တရုတ်နိုင်ငံတွင် 5G ကွန်ရက်နည်းပညာဖြင့် အဝေးမှထိန်းချုပ်ကာ ခွဲစိတ်မှုပြုလုပ်

ဟိုင်နန်၊ မတ် ၁၈ ရက်(ဆင်ဟွာ)

တရုတ်နိုင်ငံ ဟိုင်နန်ပြည်နယ် Sanyaမြို့ရှိ Hainan Branch of PLA General Hospital ဆေးရုံတွင် တရုတ်နိုင်ငံ၏ ပထမဆုံး 5G ကွန်ရက်နည်းပညာဖြင့် အဝေးမှထိန်းချုပ်ကာ ခွဲစိတ်မှုကို အောင်မြင်စွာပြုလုပ် နိုင်ခဲ့ကြောင်းသိရသည်။ ပါကင်ဆန်ရောဂါဝေဒနာခံစားနေရသည့် ဝေဒနာရှင်အား အချိန် ၃ နာရီကြာ ခွဲစိတ်မှုပြုလုပ်ခဲ့ခြင်းဖြစ်သည်။ ဟိုင်နန်မြို့နှင့် ကီလိုမီတာ၃ဝဝဝ အကွာရှိ ပေကျင်းမြို့မှ PLA ဆေးရုံ၏ တာဝန်ခံဆရာဝန် ဖြစ်သူ ဒေါက်တာ Ling Zhipei က 5G ကွန်ရက်နည်းပညာကိုအသုံးပြုကာ ခွဲစိတ်ခန်းသုံး ကိရိယာများကိုထိန်းချုပ်ပြီး လူနာ၏ ဦးနှောက်အတွင်းပိုင်းလှုံ့ဆော်မှုကိရိယာကို အောင်မြင်စွာထည့်သွင်း ပေးနိုင်ခဲ့သည်။

ဒေါက်တာ Ling Zhipei က “ 5G ကွန်ရက်နည်းပညာ ဟာဆိုရင် 4G ကွန်ရက်အသုံးပြုစဉ်မှာဖြစ်ပေါ်တတ်တဲ့ ဗီဒီယိုလိုင်းကျတာတို့၊ အဝေးမှ တိုက်ရိုက်ထိန်းချုပ်မှုတွေမှာနှောင့်နှေးတဲ့ ပြဿနာတို့ကိုဖြေရှင်းပေးနိုင်ခဲ့ပါပြီ။ အနာဂတ်မှာလည်း 5G ကွန်ရက်နည်းပညာရဲ့ အကျိုးကျေးဇူးတွေကြောင့် ကျွန်တော်တို့ ဆေးရုံတွေအများကြီးမှာ ခွဲစိတ်ကုသမှုတွေကို အဝေးကလှမ်းပြီး တိုက်ရိုက်ထိန်းချုပ်ကုသနိုင်တော့မှာပါ။ အဲဒီလိုဆိုရင် လူနာတွေအနေနဲ့လည်း သူတို့နီးစပ်ရာဆေးရုံတွေကနေပြီးတော့ ခွဲစိတ်မှုတွေ ခံယူနိုင်ကြတော့မှာဖြစ်ပါတယ်။” ဟုပြောကြားခဲ့သည်။(Xinhua)