ရှီက တရုတ်နိုင်ငံတွင် ကမ္ဘာ့အဆင့်မီတက္ကသိုလ်ကြီးများ ပေါ်ပေါက်ရေး လမ်းကြောင်းသစ် ဖော်ဆောင်ရန် တိုက်တွန်း

ပေကျင်း၊ ဧပြီ ၂၇ ရက် (ဆင်ဟွာ)

တရုတ်နိုင်ငံသမ္မတရှီကျင့်ဖိန်က တရုတ်လူမျိုးတို့ ၏ မိရိုးဖလာပုံစံများလွှမ်းခြုံနိုင်သည့် ကမ္ဘာ့အဆင့်မီတက္ကသိုလ်ကြီးများထူထောင်မည့် လမ်းကြောင်းသစ်ကိုဖော်ဆောင်ရန် ပေကျင်းမြို့ရှိ Renmin တက္ကသိုလ်သို့ သွားရောက်လေ့လာသည့်ခရီးစဉ်အတွင်း ဧပြီ ၂၅ ရက်က ပြောကြားခဲ့သည်။

တရုတ်နိုင်ငံသမ္မတရှီကျင့်ဖိန်က မေ ၄ ရက်တွင် ကျရောက်မည့် တရုတ်နိုင်ငံ၏ “လူငယ်များနေ့”ကို ကြိုဆိုဂုဏ်ပြုသောအားဖြင့် ဧပြီ ၂၅ ရက်တွင် တရုတ်နိုင်ငံ Renmin University of China (RUC) သို့ သွားရောက်ခဲ့ခြင်းဖြစ်သည်။

ပညာရေး၏ အခြေခံကျသော အချက်အလက်များမှာ “ ပညာရေးဟာ ဘယ်သူတွေအတွက်လဲ ဘယ်သူတွေသင်ကြားနိုင်လဲ နောက်ပြီး ဘယ်လိုပညာသင်ကြားပေးမလဲ “ ဆိုသည်ကိုအစဉ်အမြဲ စဉ်းစားရန် ဖြစ်ကြောင်း ရှီက အလေးထားပြောကြားခဲ့သည်။တရုတ်နိုင်ငံမှ တက္ကသိုလ်များအနေဖြင့် တရုတ်နိုင်ငံနှင့် တသားတည်း နက်ရှိုင်းစွာ နှီးနွှယ်သင့်ကြောင်းနှင့် နိုင်ငံခြားစံချိန်စံညွှန်း နှင့် နမူနာပုံစံများအား တိုက်ရိုက်ကူးယူခြင်းကိုရှောင်ရှားရမည်ဖြစ်ကြောင်း အလေးအနက်ထားပြောကြားခဲ့သည်။

ရှီက ကမ္ဘာ့အဆင့်မီ တက္ကသိုလ်များအားတည်ဆောက်ရာတွင် ပထမတန်းစားအရည်အချင်းရှိသောဆရာဆရာမများကိုလည်းလိုအပ်ကြောင်းဆိုသည်။RUC မှ School of Marxism ကျောင်း၏ အကြီးအကဲဖြစ်သူ Wang Yi က“ကျွန်မတို့ဟာ တရုတ်ကွန်မြူနစ်ပါတီရဲ့ ယနေ့ခေတ် လက်ဆင့်ကမ်းလာတဲ့အမွေအနှစ်တွေအကြောင်း ကိုဆွေးနွေးနေကြတဲ့အချိန်မှာ အထွေထွေအတွင်းရေးမှူးချုပ် ရှီက စာသင်ခန်းထဲကိုဝင်လာပြီးကျောင်းသားတွေနဲ့အတူထိုင်တဲ့အပြင် သင်ခန်းစာတွေကို အတူဆွေးနွေးခဲ့ပါတယ်” ဟုဆိုသည်။

