နှစ်နိုင်ငံဆက်ဆံရေး အရှိန်အဟုန်ကို ထိန်းသိမ်းရန် တရုတ်နိုင်ငံနှင့် အိန္ဒိယနိုင်ငံတို့ သဘောတူ

နယူးဒေလီ၊ ဩဂုတ် ၁၉ ရက် (ဆင်ဟွာ)
တရုတ်နိုင်ငံနှင့် အိန္ဒိယနိုင်ငံတို့က နှစ်နိုင်ငံဆက်ဆံရေး အရှိန်အဟုန်ကို ဆက်လက်ထိန်းသိမ်းရန် ဩဂုတ် ၁၈ ရက်က သဘောတူညီခဲ့ကြောင်း သိရသည်။
အိန္ဒိယနိုင်ငံသို့ ရောက်ရှိနေသည့် တရုတ်နိုင်ငံခြားရေးဝန်ကြီး ဝမ်ရိနှင့် အိန္ဒိယနိုင်ငံခြားရေးဝန်ကြီး ဆူဘရာမန်ယမ် ဂျိုင်ရှန်ကာတို့ တွေ့ဆုံဆွေးနွေးစဉ်အတွင်း ယင်းကဲ့သို့ သဘောတူညီမှု ရရှိခဲ့ခြင်းဖြစ်သည်။
တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်လည်းဖြစ်သူ ဝမ်က မျက်မှောက်ကာလတွင် ကမ္ဘာကြီးမှာ အရှိန်အဟုန်မြင့် ဆင့်ကဲပြောင်းလဲလျက်ရှိရာ တစ်ဖက်သတ် ဗိုလ်ကျအနိုင်ကျင့်သည့် အလေ့အထများမှာလည်း ကျယ်ကျယ်ပြန့်ပြန့် တည်ရှိနေသလို လွတ်လပ်စွာ ကုန်သွယ်ရေးနှင့် နိုင်ငံတကာ စည်းစနစ်တို့မှာလည်း ပြင်းထန်သော စိန်ခေါ်မှုများနှင့် ရင်ဆိုင်နေရသည်ဟု ပြောကြားခဲ့သည်။
ကုလသမဂ္ဂ တည်ထောင်မှု နှစ် ၈၀ ပြည့် ကာလသို့ ရောက်ရှိနေချိန်တွင် လူသားမျိုးနွယ်တစ်ရပ်လုံးမှာ ကမ္ဘာကြီး၏ အနာဂတ်လားရာကို အဆုံးအဖြတ်ပေးမည့် အလွန်အရေးပါသော အလှည့်အပြောင်း ကာလတစ်ခုသို့ ရောက်ရှိနေသည်ဟု ဝမ်က ဆိုသည်။
နှစ်နိုင်ငံ လူဦးရေစုစုပေါင်း ၂.၈ ဘီလီယံကျော်ရှိသည့် အကြီးဆုံး ဖွံ့ဖြိုးဆဲနိုင်ငံ နှစ်နိုင်ငံဖြစ်သည့်အားလျော်စွာ တရုတ်နိုင်ငံနှင့် အိန္ဒိယနိုင်ငံတို့အနေဖြင့် ကမ္ဘာလုံးဆိုင်ရာ တာဝန်သိစိတ်ကို လက်တွေ့ပြသကာ နိုင်ငံကြီးများပီပီ ပြုမူဆောင်ရွက်ပြီး စည်းလုံးညီညွတ်မှုဖြင့် အင်အားတည်ဆောက်ရန် ကြိုးပမ်းနေသည့် ဖွံ့ဖြိုးဆဲနိုင်ငံများအတွက် စံနမူနာဖြစ်သင့်သလို နိုင်ငံတကာဆက်ဆံရေး၌ ဒီမိုကရေစီစနစ် ကျင့်သုံးခြင်းနှင့် ကမ္ဘာဗဟုဝင်ရိုးအသွင် ဖော်ဆောင်ခြင်းတို့ကို အားပေးမြှင့်တင်ရာတွင်လည်း အကျိုးဆောင်သင့်ကြောင်း ၎င်းက ပြောသည်။
နှစ်ဖက်အနေဖြင့် နှစ်နိုင်ငံ ခေါင်းဆောင်များအကြား ရရှိထားသော သဘောတူညီချက်များကို အကောင်အထည်ဖော်လျက်ရှိသလို အဆင့်အသီးသီး၌ အပြန်အလှန်ဆွေးနွေးမှုများနှင့် ကူးလူးဆက်ဆံမှုများကို တဖြည်းဖြည်း ပြန်လည်စတင်လျက်ရှိကာ နယ်စပ်ဒေသများတွင် ငြိမ်းချမ်းမှု၊ တည်ငြိမ်မှုရှိအောင် ထိန်းသိမ်းပြီး တရုတ်နိုင်ငံ ရှီးဇန့်ဒေသရှိ အထွတ်အမြတ်ထားရာ တောင်ကုန်းများနှင့် ရေကန်များဆီသို့လည်း အိန္ဒိယဘုရားဖူးများ ပြန်လည်သွားရောက်နိုင်ပြီဖြစ်ကြောင်း ဝမ်က ပြောကြားခဲ့သည်။
တရုတ်-အိန္ဒိယ ဆက်ဆံရေးမှာ ပူးပေါင်းဆောင်ရွက်ရေးဆီသို့ ပြန်လည်ဦးတည်သည့် အပြုသဘောဆောင်သော လားရာကို ညွှန်ပြလျက်ရှိသည်ဟု ဝမ်က ဆက်လက်ပြောကြားခဲ့သည်။
ယခုနှစ်မှာ တရုတ်နိုင်ငံနှင့် အိန္ဒိယနိုင်ငံအကြား သံတမန်ဆက်ဆံရေး ထူထောင်သည့် ၇၅ နှစ်မြောက် အထိမ်းအမှတ်ကာလဖြစ်ရာ အတိတ်မှ သင်ခန်းစာများယူနိုင်ကြောင်း၊ နှစ်နိုင်ငံအနေဖြင့် မဟာဗျူဟာပိုင်းအရ မှန်မှန်ကန်ကန် သိမြင်နားလည်မှုရှိပြီး တစ်ဖက်နှင့်တစ်ဖက် ပြိုင်ဘက်များနှင့် ခြိမ်းခြောက်မှုများ မဟုတ်သော မိတ်ဖက်များနှင့် အခွင့်အလမ်းများအဖြစ် ရှုမြင်သင့်ကာ ဖွံ့ဖြိုးတိုးတက်မှုနှင့် ပြန်လည်အားသစ်လောင်းမှုအတွက် မိမိတို့၏ အဖိုးတန် အရင်းအမြစ်များကို ရင်းနှီးမြှုပ်နှံရန် အလွန်အ‌ရေးကြီးကြောင်း ၎င်းက အလေးအနက်ပြောကြားခဲ့သည်။
