ဂါဇာစီးတီးက ထိတ်လန့်ကြောက်ရွံ့မှု၊ စွန့်ခွာထွက်ပြေးရမှုနှင့် စျာပနများ၏မြို့တော် ဖြစ်လာကြောင်း ယူနီဆက်သတိပေး

ကုလသမဂ္ဂ၊ စက်တင်ဘာ ၆ ရက် (ဆင်ဟွာ)
ဂါဇာကမ်းမြောင်ဒေသမြောက်ပိုင်းရှိ မိသားစုများအတွက် နောက်ဆုံးခိုလှုံရာ ဂါဇာစီးတီး၏ အခြေအနေမှာ ကလေးငယ်များ အသက်ရှင်သန်နိုင်စွမ်းမရှိသည့် နေရာတစ်ခုအဖြစ်သို့ အလျင်အမြန် ရောက်ရှိလာကြောင်း ကမ္ဘာ့ကုလသမဂ္ဂကလေးသူငယ်များရန်ပုံငွေအဖွဲ့ (ယူနီဆက်) ၏ အရှေ့အလယ်ပိုင်းနှင့် အာဖရိကမြောက်ပိုင်းဒေသဆိုင်ရာရုံး ဆက်ဆံရေးမန်နေဂျာ တက်စ်အင်ဂရမ်က သြဂုတ် ၄ ရက်၌ ပြောကြားလိုက်သည်။
ဂါဇာစီးတီးမှာ ထိတ်လန့်ကြောက်ရွံ့မှု၊ စွန့်ခွာထွက်ပြေးရမှုနှင့် ဈာပနများ၏ မြို့တော်ဖြစ်လာ နေကြောင်း နယူးယောက်မြို့ရှိ ကုလသမဂ္ဂဌာနချုပ်၌ပြုလုပ်ခဲ့သော နေ့စဉ်ပုံမှန်ပြုလုပ်သည့် သတင်းစာရှင်းလင်းပွဲတွင် အင်ဂရမ်က ဂါဇာကမ်းမြောင်ဒေသမှနေ၍ ဗီဒီယိုကွန်ဖရင့်မှတစ်ဆင့် ထည့်သွင်းပြောကြားခဲ့ခြင်းဖြစ်သည်။
ကြီးမားပြင်းထန်သည့် စစ်ဆင်ရေးထိုးစစ်ကြောင့် ဂါဇာစီးတီးတွင် ခိုလှုံနေကြဆဲဖြစ်သော အရပ်သားပြည်သူ တစ်သန်းနီးပါးအတွက် ဘေးဒုက္ခကပ်ဘေးကြီးဖြစ်လာမည့် အချက်ပေးသံကို ကမ္ဘာကြီးက ကြားနေရကြောင်းလည်း အင်ဂရမ်က ပြောကြားခဲ့သည်။
၎င်းစစ်ဆင်ရေး ထိုးစစ်သာလုပ်ခဲ့ရင် တွေးလို့တောင် မဖြစ်နိုင်တဲ့ ကံဆိုးမိုးမှောင်ကျမှုကြီးတစ်ခုဖြစ်လာမှာပါ။ ဒီအရာကို တားဆီးနိုင်ဖို့ ကျွန်မတို့ လုပ်နိုင်သမျှအရာအားလုံးကို မဖြစ်မနေ လုပ်ရပါလိမ့်မယ်” ဟု အင်ဂရမ်က ဆက်လက်ပြောကြားခဲ့သည်။
အင်ဂရမ်က လွန်ခဲ့သည့် ၉ ရက်အတွင်း ကြောက်ရွံ့စွာ နေအိမ်များမှစွန့်ခွာထွက်ပြေးခဲ့ရသည့် ဂါဇာစီးတီးရှိ မိသားစုများနှင့် တွေ့ဆုံခဲ့ကြောင်း၊ အဆိုပါမိသားစုများမှာ ယခင်ကတည်းက နေရာ ရွှေ့ပြောင်းနေကြရသူများဖြစ်ပြီး ယခုလည်း ထပ်မံရွှေ့ပြောင်းနေကြရကြောင်း၊ ၎င်းတို့၏ ကျောပိုးအိတ်များထဲတွင် အဝတ်အစားမှလွဲ၍ မည်သည့်အရာမျှ မပါလာဘဲ ရောက်လာခြင်းဖြစ်ကြောင်း အင်ဂရမ်က ပြောကြားခဲ့သည်။
“ပရမ်းပတာဖြစ်နေချိန်မှာ မိဘတွေနဲ့ ကွဲကွာသွားတဲ့ ကလေးငယ်တွေနဲ့ ကျွန်မ တွေ့ခဲ့တယ်။ အစာရေစာငတ်မွတ်ပြီး သေဆုံးခဲ့တဲ့ ကလေးငယ်တွေရဲ့ မိခင်တွေ၊ သူတို့ရဲ့ကလေးတွေအလှည့်ကရော ဘယ်တော့ရောက်လာမလဲဆိုတာကို စိုးထိတ်နေကြတဲ့ မိခင်တွေကိုလည်း တွေ့ခဲ့ရတယ်။ ဆေးရုံကုတင်တွေပေါ်မှာ လဲနေရတဲ့ ကလေးငယ်တွေနဲ့လည်း စကားပြောခဲ့ရပါတယ်။ သူတို့ရဲ့ သေးကွေးကြုံလှီလတဲ့ ခန္ဓာကိုယ်တွေက ဗုံးဆန် အမြောက်ဆန် ထိမှန်တဲ့ ဒဏ်ရာဒဏ်ချက်တွေနဲ့ စုတ် ပြတ်သတ်နေတယ်”ဟု အင်ဂရမ်က ပြောကြားခဲ့သည်။
