဂျပန်စစ်တပ်က ကျူးလွန်ခဲ့သည့် ရက်စက်ကြမ်းကြုတ်မှု အထောက်အထားများကို အသက်စွန့်၍ ထိန်းသိမ်းလျက် ဓာတ်ပုံစတူဒီယိုတစ်ခု၌ ပုန်းအောင်းနေရသည့် တရုတ်နိုင်ငံသား အရပ်သား အုပ်စုတစ်စုအကြောင်းကို ရိုက်ကူးပုံဖော်ထားခြင်းလည်းဖြစ်သည်။
“အဲဒီအဖြစ်အပျက်တွေ ဖြစ်ခဲ့တာရယ်၊ အဲဒီကနေ သူတို့ ဘယ်လိုလွတ်မြောက်ခဲ့သလဲ ဆိုတာရယ်ကို မြင်ယောင်ကြည့်ရုံနဲ့တင် သိပ်ကိုကြေကွဲဝမ်းနည်းစရာကောင်းပါတယ်” ဟု ရုပ်ရှင်ကြည့် ပရိသတ်တစ်ဦးဖြစ်သည့် အသက် ၁၈ နှစ်အရွယ် အစ္စဘယ်ယန်းက ဆိုသည်။
နန်ကျင်း အစုလိုက်အပြုံလိုက်သတ်ဖြတ်မှုမှာ ၁၉၃၁ ခုနှစ်မှ ၁၉၄၅ ခုနှစ်အထိ တရုတ်နိုင်ငံအား ဂျပန်တို့ ကျူးကျော်ခဲ့စဉ်အတွင်း သွေးမြေအကျဆုံး ရက်စက်ကြမ်းကြုတ်မှုအဖြစ် သမိုင်းတွင်နေဆဲဖြစ်သည်။ နန်ကျင်းမြို့အား ဂျပန်တို့က သိမ်းပိုက်ခဲ့ပြီးနောက် သီတင်းပတ် ခြောက်ပတ်အတွင်း အရပ်သားနှင့် လက်နက်မဲ့ စစ်သား ၃၀၀,၀၀၀ ကျော်အား သတ်ဖြတ်ခဲ့သလို မရေမတွက်နိုင်လောက်သည့် အမျိုးသမီးများမှာလည်း အဓမ္မပြုကျင့်ခြင်း ခံခဲ့ရသည်။
“စာသင်ကျောင်းတွေမှာ မသင်ရတော့ အမေရိကမှာရှိတဲ့ ကျွန်မအရွယ် လူတော်တော်များများက နန်ကျင်း အစုလိုက်အပြုံလိုက် သတ်ဖြတ်မှုအကြောင်းကို မသိကြဘူး” ဟု ယန်းက ပြောပြခဲ့သည်။ “ကျောင်းသုံးဖတ်စာအုပ် တော်တော်များများမှာ ဒုတိယကမ္ဘာစစ်တုန်းက ဂျာမန်တွေရဲ့ လုပ်ရပ်တွေကိုပဲ အသားပေးဖော်ပြထားတယ်လို့ ထင်ပါတယ်။ တရုတ်နိုင်ငံမှာ ဂျပန်တွေ ကျူးလွန်ခဲ့တာတွေကို ဘယ်သူကမှ မပြောကြဘူး” ဟု ၎င်းက ဆက်လက်ပြောကြားခဲ့သည်။
အဆိုပါဖြစ်စဉ်အား ငြင်းဆန်သူ သို့မဟုတ် လျှော့ပေါ့ပြောဆိုနေသူများနှင့် စပ်လျဉ်း၍ ပြောကြားရာတွင် ၎င်းက “အဲဒီဖြစ်ရပ်က တကယ်ဖြစ်ခဲ့တာပါ။ ကျွန်မတို့ ဘာကိုမှပြောင်းလဲလို့မရပါဘူး။ ကျွန်မတို့အနေနဲ့ အဲဒီဖြစ်ရပ်မျိုး နောက်တစ်ကြိမ် ထပ်မဖြစ်အောင် တားဆီးသင့်ပါတယ်” ဟု ၎င်းက ဆိုသည်။
အခြား ရုပ်ရှင်ကြည့်ပရိသတ်များကလည်း ၎င်းနည်းတူခံစားမိကြောင်း ပြောကြားခဲ့သည်။ တိုနီဟု အမည်ရသော ပရိသတ်တစ်ဦးကလည်း ထိုရုပ်ရှင်ကားမှာ စိတ်ထိခိုက်ဖွယ်ကောင်းရုံသာမက ဇာတ်လမ်းဇာတ်အိမ်လည်း အားကောင်းသည်ဟု ဆိုသည်။
နယူးယောက်အခြေစိုက် ပရဟိတအဖွဲ့အစည်းတစ်ခုဖြစ်သည့် China Institute ၏ ဥက္ကဋ္ဌဟောင်းဖြစ်သူ ဂျိမ်းစ်ဘီ ဟိုင်မိုဝစ်ဇ်က “နန်ကျင်း အစုလိုက်အပြုံလိုက်သတ်ဖြတ်မှုနဲ့ တရုတ်ပြည်သူတွေရဲ့ အတိဒုက္ခတွေဟာ စစ်ပွဲကြောင့် လူသားမျိုးနွယ်တွေ ကြုံတွေ့ခံစားခဲ့ရတဲ့ တစ်စိတ်တစ်ဒေသဖြစ်တယ်” ဟု ပြောကြားခဲ့သည်။
“ဒီရုပ်ရှင်ကားက တူညီတဲ့ အယူအဆတွေကို စဉ်းစားတွေးခေါ်တတ်ဖို့ ကျွန်တော်တို့ကို စေ့ဆော်ပေးနေပါတယ်။ ကျွန်တော်တို့အားလုံး လုပ်သင့်တာက အဲဒီသမိုင်းကြောင်းကို နားလည်ပြီး အမှတ်ရနေဖို့ပါပဲ” ဟု ၎င်းက ဆိုသည်။ (Xinhua)