နှစ်နိုင်ငံအနေဖြင့် အပြန်အလှန်လေးစားမှု၊ ယုံကြည်မှုတို့ဖြင့် အတူယှဉ်တွဲနေထိုင်သည့် အိမ်နီးချင်း အင်အားကြီးနိုင်ငံများအတွက် မှန်ကန်သော နည်းလမ်းများကို စူးစမ်းရှာဖွေကာ ဘုံဖွံ့ဖြိုးတိုးတက်မှုကို ဆက်လက်ဖော်ဆောင်ပြီး နှစ်ဖက်စလုံးအတွက် အကျိုးရှိသော ပူးပေါင်းဆောင်ရွက်မှုကို ဖော်ဆောင်သင့်သည်ဟု ၎င်းက ဆိုသည်။
တရုတ်နိုင်ငံအနေဖြင့် ချစ်ကြည်ရင်းနှီးခြင်း၊ စိတ်ရင်းစေတနာမှန်ကန်ခြင်း၊ အပြန်အလှန် အကျိုးဖြစ်ထွန်းစေလိုခြင်း၊ အားလုံးလက်ခံပါဝင်မှုရှိခြင်း မူဝါဒကို ထိန်းသိမ်းရန်၊ အိန္ဒိယ အပါအဝင် အိမ်နီးချင်းနိုင်ငံများနှင့် အတူလက်တွဲလျက် ငြိမ်းချမ်း၍ လုံခြုံသော၊ စည်ပင်ဝပြော၍ သာယာလှပသော၊ ရင်းနှီးဖော်ရွေသော နေရပ်ဌာနေတစ်ခုကို အတူတကွ တည်ဆောက်ရန် ဆန္ဒရှိကြောင်း ဝမ်က အလေးအနက်ပြောကြားခဲ့သည်။
ကြီးကျယ်ခမ်းနားသော အရှေ့တိုင်းယဉ်ကျေးမှု နှစ်ရပ်အား ပြန်လည်အားသစ်လောင်းသည့် လုပ်ငန်းစဉ်များမှာ အပြန်အလှန် အကျိုးဖြစ်ထွန်းစေနိုင်ပြီး အာရှဒေသနှင့် ကမ္ဘာကြီးအား ရေရာသေချာမှုများ၊ တည်ငြိမ်မှုများ ကျယ်ကျယ်ပြန့်ပြန့် ဖြည့်တင်းပေးနိုင်ရန်အလို့ငှာ တရုတ်နိုင်ငံနှင့် အိန္ဒိယနိုင်ငံတို့အနေဖြင့် ဆက်လက်၍ ယုံယုံကြည်ကြည်ရှိကာ တူညီသော လမ်းကြောင်းအတိုင်း လျှောက်လှမ်းပြီး အတားအဆီးများကို ဖယ်ရှားကာ ပူးပေါင်းဆောင်ရွက်မှုများကို ချဲ့ထွင်လျက် နှစ်နိုင်ငံဆက်ဆံရေး၏ တိုးတက်မှု အရှိန်အဟုန်ကို ခိုင်မာအောင် လုပ်ဆောင်သင့်ကြောင်း ဝမ်က ပြောကြားခဲ့သည်။
အဆိုပါ ဆွေးနွေးပွဲ၌ နှစ်နိုင်ငံစလုံးက အလေးထားသည့် နိုင်ငံတကာနှင့် ဒေသတွင်း ကိစ္စရပ်များကိုလည်း အမြင်ချင်းဖလှယ်ဆွေးနွေးခဲ့ကြောင်း သိရသည်။ (Xinhua)
သတင်းအပြည့်အစုံကို ဖော်ပြပါလင့်ခ်မှတစ်ဆင့် ဝင်ရောက်ဖတ်ရှုနိုင်ပါသည်။ xhtxs.cn/538
……………………….
(English Version)
China, India agree to maintain momentum of bilateral ties
NEW DELHI, Aug. 19 (Xinhua) — China and India on Monday agreed to maintain momentum of bilateral ties.
The consensus came from talks between visiting Chinese Foreign Minister Wang Yi and his Indian counterpart Subrahmanyam Jaishankar.
Wang, also a member of the Political Bureau of the Communist Party of China Central Committee, said that in today’s world, the changing situation is evolving rapidly, unilateral bullying practices are rampant, and free trade and the international order face severe challenges.
Wang said as the United Nations marks its 80th anniversary, humanity has reached a critical crossroads determining the future direction of the world.
