အစ္စရေးသမ္မတ(ဟောင်း) ရှီမွန်ပီရက်စ် လေဖြတ်ဝေဒနာခံစား

စက်တင်ဘာလ ၁၄ ရက် (ဆင်ဟွာ)
အစ္စရေးနိုင်ငံ သမ္မတ(ဟောင်း) ရှီမွန်ပီရက်စ်(Shimon Peres) သည် လေဖြတ်ဝေဒနာခံစားရသဖြင့် စက်တင်ဘာလ ၁၃ ရက် ညနေပိုင်းက ဆေးရုံတင်လိုက်ရကြောင်း ၎င်း၏ ရုံးက ကြေညာချက်ထုတ်ပြန်ခဲ့သည်။
အစ္စရေးနိုင်ငံ၏ ၉ ယောက်မြောက် သမ္မတကို တဲလ်အဗစ်မြို့အပြင်ဖက်ရှိ Tel Hashomer ဆေးရုံသို့တင်ပို့ထားကြောင်း ထုတ်ပြန်ချက်တွင် ဖော်ပြထားသည်။
အသက် ၉၃ နှစ်အရွယ် ရှိ ရှီမွန်ပီရက်စ်သည် အစ္စရေးနိုင်ငံ၏ အထင်ရှားဆုံးသမ္မတ တစ်ဦးဖြစ်သည်။
ပီရက်စ်သည် ပြီးခဲ့သော ဇန်နဝါရီလကလည်း ရင်ဘတ်နာကျင်မှုဝေဒနာကြောင့် ဆေးရုံ နှစ်ကြိမ်တက်ခဲ့ရသေးသည်။ ထို့နောက်တွင် နှလုံးခုန်ပုံမှန်မဟုတ်သည့် ရောဂါလက္ခဏာများလည်း ခံစားရခဲ့ကြောင်း သိရသည်။(Xinhua)