အင်ဂရမ်၏အဆိုအရ ဂါဇာစီးတီးရှိ ယူနီဆက်မှထောက်ပံ့ပေးထားသော အာဟာရချို့တဲ့မှု ကုသမှုစင် တာ ပြင်ပလူနာဌာန ၉၂ ခုအနက် ၄၄ ခုသာ ဖွင့်လှစ်လည်ပတ်လျက်ရှိကြောင်း၊ အာဟာရ ချို့တဲ့သော ကလေးငယ်များအတွက် ငတ်မွတ်ခေါင်းပါးမှုကိုတိုက်ဖျက်ရာတွင် အသက်သွေးကြောပမာ မှီခိုနေရသောစင်တာများ ထက်ဝက်ကျော် လျော့နည်းသွားကြောင်း သိရသည်။
“ကျွန်မတို့အဖွဲ့ကတော့ ကလေးငယ်တွေကို ကူညီနိုင်ဖို့ စွမ်းအားရှိသမျှ အရာအားလုံး လုပ်ဆောင် နေပါတယ်။ ဒါပေမဲ့ တကယ့်မြေပြင်မှာ ကျွန်မတို့ရဲ့လုပ်ငန်းတွေကို စွမ်းအားပြည့်လုပ်ခွင့်ရမယ်၊ ရန်ပုံငွေလည်း အလုံအလောက်ရမယ်ဆိုရင် ဒီမှာရှိနေတဲ့ ကလေးတိုင်းအတွက် ကျွန်မတို့ရဲ့လုပ်ငန်းတွေ ကို ပိုမိုထိရောက်စွာလုပ်ကိုင်နိုင်မှာပါ” ဟု အင်ဂရမ်က ရှင်းပြခဲ့သည်။
“ဒီမှာရှိနေတဲ့ ပါလက်စတိုင်းပြည်သူတွေရဲ့ဘဝက တစ်စတစ်စပျက်စီးနေသလို ကလေးငယ်တွေ ကြုံတွေ့ခံစားနေရတာတွေကလည်း မတော်တဆဖြစ်လာတာ မဟုတ်ပါဘူး။ ဂါဇာကမ်းမြောင်ဒေသ တစ်ခုလုံးနဲ့ ဂါဇာစီးတီးကို အရပ်သားပြည်သူတွေနေထိုင်ရာနေရာအဖြစ်ကနေ နေရာတိုင်း နေ့တိုင်း တိုက်ခိုက်ခံနေရတဲ့နေရာတစ်ခုအဖြစ် ပြောင်းလဲလိုက်တဲ့ ရွေးချယ်မှုရဲ့ တိုက်ရိုက်အကျိုးဆက် ဖြစ်ပါတယ်” ဟု အင်ဂရမ်က အလေးထားပြောကြားခဲ့သည်။
ယူနီဆက်အနေဖြင့် ကလေးငယ်များကို အကာအကွယ်ပေးနိုင်ရန် နိုင်ငံတကာလူသားချင်း စာနာ ထောက်ထားမှုဥပဒေနှင့်အညီ စစ်ပွဲဆိုင်ရာစည်းမျဥ်းများအား ပြန်လည်သုံးသပ်ရန်၊ ဂါဇာဒေသအတွင်းသို့ လုံလောက်သည့် အထောက်အပံ့အကူအညီများ ဝင်ရောက်ခွင့်ပြုရန် အစ္စရေးတာဝန်ရှိသူများအား ဆက်လက်တောင်းဆိုမည်ဖြစ်သလို ဟားမက်စ်နှင့် အခြားလက်နက်ကိုင်အဖွဲ့များအနေဖြင့်လည်း ကျန်ရှိသောဓားစာခံများအားလုံးကို လွှတ်ပေးရန် ဆက်လက်တောင်းဆိုမည်ဖြစ်ကြောင်း အင်ဂရမ်က ပြောကြားခဲ့သည်။
အလားတူ နှစ်ဖက်စလုံးအနေဖြင့် အရပ်သားများနှင့် မရှိမဖြစ်လိုအပ်သော အခြေခံအဆောက်အအုံများ ကို အကာအကွယ်ပေးရန်နှင့် အပစ်အခတ်ရပ်စဲရေးအား ပြန်လည်အကောင်အထည်ဖော်ရန်၊ ဂါဇာတွင် လက်ရှိရင်ဆိုင်နေရသော ဘေးဒုက္ခကပ်ဘေးအဆုံးသတ်စေရေးအတွက် နိုင်ငံတကာအသိုင်းအဝိုင်း အနေဖြင့်လည်း ၎င်းတို့၏ သြဇာကိုအသုံးပြုရန် အင်ဂရမ်က တိုက်တွန်းတောင်းဆိုခဲ့ကြောင်းသိရသည်။ (Xinhua)
…………………….
(English Version)
Gaza City has become “city of fear, flight and funerals”: UN official
UNITED NATIONS, Sept. 4 (Xinhua) — Gaza City, the last refuge for families in the northern Gaza Strip, is fast becoming a place where childhood cannot survive, Tess Ingram, UNICEF Communication Manager for the Middle East and North Africa Regional Office, said on Thursday.
“It is a city of fear, flight and funerals,” Ingram told a daily briefing at the UN headquarters in New York, via video conferencing from the Gaza Strip.
