ပိုလန်ရေတပ်အဆင့်မြှင့်တင်ရန် ဆွီဒင်နိုင်ငံထုတ် ရေငုပ်သင်္ဘောအသစ်များ ဝယ်ယူမည်

ဝါဆော၊ နိုဝင်ဘာ ၂၈ ရက် (ဆင်ဟွာ)

ပိုလန်နိုင်ငံက ၎င်း၏ရေတပ်ကို အဆင့်မြှင့်ရန် ဆွီဒင်နိုင်ငံထုတ် ရေငုပ်သင်္ဘောအသစ်သုံးစင်း ဝယ်ယူမည် ဖြစ်ကြောင်း ဒုတိယဝန်ကြီးချုပ်နှင့် ကာကွယ်ရေးဝန်ကြီး Wladyslaw Kosiniak-Kamysz က နိုဝင်ဘာ ၂၆ ရက်၌ ပြောကြားခဲ့သည်။

ပိုလန်မီဒီယာများ၏အဆိုအရ ဝယ်ယူမှုသဘောတူစာချုပ် အပြီးသတ်ချုပ်ဆိုနိုင်ရန် ဆွီဒင်၊ ပြင်သစ်၊ အီတလီ၊ ဂျာမနီ၊ တောင်ကိုရီးယားနှင့် စပိန်နိုင်ငံများ အပါအဝင် နိုင်ငံခြောက်နိုင်ငံမှ လေလံဆွဲသူများက ယှဥ်ပြိုင်ခဲ့ကြကြောင်းသိရသည်။
ဆွီဒင်နိုင်ငံက A26 Blekinge ရေငုပ်သင်္ဘောသုံးစင်း ကမ်းလှမ်းခဲ့ကြောင်း Kosiniak-Kamysz က သတင်းစာရှင်းလင်းပွဲတွင် ပြောကြားခဲ့သည်။
သဘောတူစာချုပ်အကောင်အထည်ဖော်ရေးကို ၂၀၂၆ ခုနှစ် ဒုတိယသုံးလပတ်တွင် လက်မှတ်ရေးထိုးနိုင်ရန်မျှော်မှန်းထားပြီး ပထမဆုံးရေငုပ်သင်္ဘောသည် ၂၀၃၀ ပြည့်နှစ်တွင်ရောက်ရှိမည်ဟု ခန့်မှန်းရကြောင်း ဝန်ကြီးက ပြောကြားခဲ့သည်။ အဆိုပါ သဘောတူညီစာချုပ်သည် ခန့်မှန်းခြေအားဖြင့် ပိုလန်သုံးငွေကြေး zlotys ၁၀ ဘီလီယံခန့် (အမေရိကန်ဒေါ်လာ ၂.၇ ဘီလီယံ) တန်ဖိုးရှိကြောင်း ဝန်ကြီး၏ပြောကြားချက်ကို ကိုးကား၍ ဒေသမီဒီယာက သတင်းဖော်ပြခဲ့သည်။

ဆွီဒင်နိုင်ငံက ပိုလန်ရေတပ်လေ့ကျင့်မှုများပြုလုပ်ရန် ၂၀၂၇ ခုနှစ်တွင် ခေတ္တအသုံးပြုနိုင်မည့် ရေငုပ်သင်္ဘောတစ်စင်း ထောက်ပံ့မည်ဖြစ်ပြီး ပိုလန်သင်္ဘောကျင်းများ၏ ပြုပြင်ထိန်းသိမ်းမှုစွမ်းရည်များအတွက် အချိန်စိုက်ထုတ်သွားမည်ဖြစ်ကာ ပိုလန်နိုင်ငံ စစ်ဘက်သုံးကိရိယာများဝယ်ယူရန်လည်းကတိပြုထားကြောင်း ဒေသမီဒီယာများအဆိုအရ သိရသည်။(Xinhua)

………………..
(English Version)
Poland to purchase 3 Swedish submarines for naval update
WARSAW, Nov. 26 (Xinhua) — Poland has chosen Sweden to supply three new submarines to renew its navy, Deputy Prime Minister and Defence Minister Wladyslaw Kosiniak-Kamysz said Wednesday.
According to Polish media, bidders from six countries, including Sweden, France, Italy, Germany, South Korea and Spain, were competing for the contract.
Sweden will offer three A26 Blekinge submarines, Kosiniak-Kamysz told the press.
An implementation agreement is expected to be signed by the second quarter of 2026, with the first submarine anticipated to arrive in 2030, the minister said. Local media cited the minister as saying the deal is estimated to be worth around 10 billion zlotys (2.7 billion U.S. dollars).
Sweden will also provide a “gap-filler” submarine for the Polish navy to train on in 2027 and invest in Polish shipyards’ maintenance capabilities, while committing to purchase Polish military equipment, according to local media.