တောရိုင်းတိရစ္ဆာန်များ၊ အပင်များနှင့် ၎င်းတို့မှီတင်းနေထိုင်ကြသော ဂေဟစနစ်များကာကွယ်စောင့်ရှောက်ရေး၏ အရေးကြီးပုံကို အသိပညာပေးခြင်း မြှင့်တင်ရန် ဆောင်ရွက်လျက်ရှိ

ရန်ကုန်၊ မတ် ၆ ရက် (ဆင်ဟွာ)

မြန်မာနိုင်ငံသည် ကမ္ဘာပေါ်တွင် ဇီဝမျိုးစုံမျိုးကွဲများ ကြွယ်ဝသော နိုင်ငံများအနက် တစ်နိုင်ငံဖြစ်သည်။ တောင်တန်းများ၊ သစ်တောများ၊ မြစ်များ၊ စိမ့်မြေအရပ်များ၊ ရှည်လျားသော ကမ်းရိုးတန်းနှင့် သန္တာကျောက်တန်းများ တည်ရှိသော မြန်မာနိုင်ငံသည် တောရိုင်းတိရစ္ဆာန်များနှင့် အပင်မျိုးစိတ်အများအပြား ရှင်သန်လျက်ရှိကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာနအောက်ရှိ သစ်တောဦးစီးဌာနမှ သိရသည်။
ကမ္ဘာ့တောရိုင်းတိရစ္ဆာန်များနေ့ကို နှစ်စဉ် မတ်လ ၃ ရက်တွင် ကျင်းပလေ့ရှိပြီး တောရိုင်းတိရစ္ဆာန်များ၊ အပင်များနှင့် ၎င်းတို့မှီတင်းနေထိုင်ကြသော ဂေဟစနစ်များကာကွယ်စောင့်ရှောက်ရေး၏ အရေးကြီးပုံကို အသိပညာပေးခြင်း မြှင့်တင်ရန် ဆောင်ရွက်လျက်ရှိကြောင်း သိရသည်။ မြန်မာနိုင်ငံတွင် အပင်မျိုးစိတ် ၁၁,၈၀၀ ကျော်၊ နို့တိုက်သတ္တဝါမျိုးစိတ် ၃၆၅ မျိုး၊ ငှက်မျိုးစိတ် ၁,၁၀၀ ကျော်၊ ကုန်းနေရေနေသတ္တဝါမျိုးစိတ် ၁၂၀ ဝန်းကျင်၊ တွားသွားသတ္တဝါမျိုးစိတ် ၂၉၀ ခန့်၊ ရေချိုနှင့် ပင်လယ်ငါးမျိုးစိတ် ၁,၁၀၀ ခန့်၊ သန္တာကျောက်တန်းမျိုးစိတ် ၁၃၀ ခန့်၊ ပင်လယ်မြက်မျိုးစိတ် ၁၁ မျိုးနှင့် ပင်လယ်ရေညှိမျိုးစိတ် ၃၈ မျိုးရှိကြောင်း သစ်တောဦးစီးဌာနထံမှ သိရသည်။ မြန်မာနိုင်ငံသည် ကျား၊ ဆင်၊ ဝေလငါးနှင့် အခြားမျိုးစိတ်များ စသည့် ကမ္ဘာတစ်ဝန်း မျိုးသုဉ်းလုနီးပါးမျိုးစိတ်များစွာ နေထိုင်သည့်နေရာဖြစ်ပြီး ဇီဝမျိုးစုံမျိုးကွဲများ ထိန်းသိမ်းစောင့်ရှောက်ရေးတွင် မြန်မာနိုင်ငံ၏ ကမ္ဘာလုံးဆိုင်ရာ အရေးပါမှုကို မီးမောင်းထိုးပြလျက်ရှိကြောင်း သစ်တောဦးစီးဌာနက ဖော်ပြထားသည်။ (Xinhua)