…………………
(English Version)
Chinese film on Nanjing Massacre premieres in U.S. theaters, resonates with audiences
NEW YORK, Aug. 17 (Xinhua) — Chinese historical film Dead to Rights has hit screens in major U.S. cities, resonating with audiences as it revisits one of World War II’s darkest chapters — a tragedy often absent from Western textbooks.
Set during the 1937 Nanjing Massacre, the film is based on documented events and follows a group of Chinese civilians who took refuge in a photography studio, risking their lives to preserve evidence of the atrocities committed by the Japanese army.
“It’s absolutely heartbreaking to even imagine these things happening, and how they were able to get away with it,” said Isabelle Young, an 18-year-old moviegoer.
The massacre remains one of the bloodiest atrocities of Japan’s invasion of China from 1931 to 1945. More than 300,000 civilians and disarmed soldiers were killed, and countless women were raped during the six weeks following the Japanese capture of Nanjing.
“A lot of people in America — like people my age — don’t know about the Nanjing Massacre because schools don’t teach them,” Young said. “I think a lot of textbooks get overwhelmed by what the Germans did in World War II. No one really talks about what the Japanese did to China.”
For those who deny or downplay the massacre, she added, “It happened, and we can’t change anything. We should prevent it from ever occurring again.”
Other audience members echoed her sentiments. One viewer, identified only as Tony, described the film as both emotional and powerful.
“The Nanjing Massacre and the suffering of the Chinese people are part of humanity’s experience of the war,” said James B. Heimowitz, former president of the New York-based non-profit organization China Institute.
“In a sense, the film inspired us to think about shared concepts. All of us need to remember and understand this history.”■
English Caption
Viewers pass by a poster for the film Dead to Rights at a movie theater in New York City, the United States, on Aug. 15. (Photo by Zhou Huanxin/Xinhua)