The world is sounding the alarm about what an intensified military offensive in Gaza City could bring — a catastrophe for the almost 1 million people who remain there, she said.
“It would be an unthinkable tragedy, and we must do everything in our power to prevent it,” said Ingram.
Ingram said that over nine days, she met families in Gaza City who fled their homes in fear — already displaced, now displaced again — arriving with nothing but the clothes on their backs.
“I met children who were separated from their parents in that chaos. Mothers whose children have died of starvation. Mothers who fear their children will be next. I’ve spoken to kids in hospital beds, their small bodies shredded by shrapnel,” she said.
According to Ingram, only 44 of the 92 UNICEF-supported outpatient nutrition treatment centers in Gaza City are still functioning, depleting thousands of malnourished children of more than half of the lifelines they depend on to fight famine.
“Our team is doing everything in their power to help children. But we could do far more, reach every child here, if our operations on the ground were enabled at scale and we were well funded,” she said.
“Palestinian life is being dismantled here,” and the suffering of children in the Gaza Strip is not accidental, Ingram stressed. “It is the direct consequence of choices that have turned Gaza City and indeed the entire Strip into a place where people’s lives are under attack, from every angle, every day.”
Ingram said UNICEF continues to call on Israel to review its rules of engagement to ensure children are protected, as is required under international humanitarian law, and to allow sufficient aid to enter Gaza; on Hamas and other armed groups to release all the remaining hostages; on both parties to protect civilians and essential infrastructure, and to reinstate the ceasefire; and on the international community to use their leverage to end the current catastrophic situation in Gaza. ■
Photo:
Photo taken on Sept. 1, 2025 shows tents for displaced Palestinians on al-Rasheed Street in Gaza City. (Photo by Rizek Abdeljawad/Xinhua)