အမေရိကန်နိုင်ငံ အရှေ့မြောက်ပိုင်းတွင် မုန်တိုင်းများတိုက်ခတ်မှုကြောင့် လေကြောင်းခရီးစဉ် ၁,၅၀၀ ကျော် ဖျက်သိမ်း

နယူးယောက်၊ ဇူလိုင် ၁၈ ရက် (ဆင်ဟွာ)

အမေရိကန်နိုင်ငံ အရှေ့မြောက်ပိုင်း၌ သီတင်းပတ်အတွင်း မုန်တိုင်းများဝင်ရောက်တိုက်ခတ်မှုကြောင့် ဇူလိုင် ၁၆ ရက် ညနေပိုင်းအထိ နိုင်ငံအတွင်းသို့ အဝင်၊ အထွက် လေကြောင်းခရီးစဉ် ၁,၅၀၀ ကျော်ကို ဖျက်သိမ်းလိုက်ကြောင်း သိရသည်။
မုန်တိုင်းများနှင့် မိုးသည်းထန်စွာရွာသွန်းမှုများက နယူးယောက်နှင့် နယူးဂျာစီ ပြည်နယ်များရှိ လေဆိပ်များတွင် လေကြောင်းခရီးစဉ်များနှင့် မြေပြင်စီမံခန့်ခွဲမှုများကို ကြီးမားစွာ အနှောင့်အယှက်ဖြစ်စေကြောင်း ဖက်ဒရယ် လေကြောင်းစီမံခန့်ခွဲမှုဦးစီးဌာနက ပြောကြားခဲ့သည်။
နယူးဂျာစီပြည်နယ်ရှိ Newark Liberty အပြည်ပြည်ဆိုင်ရာလေဆိပ်သည် လေကြောင်းခရီးစဉ်ဖျက်သိမ်းမှု အများဆုံးဖြစ်ခဲ့ပြီး ဇူလိုင် ၁၆ ရက် ညနေပိုင်းအထိ ခရီးစဉ် ၃၆၂ ခု ပယ်ဖျက်၍ ခရီးစဉ် ၃၃၇ ခု ရွှေ့ဆိုင်းခဲ့ကြောင်း လေကြောင်းပျံသန်းမှုလမ်းကြောင်းပြကုမ္ပဏီ FlightAware အရ သိရသည်။

ထို့ပြင် နယူးယောက်မြို့ရှိ John F. Kennedy အပြည်ပြည်ဆိုင်ရာလေဆိပ်တွင်လည်း လေကြောင်းခရီးစဉ် ၃၁၈ ခုကို ပယ်ဖျက်ခဲ့ပြီး ခရီးစဉ် ၄၂၆ အား ရွှေ့ဆိုင်းခဲ့ကြောင်း သိရသည်။ ယင်းမြို့ရှိ နောက်ထပ်လေဆိပ်တစ်ခု ဖြစ်သော LaGuardia လေဆိပ်တွင်မူ ဖျက်သိမ်းလိုက်သော လေကြောင်းခရီးစဉ်အရေအတွက် ၂၇၀ အထိ ရှိခဲ့သည်။

အမေရိကန်နိုင်ငံ အရှေ့ပိုင်းမြောက်ပိုင်းတွင် ပြည်သူ ၅၆ သန်းကျော်မှာ ရေကြီးရေလျှံမှုစောင့်ကြည့်အဆင့်၌ ရှိနေပြီး မိုးသည်းထန်စွာရွာသွန်းမှုများမှာ နယူးယောက်၊ နယူးဂျာစီ၊ ပင်ဆယ်ဗေးနီးယား၊ ဒယ်လာဝဲနှင့် မေရီလန်း စသည့်ပြည်နယ်များရှိ ဒေသများတွင် ရေကြီးရေလျှံဖြစ်ခြင်းနှင့် လျှပ်စစ်ဓာတ်အားလိုင်း ပြတ်တောက်ခြင်းများ ဖြစ်ပွားလျက်ရှိကြောင်း သိရသည်။ (Xinhua)

………………………
(English Version)
Over 1,500 flights canceled as storms hit northeast U.S.
NEW YORK, July 16 (Xinhua) — Over 1,500 flights in and out of the United States have been canceled as of Sunday evening as storms battered the country’s northeast over the weekend.
Thunderstorms and heavy rain have caused massive flight disruptions and ground stops at major airports in New York and New Jersey, according to the Federal Aviation Administration.
Newark Liberty International Airport in New Jersey has experienced the most significant cancellations, with 362 flights canceled and 337 delayed as of Sunday evening, according to the flight-tracking site FlightAware.
In New York, John F. Kennedy International Airport has seen 318 canceled flights and 426 delayed flights. At LaGuardia Airport, another airport in the city, the number of canceled flights has reached 270.
In the U.S. Northeast, over 56 million people were under a flood watch, as heavy rain moved through on Sunday, causing flash flooding and power outage in parts of New York, New Jersey, Pennsylvania, Delaware and Maryland.
Photo: An American Airlines Boeing 737 Max 8 aircraft from Los Angeles lands at Washington Reagan National Airport in Washington D.C., the United States on March 13, 2019. (Xinhua/Ting Shen)