RUC မှ School of Marxism ကျောင်း ၏ ဘွဲ့ကြိုကျောင်းသား Xue Siqi က“ အထွေထွေအတွင်းရေးမှူးချုပ်က ကျွန်တော်တို့အပေါ် မျှော်လင့်ချက် ကြီးကြီးမားမားထားပါတယ်၊ ကျွန်တော်တို့ဟာ ရာစုသစ်ကိုသွားတဲ့ ခရီးလမ်းမှာ အဲဒီမျှော်လင့်ချက်တွေကို လက်ဆင့်ကမ်းအကောင်အထည်ဖော်ဆောင်သွားသင့်ပါတယ်” ဟုဆိုသည်။

RUC မှ School of Marxism ကျောင်း ၏ GAO JIALU က“ သမ္မတရှီကျင့်ဖိန်က ရာစုသစ် မှာ လူငယ်တွေဟာ လမ်းကြောင်းဖောက်သူတွေ လမ်းကြောင်းရှာဖွေသူတွေဖြစ်သင့်တယ်လို့ဆိုပါတယ်၊ အဲဒီ စကားလုံးတွေက ကျွန်တော့်အတွက် သိပ်ကို ခွန်အားဖြစ်စေခဲ့ပါတယ်၊ အဲဒီစကားလုံးတွေရဲ့ အဓိပ္ပါယ်ဟာ ဂုဏ်သိက္ခာနဲ့ တာဝန်ယူမှုတာဝန်ခံမှု လို့ဆိုလိုပါတယ်” ဟုဆိုသည်။

RUC မှ School of Environment ကျောင်း၏ ပါရဂူတန်း ကျောင်းသူ Wang Yue က
“ရာစုသစ်ရဲ့ လူငယ်တစ်ယောက်အနေနဲ့ ကျွန်မဟာ သိပ်ပြီးခွန်အားဖြစ်ခဲ့ပါတယ်၊ ကျွန်မ အနေနဲ့ အလုပ်ကိုကြိုးစားလုပ်ကိုင်ပြီး သင်ယူတတ်မြောက်ထားတဲ့ ပညာရပ်တွေနဲ့ အမိမြေ နဲ့ ပြည်သူတွေ ရဲ့ အကျိုးကိုသယ်ပိုး သွားမှာပါ” ဟုဆိုသည်။

သမ္မတရှီကျင့်ဖိန်၏ ပြောကြားချက်

“ လူငယ်တွေအားလုံး ပါတီရဲ့ လမ်းညွှန်ချက်တွေကို စိတ်ထဲမှာစွဲမြဲစွာမှတ်ယူထားပြီး တရုတ်နိုင်ငံကိုအားသစ်လောင်းနိုင်ကြသူတွေဖြစ်ကြစေဖို့နဲ့ ပြည်သူတွေရဲ့မျှော်လင့်ချက်တွေနဲ့ သမိုင်းပေးတာဝန်တွေကိုအကောင်းဆုံးထမ်းရွက်ပြီးနေထိုင်သွားကြဖို့ မိမိအနေနဲ့မျှော်လင့်ပါတယ်၊ သူတို့ဟာ ငယ်ရွယ်နုပျိုမှုလမ်းကြောင်းပေါ်မှာ အကောင်းဆုံး ဖြတ်သန်းပြီး ဒီကနေ့ခေတ်လူငယ်တွေရဲ့ ရသင့်တဲ့အခွင့်အရေးတွေကို အကောင်းဆုံးရယူကာ ကြိုးစားအားထုတ်သင့်ကြပါတယ် “ဟုဆိုသည်။ (Xinhua)

———————————
(English Version)

GLOBALink | Xi calls for blazing new path to develop China’s world-class universities

BEIJING, April 26 (Xinhua) — Chinese President Xi Jinping on Monday called for blazing a new path to build world-class universities with Chinese characteristics during a visit to Renmin University of China in Beijing. #GLOBALink

Produced by Xinhua Global Service