၂၀၂၅ ခုနှစ် ဒုတိယ ၃ လပတ်အတွင်း မကာအို၏ နိုင်ငံတကာဘဏ်လုပ်ငန်းရှယ်ယာတန်ဖိုး မြင့်တက်လာ

မကာအို၊ ဩဂုတ် ၃၀ ရက် (ဆင်ဟွာ)
၂၀၂၅ ခုနှစ် ဒုတိယ ၃ လပတ်ကာလအတွင်း မကာအို အထူးအုပ်ချုပ်ခွင့်ရဒေသ၏မြို့တော်၊ မကာအို စီးတီး၏ ဘဏ်လုပ်ငန်းကဏ္ဍတွင် နိုင်ငံတကာစီးပွားရေးလုပ်ငန်းများ ဝင်ရောက်ရင်းနှီးမြှုပ်နှံမှု တိုးတက်လာခဲ့ကြောင်း မကာအိုငွေကြေးအာဏာပိုင်အဖွဲ့၏ သြဂုတ် ၂၉ ရက် သတင်းထုတ်ပြန်မှုအရ သိရသည်။
ဇွန်လကုန်တွင်ကုန်ဆုံးသော ဒုတိယ ၃ လပတ်တာကာလအတွင်း နိုင်ငံတကာစီးပွားရေးလုပ်ငန်းများ၏ ပိုင်ဆိုင်မှုတန်ဖိုးမှာ ဘဏ်လုပ်ငန်းကဏ္ဍ စုစုပေါင်းပိုင်ဆိုင်မှုတန်ဖိုး၏ ၈၄.၅ ရာခိုင်နှုန်းအထိ ရှိခဲ့ကြောင်း၊ ပြီးခဲ့သည့်မတ်လကုန်တွင် ကုန်ဆုံးခဲ့သော ပထမ ၃ လပတ်တာကာလတန်ဖိုး ၈၃.၈ ရာခိုင်နှုန်းထက် ပိုများလာခဲ့ခြင်းဖြစ်ကြောင်း၊ နိုင်ငံတကာသို့ ပေးရန်ရှိသောတန်ဖိုးမှာလည်း ၈၀.၈ ရာခိုင်နှုန်းမှ ၈၁.၃ ရာခိုင်နှုန်းသို့ မြင့်တက်လာခဲ့ကြောင်း ထုတ်ပြန်ချက်အရ သိရသည်။
ကိန်းဂဏန်းအချက်အလက်များအရ နိုင်ငံတကာဘဏ်လုပ်ငန်းဆောင်ရွက်မှုများတွင် မကာအို ငွေကြေးမဟုတ်သော ပြည်ပငွေကြေးများကသာ ဆက်လက်လွှမ်းမိုးထားကြောင်း သိရသည်။ နိုင်ငံတကာစီးပွားရေးလုပ်ငန်းများ၏ ပိုင်ဆိုင်မှုတန်ဖိုးတွင် ဟောင်ကောင်ဒေါ်လာက ၃၀.၈ ရာခိုင်နှုန်း၊ အမေရိကန်ဒေါ်လာက ၄၀.၉ ရာခိုင်နှုန်း၊ တရုတ်ယွမ်ငွေက ၂၁.၈ ရာခိုင်နှုန်း အသီးသီးရှိနေသော်လည်း မကာအို ပါတာကာငွေကြေးက ၀.၈ ရာခိုင်နှုန်းသာ ရှိခဲ့ကြောင်း သိရသည်။
ပြည်တွင်းဘဏ်လုပ်ငန်းကဏ္ဍ၏ ပြည်ပပိုင်ဆိုင်မှုတန်ဖိုးအများစုနှင့် ပေးရန်ရှိသောတန်ဖိုးများမှာ အာရှ နိုင်ငံများနှင့် ဆက်နွှယ်နေကြောင်း မကာအိုငွေကြေးအာဏာပိုင်အဖွဲ့က ထုတ်ပြန်ခဲ့သည်။ (Xinhua)
……………………
(English Version)
Macao’s int’l banking share rises in Q2
MACAO, Aug. 29 (Xinhua) — The Monetary Authority of Macao reported on Friday that the international business expanded in the city’s banking sector in the second quarter of 2025.
At the end of June, the authority noted, international assets made up 84.5 percent of total banking assets, up from the 83.8 percent in March, while international liabilities rose to 81.3 percent from the 80.8 percent.
Non-local currencies continued to be the dominant denomination in international banking transactions, according to the statistics. The Hong Kong dollar, the U.S. dollar, and China’s yuan accounted for 30.8 percent, 40.9 percent, and 21.8 percent of total international assets, in which the share of pataca was 0.8 percent.
The majority of external assets and liabilities of the local banking sector were related to Asia, the authority said.
Photo:
A flag-raising ceremony is held to celebrate the 19th anniversary of Macao’s return to the motherland in Macao, south China, Dec. 20, 2018. (Xinhua/Cheong Kam Ka)