As the two largest developing countries with a combined population of more than 2.8 billion, China and India should demonstrate a sense of global responsibility, act as major powers, set an example for developing countries in pursuit of strength through unity, and contribute to promoting world multipolarization and democratization of international relations, he said.
He said both sides have been implementing consensus reached by leaders of the two countries, gradually resuming exchanges and dialogue at all levels, maintaining peace and tranquility in border areas, and enabling Indian pilgrims to resume their pilgrimages to sacred mountains and lakes in China’s Xizang.
China-India relations are showing a positive trend toward returning to cooperation, Wang said.
He noted that this year marks the 75th anniversary of the establishment of diplomatic relations between China and India, lessons could be learned from the past, and it is imperative for the two sides to have correct strategic perceptions, view each other as partners and opportunities rather than rivals or threats, and invest their valuable resources in development and revitalization.
The two countries should explore right ways for neighboring major countries to coexist with mutual respect and trust, pursue common development and achieve win-win cooperation, he said.
Wang emphasized that China is willing to uphold the principle of amity, sincerity, mutual benefit and inclusiveness, and work together with neighboring countries, including India, to jointly build a peaceful, secure, prosperous, beautiful and friendly home.
He said China and India should remain confident, move in the same direction, remove barriers, expand cooperation, and consolidate the improvement momentum of bilateral relations, so that revitalization processes of the two great eastern civilizations can be mutually beneficial, providing certainty and stability to Asia and the world at large.
During the talks, they also exchanged views on international and regional issues of mutual concern.
English Caption
Chinese Foreign Minister Wang Yi, also a member of the Political Bureau of the Communist Party of China Central Committee, holds talks with his Indian counterpart Subrahmanyam Jaishankar in New Delhi, India, Aug. 18, 2025. (Xinhua/Javed Dar)